خدمة جنرال موتورز!!!

[يـــ ع ـــــقوب]

خدمة جنرال موتورز !!!!!


منقوووول

هذا موضوع قريته في ساحة السيارات .. وحبيت يشوفه الشباب اللي سياراتهم من الجميح أو العيسى .. لأنه إن صدقت الرواية فهي خدمه رائعة جدا

..
على هالرابط ..
http://alsaha2.fares.net/sahat?128@1...6d.1@.3ba98624 (http://alsaha2.fares.net/sahat?128@115.jKE2bjukw6d.1@.3ba98624)

وهذا نص الموضوع ..

الجميع متفق على ان خدمة وكالات السيارات لدينا لا ترقى الى الخدمة المطلوبة والتي الزموا نفسهم بها .
وليس هناك جهة ضامنة لحقوق المتسهلك ، واصبحنا نبحث عن الوكالة الأقل سوءا .
وساذكر هذا الموقف الذي تعرضت له انصافا للخدمة الممتازة التي وجدتها من شركة جنرال موتورز - وهي خدمة ربما تكون معروفة للبعض لكن انا ول مرة اعرف عنها - ونتمنى ان تكون جميع الخدمات خصوصا الصيانة على المستوى الممتاز من السرعة والجودة .


خرجت تقريبا الساعة السادسة صباحا تأهبا لإيصال ابنائي للمدرسة وكانت سيارتي - يوكون - داخل البيت في الكراج وجدت احد الكفرت منبشر بدرجة قوية حتى اصبح وضع السيارة مائلا .
قلت بسيطة انا بنفسي اغير الكفر - وكانت المرة الأولى بحكم ان السيارة جديدة - حاولت انزل الكفر الإحتياطي لم استطع كررت المحاولة لكن لم اعرف الطريقة السليمة لإنزال الكفر .
وجدت رقم هاتف الطواري لجنرال موتورز من ضمن الأوراق التي استلمتها من الوكالة .
اتصلت عليهم وكان هاتف مجاني داخل السعودية تفاجـات ان مستقبل المكالمة كان في البحرين وهو خدمة عملاء جنرال .
قلتله : ياليت لو ترشدني للطريقة السليمة لإنزال الكفر .
قالي : ليه تنزلها بنفسك نرسل من ينزل الكفر ويصلح البنشر .!!!!!!
صراحة ذهلت من هذه الإجابة . رديت عليه طيب الخدمة هذي بكم ؟ توقعت انها من 200 ريال وفوق .
قالي : ابدا الخدمة مجانية .
ولازالت المفاجأت تتوالى علي؟ حسبي الله على الوكالات اصبحنا نندهش من اي خدمة يقدونها لنا !!!
المهم قلتله : طيب وش المطلوب ؟
قالي : فقط عطني رقم هيكل السيارة .
عطيته رقم الهيكل .
مباشرة الموظف ذكر اسمي ورقم جوالي لأن بياناتي مخزنة في النظام عندهم وهذا جيد ان يكون هناك قاعدة بيانات لعملاء الشركة .
قالي الموظف : انتظر فقط 5 دقائق ويتم الاتصال عليك .
وفعلا والله اقل من 5 دقائق الا اتصال من هاتف من الرياض.
مباشرة قالي المتصل - وكان سوداني الجنسية - حدد لي بيتك ؟
وصفت لهم البيت .
خلال ربع ساعة وسيارة الخدمة عند الباب !!!!!!!!!!!!!
دخل العامل البيت ونزل الكفر بالطريقة السليمة - طبعا تعلمت منه - وغير الكفر ووضع الكفر المبنشر داخل السيارة .
ثم وقعت على اوراق تأدية الخدمة كانت معه .
اتصلت مرة اخرى على البحرين لأشكرهم على خدمتهم وسألتهم ماهي الخدمات المقدمة وكم الفترة المجانية ؟
الخدمة المقدمة منهم هي : شحن بطارية - تغيير كفر - قص مفاتيح في حالى اضاعته - سحب السارة في حالة تعطلها الى اقرب وكيل جنرال في اي بلد .
الخدمة مجانية لمدة ثلاث سنوات من تاريخ شراء السيارة
والخدمة ليست مقدمة من الجميح او العيسى بل شركة خاصة بتقديم خدمات طواريء الطريق تم التعاقد معها من قبل جنرال .
ورقم الهاتف هو : 8008973779


حبيت اذكر هالموقف انصافا لهم وحتى يستفيد منه الجميع.


وتحياتي لكم

وهذا رد على الموضوع ..
انا مثلك حصلت الرقم مع سيارتي الجديده، قلت خلني اتصل اضحك عليهم!! اكيد انهم مثل ارقام شركة الاتصالات(907،902....الخ) التي تتصل عليها و لا احد يرد او اذا رد وجدت انك تعرف عن عمله اكثر من مايعرف!!، على اي حال رد علي من البحرين مثل ماقلت و سئلته عن الخدمات التي يقدمونها، فذكر ما ذكرت. فسئلته هل هذه الخدمه فقط لسيارات الغاليه فقط، قال لا هذه الخدمه لك سيارات GM في كل دول الخليج و الاردن و لبنان!!!، قلت اكيد انها فقط في المدن الكبيره مثل الرياض، قال لا بل في كل قريه و كل طريق!!! و الله يا اخي انا استغربت ان هذه الخدمه موجوده و لم يخبرونا عنها وكلاء السيارات الله ياخذهم!!.. لكن يمكن انهم لا يعرفون عنها مثل انهم لا يعرفون الفرق بين السيارات التي يبيعونها.
على اي حال خدمه عظيمه و ممتازه و من ظمنها اسعافك بالبنزين اذا انقطع بك البنزين في اي طريق!!.

[سلكي نت]

صدقني الفساد والتسحيب بالزبون موجود عندنا بعد شراء السلعة و قبل الشراء الترغيب وذكر المميزات حتى يتخيل لك انهم سيحطونك في عيونهم وان سيارتك هي الوحيدة التي سيهتمون بها والسبب عدم تفعيل لجنه حماية المستهلك او مدري وش يسمونها فقط بطاله مقننه
كلامي هذا بعد القصة التالية التي حدثت لى وذكرتها في عدة مواقع ولن اتوقف عن ذكرها حتى ارى انني اخذت حقي منهم

والله يا اخي انا لي تجربه مريره جداً مع هذا النوع من السيارات..... إليك قصتي:
قدر الله علي وشريت جمس 2005 صالون 2500 ومع اول خمس ايام صار يضهر لي في شاشة المعلومات ان هواء الكفرات ناقص وديته للوكاله (( بالبيد)) قابلني مسؤول الصيانه بفتور جداً وكانهم متصدقين علي بقيمتها واخذها بالبلوشي (( والله لون ان مسؤول الصيانه هذا مدعوس كان ديته ارخص )) الله يكفينا وياكم المصايب .. المهم اخذو السيارة وخلوها يوم عندهم وبعد تعطيل يوم كامل ردو السيارة بحجة انه تم اصلاحها .. ولكن لا تزال المشكله قائمة وكانني اعمي يعني بالعربي (( اسكت واحمد ربك انك راكب جمس)) المهم رجعت لمسؤول الصيانه واخذ يماطل ويبسط المشكله (( ايش تتوقع من فلسطيني امه سودانية )) من كثر مراجعتي لهم عرفت هذه المعلومة .... المهم اخذت السيارة اقل من 3 ايام في الصيانه وبعد ان استلمتها اكتشفت المفاجئة وهي اني لما ادخلت السيارة للصيانه كانت ماشيه 445 كيلو فقط (( لا زالت تحت التمرين )) ولما استلمتها منهم اكتشفت انها ماشيه 963 كيلو خلال فتره بقاءها عندهم ... من استخدم السيارة في مصالحه الشخصيه خلال فترة بقاءها في الصيانه (لم اجد اجابه لهاذا السؤال بعد ؟؟) اكيد جلد مو جلدك جره على الشوك يعني تمرين السيارة راح .... (( اخذت امرنها مشاوير صغيره خلال 12 يوم ويجي واحد يخرب عليك التمرين خلال 3 ايام والله شي يقهر )) والامر الثاني اللي قهرني وجود سدادات البلوف تبع الكفارات على الطبلون يعني ما كلفو انفسهم حتى باعادة ربطها ... اما الطامه الكبرى فهي اتساخ فرشة الدعاسات تبع السائق بالكامل بالزيوت وايضاً اطراف البودي .. هذا عدى سرقة اشرطة و استخدام دهن العود خاصتي وجعلها استراحه للعمال بتشغيل المكيف والجلوس بها لشدة الحرارة ( عرفتها بالمصادفة لوجود علب ببسي وسجائر في الفرشه الخلفية مع اني موصي غسالي ينضفها قبل ادخلها الصيانة ) المهم اخذت السيارة كم يوم كأنها صالحه ولكن وبعد عدة ايام من اخراجها للمرة الثانية عادت المشكله وعدت للورشة ورفض مسؤول الصيانه ادخالي مكتبة بسبب كثرت مراجعاتي المهم دخلت بالقوة (( مصدق حاله ... مكتب عاجي ... الناس تتبع اسلوب المكاتب المفتوحة وهو لازال متقوقع على نفسه)) االمهم كشفو على السيارة للمرة الثالثة وطلبو ادخالها للصيانة ورفضت إلا بشرط اخباري بالمشكله يعني ما راح ادخلها من دون سبب وهم جاهلين به .... ما شفت عندهم حل اتصلت على المركز الرئيسي في جدة ما وجدت تجاوب ((ياليتني اخذها اقساط .. والله كان خدموني احسن)) المهم اتصلت على خدمة العملاء في دبي و كاني وجدت تجاوب .. قالو راح نهتم ولا تشيل هم ... وكان المشكله راح تحل ...لكن طلع ما عندهم سالفه .... المهم شديت الرحال الى جدة ودخلت الفرع الرئيسي وسويت رجة وقفلت مدخل الصيانه بسيارتي وطلبت الشرطة والمطافي .... يعني سويت زحمة ..... ادخلوها الصيانه بعد حضور مدير المركز الرئيسي .... وحلت المشكله وهي بسبب حساس الهواء وانا والله العظيم قلت اول ما ادخلتها الصيانه لهم لكن الظاهر لان قيمته 950 ريال قالو نمرمطه شوي يمكن يطفش او انهم صارفينه من الصيانه للسيارة وبايعينه خارج الصيانه لحسابهم الخاص .....
هذه قصتي مع تلك الشركة .... ولللاسف كثير نصحوني اني ما اشري من بالبيد واروح التوكيلات او الجميح لكن قدر الله والحمد الله .................
اسف على الاطاله

[أبو ياسر]

الله يجزاك خير اخوي على التنبيه ....

والله اني محتار ما ادري اشتري سياره من الـ g m c او لا

ناس يرغبونا بالسيارة وناس يكرهوننا فيها

شاكر لكم حرصكم على الأفادة ....

[بدوي متحضر]

والله انها وكاله رايحه بالرحلة لعبوا فيني حسبي الله عليهم

[يـــ ع ـــــقوب]

أشكر للأخوان مرورهم.. وماتم ذكره انما هو كان منقول وليس رأيي الشخصي, لكن حبيت أشوف رأيكم في هالخدمه اللي شكلها ضحك على الذقون والله أعلم.
سلكي نت : أشكرك على التوضيح ... ولاارآك الله ماتكره. وبالنسبه لوكالة GMC أقول:
"عماد الدين .....من أخيه"
ابو ياسر: في رأيي المتواضع , خلك من الأمريكي كله وشف الياباني مثل تويوتا أو نيسان ولو أني ما أقتنع الا بالتويوتا لكن الوكيل -هداه الله- مشعلل اسعار سياراتهم فوق.
بدوي متحضر: لايضيع حق ورأه مطالب....
أشكر للجميع حضورهم ومرورهم..

[سعد الدين]

الله يجزاك بالخير على هذا الخبر


والله حتى سياراتهم رووعة بالاخص اليوكن الجديد

[القويعي]

ما اقول الا الله يهديهم