عن مطلب الزلزال شحٍ مسيلي ... الحل : صقر . قرص ..... حله : عليق بري وكفووووووووو [الأرشيف]

ابو ماجد 2

27/06/2014, 03:36 PM

بسم الله الرحمن الرحيم

السلام عليكم ورحمة الله وبركاته

لغيز موجه لابو ذيبان والتماس عذر لمطلب ابو سعد

سبق أن طلب منك أحد الأخوان بأن تجود علينا بقصائد لايقيدها لغز، وهنا أعيد المطلب.
،،،،،،،،،،

نوبٍ يجيني قاف خاضع ذليلي= ونوبٍ هجوسي قدم قافي ذلايل
تكفى يابو ذيبان داو العليلي= اللي مع قافه يلاقي هوايل
نوبات شطرٍ دون نظمه يحيلي=ونوبٍ تجي ابيات تترا عجايل
نوبٍ يجي قافي ضعيفٍ هزيلي =نوب ابشهادتكم يدش الجزايل
تكفى يابو ذيبان شف وش يبي لي=علّي اصير لمطلب البعض طايل
عن مطلب الزلزال شحٍ مسيلي=ون جت على الغطوات جادت مسايل
واليوم لغزي والعشم به جزيلي=قدم الدهاة اللي بها الغطو زايل
اثنين وكلٍ به نلاقي حصيلي=لغزٍ وما دونه عن الحل حايل
نفس الحروف هذا وهذا يشيلي=وليابغيت الشرح جتك الدلايل
نفس الحروف هذا لهذا مثيلي=لكن راس هذا لهذا يذايل
ذا سرني من فوق لاصرت اخيلي=لامن غدا يم تحت للبنت آيل
والثاني اللي بالوطا هو نزيلي=الياعتلا سر الذي له يخايل
من ذا كليت حلٍ عليه الدليلي=ومن ذا كليت اللي به الطيب نايل

مع تحيات ابو ماجد

منتديات مكشات 0 خيمة الالغاز

ذيب الفقارة

27/06/2014, 03:43 PM

وعليكم السلام ورحمة الله وبركاته

صح لسانك فارسنا

أبو ماجد

غالي ومسند على غالي

................

ما يصير

برق

قبر أو قرب

تحياتي

ابو ماجد 2

27/06/2014, 04:10 PM

وعليكم السلام ورحمة الله وبركاته

صح لسانك فارسنا

أبو ماجد

غالي ومسند على غالي

................

ما يصير

برق

قبر أو قرب

تحياتي

ياهلا بمختارنا ومشرفنا وحبيبنا
هلا بمن له بكل لغز بصمه
شرفتنا يالغالي
صح بدنك
الرمعه مالك لوى
وترى حصل تعديل باللغز

ابو اسامه 2

27/06/2014, 04:41 PM

وعليكم السلام ورحمة الله وبركاته

صح لسانك ملايين يا الغالي

لله درك زعيمنا الشاعر الرائع المتألق

غالي ومسند على غالين

وش رايك في

ثعل ( ماينزل عند المطر من تحت السحابه )
http://i451.photobucket.com/albums/qq237/barqalabraq/ahmedmar09/2386b01f.jpg

علث ( ما يخلط بالطعام )

تحياتي لك

النبهاني

27/06/2014, 04:42 PM

عليكم السلام والرحمه والرحمه
صح لسانك صح لسانك اي والله ملايين يازعيم
لله درك على هالجزل بحق وحقيقه
فيه سر اكيد عقب هالزين واللي قبله
هاللغز ودي اذبحه لانه ذبحن بسحره
محاوله يازعيم
عبير
ربيع

نحيحيل الوادي

27/06/2014, 05:09 PM

صح لسانك غالينا ابا ماجد

لغز متعوب عليه وابيات تكفي لوحدها دون اللغز

وبعدين عطنا لو من القديم يا ابوماجد ترى رمضان جانا تصدق من الشعر

وش رايك ب

قمر
مرق(يازينه لا طلع من القدر)

ابو ماجد 2

27/06/2014, 10:15 PM

وعليكم السلام ورحمة الله وبركاته

صح لسانك ملايين يا الغالي

لله درك زعيمنا الشاعر الرائع المتألق

غالي ومسند على غالين

وش رايك في

ثعل ( ماينزل عند المطر من تحت السحابه )
http://i451.photobucket.com/albums/qq237/barqalabraq/ahmedmar09/2386b01f.jpg

علث ( ما يخلط بالطعام )

تحياتي لك

ياهلا بالمذهل
ياهلا بجابر عثرات الشيبان
صح بدنك
وليتي شاعر لأتجمل بقصيده للغالي ابو سعد
الرمعه مالك لوى
وفيه بيت سقط سهوا ليتك ياجابر عثرات الشيبان تلحقه مع اللغز الاساسي

ابو ماجد 2

27/06/2014, 10:18 PM

عليكم السلام والرحمه والرحمه
صح لسانك صح لسانك اي والله ملايين يازعيم
لله درك على هالجزل بحق وحقيقه
فيه سر اكيد عقب هالزين واللي قبله
هاللغز ودي اذبحه لانه ذبحن بسحره
محاوله يازعيم
عبير
ربيع

هلا بك يابو سالم
ورفع الله قدرك مثل ماحبيت ترفع معنوياتي
اما هاللغز فسره ابو سعدحب يسمع مني قصيده بغير اللغز فأحرجت من ابو سعد وحاولت ابين مااعانيه مع الشعر والظاهر على قولتهم لكل شعر شيطان وانا شيطان شعري متخصص الغاز
هههههههههههههههه

ابو ماجد 2

27/06/2014, 10:21 PM

صح لسانك غالينا ابا ماجد

لغز متعوب عليه وابيات تكفي لوحدها دون اللغز

وبعدين عطنا لو من القديم يا ابوماجد ترى رمضان جانا تصدق من الشعر

وش رايك ب

قمر
مرق(يازينه لا طلع من القدر)

ياهلابك يابو عزام
صح بدنك يالغالي
وكلماتك تاج على راسي وليت في ارشيفي لو قصيده واحده لاقدمها لابو سعد
الرمعه مالك لوى
وفيه بيت سقط سهوا سيخدمك بالرمعه اكثر

ابو ماجد 2

27/06/2014, 10:23 PM

بسم الله الرحمن الرحيم

السلام عليكم ورحمة الله وبركاته

لغيز موجه لابو ذيبان والتماس عذر لمطلب ابو سعد

سبق أن طلب منك أحد الأخوان بأن تجود علينا بقصائد لايقيدها لغز، وهنا أعيد المطلب.
،،،،،،،،،،

نوبٍ يجيني قاف خاضع ذليلي= ونوبٍ هجوسي قدم قافي ذلايل
تكفى يابو ذيبان داو العليلي= اللي مع قافه يلاقي هوايل
نوبات شطرٍ دون نظمه يحيلي=ونوبٍ تجي ابيات تترا عجايل
نوبٍ يجي قافي ضعيفٍ هزيلي =نوب ابشهادتكم يدش الجزايل
تكفى يابو ذيبان شف وش يبي لي=علّي اصير لمطلب البعض طايل
عن مطلب الزلزال شحٍ مسيلي=ون جت على الغطوات جادت مسايل
واليوم لغزي والعشم به جزيلي=قدم الدهاة اللي بها الغطو زايل
اثنين وكلٍ به نلاقي حصيلي=لغزٍ وما دونه عن الحل حايل
نفس الحروف هذا وهذا يشيلي=وليابغيت الشرح جتك الدلايل
نفس الحروف هذا لهذا مثيلي=لكن راس هذا لهذا يذايل
ذا سرني من فوق لاصرت اخيلي=لامن غدا يم تحت للبنت آيل
والثاني اللي بالوطا هو نزيلي=الياعتلا سر الذي له يخايل
من ذا كليت حلٍ عليه الدليلي=ومن ذا كليت اللي به الطيب نايل

مع تحيات ابو ماجد

منتديات مكشات 0 خيمة الالغاز

ابو اسامه 2

28/06/2014, 12:05 AM

ياهلا بالمذهل
ياهلا بجابر عثرات الشيبان
صح بدنك
وليتي شاعر لأتجمل بقصيده للغالي ابو سعد
الرمعه مالك لوى
وفيه بيت سقط سهوا ليتك ياجابر عثرات الشيبان تلحقه مع اللغز الاساسي

تم يا الغالي

رمعه
بسر . سرب

سرب : الطيور

بسر :
البُسْرُ ثمر النخل قبل ان يصبح رطب

أوله طلع ثم خلال بالفتح ثم بلح بفتحتين ثم بسر ثم رطب ثم تمر
أبْسَرَ النخل صار ما عليه بسرا

أبوكاش

28/06/2014, 12:43 AM

وعليكم السلام ورحمة الله وبركاته.
ما شاء الله تبارك الله.
درر مكنونة، تجلت بأبيات موزونة.
قصيدة جزلة ، سلاسة القاف، تمردت على سلاسل القيد.
مافيك حيلة ! فارس ألغاز وفارس قوافي.

تكفى يابو ذيبان داو العليلي ...اللي مع قافه يلاقي هوايل
أنا أشهد أنك سندت على جبل.
عن مطلب الزلزال شحٍ مسيلي ...ون جت على الغطوات جادت مسايل
حاشاك الشح ، وربي، أنك أوفيت بوعدك بهالقصيدة الوافية.
أرق سنود، ونبي زود.
تكفى يابو ذيبان شف وش يبي لي ....علّي اصير لمطلب البعض طايل
تكفى يابوذيبان، خلك له نصوح وقل له لايجفل من البوح.

ابوذيبان

28/06/2014, 03:27 AM

تكفى يابو ذيبان داو العليلي = ابشر الدواء عندي بإذن الله .

تكفى يابو ذيبان شف وش يبي لي = ابشر بتشخيص الحالة والسبب والحل

ابوذيبان

28/06/2014, 04:17 AM

يامرحبا مليون جيتك اكيلي=واشوف وش عندك جزل او هزايل
ثـبـت ميزان الحكم لا يميلي=خوفي الحكم ياتي من الحب مايل
فحصت بالانصاف والله وكيلي=وثقل الامانة اتعبت ظهر شايل
فرطت ابياتك في حاضن شليلي=وقلبتها تقليب ناقـد وكايل
وقربت مجهر مايغادر اصيلي=عل وعسى تاقع بوسط الحبايل
لقيت علم وفن وشيءٍ دخيلي=طلسم لساحر عاملٍ له عمايل
ياسيد الابداع ليلي طويلي=مضى وانا غارق بزين المثايل
اما الدواء عندي هلا يالعميلي=دواك في رامع يشب الفتايل
يشوش راسك ثم تبرد غليلي=بنظم الجديد اللي يكيّف قبايل
والمشكلة الاخرى ياشيخٍ جليلي=خالفت في سلمك جميع الاوايل
المشكلة حضرة جنابك بخيلي=اعطف علينا وانت راعي الاصايل
قافك جذب مليون عابر سبيلي=ولغزك ختم جودة ومثله قلايل
ومبروك عليكم شهرنا ذا الفضيلي=والله يضاعف اجرنا بذا القوايل

وصال الحسن

28/06/2014, 06:23 AM

الله الله صح لسانك ابو ماجد واحسنت ابو ذيبان
اثنينكم مبدعين الغاز وقصيد ولاتهنووون
رمعة تسجيل حضور / ثمر رمث

النبهاني

28/06/2014, 07:27 AM

اشوفكم خرفتوا من قنيان تدلى وتميلي = وقمتم تسوقون من نبعكم جزايل
لا والله ليلكم قصير وانا ليلي طويلي = الله من سنه ماسقت مثل هالمثايل
الاول كان ماني واهم دزيته يالعميلي = اتقاضى للي خليت دمه بالقاع سايل
صحت السنتكم جميع
عز الله اطربتونا وحنا غبطناكم على ماجدتم به لنا
وكل رمضان والجميع بخير وعسانا واياكم من الصائمين والقائمين المقبولين

ابو ماجد 2

28/06/2014, 07:51 AM

تم يا الغالي

رمعه
بسر . سرب

سرب : الطيور

بسر :
البُسْرُ ثمر النخل قبل ان يصبح رطب

أوله طلع ثم خلال بالفتح ثم بلح بفتحتين ثم بسر ثم رطب ثم تمر

أبْسَرَ النخل صار ما عليه بسرا

ياهلا بجابر عثرات الشيبان
هلا بالمذهل
والف شكر للمتابعه
الرمعه رائعه
ولكن لاتنس واحد من تحت اذا اعتلى سرني مشافه
والبسر نحن نقولها نعني بها الثمره اذا تلونت ولم يظهر فيها اثر لتتمير
ثم اذا بدا بها التتمير نقول مذنبه اذا كان اسفلها ومنصفه اذا كان حوالي نصفها متمر
ثم رطب اذا تمرت كلها ثم تمرة اذا جفت قليلا

نجم القوافي

28/06/2014, 07:51 AM

السّلام عليكم ورحمة الله وبركاته

اسعد الله صباحكم جميعاً

غالى ومسند على غالى

ولله دركم

http://islamport.com/w/adb/Web/632/63.htm?zoom_highlight=%CC%CF%C7%C6%E1

ابو ماجد 2

28/06/2014, 07:55 AM

وعليكم السلام ورحمة الله وبركاته.
ما شاء الله تبارك الله.
درر مكنونة، تجلت بأبيات موزونة.
قصيدة جزلة ، سلاسة القاف، تمردت على سلاسل القيد.
مافيك حيلة ! فارس ألغاز وفارس قوافي.

تكفى يابو ذيبان داو العليلي ...اللي مع قافه يلاقي هوايل
أنا أشهد أنك سندت على جبل.
عن مطلب الزلزال شحٍ مسيلي ...ون جت على الغطوات جادت مسايل
حاشاك الشح ، وربي، أنك أوفيت بوعدك بهالقصيدة الوافية.
أرق سنود، ونبي زود.
تكفى يابو ذيبان شف وش يبي لي ....علّي اصير لمطلب البعض طايل
تكفى يابوذيبان، خلك له نصوح وقل له لايجفل من البوح.

هلا بك يابو سعد وصبحك الله بالخير
واهم شي عذرتني لاعدمتك
وتبي الصراحه عندي احساس انك لغاز وماحبيت احرجك بطلب منك لغز على اول قدومك
لكن هالحين ننتظر تشنف آذاننا ببديعك يالغالي

ابو ماجد 2

28/06/2014, 07:59 AM

تكفى يابو ذيبان داو العليلي = ابشر الدواء عندي بإذن الله .

تكفى يابو ذيبان شف وش يبي لي = ابشر بتشخيص الحالة والسبب والحل

هلا بمنهل الابداع
صباح الخير
كفووووووووووووو وانا مانحرتك الا خابر انك دكتور شعر

ابو ماجد 2

28/06/2014, 08:03 AM

يامرحبا مليون جيتك اكيلي=واشوف وش عندك جزل او هزايل

ثـبـت ميزان الحكم لا يميلي=خوفي الحكم ياتي من الحب مايل
فحصت بالانصاف والله وكيلي=وثقل الامانة اتعبت ظهر شايل
فرطت ابياتك في حاضن شليلي=وقلبتها تقليب ناقـد وكايل
وقربت مجهر مايغادر اصيلي=عل وعسى تاقع بوسط الحبايل
لقيت علم وفن وشيءٍ دخيلي=طلسم لساحر عاملٍ له عمايل
ياسيد الابداع ليلي طويلي=مضى وانا غارق بزين المثايل
اما الدواء عندي هلا يالعميلي=دواك في رامع يشب الفتايل
يشوش راسك ثم تبرد غليلي=بنظم الجديد اللي يكيّف قبايل
والمشكلة الاخرى ياشيخٍ جليلي=خالفت في سلمك جميع الاوايل
المشكلة حضرة جنابك بخيلي=اعطف علينا وانت راعي الاصايل
قافك جذب مليون عابر سبيلي=ولغزك ختم جودة ومثله قلايل
ومبروك عليكم شهرنا ذا الفضيلي=والله يضاعف اجرنا بذا القوايل

بعض العرب ماحتاج مدحه تطيلي=قصر الرشا لغزر المجمه دلايل
ياقايلٍ عن ما اسوقه جزيلي=هذا سبب وردي لعذب النهايل
منهل ابو ذيبان عذبٍ يهيلي=من هو رشف منِّه يسوق الجزايل

ابو ماجد 2

28/06/2014, 08:08 AM

الله الله صح لسانك ابو ماجد واحسنت ابو ذيبان
اثنينكم مبدعين الغاز وقصيد ولاتهنووون
رمعة تسجيل حضور / ثمر رمث

هلا بك اختنا الكريمه
صح بدنك وصبحك الله بالخير
والابداع انتم اهله
شرفتينا والرمعه مالك لوى
انتظر القادم
ورمعتك هنا عكستي الاسم والمطلوب ان تجعل اول حرف هنا يصبح آخر حرف بالاسم الثاني
على نهج ابو اسامه
بسر . سرب

ابو ماجد 2

28/06/2014, 08:12 AM

لا والله ليلكم قصير وانا ليلي طويلي = الله من سنه ماسقت مثل هالمثايل

الاول كان ماني واهم دزيته يالعميلي = اتقاضى للي خليت دمه بالقاع سايل

اشوفكم خرفتوا من قنيان تدلى وتميلي = وقمتم تسوقون من نبعكم جزايل

صحت السنتكم جميع

عز الله اطربتونا وحنا غبطناكم على ماجدتم به لنا

وكل رمضان والجميع بخير وعسانا واياكم من الصائمين والقائمين المقبولين

ياسلام عليك
كل يوم تتفتح عندك مهارات جديده
لله درك
واول ماقراته
قراتها خرفتوا من التخريف
قلت وش اللي سلطه على هالشويب
ماشاء الله تبارك الله
الطرب عندك يالغالي لامن الله ومرك

ابو ماجد 2

28/06/2014, 08:14 AM

السّلام عليكم ورحمة الله وبركاته

اسعد الله صباحكم جميعاً

غالى ومسند على غالى

ولله دركم

http://islamport.com/w/adb/Web/632/63.htm?zoom_highlight=%CC%CF%C7%C6%E1

وعليكم السلام ورحمة الله وبركاته
هلا بنجمنا المحبوب
صباح الخير
صح بدنك
شرفتنا وانتظر مرماعك

النبهاني

28/06/2014, 09:10 AM

لا تستعجل يابو ماجد كان عطاك الله عمر يبي يصير
لكن الله لايردنا واياكم لارذل العمر وان يحسن خواتيم اعمالنا
بيني وبينك ماهو بعيد عني الماخوذ من اليوم ارمع واللغز فاهمه غلط
حتى هالحين الله يرحم الحال
محاوله
هملول
ملوله
من المله

ابو ماجد 2

28/06/2014, 09:48 AM

لا تستعجل يابو ماجد كان عطاك الله عمر يبي يصير

لكن الله لايردنا واياكم لارذل العمر وان يحسن خواتيم اعمالنا
بيني وبينك ماهو بعيد عني الماخوذ من اليوم ارمع واللغز فاهمه غلط
حتى هالحين الله يرحم الحال
محاوله
هملول
ملوله

من المله

وحشتنا يابو سالم ان كانت بالعمر مامن بعد عنها
لكن مااقول الا اللهم اجعلني من حيلي لقبيري مع حسن خاتمة لاعمالي
رمعه طيبه
بس لاتنس كلهم مذكر

نجم القوافي

28/06/2014, 10:41 AM

رمعه يا زعيم

ارزم مارز

كما في اللسان
ويقال أرز، وأرز وأرز مثل رسل، وأرز مثل حجر، ورز ورنز.
وأنشدنا محمد بن قادم: * يا خليلي كل أوزه * * واجعل الجوذات رنزه *
[ ارزم ] ولا أفعله ما أرزمت أم حائل، أي حنت في إثر ولدها، وهى الرزمة.

رزَمَ : ثبت على الأَرضِ
رزَمَ : سقط من الإِعياءِ والهُزَال ولم يتحرّك ، أَو قام في مكانه ولم يتحرك من الهُزَال
رزَمَ على قِرْنِهِ : غلب وبَرَك
رزَمَ الشِّتَاءُ ، رَزْمَةً : بَرَدَ
رزَمَ الحيوانُ رَزْماً : ماتَ
رزَمَ بالشيء : أَخذ به
رزَمَت الأُمُّ به : وَلَدَتْهُ
رزَمَ شيئًا : جَمَعَهُ ، أَو جَمَعَهُ في شيء واحد ، أَو ثَوْبٍ واحد ، رزَمَ يَرزُم ، رَزْمًا ، فهو رازم ، والمفعول مَرْزوم
رُزِمَ: ( فعل )
رُزِمَ رَزْماً فهو مرزومٌ ، وهي مرزومة
رُزِمَ رَزْماً : ضَرَّهُ المرضُ
رزَّمَ: ( فعل )
رزَّمَ يُرزِّم ، ترزيمًا ، فهو مُرزِّم ، والمفعول مُرزَّم
رزَّم الورقَ ونحوَه : رزَمه ؛ جمعه في شيء واحد وشدَّه
رَزَّمَ القومُ : ضربوا بأَنفسهم الأَرضَ لا يبرحون

http://islamport.com/w/lqh/Web/64/167.htm?zoom_highlight=%C3%D1%D2%E3

http://islamport.com/w/lqh/Web/1156/3565.htm?zoom_highlight=%E3%C7%D1%D2

ابوذيبان

28/06/2014, 01:06 PM

بعض العرب ماحتاج مدحه تطيلي=قصر الرشا لغزر المجمه دلايل
ياقايلٍ عن ما اسوقه جزيلي=هذا سبب وردي لعذب النهايل
منهل ابو ذيبان عذبٍ يهيلي=من هو رشف منِّه يسوق الجزايل

ان كنت انا نبعً يعبي صميلي=انت السحاب اللي علينا همايل
وانت الذي تسقي بديع ٍخميلي=وتطلع لنا الازهار كوم وفصايل
انت الكرم من فوق ماهو قليلي=تشبع حمايل ياكريم الحمايل
انت الذي للفن اوفى خليلي=تبارك الله مبدعٍ بالصمايل

ابو ماجد 2

28/06/2014, 01:36 PM

ان كنت انا نبعً يعبي صميلي=انت السحاب اللي علينا همايل

وانت الذي تسقي بديع ٍخميلي=وتطلع لنا الازهار كوم وفصايل
انت الكرم من فوق ماهو قليلي=تشبع حمايل ياكريم الحمايل
انت الذي للفن اوفى خليلي=تبارك الله مبدعٍ بالصمايل

ماشاء الله تبارك الله
مافيك حيله
تغرف من بحر الله يزيدك من فضله

ابو ماجد 2

28/06/2014, 01:38 PM

رمعه يا زعيم

ارزم مارز

كما في اللسان
ويقال أرز، وأرز وأرز مثل رسل، وأرز مثل حجر، ورز ورنز.
وأنشدنا محمد بن قادم: * يا خليلي كل أوزه * * واجعل الجوذات رنزه *
[ ارزم ] ولا أفعله ما أرزمت أم حائل، أي حنت في إثر ولدها، وهى الرزمة.

رزَمَ : ثبت على الأَرضِ
رزَمَ : سقط من الإِعياءِ والهُزَال ولم يتحرّك ، أَو قام في مكانه ولم يتحرك من الهُزَال
رزَمَ على قِرْنِهِ : غلب وبَرَك
رزَمَ الشِّتَاءُ ، رَزْمَةً : بَرَدَ
رزَمَ الحيوانُ رَزْماً : ماتَ
رزَمَ بالشيء : أَخذ به
رزَمَت الأُمُّ به : وَلَدَتْهُ
رزَمَ شيئًا : جَمَعَهُ ، أَو جَمَعَهُ في شيء واحد ، أَو ثَوْبٍ واحد ، رزَمَ يَرزُم ، رَزْمًا ، فهو رازم ، والمفعول مَرْزوم
رُزِمَ: ( فعل )
رُزِمَ رَزْماً فهو مرزومٌ ، وهي مرزومة
رُزِمَ رَزْماً : ضَرَّهُ المرضُ
رزَّمَ: ( فعل )
رزَّمَ يُرزِّم ، ترزيمًا ، فهو مُرزِّم ، والمفعول مُرزَّم
رزَّم الورقَ ونحوَه : رزَمه ؛ جمعه في شيء واحد وشدَّه
رَزَّمَ القومُ : ضربوا بأَنفسهم الأَرضَ لا يبرحون

http://islamport.com/w/lqh/Web/64/167.htm?zoom_highlight=%C3%D1%D2%E3

http://islamport.com/w/lqh/Web/1156/3565.htm?zoom_highlight=%E3%C7%D1%D2

هلا بنجمنا المحبوب
هلا بمشبع المراميع لتعم الفائده
شكرا للمعلومه
ومااعنيهما الكل يعرفهما
حتى من لايقرا ويكتب

نحيحيل الوادي

28/06/2014, 05:44 PM

كل عام وانت بخير يالزعيم

ممكن اريحك منه

(دبس التمر)رب

بر
تحياتي

ابو ماجد 2

28/06/2014, 10:47 PM

كل عام وانت بخير يالزعيم

ممكن اريحك منه

(دبس التمر)رب

بر
تحياتي

هلا بك يابو عزام ومباك علينا وعليك الشهر
لايزال طليق يالغالي

ابوماريا

28/06/2014, 11:08 PM

ماشاء الله تبارك الله
صح السانك مليووووووون يابو ماجد
وكل عام وانت بخير
غالي ومسند على غالي
وبيض الله وجهك على هالابداع

أبيات جزله وممتعه ولنا عودة للغز بعد التمعن

النبهاني

29/06/2014, 12:18 AM

لا توحش يابو ماجد أبد
ذكرت مره رحت مع عمي جد عيالي نخطب له عقب ام عياله الله يغفر لها
يوم تبقشت العلوم يحسبونن اكبر منه الرجال متزكرت وكاشخ والصبغه تقل جناح غراب
وانا كني شايل لي كيس طحين منشق تدري وش سويت تقطعت كبدي من الضحك
وتراك انت شيخ المناعير
محاوله غديه حول الدعوى
عنب
نبع

نجم القوافي

29/06/2014, 12:28 PM

مساء الخير يا ابو ماجد وكل عام وانت بخير

أما اْلأَوَّلُ: - بِفَتْحِ القاف وكسر اللام - : هضبُ القليب جبل الشربة.
وأما الثَّاني: - بِضَمِّ القاف وفتح اللام وتَشْدِيْدِ الياء - : ماء بنجد، فوق الخربة في دِيَارِ بني أسد، لبطن من نصر بن قعين.

http://islamport.com/w/lqh/Web/104/107.htm?zoom_highlight=%C7%E1%DE%C7%DD

رمعه ثانية

قاف: ( اسم )
القَافُ : الحرف الحادي والعشرون من حروف الهجاء ، وهو في الأصل مجهور أَصَابه التهميس في معظم الألسنة الآن ، وهو أَيضا شديد مفخَّم ، ومخرجه من اللهاة مع أَقصى الحنك الأعلى وتطورت القاف في اللهجات العامّية تطورًا أبعدَ أثرًا ؛ فهي تُسمَعُ في لغة الكلام همزة ، وفي بعض القراءَات وفي اليمن وصعيد مصر وبين كثير من قبائل البدو تُنطَقُ كالجاف الفارسية
قَافُ الرَّقَبَةِ : الشَّعْرُ السَّائِلُ فِي نُقْرَتِهَا

http://islamport.com/w/lqh/Web/104/101.htm?zoom_highlight=%DE%C7%DD
فاقَ: ( فعل )
فاقَ يَفوق ، فُقْ ، فَوْقٌ ، فَوَاقٌ ، فهو فائق ، والمفعول مَفُوق
فَاقَ السَّهْمَ : وَضَعَ فُوقَهُ فِي الوَتَرِ لِيُرْمَى بِهِ
فَاقَ أَصْحَابَهُ : سَادَهُمْ شَرَفاً ، أَوْ عَلاَهُمْ بِالفَضْلِ أَوِ العِلْمِ
فاق قُدراتِه : جاوزها فاق حدود العقل ،
كان عددهم يفوق الخمسين : يزيد عليها
فَاقَ فَاقَ ِ فَيْقًا : جاد بنفسه عند الموت .

http://islamport.com/w/lqh/Web/1159/6556.htm?zoom_highlight=%DD%C7%DE

ابو ماجد 2

29/06/2014, 01:07 PM

ماشاء الله تبارك الله

صح السانك مليووووووون يابو ماجد
وكل عام وانت بخير
غالي ومسند على غالي
وبيض الله وجهك على هالابداع

أبيات جزله وممتعه ولنا عودة للغز بعد التمعن

ياهلا ومليون هلا
سلامة الاسفار
اتمنى ان تكونوا قضيتوا ايام سعيده
صح بدنك يالغالي
ورمضان مبارك على الجميع
ووجهك ابيض اليوم ودوم
متع الله ايامك ولياليك على الطاعه
في انتظار مرماعك

ابو ماجد 2

29/06/2014, 01:12 PM

لا توحش يابو ماجد أبد

ذكرت مره رحت مع عمي جد عيالي نخطب له عقب ام عياله الله يغفر لها
يوم تبقشت العلوم يحسبونن اكبر منه الرجال متزكرت وكاشخ والصبغه تقل جناح غراب
وانا كني شايل لي كيس طحين منشق تدري وش سويت تقطعت كبدي من الضحك
وتراك انت شيخ المناعير
محاوله غديه حول الدعوى
عنب

نبع

هههههههههههههههههههه
عليك تواصيف ماشاء الله
التزكرت يحوف اشياء بس الشايب شايب
محاوله طيبه
والرمعه نفسها لمح لها ابو ذيبان لكن مالكم لوى
وبمناسبة هالشهر الكريم نبي نزيد بيتين

ابو ماجد 2

29/06/2014, 01:17 PM

مساء الخير يا ابو ماجد وكل عام وانت بخير

أما اْلأَوَّلُ: - بِفَتْحِ القاف وكسر اللام - : هضبُ القليب جبل الشربة.
وأما الثَّاني: - بِضَمِّ القاف وفتح اللام وتَشْدِيْدِ الياء - : ماء بنجد، فوق الخربة في دِيَارِ بني أسد، لبطن من نصر بن قعين.

http://islamport.com/w/lqh/Web/104/107.htm?zoom_highlight=%C7%E1%DE%C7%DD

رمعه ثانية

قاف: ( اسم )
القَافُ : الحرف الحادي والعشرون من حروف الهجاء ، وهو في الأصل مجهور أَصَابه التهميس في معظم الألسنة الآن ، وهو أَيضا شديد مفخَّم ، ومخرجه من اللهاة مع أَقصى الحنك الأعلى وتطورت القاف في اللهجات العامّية تطورًا أبعدَ أثرًا ؛ فهي تُسمَعُ في لغة الكلام همزة ، وفي بعض القراءَات وفي اليمن وصعيد مصر وبين كثير من قبائل البدو تُنطَقُ كالجاف الفارسية
قَافُ الرَّقَبَةِ : الشَّعْرُ السَّائِلُ فِي نُقْرَتِهَا

http://islamport.com/w/lqh/Web/104/101.htm?zoom_highlight=%DE%C7%DD
فاقَ: ( فعل )
فاقَ يَفوق ، فُقْ ، فَوْقٌ ، فَوَاقٌ ، فهو فائق ، والمفعول مَفُوق
فَاقَ السَّهْمَ : وَضَعَ فُوقَهُ فِي الوَتَرِ لِيُرْمَى بِهِ
فَاقَ أَصْحَابَهُ : سَادَهُمْ شَرَفاً ، أَوْ عَلاَهُمْ بِالفَضْلِ أَوِ العِلْمِ
فاق قُدراتِه : جاوزها فاق حدود العقل ،
كان عددهم يفوق الخمسين : يزيد عليها
فَاقَ فَاقَ ِ فَيْقًا : جاد بنفسه عند الموت .

http://islamport.com/w/lqh/Web/1159/6556.htm?zoom_highlight=%DD%C7%DE

هلا بنجمنا المحبوب
يامساء النور
كالعاده اضفاء معلومه مع شرحها
اعتقد انك تعني بالاول لفظ قليب
مالك لوىواللفظين معروفات للجميع حتى الامي يعرفهما

ابو ماجد 2

29/06/2014, 01:24 PM

بسم الله الرحمن الرحيم

السلام عليكم ورحمة الله وبركاته

لغيز موجه لابو ذيبان والتماس عذر لمطلب ابو سعد

سبق أن طلب منك أحد الأخوان بأن تجود علينا بقصائد لايقيدها لغز، وهنا أعيد المطلب.
،،،،،،،،،،

نزيد بيتين لعله ينحل

نوبٍ يجيني قاف خاضع ذليلي= ونوبٍ هجوسي قدم قافي ذلايل
تكفى يابو ذيبان داو العليلي= اللي مع قافه يلاقي هوايل
نوبات شطرٍ دون نظمه يحيلي=ونوبٍ تجي ابيات تترا عجايل
نوبٍ يجي قافي ضعيفٍ هزيلي =نوب ابشهادتكم يدش الجزايل
تكفى يابو ذيبان شف وش يبي لي=علّي اصير لمطلب البعض طايل
عن مطلب الزلزال شحٍ مسيلي=ون جت على الغطوات جادت مسايل
واليوم لغزي والعشم به جزيلي=قدم الدهاة اللي بها الغطو زايل
اثنين وكلٍ به نلاقي حصيلي=لغزٍ وما دونه عن الحل حايل
نفس الحروف هذا وهذا يشيلي=وليابغيت الشرح جتك الدلايل
نفس الحروف هذا لهذا مثيلي=لكن راس هذا لهذا يذايل
ذا سرني من فوق لاصرت اخيلي=لامن غدا يم تحت للبنت آيل
والثاني اللي بالوطا هو نزيلي=الياعتلا سر الذي له يخايل
من ذا كليت حلٍ عليه الدليلي=ومن ذا كليت اللي به الطيب نايل
الأولي هذا وذا به طري=ان صار راسه وسط يابن الحمايل
واحد طرا ياصاحبي في رحيلي= وواحد ترا له بالمدينه مثايل

مع تحيات ابو ماجد

منتديات مكشات 0 خيمة الالغاز

نجم القوافي

29/06/2014, 01:39 PM

ياهلا بك يا بو ماجد

احلى ما في المواضيع المطروحة من شخصكم الكريم تبحري
بي في علوم اللغة زادك الله من فضلة

ومن الفائدة التي أدهشتني حرف القافِ
670 - بَابُ قَافٍ، وَفَاقٍ، وَقَانٍ
أما اْلأَوَّلُ: - آخره فاء - : الجبل المُحيط بالدنيا وهو مذكور في القرآن.

نجم القوافي

29/06/2014, 02:22 PM

سلمت يا بو ماجد وصح لسانك وما قصرت

رمعه / البسر

بسر & رسب

بسر : http://islamport.com/w/lqh/Web/1156/2668.htm?zoom_highlight=%C8%D3%D1

رسب : http://islamport.com/w/lqh/Web/1156/444.htm?zoom_highlight=%D1%D3%C8

ابو ماجد 2

29/06/2014, 02:26 PM

سلمت يا بو ماجد وصح لسانك وما قصرت

رمعه / السرب

سرب & رسب

سرب : http://islamport.com/w/lqh/Web/1156/495.htm?zoom_highlight=%D3%D1%C8

رسب : http://islamport.com/w/lqh/Web/1156/444.htm?zoom_highlight=%D1%D3%C8

هلا بنجمنا المحبوب
سلمت من الشر
لايزال طليق يالغالي

نجم القوافي

29/06/2014, 02:39 PM

سلمت يا بو ماجد الرمعه المقصوده البسر وقد تم التعديل أثناء الرد

ابو ماجد 2

29/06/2014, 02:58 PM

سلمت يا بو ماجد الرمعه المقصوده البسر وقد تم التعديل أثناء الرد

سلمت من الشر يالغالي
الرمعه ساريه من ابو اسامه
مالك لوى
وثق يالغالي حتى لو صارت الرمعه حول المحاري لنوهت بها

عليق بري

29/06/2014, 06:16 PM

صح لسانك يا بو ماجد ..

وتقبل الله منا ومنكم صالح الاعمال
وكل عام وأنتم والاخوان والاحبة بخير ..

لعلك تقصد :

صقر & قرص ..

ابو ماجد 2

29/06/2014, 06:46 PM

صح لسانك يا بو ماجد ..

وتقبل الله منا ومنكم صالح الاعمال
وكل عام وأنتم والاخوان والاحبة بخير ..

لعلك تقصد :

صقر & قرص ..

هلا بمعلق الالغاز
رمضان مبارك على الجميع
صح بدنك
وما اقول الا
كفووووووووووووووووووووووووو كفووووووو كفوووووووو
ولله درك ومافيك حيله وكل كلمة ثناء تستحقها يالغالي
نعم
صقر 0 قرص
ولشرح اللغز

واليوم لغزي والعشم به جزيلي000قدم الدهاة اللي بها الغطو زايل
الكل يجتهد للجزيل ليتجمل امام من يحب
اثنين وكلٍ به نلاقي حصيلي=لغزٍ وما دونه عن الحل حايل
الاثنين والكل نجد فيه حصيل
نفس الحروف هذا وهذا يشيلي=وليابغيت الشرح جتك الدلايل
الحروف نفسها هنا وهنا ولايعني هذا نفس الترتيب
نفس الحروف هذا لهذا مثيلي=لكن راس هذا لهذا يذايل
صقر . قرص
ذا سرني من فوق لاصرت اخيلي=لامن غدا يم تحت للبنت آيل
الصقر يسرني مشافه لاهد على الحبارى او اي صيده
والثاني اللي بالوطا هو نزيلي=الياعتلا سر الذي له يخايل
والقرص يسرني الياظهر من المله
من ذا كليت حلٍ عليه الدليلي=ومن ذا كليت اللي به الطيب نايل
من هنا تسمى سببيه اي بسبب قنص الصقر اكلت حلال ومن القرص ايضا اكلت
الأولي هذا وذا به طري لي=ان صار راسه وسط يابن الحمايل
واحد طرا ياصاحبي في رحيلي= وواحد ترا له بالمدينه مثايل
صقر لو صار راسه وسط اصبح قصر
وبالرحيل يطري قصر الصلاة وبالمدينه يطري القصر المسكن الكبير .
صح لسانك واتمنى ان يكون اللغز وارد

نجم القوافي

29/06/2014, 10:26 PM

صح لسانك يا ابو ماجد

وكفو كفو كفو ثم كفو

عليق بري احسنت الذبح يالغالي

وبيض الله وجهكم جميعا

أبوكاش

02/07/2014, 12:42 AM

كفو ثم كفو للغالي عليق بري، وما شاء الله تبارك الله.

هلا بك يابو سعد وصبحك الله بالخير
واهم شي عذرتني لاعدمتك
وتبي الصراحه عندي احساس انك لغاز وماحبيت احرجك بطلب منك لغز على اول قدومك
لكن هالحين ننتظر تشنف آذاننا ببديعك يالغالي

هلا وغلا بالحبيب ابو ماجد، سمعتك ولا سفهتك، والمعذرة على تأخري بالرد ، الساعة البيلوجية عاملة عمايلها هاليومين.:)
والشهر عليك مبارك، وتقبل الله منا ومنك صالح الأعمال والطاعات.
وبالنسبة لأحساسك، أتمنى ان إحساسك في محله، لكن ياغالي فاقد الشيء لايعطيه. فملكة الشعر لا أملكها.
وتبي الصراحة أنا منحرج من نفسي قبل ماتنحرج أنت مني، وودي والله أن عندي لو عرف بسيط بصياغة الألغاز وأطرح لغز للأخوان.
ولكن مايمنع من المحاولة وعسى الله يقدرني على هالشي.

ابو ماجد 2

03/07/2014, 12:51 AM

كفو ثم كفو للغالي عليق بري، وما شاء الله تبارك الله.

هلا وغلا بالحبيب ابو ماجد، سمعتك ولا سفهتك، والمعذرة على تأخري بالرد ، الساعة البيلوجية عاملة عمايلها هاليومين.:)
والشهر عليك مبارك، وتقبل الله منا ومنك صالح الأعمال والطاعات.
وبالنسبة لأحساسك، أتمنى ان إحساسك في محله، لكن ياغالي فاقد الشيء لايعطيه. فملكة الشعر لا أملكها.
وتبي الصراحة أنا منحرج من نفسي قبل ماتنحرج أنت مني، وودي والله أن عندي لو عرف بسيط بصياغة الألغاز وأطرح لغز للأخوان.
ولكن مايمنع من المحاولة وعسى الله يقدرني على هالشي.

كفووو كفووووو وانا واثق ان شاء الله انك ستكلل بالنجاح
ننتظرك بشغف