الكفرات الرملية ................... للمجربين فقط !!!

[راعي بر]

السلام عليكم ورحمة الله وبركاته
أرجو من المجربين الاجابة على هذه الاسئله من خلال تجربتهم .
هل الكفرات الرملية أفضل بكثير من الكفرات العادية في التطعيس ؟
هل الكفرات الرملية تتضرر من الحصى كثير ؟
هل الكفرات الرملية راسية و مطباتها سهله؟
كم تمشي الكفرات الرملية من كم؟
هل الكفرات الرملية بها ارتجاج عندما تتعدا سرعة معينة ؟
وشكراً
ملاحظـة ارجو من المجربين الذين سوف يجاوبون على هذه الاسئله من خلال تجربتهم ان يذكرو اسم الكفرات كامل ونوعها وان حصل رقمها .

[الخبير]

السلام عليكم
ما ادري عن السيارات الثانية لكني في شاصي انا ما احب كفرات الرمال ( البالون ) صحيح انها في الرمال مثل المخاد ممتازه بالحيل لكن على الحصى و في المناطق الوعره مهيب مثل الي تتمنى ، ثم بعدين مهيب راسيه و خاصة اذا حملت عليها واجد ، مطباتها زينه ، ما اذكر ان فيها ارتجاج على سرعة عاليه.
اذا كنت تبغى كفرات صح تراها تعتمد على شئ يسمى الغاط ( مهيب الديره ) مثلا في كفرات الدنلوب الي تجي مع الاندكروزر في اكس آر هذي 6 غاط ، فيه 8 غاط احسن منها وهذا شباب يروون لي عنها انهم في السودان ما يستخدمون إلا هي لكن للاسف مطلها شين و هي ما تجي إلا شنبر .
فيه 10 غاط وهذي مهيب صاحية تبي تنسى شئ اسمه بنشر لكنها حصاة و تبي تكسر سيارتك.
اتمنى اني اجبت لو على شوي من أسئلتك.

[الصقار10]

السلام عليكم ورحمة الله وبركاته ،،،


1 - نعم الكفرات الرمليه افضل من الكفرات العاديه بالتطعيس .
2 - نعم الكفرات الرمليه تتظرر من الحصى كثيرا بس اذا كنت رايح مكان عادي ترى مايهمها اذا حطيت في الكفرات ( 40 او 45 ) .
3 - الكفرات الرمليه ميهب راسيه مره بس اذا سحلت ( انمسح الدعسه ) تصير مهيب راسيه بالمره خصوصا اذا كان المزفت ناعم . المطبات اسهل من العاديه و الين كثير .
4 - كم تمشي من كيلو تعتمد هل انت تمشي واجد على الصحرى او على المزفت اكثر يعني ممكن تكفيك من 40 إلى 60 الف كم .
5 - الكفرات الرمليه فيها اهتزاز بسيط بس يزود كل ما صارت الكفرات قديمه .


ملاحظة :
لقد جربت الكفرات الرمليه كم سنه . وهي احسن كفرات في الربع الخالي بدون منازع خصوصا اذا كان الجنط مقاس (15 ) والكفر ( 900 ) .

ارجو ان اكون قد وفقت في الاجابه . وتقبل تحياتي ،،،،

[راعي بر]

أشكركم على إجاباتكم الكاملة والواضحة .
الله يعطيكم العافية
بصفة عامه وش افضل الكفرات الرملية ولا العادية ؟؟؟

[الصقار10]

بصوره عامه الكفرات العاديه افضل شيء الميشلن وترا هذي وجهة نظر شخصيه .
اما بالنسبه للرملي البلون فاعتقد لا يوجد الا نوع او انوعين بس منها (TOYO ) واظن دنلوب واذا لقيت دنلوب تراه احسن من التويو .

[راعي بر]

أشكر كما شكراً جزيلاً .
مـــــــــــــــــــــــــــــــــــــــــــــــــ تقصـــــــــــــــــــــــترون ــــــــــــــــــــــــــــــــــــــــا .

[بـــدر]

يمدحون التويو في الرمل

[طحنون]

الاخ العزيز /
راعي بر
الانواع كثير مع ملاحظه انك اغلب وقتك في البر وطبعا هاذا يدل من اسمك
ظهر الان انواع كثير والمشتهره الان هي .........المكسس....افينوس وهاذا اول مره اشوفه بالسوق
والتويو والدنلوب.وسومتومو
طبعا هاذي كلها كفرات بالون
وارشحلك المكسس لان كل اللي اعرفهم مركبينه على مواترهم لاندكروزرg ستاندر وسفاري وونيت جمس وباترول بع
طالع روعه
وفيه مقاس 16و17
وعندك الشاهين برظو ممتاز اللي يسمونه نص بالون ينفع للرمل والخط
ويجي مقاس 15 و16

[هاوي قصيده]

ياهلا بك اخوي

انا مركب كنت مركب ماكسس على موتري...صراحه حلووه وشخصيه للسياره وهي لينه بالمطاب..بس كل الكفرات البالون اذا تعديت 120 ترج على خفيف..وخاصه اذا كانت مقاس 900

بس بالنفود مافي زيها

[حرباش]

السلام عليكم ورحمة الله وبركاته ،،،


1 - نعم الكفرات الرمليه افضل من الكفرات العاديه بالتطعيس .
2 - نعم الكفرات الرمليه تتظرر من الحصى كثيرا بس اذا كنت رايح مكان عادي ترى مايهمها اذا حطيت في الكفرات ( 40 او 45 ) .
3 - الكفرات الرمليه ميهب راسيه مره بس اذا سحلت ( انمسح الدعسه ) تصير مهيب راسيه بالمره خصوصا اذا كان المزفت ناعم . المطبات اسهل من العاديه و الين كثير .
4 - كم تمشي من كيلو تعتمد هل انت تمشي واجد على الصحرى او على المزفت اكثر يعني ممكن تكفيك من 40 إلى 60 الف كم .
5 - الكفرات الرمليه فيها اهتزاز بسيط بس يزود كل ما صارت الكفرات قديمه .


ملاحظة :
لقد جربت الكفرات الرمليه كم سنه . وهي احسن كفرات في الربع الخالي بدون منازع خصوصا اذا كان الجنط مقاس (15 ) والكفر ( 900 ) .

ارجو ان اكون قد وفقت في الاجابه . وتقبل تحياتي ،،،،



جميع الاخوان ماقصرو صراحه واخوي الصقار جابها بالتمام ماشالله عليه

ولكن اذا انت ناوي بالون عليك بنوع اسمه سيام تاير أفضل من غيره وصبور وياخذ فتره معك الين يتسحت وطبعا 8 غاط


اما الأنواع الثانيه وخصوصا الدنلووب مانصحك تقربها مره





ودايما اذا دخلت بالبالون على محجر ( منطقه بها حصى ) تفقد الكفرات بعد ان تخرج لأن الحصى يلعب فيها لعب ويشققها .





تحياتي لك
حرباش ;)

[lexus470]

وارشحلك المكسس لان كل اللي اعرفهم مركبينه على مواترهم لاندكروزرg ستاندر وسفاري وونيت جمس وباترول بع
طالع روعه
وفيه مقاس 16و17


أخوي طحنون ما عليك أمر وين ألقا المكس 17 في الشرقية؟ وهل فيه احجام يعني 800 ولا700؟وكم سعرها؟

لأني سمعت من واحد يقول ما تنوجد الا في قطر!!

[طحنون]

اخوي تلاقاها
عند محلات سلمان الخالدي
وفروعه منتشره عندك شارع الكفرات (شارع الاعشى)
وكذالك شارع تويوتا
وشارع 42
وفيه برضومحلات منتشره
وانصحك بمقاس 16 لان 17 يطلع الموتر مرتفع واجد وهاذا خطرعليك
16 مناسب
واذا ركبتها لاترصصها على طول
اول شي عبيها الى ظغط 60 واصبر عليها 10 ايام تقريبا او اسبوع وبعدين نقص هواها الى 35 ورصصها وهي على ضغط 35
افضل لان لودخلت البر(الطعوس) بتنقصها الى 20 او 25 ولا راح يتغير ترصيصها عليك

[ع.ف.الدرويش]

وعليكم السلام ورحمة الله وبركاته

راعي بر.. هلا وغلا.. تلك هي إجاباتي وأرجو أن تجد الفائدة

- هل الكفرات الرملية أفضل بكثير من الكفرات العادية في التطعيس ؟

نعم.. أفضل بكثير بالذات في الرمال بتنسيم أو بدون بدبل أو بدون ممشاها جميل ورائع.

- هل الكفرات الرملية تتضرر من الحصى كثير ؟

كل الكفرات تتضرر من الحصى لكن ضررها متفاوت والرملية بشكل كبير.

- هل الكفرات الرملية راسية و مطباتها سهله؟

المطبات سهله إلى درجة عدم الإحساس بها.. لكن الرساوة مفقودة بالذات وقت المطر..!

- كم تمشي الكفرات الرملية من كم؟

إن كنت تقصد السرعة فتمشي إلى أقصى سرعة.. وإن كنت تقصد المسافة فغير محددة تعتمد على فترة الإستخدام.

- هل الكفرات الرملية بها ارتجاج عندما تتعدا سرعة معينة ؟

ألاحظ في كثير من المشاركات شكوى متعلقة بالرجة وحلها حسب ما ذكر هو إستبدال عمود الدركسون وتكلفته مع التركيب لا تتجاوز الـ 300 ريال.

- نوع الكفرات هي دنلوب 900 وبالطبع 8 غاط :p

أعذب التحايا.. أبو فهــد

[هاوي قصيده]

ابي اسالك اخ طحنون.. وش المراد في تعبئه هواء الكفر 60 لاسبوع وبعدين نقول بنقصها؟؟؟

وش الحكمه من ذلك؟؟؟
وتقبل شكري

[طحنون]

هاوي قصيده
ماودك يصير الكفر لين وتستفيد منه كل الاستفاده لان الكفر جديد
وبيكون قاسي والبالون حلاته ان يكون لين وكنك راكب كدلك فوق الطعس
والافضل كل ماطولت المده يكون ألين ويريحك في الرمل كثير

[kissit]

السلام عليكم ورحمة الله وبركاته

بسراحه انا مركب كفرات جودير المانى قيمه الواحد 600 ريال انسم الكفر ابد دربك خضر مافى اى مشاكل وسيارتي نسان بترول 2003.

ولكم جزيل اشكر

[اسيزو 4x4]

التويو ممتاز ياباني ورملي وراسي ومريح جدا وما يمسح بسرعة

هواء 40 ويمشي بالرمل مافي مشاكل ... ما شاء الله .....

أبو حمود مركب تويو


...

[طحنون]

kissit
بصراحه اخوي اول مره اسمع ان القوديير
ألماني وان سعره 600
انا اخبره صناعه امريكيه ميه بالميه
لان اللي سعره 600 خاص للسيارت السبوروالسيارت الفخمه
مثل المرسدس والبي ام والكدلك
عطنا مواصفات الكفرات اللي عندك
للتوظيح فقط
اخوك طحنون

[مراسل وراط]

يا اخوان انصحكم بكفرات شاهين مجربها ثمان سنوات زينه في الرمل والطريق ممتازه يعني بتاخذها وانت مرتاح وفي الحصى ازين من البالون

[lexus470]

السلام عليكم

أخوي طحنون الله يعطيك العافية على الرد بس ماقلتلي الكفرات 17 ينوجد منها احجام 700 و800 ولكم اسعارها؟

[العنييد]

عليك بال سيام تاير 8 غاط وخل عنك الباقيه كلها تمسح بسرع في اقل من عمر السيام ام بالنسبه للتويو فهو حلوا اول ماتركبه واذا راح نصف النقشه بدات مشكلته الرسميه وهي انه يتصلخ بسرعه وهو نوعين تلقا على جنب الكفر دائره صغير او ثلاث دوائر والثلاث دوائر افضل بقليل من ابو دائره وحده

انا انصحك السيام تاير اذا لقيته لانه مايجلس اكثر من يومين في المحل يطيرونه بسرعه