مشاهدة النسخة كاملة : شاص غمارتين
الذاهب
24/02/2015, 09:03 AM
السلام عليكم ورحمة الله وبركاته
يا شباب من جرب الشاص التويوتا الغمارتين
هل قومته خفيفه او ثقيله؟
قطع الغيار هل نفس الغماره
هل يجي منه انواع وموصفات
لأني احتاجه في سحب المقطورات وتناسبني الغمارتين ولا اهتم بالشكل إطلاقا ووكالته قريبه مني. صحيح السلفرادو والسييرا والرابتر اجمل وأوسع لكن لا توجد حولي وكالات أو قطع غيار
اتمنا التفاعل من المجربين وشكرا لكم
ابن عكاش
24/02/2015, 01:57 PM
وعليكم السلام ورحمة الله وبركاتة
والله ماجربت الغمارتين لكن اكيد بيكون اثقل من الغمارة لكن يبقى انه نفس الغمارة في كل شي ماعدا الغمارتين سمعت انه غير مرغوب خصوصا المستعمل ينزل سعره لذلك خذ مستعمل اخو الجديد طايح بسعره وجرب بنفسك
بالتوفيق يالغالي
dhoomi
24/02/2015, 04:22 PM
الغمارتين ممتاز ولاعليه غبار من ناحية الأستخدام واريح وارسى من الغماره واذا الشكل مايهمك توكل على الله
فهو يفي بالغرض وقطع الغيار متوفر بقوه ....
والسحب هل هو بالرمل او بالطرق العاديه ... ؟
واشوف بعض الشركات الآن صارت تستخدمه اذكر حقين الكهرب اعملوا حفريات عندنا ومواترهم شيصان غمارتين 2013
لانه صبور مع هالعمال ومايخرب
الأنواع يجي فئتين
1 / جنوط كروم وكفر عريض مع رفارف (الظاهر يجي خليجي فقط وارد الامارات الفطيم )
2 / جنوط شنبر اللي يسمى " سلق " وبدون تنفيخ بالرفارف وهذا اللي دارج عند كل الوكلاء غالبا
وتعليقه الخلفي 8 ريش فقط لكلا الفئتين بعكس الغماره يجي 11 ريشه و 8 ريش
والفئتين تجي فل كامل ونش ودفلك ..او نص فل بدون ونش وبدون دفلك
http://up.1sw1r.com/upfiles2/ndm84038.jpg
http://up.1sw1r.com/upfiles2/q9k84038.jpg
الذاهب
24/02/2015, 11:08 PM
سلمت يابن عكاش ونصيحتك في مكانها
سلمت يادحومي نعم مايهمني الشكل ابدا والسحب ليس في البر بل بالطرق العاديه
استمتعت بالصور كثير شكرا لك واستفدت مما ذكرت من انواع
ننتظر المجربين المالكين لهذا النوع
الذاهب
25/02/2015, 08:49 PM
وين ملاك الغمارتين
السلام عليكم
اكلمك من تجربه عندي شاص 2009
وخذت من 3 شهور شاص غمارتين والصراحه مرتاح منه لأخر درجه ولله الحمد وسافرت عليه من ابوظبي الي تبوك وتمشنا فيه في كل مكان والحمدلله مافيه الأالعافيه
اريح من الغماره لانه الغماره الثانيه عطته رساوه
خذ كلام المجربين
المبروك في وادي الديسه
http://www.mekshat.com/pix/upload05/images253/mk11661_555.jpg
الاطار
26/02/2015, 10:00 AM
انا من ملاك الغمارتين ,,,,,,,ماشا الله كل يوم يزيد حبي له ,,,,,,والقطع نفس الغماره .....والرساوه افضل ....بغيت اخذ هايلكس دبل والحمدلله انجاني الله ......
وليد الرازي
27/02/2015, 05:08 AM
على ما اعتقد انه تانكي واحد
الذاهب
27/02/2015, 11:38 PM
اشكرك يا s3ed
الله يبارك لك في موترك وكيفك الشر شجعتني بقووه اقدم عليه شكرا لك
وشكرا لك الاطار
انا فكرت مثلك في الهايلكس الدبل لكن لن تصبر زي الشاص في مسألة المقطورات الله يباركلك في حلالك
تسلم يا وليد الرازي
معلومه مهمه لابد نبحث عنها
على ما اعتقد انه تانكي واحد
نعم خزان واحد بسعه خزانين اعتفد 120 لتر او اكثر
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir