المساعد الشخصي الرقمي

مشاهدة النسخة كاملة : بخصوص شد للهايلكس


ابوهايلكس
08/05/2014, 09:16 AM
مساء الخير يا اخوان انا من سكان الرياض معي هايلكس دبل 2014
الله يبارك لي فيما رزقني المهم
ابي اركب لي شد في الصندوقيعني شبك عليه شراع ابي المواقع والورشات اللي تركبه صراحه شفت هايلكسات مركبه هناقل حلوة مره تتفتح من جميع الجوانب ولها اقفال بس ودي امسك واحد يمشي اقوله وين مركبه ما يمديني عليه اللي عنده خلفيه يرد لي مشكورييين
ابوهايلكس
09/05/2014, 10:53 AM
يا اخوان اهل المكشات اهل الهايلكسات ارجو الرد
nayf01
09/05/2014, 11:03 AM
في بريدة ويكلفك تقريباً خمسة الاف اذا غمارتين

تروح ياخذون المقاسات والاسبوع المقبل تركبه
ويحطون لك فرشة خشب ويصير عفشك تحت وفوق مجلس ومحل نوم
يعني الصندوق يكون دورين والشد مساوي للغماره ويركبون لك شبكة اضاه وافياش لشحن الجوال وغيره
ابوهايلكس
09/05/2014, 11:06 AM
وييييين 5 الالف عورني راسي
nayf01
09/05/2014, 11:06 AM
والنصحك تحط تحت تانكي الامنيوم للماء ةيحطون بزبوس تحت

وفيه واحد في السلي يصلح لكن مادري عن جودة شغله ولا انصحك الا باللي في بريدة
ابوهايلكس
13/05/2014, 07:33 AM
اذا فيه مكان بالرياض يضبطه لي يا ليت احد يدلني
أبي عبدالله
13/05/2014, 08:12 PM
مساكم الله بالخير جميع
شف وانا اخوك تبي شغل شد صح
بحدود 2800 الي 3000 ريال عندك عروق الشمال في بريده
اذا تبيه ثابت في الموتر بس تراه حمل شوي على الموتر
باقفاله وامان على اغراضك ومحول كهرب على حسب طلبك 400 او 600 وات
تبي شغل خفيف ويقضي لزومك شد عقرب من محلات الحداده وتمر الغرابي بالرياض
يفصلون لك قماش


وفقك الله
برق الحيا9
14/05/2014, 10:23 PM
حياك الله اذا لك رغبة شد مستعمل حشمه شف اعلاني.