ابي شفرة منشار خشب وين احصلها؟

[.أبوأحمد]

السلام عليكم ورحمة الله وبركاته
حي الله شباب مكشات
انا جديد في مكشات لكن استفدت فائدة كبيرة من هالموقع ماشاء الله لامن مدير ولا من مشرفين ولا من اعضاء متفاعلين كلهم مبدعين

وادري انه اول مشاركة لي وصارت سوال لكن ان شاء الله نبيض وجيهكم بالايام القادمة

ادري طولت عليكم لكن تحملوني شوي
انا ياشباب واعوذ بالله من كلمة انا كنت ادور بفهرس المواضيع المتميزة وطحت على الموضوع هذا http://www.mekshat.com/vb/showthread.php?t=246831
وهذا
http://www.mekshat.com/vb/showthread.php?t=286036

وجازتلي الفكرة ورحت اشتري الادوات رحت لمحل سباكة قالي المنشار ب15
وقلت له عن المبرد لقيت واحد بس ان شاء الله ادور عن مجموعة كاملة وياليت لو تعطونن سعر المجموعة
الشاهد قلت له عن الشفرة واحد يهز راسه والثاني جابلي حقت صاروخ السوداء
ورحت للثالث لقيته ب35 قالي حق الرخام لكن مادري هل هذا نفسه حق الخشب وهذل هذا سعره
واعتقد مايحتاج جديدة لاني ابقصة ولكن مثل ماقال اخونا بالموضوع محلات النجارة عندة ودورت بمحلات نجارة يمكن خمسة ولا ستة محلات ولا حصلته
والي ابيه منكم ياشباب هل فيه بديل له قصته سهله وقوي ؟ او الحل الوحيد هو الشفرة ؟

حسيت اني اقص قصة حياتي :D




تحياتي للمكشاتيين،،،،

[.أبوأحمد]

لا إله الا الله محمد رسول الله

[Lover Albatru]

يفيدونك الاخوان

[Khaled238]

السلام عليكم
عندي ريشة منشار دائري راح اسلمها للي يتبرع يوديها للحداد يقصها قطع مناسبة لصنع السكين ثم يوزعها لمن يرغب في هذا المنتدى .
ريشة المنشار ممكن عمل من خمس إلى سبع سكاكين حسب حجم وشكل السكين.

[مهندس مكشات]

توجد في محلات تجهيز الورشة والعدد

[مهندس مكشات]

السلام عليكم
عندي ريشة منشار دائري راح اسلمها للي يتبرع يوديها للحداد يقصها قطع مناسبة لصنع السكين ثم يوزعها لمن يرغب في هذا المنتدى .
ريشة المنشار ممكن عمل من خمس إلى سبع سكاكين حسب حجم وشكل السكين.


بيض الله وجهك على ماقدمته

ولا أستغرب بهذه الأخلاق النبيله من منتدي مكشات

[كانو1]

اذا انك في جدة تلقاها في سوق الصواريخ عند العدد لا تأخذ جديد تلقى مستعمل ب 10 ريال انا اخذت ثلاثة
استخدمت واحد صلحت منه سكينتين وساطور صغير
اكبر مشكلة واجهتني ثقب السكين ما قدرت ووديتها للمخرطة ورفضوا يخرمونها لا بد من ريشة خاصة قيمتها غالية جدا المهم ركبت الخشب على السكين بالغراء فقط وضبطت ولله الحمد

[m1m2m3m4m5m6]

اخوي كانو ,, وين الريشه الغاليه دلني عليها تكفا ,, اما بالنسبه للحل تقدر تلين الحديد انك تحميه وتخليه يبرد فتقدر تفتح بالدريل فيه

[عقووول]

اخوي موجودة في ساكو وكم ماركة موجودة