ضغط زيت المحرك منخفض يوكون2008

[ابو العز1400]

السلام عليكم ...

يالربع اليوم الصبح شغلة المبروك حقي .. وطلع لي ضغط زيت المحرك منخفض اطفىء المحرك والموشر حق الزيت نازل للاخير ولمبه حمراء بالطبلون ..

المهم طنشت وسخنت الموتر ومشيت لدوامي .

السؤال ؟ مالعله و مالحل .؟

وللمعلوميه ان حساس ضغط الزيت خربان عندي ويقيس نص قياس

لكن اول مره تحصل معي ضغط زيت المحرك منخفض اطفئ المحرك .

[الاشهب 507]

تاكد من العيار
ان الزيت مهوا ناقص
وانت غلطان يوم تطنش
المفروض تطفي الموتر
وتتاكد من عيار الزيت وتفحص
بس لزم تغير الحساس لينه
راح يفيدك في المستقبل
وينقذك من مشكلة لاقدر الله
هذى إلى المفروض تسويه
وترى أنا مغير الحساس في
موتري فور رنر 1993 ب 30
وكالة واتوقع عندك رخيص ان شاء الله
الأشهب 507

[lami]

اذا ما فيه صوت طقطقة و المؤشر نازل و مع الممشى ايضا نازل فالأمر سهل عندك مشكلة حساس فقط

اذا فيه طقطقة وقت الوقوف فعليك بتغيير الربلة فقط و امرها سهل ان شاء الله

موفق

[ابو العز1400]

الزيت مضبوط مشيك ولافيه صوت ولا طقطقه ...

بس اتوقع انه حساس الضغط الموشر لاني خابره من زمان الفحص يقول غيره ويعطيك قراءه افضل ...

وبكم الحساس اللي عنده خبره بالوكاله .؟

[شرابث]

حل طقطقة صبابات يوكن تاهو جمس سوبربان شفرليت
http://www.mekshat.com/vb/showthread.php?t=660167

حل طقطقة صبابات يوكن تاهو جمس سوبربان شفرليت

[1824]

اذا مافي صوت غير الحساس وانتهت السالفة بالتوفيق لك

[جيب لكزس 2000]

غير طرمبة الزيت

[ROSS]

اذا طلع لك ضغط زيت المحرك منخفض معناها طرمبة الزيت عندك تعبانة ولسا بالبداية واذا استمريت عليها بعد فترة راح يطلع عندك صوت

[hbbk2]

سلام

اولا : تذا فيه طقطقة في المكينة معناها لازم تبدل طرمبة الزيت
ثانبا : اذا مافية طقطقة بدل الساعه حقت الزيت
ثالثا : اذا تكرر الامر عندك كل صباح المؤشر نازل و مايرتفع الى بعد فترة دقيق او اكثر شوي فمعناها انه طرمبة الزيت عندك بدأت تضعف ولازم تبدل بأسرع وقت
هذا حسب خبرتي بالشفر و اليوكن مجرب الشي سنين والله اعلم

[ن م ر]

افحص ساعة الزيت اذا هي سليمة فالمشكلة من طرمبة الزيت يجب عليك تغييرها
وهذا عيب في اليوكن والتاهو والسوبربان 2007 و 2008

وصارت معي في سوبربان 2008 نفس اللي حصل لك وغيرتها
وتعطل عندنا يوكن 2007 وطفى بسببها وتم تغييرها

أسأل الله لنا ولك ولجميع المسلمين التوفيق والتيسير