المساعد الشخصي الرقمي

مشاهدة النسخة كاملة : الي عنده خبره في الددسن يدخل


(سكود)
30/11/2006, 06:40 PM
الله يمسيكم بكل خير يا شباب مكشات انا عندي سياره شريتها من الامارات والسياره ددسن دبل مديل 2001المشكله فيها
طبلونها 200ولاتعداءسرعتها 160غيرت بواجي ولافيه فايده والسياره جديده ماشيه 50الف فقط او انها ما تمرنت زين
افيدونا الله يجزاكم خير
حر اليدين
01/12/2006, 11:05 PM
الله يمسيكم بكل خير يا شباب مكشات انا عندي سياره شريتها من الامارات والسياره ددسن دبل مديل 2001المشكله فيها
طبلونها 200ولاتعداءسرعتها 160غيرت بواجي ولافيه فايده والسياره جديده ماشيه 50الف فقط او انها ما تمرنت زين
افيدونا الله يجزاكم خير

السلام عليكم اخوي سكود

انا مثلك شريت ددسن دفرنسين من الامارات لكنها قديمتن شوي كبريتر وانا جاين عليها ماتمشي الا 140 بس

لكن انا خليتها تجيب ال 170 الحين وذلك بعدة امور

1: ركبت فرارات للعكس الامامي
2: ركبت مراوح كهرب والغيت المرواح حقت الوكالة لتخفيف الحنة وخف الموتر وتقليل الصرفية
3: ركبت كفر مناسب لها وهو افضل مقاس للدفرنسين الددسن وهو 235/75/15


والموتر بعد ترى يبي مغط شوي وانت فاهم كلامي زين
تقبل تحياتي
اخوك حر اليدين
راع الونيت
01/12/2006, 11:18 PM
الله يعطيك من خيرها ويكفيك شرها
أخوي الددسن الدبل مرتفعة ولذلك تردها الهواء أنا معي 2005 دبل فاكها وكالة ونفس المشكلة مع أني مركب فرارات لكن اذا نطحتها الهواء ودك تنزل وتباريها
لكن فيها ميزه مع البر خذ ولد واذا كان معك اخويا خاصة اذا كانت غمارتين
عموما الددسن الدبل ماهي سيارة واحد عجل
وخذ هالرابط تفرج بلاش وتقبل تحياتي
http://www.mekshat.com/vb/showthread.php?t=39391
ابوقتيبه
01/12/2006, 11:57 PM
اخوي

هذا واحد من اخوياي معه ددسن دبل2004 والكفرات سلق اكثر شي جاب فيه 160 وهذا شي عادي كلن يشتكي من الددسن الدبل بالخط

والغريبه انا معي ددسن دبل2006 ماشاء الله يجيب 180باراحه ويفصل

مع اني مركب جنوط 16 وكفرات 245 .75 ومرفعه من قدام ومن ورى لعابات 20 ومركب فرارات
2005 و2006 في فرق بالوجهيه اضاهر منها

والسلام عليكم
#الفارس#
02/12/2006, 12:26 AM
انا عندي نفس المشكلة السيارة ماتعدي150 لاكن الضاهر يبيلة كرف لانة جديدة
شايع
02/12/2006, 01:01 PM
لا مشكلة !!
اخوي يبغالك اذا جيت عند نزلة طويلة تدوس على البنزين الى اخره بحيث انه يتجاوز الحد المعتاد .. افعل هذه الطريقة اكثر من مرة ستجد ان السايرة في تحسن الى الافضل { اخوك معه ددسن 2003 وطبقت هذه الطريقة ففادة ) وجرب لن تخسر &
ولا تنسى شعار الحملة المرورية
ابوقتيبه
10/12/2006, 03:17 AM
هل صحيح ان وجهيت الددسن 2006 افضل بالخط من2005 ونت نازل
هويدي
10/12/2006, 08:42 AM
اتوقع والعلم عند الله من رفع خشت الددسن يردها الهوا

جرب لحم ورا موتر رفيع وبتلاحظ ان العداد بينزل معك


بعدين وش تبي بالسرعه الله يهديك <= بدري

الله يستر علينا وعلى اخوانا المسلمين من الحديد

برايفت للاخ العزيز شايع

حركه الدحديره اللي تقول انتبه منها ونا اخوك تراها بعض الاحيان تكسر المكينه ولاهيب كل مره تسلم الجره

ان بغيت تمغط الموتر امغطه على خط مستوي اظمن واريح للمكينه

ودمتم بود
(سكود)
18/02/2008, 12:01 PM
وفق الله الجميع على الردود الكافية والمفيدة ورحم الله والديكم