غيرت زيت القير والدفرنس طلعت لي مشكلة !

[بوعلي التميمي]

السلام عليكم .. معي برادو 2010 خليجي قبل كم يوم غيرت زيوت القير والدفرنس وصوف الدبل في الوكالة وأحس (أحيانا) بعد ما غيرتهم أن السيارة فيها مثل الرجفة إذا هديت وقبل توقف السيارة بشكل كامل وأحيانا إذا قومت الموتر وأنا مهدي !!

وش المشكلة في ظنكم ؟؟
والحل ؟؟

[1824]

شيك زيت القير لا يون ناقص

[الشواوي]

مادري ليش تغير زيت الدفرنس انا كان معي 2008 جلس معي ست سنوات بعته وانا ماغيرته

[1824]

زيت الدفرنس الجي ام الي هو الجمس والشفر الوحيد بين السيارات صلاحيته 500 الف كيلو وبعدها يتغير باقي السيارات اغلبها على 100 الف او 80 الف او 150 الف تغيره صحيح الرجال مافيه شيء ولاكن والله اعلم السالفة من زيت القير يا نوعه غلط الي حطة لازم العلبة الفضية او انه ناقص الزيت افتح الكتلوج واقراء طريقة فحص زيت القير الصحيحة اغلب السيارات تخلي السيارة تسخن بالكامل ما يقل عن ربع ساعة وبعدها تعشق النمر كلها وكل نمرة 3 ثواني الى ان ترجع لل P وبعدها تشيك العيارة طبعا بمكان مستوي تماما وتشوف اذا هو ناقص ولا لا بالتوفيق لك

[الوقيدي]

المشكله من تغيير صوفه الدبل لما غيرتها ممكن صاموله رأس عمود الدبل لم تشد جيدا أو قلب اتجاه فلنجه عمود الدبل .

[الاشهب 507]

وانا مثلك
ابس غيرت زيت القير بس
سحبت منه 1 لتر وعبيت 1لتر
جديد وبعده بدت عندي نفس مشكلتك
فيه رجه خفيف قبل توقف السياره
بلكامل بس تجي وتروج ماهي دايم
يعني تجين مرتين او ثلاث في المشوار الواحد
مدري وش السر أنا تقدر تكول ندمة شويه على تغيره
الأشهب 507

[م ح م د 17]

المفروض زيت الدفرنس ماتقربه .. فيه سيارات لها 13 سنه مايعرفون شيئ اسمه زيت دفرنس .. وماشيه امورهم

[alwali]

انا عن تجربه عندي وانيت موديل ٢٠١١
دخلته الوكاله تشييك كان ماشي ٩٥ الف
قالولي لازم تغير زيت الدفرنش ما رضوا يطلعون السيارة الا يغيرون الزيت الدفرنش والدبل
والحمد لله ما طلع فيها مشاكل

[osqari]

تاكد من كراسي المكينه والقير يمكن له علاقة
اذكر كانت عندي تقريبا نفس المشكله وراحت بعد ما غيرت كراسي المكينه لاتها كانت متقطعه
وطريقتها سهلة
تفتح الكبوت لاخر حد
وتشغل السيارة وتعشق القير وتدعس بنزين وفرامل في نفس الوقت
وتشوف وانت في السيارة من تحت الكبوت هل المكينه تتحرك يمين او يسار لو شي بسيط
ونفس الطريقة لكن تحط القير على R وتدعس نبزين وفرامل وتلاحظ المكينه هل تتحرك او لا
وبالتوفيق