فكرة بسيطة لدافور قوي جدا

[عادل زيد]

تاخذ راس الدافور او الموقد الى اقرب مخرطة وخلهم يوسعون مدخل الغاز . رايح تحصل نار قوية جداء تسوي الشاهي دقيقتين فقط .بدل ماتشري المواقد الغالية فكرة مجربة

[ابوعلي العجمي]

طيب صور للي توسع

[تزبطي]

وشهوله مخرطه
ركب مامه اكبر رقم من الموجود
وخلاص

وبعدبن وش معجلكم ترا النار القويه
زياده ماتصلح اتوقع لها اضرار
شكرا

[عادل زيد]

ميحتاج صور شف مجرى الغاز تلقاة صغير كبرة شوي وخلاص واهم شي السلامة خصوص قدور الضغط لاتحتاج الى نار قوية جدا مع ملاحضة مخرج الامان لو طلع هواء معه لابد تخفيف النار فوراء

[شايم الخمشي]

بس كيف وضع الأمان

[راعي المقانيص]

نصيحه محب لك في الله انت والاخوان

الغاز والامور هذي لاتحاول تلعب او تتعبث فيها وانا اخوك نهائيا خل الشاهي والاكل يطبخ عشر ساعات والا عشرين ساعه واشتري سلامتي وسلامة من معي والا اطبخه في دقيقتين واجني على نفسي وعلى من معي

[عبدالرحمن305]

اولا النار القويه ينتج عنها طبقه بيضاء من داخل الاواني اكسدة الاواني غير صحيه
ثانيا النار القويه تعمل طبقة سواد من الخارج على الاواني تخرب الاواني
ثالثا النار القويه تهدر الغار يخلص عليك الغاز بسرعه
رابعا النار القويه احتمال اللي مايناسب تدفق وسرعة خروج الغاز
فينفجر لا سمح الله صارت معي واحترقت الخيمه كليا
خامسا النار القويه لا تعمل على احتراق الغاز كليا فيصدر ريحه غاز تخنق
سادسا النار القويه خطره على سلامتك وسلامة الاخرين

[safeere]

اولا النار القويه ينتج عنها طبقه بيضاء من داخل الاواني اكسدة الاواني غير صحيه
ثانيا النار القويه تعمل طبقة سواد من الخارج على الاواني تخرب الاواني
ثالثا النار القويه تهدر الغار يخلص عليك الغاز بسرعه
رابعا النار القويه احتمال اللي مايناسب تدفق وسرعة خروج الغاز
فينفجر لا سمح الله صارت معي واحترقت الخيمه كليا
خامسا النار القويه لا تعمل على احتراق الغاز كليا فيصدر ريحه غاز تخنق
سادسا النار القويه خطره على سلامتك وسلامة الاخرين

جزاك الله خير
معلومات مهمة جدا

[عناز الحره]

يعطيك.العافيه

[راعي الوايت]

سحب زايد للغاز ونفاذه بسرعه

[اصيل نجد]

كل شي اخوي الا الغاز لاتحورف فيه ترى له مشاكل مايعلم بها الا الله فنصيحه وانا اخوك خله شد بلد وديرته ادرى بوزنيته ربي يحفظك ويحفظ المسلمين . كذلك رد الاخوان اشوف انه مقنع . دربك السلامه

[أبو شيري]

خل راس الدافور على طمام المرحوم
وخل الشاهي يخلص بعد خمس دقايق او عشر دقايق
الدنيا ما هي طايره
حلاة الجلسه ركادة ومخمخه على البراد الخادر والمنعنع

[ابوعمر الشمري]

مشكلتنا حنا العرب نبي نخلص أمورنا بسرعته والي يشوفنا يقلون مستعجلين ع ابتكار اشياء او صناعة صواريخ وطائرة خله يخلص بعد ربع ساعه ولا ينفجر بك راس الدافور لا سمح الله

[بحيرية]

السلام عليكم يااخي فيه قطعه نحاسيه تباع وصله بين الدبه والراس عند السنيدي مقويه تكون مثل التيربو تزيد قوة النار وعمليه وآمنه

[رعد الصيف]

السرعه مب مطلوبة اهم شئ السلامه والاقتصاد في الصرف وسلامه أدوات الطبخ

[ابوهايلكس]

فكرة منتازة بس بيخلص الغاز بسرعه وتحترق الاباريق ويطيش الشاهي مناب شاربين شي وبعدين وش مطير الواحد يصلح شاهي بدقيقتين خله عشرة دقايق ولا ربع ساعه سوى على دافور او حطب ولا حنا في عصر السرعه البر فله ورواقه وسعه صدر الواحد ينحاش من الديرة من ضيقه صدر وزحمات وغثى يطلع البر كل شي بسرعه بسرعه على هونك يالواحد وسع صدرك

[الفريح1]

هههههههههه شكل الرجال الحين يصلح شاهيه على حطب روعتوه

[ابو البر]

ايه ايه
عجل عجل