بخصوص البطاريه الاضافيه .. ارجو المشاركه للفايده لي وللجميع [الأرشيف]

مشاهدة النسخة كاملة : بخصوص البطاريه الاضافيه .. ارجو المشاركه للفايده لي وللجميع

بحر6

11/02/2015, 04:13 PM

السلام عليكم ورحمة الله وبركاته..

عندي شاص تويوتا الجديد

وابي اركب له بطاريه اضافيه

السؤال /

وش القطع اللي اركبها وانواعها وجودتها ؟؟

1/نوع البطاريه وكم انبير .
2/نوع المحول وحجمه .
3/كم ملي الاسلاك .
4/وش التمديدات اللي اركب ؟

علما ان الاغراض اللي حاط البطاريه عشانها
ثلاجه ،ولمبات ليد ،وجهاز كنود ،وبعض الافياش

و وش تقترحون علي اضيف بعد ؟

وشكرا للجميع ..

ريان2002

11/02/2015, 07:21 PM

وعليكم السلام ورحمة الله وبركاته
أنا ماسبق وركبت بطاريه إضافيه وأهل الخبره ماهم مقصرين إن شاء الله ولكن حبيت أذكر بعض الأمور للفائده
البطاريات كجوده وتجربه عندك الهانكوك وكيلها بن شيهون والروكت وال FB وكيلها باقادر
المقاس من الستين أمبير وحولها أتوقع إنه كافي

محول الكهرباء على ضوء ماذكرت من أشياء بتحطها في السياره فإنت ما تحتاجه والحمد لله الآن أغلب الأشياء اللي كانت تشتغل على كهرب ٢٢٠ صار متوفر منها اللي يشتغل على ١٢ فولت

الأفياش وأماكن اللمبات وأنواعها أحرص على اللي إنت مقتنع فيه وتعرف جودته وركبه لأن البعض يركب من اللي موجود بالورشه وركب الشيء محل ما إنت تبغاه ماهو محل ماجرت العاده يتركب
بمعنى إذا ماكنت تحتاج لمبات داخل الكبوت فلا تركبها علشان كل الناس مركبينها

بالنسبه للأسلاك ونوعها بأمكانك تبحث في الموضوع المثبت في الأعلى حق الموضوعات المميزه وبتلقى موضوعات فيها إجابه لكل اللي سألت عنه

وسلامتك

بحر6

12/02/2015, 01:35 AM

بيض الله وجهك و ماقصرت

ابو حسان الجنوبي

12/02/2015, 08:42 AM

ابفيدك بإذن الله بالمختصر ومن دون أحد يضحك عليك

البطارية الإضافية تستطيع انت تركيبها بنفسك وبكل سهولة

المطلوب
بطارية 80A كوري وابتعد عن الهانكوك في حد علمي ماهي اصلي أصلي
منظم رفيق الدرب بين البطاريتين وسعره حول 290 ريال بكامل اسلاك ومساميرة
علبة فيوزات من رفيق الدرب تشبكها من البطارية الثانية وتخلي شغلك كله عليها
قاعدة للبطارية الثانية من التشليح أو رفيق الدرب أو تفصبها عند اقرب حداد ماتكلفك 60 ريال

واشتغلها بكل رواق

الشغله والله أبسط مما تتخيل وبدون أي تعقيدات

awadh8874

12/02/2015, 09:12 AM

والله عن نفسي ركبتها عند المنديل وبصراحة شغل نظيف وضمان وتريح راسك وناس اهل شغله

يركبون لك البطارية واللمبات و ولاعة اضافية لو حاب ومحول وافياش 220

نصيحتي لك ياخوك تروح لهالمحل وتريح راسك ..

الا اذا ناوي تشتغلها بيدك فهذا شيء ثاني والله يقويك ويعينك

بحر6

12/02/2015, 10:26 AM

بيض الله وجيهكم

لا انا بشتغلها في محل

كم بيكلف تقريبا عند المنديل

رحال الصحراء

12/02/2015, 11:49 AM

بسم الله الرحمن الرحيم
السلام عليكم
1./نوع البطاريه وكم انبير ؟
الافضل اوبتما اوFBحجم 80امبير او100امبير اذابتركب ثلاجه
2/نوع المحول وحجمه ؟
محول ويكو حسب حاجتك للكهرب وانصح ب600واط كافيه واذا كبر الحول بيفضي البطاريه
3/كم ملي الاسلاك ؟
بين البطاريه والاضافيه 10 ملي سلك ناعم نوع الترا ولاتنسى المنضم منضم رفيق الدرب اودقمه فورد اصلي.
4/وش التمديدات اللي اركب ؟
حسب حاجتك لان كثرة الاسلاك تضعف الكهرب ولاتنسى تغلف الاسلاك كلها بجرجور خاص للاسلاك

بحر6

12/02/2015, 07:43 PM

بيض الله وجهك يارحال الصحراء
اجابه كامله والكامل وجه الله

شاكر لك على مرورك

awn050

13/02/2015, 04:19 PM

من فوائد البطاريه الاضافيه
كنت عند راعي اباعر وكانت الصندقه مشبكه من الي علي الطاقه الشمسيه سهرنا عنده باليل علي الساعه تسع دق جرس التحذير حق خلايا الشمسيه يبين انها تبي تفضي قال قرب موترك شبك التوصيله بالسياره علي البطاريه الاضافيه وجلسنا شغال كل شي عليها لمبات وتلفاز ودش الين الساعه ٢ باليل بس لاحظت شي ان شواحن الجوالات معاد تشحن بالصندقه ولا اي مشكله
نوع بطاريتي اوبتيما ١٢٠ انبير

awadh8874

15/02/2015, 01:07 PM

اشتغلت موتري عند المنديل
كلفني 1900
الإضافات
بطارية إضافية .. لمبتين كبوت .. لمتبين حوض جانبيه وخلفيه .. ولاعة إضافية
محول كهربا 600 واط وفيششين 220 .. وتسليك ايكون واريل . . مع قاعدته ..

وطبعا كل هالشغل على البطارية الإضافية .. البطارية الاساسيه خارج الموضوع نهائيا ..