المساعد الشخصي الرقمي

مشاهدة النسخة كاملة : زيت وفلتر الجيب قير تماتيك


أبو براك 511
22/01/2015, 06:35 PM
السلام عليكم ورحمة الله وبركاته

مساكم الله بالخير

عندي إستفسار عن زيت وفلتر الجيب قير تماتيك
متى يتم تغييره بعد كم كيلو ؟؟
والأفضل أغيره بالوكاله أو في البنشر ؟؟


وموتري هو جيب VXR 2005


ولكم تحياتي
الدوسري2010
22/01/2015, 06:40 PM
عليكم السلام انا اباتكلم عن وضعي انا اغيره كل ٧٠٠٠ كم والزيت تويوتا اللي في علب حديد اغيره في البنشر اما الفلتر فكل مرتين زيت الثالثه اغيره مع الفلتر
أبو براك 511
22/01/2015, 06:48 PM
عليكم السلام انا اباتكلم عن وضعي انا اغيره كل 7000 كم والزيت تويوتا اللي في علب حديد اغيره في البنشر اما الفلتر فكل مرتين زيت الثالثه اغيره مع الفلتر


أنا أقصد زيت القير التماتيك وليس زيت المكينة
MSAN
22/01/2015, 07:26 PM
هلا بك.. أنا في كل سياراتي أغيره كل أربعين الف كيلو مع الفلتر أصلي ووجه كارتير جديد

نصيحه لاتمشي عليه أكثر من ستين ألف كيلو

الأفضل طبعا تغييره في ورشة متخصصة.. لأن لون الزيت ورائحته ووجود رايش فيه مؤشر قوي على صحة القير

اذا الزيت فيه رايش أو مشيت عليه أكثر من مية وعشرين ألف مثلا وكان مليان رايش (برادة) فـ راعي الورشة العارف شغله ماراح يغيره لك وراح يرجعه نفسه.. لأنه لو الزيت فيه رايش (برادة حديد) وغيرته راح يخبط القير لا سمح الله..



بالتوفيق
الدوسري2010
22/01/2015, 07:46 PM
أنا أقصد زيت القير التماتيك وليس زيت المكينة

هههههههههه اسف ياخوي اخطأت الفهم مع هالبرد الواحد يجيم مخه شوي اما زيت القير فغيرته حول 80000 مع القازقيت وشكراً
يالبى الهلا
22/01/2015, 08:39 PM
من واقع تجررررربة ابعد عن زيوت تويوتا ومشتقاتها خاصة زيت القير ماينفع بررررريال غليك بالزيوت اﻻمريكية دركسون خفيفة وعملية dexron اﻻصلي العلبة 25ريال
شريته وغيرته مع الفلتر والله الحمد لله ماشاء الله صار فيه فرق في نعومة التغيير وسلاسته والله تغير تغير واضح
ابو وليد2200
26/01/2015, 07:57 AM
عليكم السلام
اخوي MSAN كفى ووفى
ateeq7
26/01/2015, 11:26 AM
يعتمد على كم ماشيه سيارتك حيث موجود في كتيب السيارة تعليمات الصيانه وتغير الزيوت الذي داخل الدرج حيث مرة سالة الوكاله قالولي الفلتر الجديد عمرة الافتراضي في حدود 120 الف كم وتعليمات الكتيب تقول تغير زيت الجير التماتيك 40 الف كم و انا شوري لك غير فلتر وزيت مره وبعد 50 الف غير زيت فقط يعني كل 100 الف غير فلتر ولو تلاحظ كثير من زيوت السيارة مثل الدفرينشن و الدبل و القير متقاربه متوسط 50 الف كم
أبو براك 511
27/01/2015, 11:08 AM
شكراً لكم جميعاً

أنا موتري ماشي ٨٩ ألف
وغيرت زيت وفلتر ووجه
طبعاً كلها أصلي