يالربع طالبينكم المشوووره

[راعي العوبا]

السلام عليكم ورحمة الله اخواني الاعزاء انا ناوي ان شاء الله ابغير موتري وابي مشوتكم في البات فندر وش هو من موتر هل هو متر كرف وتحمل ويصبر ولا ماهو بزود وبسئلكم انا سمعت كلام ان المكيف حقه يتعطل هلا هالكلام صحيح ام لا ؟؟ علماًً اني اريد شرائه مستعمل يعني تقريباًً موديل 2002 او 2003 ايه نسيت اسئلكم كم تقريبا بحصل سعره؟؟ علما بان نيتي ان شاء الله قير عادي
شااااكرين لكم حسن تعاونكم ودمتم على القوه ...

لا تبخلون علينا :no2: بائرآكم ياهل البتفندرات والله يعيطكم العافيه

[راعي العوبا]

معقوله ولااااارد ؟؟؟؟ معقوله مافيه منكم احد يعرف شي عان البات ؟؟؟؟؟؟؟؟ تكفووون ناخيكم ردوو علي

[ولدالعم]

وعليكم السلام

مع ولد عمي لم أراه يشتكي منه
إلا أنه تتعطل كهرباء الطبلون احيان وليست باستمرار

[راعي العوبا]

ولدالعم : مشكور على مرورك وننتضر آراء البقيه وننتضر آراء المجربين

[باب هداج]

والله ياغالي مع واحد من ربعي مديل 2004 مشاء الله عليه من محل الى محل ولا يقول لا ومن ناحية المكيف ماشفت الرجال يشتكي منه اللهم انهم يشتكي من صرفيته للبنزين ولا الموتر حطه على يمناك

[راعي العوبا]

حياك اخوي باب ومشكور على مرورك

تقولون كذا والله شكلي تحمست ههههههههههه ما نستغني عن تجارب البقيه افيدونا جزاكم الله خيراًً

[راعي نواف]

اخوي راعي العوبا انا اعمل في جهة رسمية وعندنا الباثفندر حوالي 8 سيارات كلها تعمل على ثلاث اشفات والسيارات من موديل 2003 الى 2005 بس تبديل زيت وقماش اخذ السيارة وتوكل على الله.

[راعي العوبا]

هلا براعي نواف اشكرك على مرورك
لاكن انا ابي اهل الكرف والمطامر يعطوني رايهم فييها هل هي صبور واذا تكرمتم بعد كم بحصل موديل 2003 به

[راعي العوبا]

هاه يالربع مافيـــــــه احد يطعن بالبات فندر قبل مال اشتري واتوهق ولو سمحتو كم اسعار ال 2002 او 2003 وماتقصرون

[نمر بن حثلين]

كانك راعي تطعيس خذ 2002( مكينته ضعيفه ) او 2004 ( سعره اغلى )

اما ال2003 فيه عيب مع التطعيس حساس الهوا يخرب ويطفي المكينه

اما كانك راكد وراعي تمشي بركاده توكل على الله


اما المكيف اسمع ان العيب هذا مصنعي ويصلحونه الوكاله ولا عاد يرجع
يعني كل الي بالسوق مستعملات يا انه ما به الخراب او انه مصلح ومنتهي
لا تشيل هم

[الكلاسك]

موديل 2001 او 2002 القير التماتيك في خطا مصنعي تخرب طرمبة الزبت اللي داخل القير ويخبط وهذا حصل لسيارة اخوي السياره مريحه بس عيبها تشفط بنزين .وانت ماشي على الخط تلمس الدعسه على طول يرد نمره وحط في اعتبارك اذا جست تشتري جيب مستعمل لازم تعرف اللي يسوقها وشهو من لحيه كنك بتناسبه :) لان الجيوب يبي لها فحص دقيق هذي سيارت كرف وملعنة وما جت للمعرض الا قبل ما طلع بها جبال ايفرست

[راعي العوبا]

هلا وغلا اخوي نمر ارحب بس تقول لي كانك راعي تطعيس خذ 2002 (مكينته ضعيفه ) مافهمت هل الجمله الله يجزاك خير شاكر لك مرورك ولاعدمناك

هلا اخوي الكلاسك والله منور الموضوع بس لاتخاف علي انا مابي تماتيك ههههههههههههههه والله مايطرب بالسواقه اما من ناحيه تدويرة الموتر لاتشيل هم خويك خبره هع هع هع ومشكور مره اخرى يالكلاسك

[راعي العوبا]

????????????????????????????????????????? يؤؤؤؤؤؤؤؤؤؤ مافيه رد جديد الله يرضا عليكم ردوو