ابي شوركم يالمكشاتية بين لاند استاندر ،، فتك صالون

[Al-7aily]

السلام عليكم ورحمة الله وبركاته

مساكم الله بالخير

مثل ماهو موضح بالموضوع شوركم بين لاند جي مكيف ونص
ولا فتك مكيفين دفلك

انا الصراحة كنت اميل للفتك لكن فيه ناس اشاروا علي بالجي

قلت نسأل اهل الخبرة و نشاور والله يكتب اللي فيه الخير

[ابو ساره العنقري]

فيه مقارنات واجد بالمنتدى

باختصرها لك

ماراح تطلع بنتيجه

لان كلن راح ينصحك بالشركه الي متعصب لها حتى لو ماجرب السياره

[التعـ King ـديل]

من واقع تجربه مريره مع هدد 13 فل ونش ودفلك ماينفع بريال

اما الفتك طير شلوى موتر تحطه على يمناك

[Al-7aily]

الله يعطيكم العافية لكن نبي نشوف اراء الاعضاء ما نستغني عنهم بعد الله

[بندر ابوفهد]

بعطيك تجربتي النيسان موتر كفو وطير شلوى بس فيه شوية عيوب القربعه وصيانته شوي واجد وهي حسب رجلك على الموتر قبل شهر شريت جي استاندر 2001 موتر كفو ويبيض الوجه ميزته انس القربعه وصيانته مابين شي للحين معي الحمدلله بس الدبل ماااش معجبني مامثل النيسان يكفيك دفرنس قدام اما الجي عكوس هذي تجربتي للموترين واذا تبي رايي اخذ فتك ولاتشاور وسلامتك

[XRAY MAN]

الجي شريته وكاله وعز الله تحسفت وتندمت والله المستعان وبعته مامشى 14 الف موتر عزمه بارد حيل حيل ثقيل طينه

تبي نصيحتي إبعد عنه وفكر بالباترول السفاري

وقبل ذي وذيك إستخر رب العالمين

[هشام القصيم]

انا لو عن نفسي فتك بدون ما أشاور
لكن نصيحتي جرب السيارتين كلهن خذ من ربعك و لا استأجر وشف اللي ترتاحله نفسك
الجي ثقيل طينه و عكوس
الفتك خفيف ومكينه جباره و دفرنس
استخر و توكل على الله

[حسين السبيعي]

انا ماجربة اي من السيارتين ولكن ارشح لك النيسان عدة اسباب 1 انه دفرنس امامي2 الدبل فيه معروف اقوي من الجي3 توانك البنزين 2 ؟؟ 4 يوجد فيه 2 مكيف عكس التايوتا مكيف ونص 5 احس النيسان اشيك من الجي ؟؟؟هذا ماعندي واسئل الله لك التوفيق ولا تنسئ الستخاره

[Al-7aily]

الله يجزاكم خير ما قصرتوا

الله يكتب ما فيه الخير

[Al-7aily]

بعطيك تجربتي النيسان موتر كفو وطير شلوى بس فيه شوية عيوب القربعه وصيانته شوي واجد وهي حسب رجلك على الموتر قبل شهر شريت جي استاندر 2001 موتر كفو ويبيض الوجه ميزته انس القربعه وصيانته مابين شي للحين معي الحمدلله بس الدبل ماااش معجبني مامثل النيسان يكفيك دفرنس قدام اما الجي عكوس هذي تجربتي للموترين واذا تبي رايي اخذ فتك ولاتشاور وسلامتك



الله يعطيك العافية على التعليق ،، لكن عندي سؤال : الباترول اللي كان معك كم موديله ؟ شاريه جديد ؟

[بندر ابوفهد]

جربت 91 موتر حكومي مخزن ماشي 200 الف ثلاث سنوات ماطلب الاقطع استهلاكيه بحكم موديله وبعته 30 الف الله يرزق راعيه

جربت 99 ربع ماشي 500 الف الموتر مافيه كلام موضب قطع اصلي بدي وداخليه وكاله استخدمته 6 شهور بعته 28 الف الله يرزق راعيه

جربت 90 موتر حكومه ممشاه 300 الف بدي وداخليه شيخ استخدمته سنه بعته 28 الف الله يرزق راعيه

وآخر موتر فتك موديل 2006 ماشي 200 الف موتر فرق عن الاولات موتر عزم وقوه احسن من القديمات وبعته بحكم دوره خارج المملكه

وبعده شريت جي ستاندر قزاز هندل2001 موتر كفو ينشدبه الظهر انس القربعه والصيانه للحين مابين شي معي الحمدلله بس الدبل عكوس هذا عيبه وهذا تجربتي للنياسين حبيت اطرحها لك كامله واعذرني على كثرت الكلام

[MماونشيM]

جي ستاندر تويوتا بطران عزم ومتماسك

وأفضل من الفتك بكثير عزم وصرف واتمنى انك تجرب الجي

[فتك واحد]

الفتك اكيد انشط ومواصفات اكثر واهم شي الاستخاره

[وحيد الجلاوي]

بحكم تجربتي للفتك والهدد
الفتك موتركفو بالنفود والخط عزالله مايخيب ضنك وعليه دبل ماشاء الله
الهدد في الخط حلو ولا فيه قربعه مثل النيسان اما دبله ضعيف شوي مو مثل الفتك