اخواني محتار شاص نيسان 14 او تيوتا 14

[باترول مغرز]

اخواني انا محتار بين شاص نيسان vtk4800 او تيوتا EFI4000 طبعا الموديل 2014 كيف باالبر والخط وانا راعي خطوط وبرمنيب راعي مقناص طبعا المواتر كلها خليجيه ولانها بتصير السياره الشخصيه ولا هنتو يا الربع :good2::good2:

[dhoomi]

النيسان حطه على يمناك بالخط وبالبر ... وأن بغيت بالبحر والجو مايقول لا...
ولايهون الأخرق المسمى تويوتا

[باترول مغرز]

لا هنت بس اسمع انه يتفكك والتايوتا حق تحميل بعكس النيسان

[باترول مغرز]

وينكم يا الربع
0
0
0
0
0
0

[ابو ساره العنقري]

النيسان متفوق بقوه المكينه الدبلات والقير والدفرنسات
التويوتا متفوق بتماسك البدي وسعر البيع

وبالاخير ابحث عن مايناسب ميزانيتك
كانك تقول ببيع بعد سنه خذ تايوتا
تبي تستخدم مده طويله خذ نيسان

[باترول مغرز]

ابد راعي استعمال التيوتا الشكل وتماسك والبدي يعني النيسان يتفكك

[موادع 1]

شف وانا اخوك
اولا انتبه من التعصب والردود المتعصبه
كلها سيارات وتقضي اللزوم
وبالنسبه للنيسان انه يتفكك ترى مهوب على اطلاقه
على حسب نظافه رجلك وسواقتك
اذا انت من اللي رجلهم حاره على الموتر ويكسرونه
بالمطامر والمناقز اللي ماله سنع
واقول ماله سنع
فاكيد انه بيتفكك وبيحتاج تربيط بعد فتره
ولكن بعد كم سنه مهوب على طول
اذا جيت للمكينه والنشاط فهي من صالح النيسان
وان جيت للشكل فوجهه نظري انها لصالح التويوتا

ومن تجربه شخصيه معي 2001 صالون
الحمد لله شاد حيله ماشاء الله
ومثل ماقلت لك ترجع لسواقه الشخص


شف ميزانيتك والارخص
واستخر ربك بركعتين وتوكل على الله

والله يدلك لما يحب ويرضى

[خالد البشري]

كلهن مواتر زينه

لكن على ما سمعت عن النيسان إنه يتفكك مع الوقت ( خصوصا إذا كنت راعي بر )
والشاص التويوتا ما عليه ماسك روحه بالبر


إذا كنت راعي بر أنصح بالشاص التويوتا ( رفرف )

أما إذا كنت راعي طريق أنصح بالشاص النيسان لانه تاكي ومريح بالطريق
اما الشاص التويوتا يكسر ظهرك <<<< من تجربه

--------------

بس اشوف الشاص التويوتا التالي من 2010 - 2014 ما يمكس سعره مثل قبل !!


شي يقهر تشريه بـ 135 ألف وبعد سنه تبيعه بأقل من 115 ألف !

[خوي السطحه]

الشاص النيسان الحين ماسك سعره لانه مرغوب فيه قوه وراحه عكس التايوتا يمللك سواقته بالمناقز وضعف المكينه ونقص الزيت هذا ابو راسين التايوتا تشريه 135 وبعد سنه115 الشاص النيسان تشريه106 وتبيعه بعد سنه90 ويشراء منك بالبيت خطبه لانه قليل بسوق يباع مستعمل من شراه ماباعه والشكل لصالح التايوتا

[GMC89]

انصحك بالنيسان وان كانه يتفكك على كلام الناس اقل شي ماهوب متفكك الا بعد سنتين او اكثر وان تفكك كلها ٥٠٠ ريال تربيط وانتهى وخذ لك موتر خط وبر و راحة وقوه مكينه من ناحية العزم و من ناحية الخرابات

[مجالس الرجال]

اعتقد ان التفكك بالباترول دعاية
لكن هو موتر زوين على مايقولون ارخص واكويس
لكن الاستعمال دائما هو اللي يفرض عدم خراب وكثرة مشاكل السيارة
وفيه ميزة مهمه وهي اللي مشيه سوق الباترول وهي الراحة والسعر المنطقي نوعا ماء
وصدقني لو الشاص التويوتا بقيمة الباترول كان ماشفت الباترول الا مع هاويه

[باوزير]

فرق السعر يجيب لك موتر مستعمل

[علم162]

فرق السعر يجيب لك موتر مستعمل

:D:D:D:D 📢

[ABO AZZAM 123]

انا عندي شاص 2013 خليجي اا ريشة والله انه شيخ وماعليه كلام بس عيبه عدم الرااااحه خصوصا اذا كان فاضي بتقعد تناقز من عيون القطط انا خذيته وركبت له شد الاختيار وتوانكي ماء وعزب وصار طيب بالحيييييل
مشتريه للبر ووالمقناص ما قد قال لي لا ما شاء الله

اما الحوض النيسان فانا اشهد له بالقوة خصوصا الفتتتتك جبااااااااااار جدا ومريح بحكم انه يايات مو سست مثل الشاص
وارخص منه بس عيبه يبقى في اللي قالو لك الشباب عنه انه يتفكك وانا اتحدى راعي نيسان ( رجله حارة ) ينكر هالكلام
لأن واحد من ربعي معه ربع نيسان أقسم باالله انه كفو لكن تسمع قربعة موتره من بعد 10 متر يبي له يروح يربطه


استخر ربك وربي ما بيخليك
ولا تنسى أهم شي في الحوض يكون فيه دفلوك .


الله ييسر لك

[باترول مغرز]

لا هنتو يا الربع

[Salamah.y]

هي قناعات و انا اخوك
حدد أولوياتك اللي تبيها بالموتر
و استخر ربك ,, و راح تختار الأنسب لك

,

كثير ناس يقول أضحي بقوة المكينة و الراحة و الرخص
مقابل شكل رزّه و كدة و تحميل و محافظة على السعر

و ناس يقول أضحي بالتحميل و الكده و المحافظة على السعر
مقابل الراحة و قوة المحركات و السعر الأرخص !!

[محمد1415]

راعي تحميل لايردك الا شاص تويوتا ابو 11 سسته

عفشك عزبه وخيمه خذ نيسان


والفتك يميزه الياي مريح جدا

ويميز التويوتا انه عملي بس اثقل طينه من النيسان

[سقم المعادي 1]

والله تبي الصراحه كلهن مواتر ماعليها كلام
و ارشح لك النيسان شيخ و اقوى عزم و احسن مواصفات و ارخص سعر

[أبـوأسـد]

حسب ماسمعت أن شاص نيسان فيه ثلاجة بعكس شاص تويوتا

ياليت أحد يأكدلي أن كنت مخطئ

[سقم المعادي 1]

حسب ماسمعت أن شاص نيسان فيه ثلاجة بعكس شاص تويوتا

ياليت أحد يأكدلي أن كنت مخطئ

صحيح فيه ثلاجه

[باترول مغرز]

راعي تحميل لايردك الا شاص تويوتا ابو 11 سسته

عفشك عزبه وخيمه خذ نيسان


والفتك يميزه الياي مريح جدا

ويميز التويوتا انه عملي بس اثقل طينه من النيسان

لا منيب راعي تحميل راعي بر وخطوط

[السليطين]

انا عندي شاص 2013 خليجي اا ريشة والله انه شيخ وماعليه كلام بس عيبه عدم الرااااحه خصوصا اذا كان فاضي بتقعد تناقز من عيون القطط انا خذيته وركبت له شد الاختيار وتوانكي ماء وعزب وصار طيب بالحيييييل
مشتريه للبر ووالمقناص ما قد قال لي لا ما شاء الله

اما الحوض النيسان فانا اشهد له بالقوة خصوصا الفتتتتك جبااااااااااار جدا ومريح بحكم انه يايات مو سست مثل الشاص
وارخص منه بس عيبه يبقى في اللي قالو لك الشباب عنه انه يتفكك وانا اتحدى راعي نيسان ( رجله حارة ) ينكر هالكلام
لأن واحد من ربعي معه ربع نيسان أقسم باالله انه كفو لكن تسمع قربعة موتره من بعد 10 متر يبي له يروح يربطه


استخر ربك وربي ما بيخليك
ولا تنسى أهم شي في الحوض يكون فيه دفلوك .


الله ييسر لك


لاتحدى الله يجزاك خير ...
على كلامك كني اشوف الباترول جاي مقبل يجر الرفر معه ..
اذا ماتملك باترول وجربته بنفسك تكلم عن تجربتك فقط .

يارجال معنا شاص 2010 مشى 90 الف وخبطت مكينته .
وثاني وضبناه وخبطت وركبنا له مكينه من الكويت وخبطت وبعناه مخبط

مكينة التويوتا 4000 امورها رديه .

اما الباترول 4800 المكينة مجربة من 2002 واثبتت جودها بالجر والكرف ومسالة التفكك راسمالها شنطه ركب لها جلده وانتهى الموضوع ...

وفي الاخير ربما تشتري لادا وتعيش معك اكثر من الجيوب

كلامي من تجربه شخصية وليس تعميم

[باترول مغرز]

وش تنصحوني قير عادي ام تماتيك
و افضل مكان يفصل توانك ماء ويركب شد

[Hrr155]

السلام عليكم

وجهة نظري
اول شي لازم تحدد لنا انت وش استخدامك
اذا استخدامك
كشتات و تحميل وعندك حلال ومن هالكلام لاتقرب البترول
اما اذاك رجال تبي تكشت واغراضك تانكي ماء وفراش وكم عزبه وخيمه بين قوسين تحميلك عادي لا والله خذ البترول
وفيه شغله ثانيه انت راعي مكاشيت دايم او بالمواسم بس وهل هي سيارتك الرسميه ؟
اذا كشتات بالمواسم وسياره رسميه خذ بترول واذا راعي كشتات وعندك موتر غيره خذ الشاص
انا من تجربتي اشوف شاص التويوتا ال دوف لوك حقه افضل لانه دفرنسين مهو نفس البترول
واذا اخذت بترول لاتاخذ ثلاجه ترا تضيق عليك باللحيل
والله يدبرك على الخيره

[أشيقري تميمي]

السلام عليكم
من وجهه نظر مجرب باقول راايي في الباترول الـvtc
عندي وواحد من العيال عنده واحد وقدر الله وراح تشليح
وشرى الجديد
الرجال ما قال الموتر فيه عذروب او شي شرى غيره((ما تحسف على مشترى الاول ) لكن مكينته وراحته افضل من التايوتا
لكن زي ما قالو الشباب كان شغلك خفيف واستخدام معقول خذ الفتك ولا تردد
واذا جينا للتيوتا فهو افضل شكل فقط
تحياتي ..

[باترول مغرز]

السلام عليكم

وجهة نظري
اول شي لازم تحدد لنا انت وش استخدامك
اذا استخدامك
كشتات و تحميل وعندك حلال ومن هالكلام لاتقرب البترول
اما اذاك رجال تبي تكشت واغراضك تانكي ماء وفراش وكم عزبه وخيمه بين قوسين تحميلك عادي لا والله خذ البترول
وفيه شغله ثانيه انت راعي مكاشيت دايم او بالمواسم بس وهل هي سيارتك الرسميه ؟
اذا كشتات بالمواسم وسياره رسميه خذ بترول واذا راعي كشتات وعندك موتر غيره خذ الشاص
انا من تجربتي اشوف شاص التويوتا ال دوف لوك حقه افضل لانه دفرنسين مهو نفس البترول
واذا اخذت بترول لاتاخذ ثلاجه ترا تضيق عليك باللحيل
والله يدبرك على الخيره
ابد راعي مكاشيت وخطوط منيب حق تحميل مابي الا الشاص لني انام في البر 2 الا 3 وقبلها كان معي vxr 2007 ,وبعته وش تنصحوني تماتيك عايدي الي هو التبترونيك او العايدي بحكم ان العايدي فيه دفلك بعكس التماتيك :good2:

[اليامي قطر]

الفتك
النيسان
النيسان
وبس

[شاق النفد]

التيوتا تبي المناقز وتكسير العظام والبيبان الي تنسم هواء وتكره شي اسمه مشوار
من خلال تجربه الله لا يعيدها
الان معي ربع فتك والله انه فرق الثرى عن الثريا
في كلش عزم قوة راحة وعزل الحمد لله بس

[على رمشي تمشي]

والله الباترول ممتاز وكلن يمدحه والتايوتا بعد لكن على حسب مقدور الواحد واستخدامه
اشوف الباترول اريح لك بالمركب والسفر

[الفهيد بدر]

باترول ولا تفكر التيوتا انتهى من 2009 خذ تماتيك وريح راسك

[باترول مغرز]

طيب الورش الزينه لتركيب التوانك والشد في القصيم

[مليار]

ياجماعت الخير انا اسمعكم تقولون يتفكك كيف يتفكك مافهمت تنحل صواميله يعني معي نسيان اكثر من 10سنين باترول ما انحل فيه مسمار وش الفكفكه اللي تقصدونها

[يزيد 999]

اللي يسمع الشباب وهم يتكلمون عن التفكك يقول هذا مخبط ترا كل المواتر الجديدة تفكك وغير كذا ماراح يتفكك الا بعد كم سنة واذا تفكك وده أقرب ميزان ويربطه لك كامل ب 250 ريال داخلي وخارجي ويعطيك عليها ضمان بعد..

[مزن طيبة]

نيسان ولحق اهلك

[عاشق الددسن92]

التايوتا ميزته منتشر و الشكل فقط
والباقي النيسان من ناحيه السعر والراحة والقوه

[باترول مغرز]

جعلكم تسلمون

[بوماريه]

انا عن تجربه باترول . نشاط وراحه ورساوه بالبر مامرت على بانواع الجيوب ,

بالنسبة للسعر انا اقول ان خسارة النيسان بالبيع اهون من خسارة التويوتا لو تحسبه كم مشتري هذا وكم مشتري هذاك . لا تنظر

لسعره بالبيع لكن شف كم داخل على صاحبه هو جديد .

[عابر الموج]

اخي الكريم لو كان عندك موتر ثاني اقول لك اشتر شاص نيسان او تايوتا لكن اذا تريد على قولت المثل محقان قناة شف لك صالون اوفق لك بكثير ترا مجرب السيارة الشاص تايوتا ونيسان الشاص لراع الحلال مامثله لكن لمثل حالتنا طلعات بر وسفر صالون جي اكس افضل لك مليون مره طبعا تايوتا والله يكتب لك ولنا مافيه الخير تقبل تحياتي

[ابونبيل]

اذا راعي كشته بس خذ النيسان اذا قنص وتحميل تايوتا

[تميم2222]

ات راعي تحميل وشعير خذ تويوتا وذا انت راعي مقناص وطرد وجلد فلاتعدئ النيسان

[FJ3230]

عليك بالنيسان موتر خفيف نفس

[خالد الشمري20]

السلام عليكم ورحمة الله وبركاتة


الشاص التايوتا افضل ,,,

[السليطين]

ياجماعت الخير انا اسمعكم تقولون يتفكك كيف يتفكك مافهمت تنحل صواميله يعني معي نسيان اكثر من 10سنين باترول ما انحل فيه مسمار وش الفكفكه اللي تقصدونها


كله هرج بدون ادله ...
مجربين النيسان لنا سنين .. ابرك مليون مره

[نواف685]

انا اقول الباترول افضل لامن ناحيه القوه ولامن ناحيه الراحه موتر ماتندم اذا خذيته

[قطب 999]

شف اللي عليه الطلب هو الاحسن

[باترول مغرز]

شف اللي عليه الطلب هو الاحسن

تايوتا عليه طلب بس تكره المشوار اللي بتروح عليه لان مطبه شين كان مع اخوي جربته حقه رفرف الله لا يعذبنا

[تميم2222]

انت مجرب ابو رفرف وتقول مطب..؟؟؟؟؟؟؟ اجل لو تجرب ابو 11 سسته وش تقول ههههههههههههاااااي

[شلش 1896]

ارى كل واحد يتحيز لسيارته اللي هو يستخدم
كل واحد يذكر تجربته بدون تعصب دائماً اهل التايوتا واهل النيسان مثل الهلال والنصر
اذا اخذت نيسان لازم تفك مسامير الثلاجه يقولونه اهل الخبره بالفتك واذا كذلك التايوتا من ٢٠١٠ وبعده
اذا انت راعي حلال خذ تايوتا علشان التحميل وصبر الهيكل ومتانته واذا كشات وتبي راحه خذ نيسان
والخيره فيما اختاره الله

[ماجد الشمال 1]

صلي ركعتان واستخر الله كلها ردود تعصب والله مادريو لهم وكالة تايوتا ونيسان ماغير صلخ بالمتعصبين بالقطع والضمان والواحد منهم متعصب وعند ماقرا ردودهم المتعصبين افكر ان وكالة نيسان او وكالة تايوتا له ملك من أملاكه

[كحيلان تميم]

اذا لي الخيار بالنسبه لي ..

باخذ شاص فتك نيسان .. قوة4800 وراحه وفيه ثلاجه وارخص سعر ..

هذي وجهه نظري لو بشتري احد الشاصين ..