المساعد الشخصي الرقمي

مشاهدة النسخة كاملة : طالبكم تدخلون وتردون ضروري جدا


افلاجي مميز
22/12/2006, 02:52 PM
السلام عليكم ورحمه الله وبركاته

كيف حالكم يا شباب ان شاء الله طيبين

عندي استفسار وسؤال

انا ان شاء الله بطلع البر بعد العيد وبعض الشباب ومحتارين وين نكشت فيه

اذا احد يعرف مكان ظهر فيه العشب الحين وحوله ماء جاري

اهم شي ما يكون بعيد عن الخط

ومهوب شرط فيه ماء

اهم شي العشب ويكون قريب من الرياض من 100 /200 كم
أبورهف
22/12/2006, 03:42 PM
خريم حلوة بالمرة وقريبة من السفلت
غالي
22/12/2006, 04:25 PM
عندك مثل ماتفضل اخونا خريم
وعندك تنهات
واذا تبي شعيب عندك الشوكي بس انتبه تالي الليل الظاهر فيه ذيابه
واذا تبي جنوب الرياض عندك شعيب ضرما
واذا تبي رمل عندك الثمامه اخرها
وعندك حفيرة نساح
وعندك كذلك الطوقي
الخ الخ
فهد1415
22/12/2006, 06:11 PM
شعيب محارق..وسوف تدعي لي..

خريم رائعة ولكنها زحمة..جدا..لأنها قريبة..

طبعا محارق يبعد حول 150 ..كلم...

اذا تبي وصفه فهو تروح له مع طريق الصمان من الثمامة..وسوف تلاقي لوحة بعد دوار الحفنة..بحوالي..عشرة كلم..مكتوب عليها الطيري واتجاهها ..يسار ..رح مع الخط الايسر..حتى توصل الهجرة..وخذ من وسط البيوت..يمين..مع المسار الممهد..حتى تقطع شعيب الطيري..وخلك متجه غرب..بالضبط بتلاقي شعيب زين ولكن..بعدما تقص الشعيب من النص..وتتجه غرب مسافة قصيرة وانت في شعيب محارق..(افضل شعيب من وجهة نظري)...اتجه يسار وعين ما تشوف الا الخضار والعافية...
أكيف بمزاجي
22/12/2006, 06:21 PM
شعيب الارطاوي
المشراق
22/12/2006, 06:23 PM
إذا تبي قريب وفيه ماء رح لصلبوخ 60 كم والخط قريب والجوال شغال وبطحاء ( الشعيب الأيمن أحسن طبعاًبعد القرية 0
افلاجي مميز
22/12/2006, 07:49 PM
ماقصرتوا يا شباب بس المناطق اللي ذكرتوها ظهر فيها العشب ولا توه
المشراق
22/12/2006, 08:25 PM
العشب في بدايته واللي تحت الشجر تقدر تشوفه وتعرفه 0
النصوح
23/12/2006, 01:05 AM
عندك شعبان الخويشات شمال شقرا ربيعها ظهر من شهر 00وسمها طيب 0
افلاجي مميز
23/12/2006, 09:58 PM
ما قصرتوا يا شباب
ابغى وصف للشوكي
الدبوس
23/12/2006, 10:12 PM
http://www.mekshat.com/vb/images/avatars/08.gif (http://www.mekshat.com/vb/member.php?u=18322)غالي (http://www.mekshat.com/vb/member.php?u=18322) http://www.mekshat.com/vb/images/statusicon/user_offline.gif vbmenu_register("postmenu_616525", true);
عضو مكشاتي


أما ضرماء جنوب الرياض . . عز الله لفيت رأس الرجال . . أعتقد يالغالي أنك تقصد شمال غرب الرياض (شعيب الحيسية) ولا تنسى (الحوّر - العويند - شمس الشميسة -الأصيقاعات) قريبة من محطة أرامكو طريق ضرماء - مرات ، يعني من ضرماء (40كلم) تقريباً كحد أقصى يعني (80 -100) كلم من الرياض .
مكشات 2007
23/12/2006, 10:31 PM
يالله انك توفقهم شوفوا حباني عليكم بالصمان بس معكم جي بي اس 276 وفيه احدث الخرائط من دار موجه علشان يدلك على الفياض الي تشرح القلب افرق قبل الرفيعه بعشرين كيلوا واتجه شمال وشف هالفياض لمسافة 80 كيلو لين تطلع على خط المجمعة حفر الباطن بس ترى العشب توه بس بعض الفياض مخضره وتدفوا ترى برد وخذو حطب مافيه هناك حطب الى رمث كان الي معك نشامى وتحطبون رمث الله على ريحة ضوه وشاهييه ما تمل منه الله يوفقكم
راعي طويق
23/12/2006, 10:36 PM
شعيب الشمس طيب بالحيل للمكشات
وقريب من الخط والرياض وضرماء والبرة يعني متوسط
دار الهوى
23/12/2006, 10:49 PM
السلام عليكم ورحمة اللة وبركات
المكان طريق الحجاز القديم بعد مفرق البرو تقريباً 10ك تشوف علي يمنك بداية نفود انزل نت علي الخط وخل النفود علي يمنك وتشوف الروضة تحت النفود
اسم المكان طريف الحبل روضة تحت النفود وتمتاز المنطقة بقربها ويضاً نظافة المكان والنفود وفي طريق بري يطلعك على ثادق
دار الهوى
23/12/2006, 10:52 PM
علي فكرة الشمش والشميسة فعلاً مكان جميل جداً ويحظ اهل مرات بة والنفود القريب لها
الحسيان
23/12/2006, 11:19 PM
حياك الله ياخوي بشعيب حريملاء في الياطة (أبو خشبه) الربيع فيه جيد

90كم عن الرياض وعن المزفلت أقل من كيلوين وقريبه من الديره إذا بغيت تدخل تقضى
أبو المثنى
23/12/2006, 11:24 PM
عليك بشعيب محارق

والتنهات يقولون مربعة
الدمعاني
23/12/2006, 11:33 PM
ونا ادلك اخوي على اماكن الكشتات الرائعة عندنا في الافلاج خاصة غرب البديع الدخول حيث الاشجار الضخمه والرمال النظيفه والعشب بدا في الظهور الى جانب اودية الهدار والاحمر والغيل وحراضه والغلغل وشطاب تمتع اخوي بالتخييم فيها والخير قادم انشاء الله وابشر بالوناسه في افلاجك يا افلاجي
افلاجي مميز
24/12/2006, 06:55 PM
مشكورين يا شباب ابغى وصف للشوكي
فهد15
24/12/2006, 09:22 PM
اقرب حديقه في الرياض
أبو محمد 2007
24/12/2006, 10:13 PM
يزين النوم في هذه الايام ويقولون حديقت المنفوحه في الرياض
افلاجي مميز
24/12/2006, 10:45 PM
اقول خل الحدايق لاهلها

انا حقين بر مو حدائق