عزم الموتر رايـــــــــح أبـــــــــي حـــــل يالربــــــــــع

[قلب الداهيه]

عندي موتر ددسن 92 عزمها رايح فيها مرة ما بها عزم

تكفون يالربع أبي حــــــل للمـشــكــلــة

ولكم كـل حبي واحترامي

قـلـب الـداهـيـه

[حـاتـم]

خوي قلب الداهيه

السلام علليكم

الموتر قديم وزي مايقولون بعد ماشاب

خلاص العزم مات

لكن اذا الموتر مكينته نظيفه وجيده

انصحك بتركيب مراوح كهرب وقيمتها مع التركيب 550 ريال

وتركيب كويل Msd مع اسلاك بواجي وبواجي

وان شاء الله يصلح

ومشكور

أخوك / حاتم

[مرقاب الشرق]

ما ازيد على كلام الاخ حاتم وركز على البواجي الله يسلمك .

[قلب الداهيه]

الموتر ما شاء الله تبارك الله شاريه الوالد الله يحفظه من الوكالة ومحافظ عليها
المكينة نظيفة مرة وكل شيء نظيف ما شاء الله عليها بس عزمها رايح مادري وش فيها
أحس أن الموتر يبرد ويبي يطفي اذا طلعت طعس لو هو صغير واذا حطيت الموتر بالفاضي وانا اتمشى عليها
لازم أضغط بنزين عشان ما تطفي وش الـدبــــــــــــرة

أشكركم على المرور (حاتم ,,الشمري)

[قلص]

يااخى قلب الداهيه معروف ان الاربعه سرلندر ضعيف لذالك لاتخسر و تعب نفسك انصحك بالسته سرلندر

[نيشان نجد/]

يا اخي قلب الداهية وش مشكلتك هل هو طايح عزمه تبي تنشطه هل في مشكلة أنها تطفي وضح المشكلة

[aziz2727]

جرب تغير اسلاك البواجي وفلتر الهوا

[مروق]

السلام عليكم ...

هلا اخوي .. يبدو لي ان الكربوريتر .. هو المشكله !!

انصحك توديه لواحد خبرة .. وتخليه ينظفه من الداخل .. تنظيف دقيق <<< وركز على دقيق ( بدون مايفكك المسامير الداخليه )
ورايح تشوف الموتر على كيف كيفك .. مع تبديل البواجي والصفايه (صفاي البنزين)






.. وعموما الموتر مكربن .. من طول التخزين .. وترى الاستخدام اللين على طول يضر السيارة
لابد من قليل من الشحط .. على الاقل كل شهر مرتين






وعلى فكرررة .. النفود والرمل .. من افضل الاماكن لتشحيط السيارة (نظرا لدوران المحرك والعجلات بدون دفع حقيقي )




وتحياتي

[الفهد11]

ركب بواجي (دينسون) راسين
مع اسلاك بواجي اللي يجي لونه بنفسجي تلقاه عند محل 4500 اللي بالربوه
وشف وش يطلع عزمه.
وارجو اني افدتك

[المسفري]

السلام عليكم ورحمة الله وبركاته
الأخ قلب الداهيه المحترم
أذا كان الديلكو الكتروني يحتاج وزن وهو بسيط جدا يبين من صوت المكينه ومن الحراره ومن صرف البنزين
وأذا كان الديلكو بلاتين غيره وجرب
أخوك / المسفري

[قلب الداهيه]

أخي نيشان نجد الموتر عزمه رايح مرة وأبي انشطه زي ما قلت

أشكر كل من أدلى بعلوماته ويعطيكم العافيه

[ذئب المراقيب]

قم بتغير التالي

1.الدسك والصحن خلف المكينه امام القير
2.بواجي واسلاك اصلي وكاله
3.فحمة كلتش
4.وزن الدلكو ويلزم خبير
5.صفاية بنزين
6.تطربه بنزين داخل التنكي

وانشاء الله تصير تمام التمام
وتكون القطع وكالة

[خشم العرنية]

اسلام اخوي الي ذكرة الاخو ذيب المرقاب هو المهم

[الشيخ1]

انصحك يااخوي وانا مجرب ... تصفية المكينه كامله بواجي وزن ديلكو ..الخ ايضا تغيير فلتر الهواء

[وحيد الدرب]

.وزن الدلكو ويلزم خبير

[آل علي]

البواجي والكربريتر هي التي تدمر العزم شيك عليها

[نيشان نجد/]

يا أخي الكريم أنت تشكو من طيحت العزم ولاتشكو من خراب طبع على موديل الموتر لازم طايح عزم وزي ماقالو الأخوان يعني ترهم تعدل عليه مثل بواجي واسلاك بواجي وفلتر هواء رياضية ومراوح كهرب وغيرها من التعديلات بس إحتمال كبير هذي التعديلات تحوس الموتر وأنا كان معي ددسن موديل 90 ركبت به فقط مراوح كهرب عند أبو دغيري والحمد لله زاد عزمه شيء يذكر .
أما إنكنت تشكوم من خراب وتفتفت موتر ورجت مكينه فهذا شي أخر أرجو أني قد أوضحت
أخوك/ نيشان نجد.

[قلب الداهيه]

يعطيكم العافية جميعا كلن باسمه ولا هنتم يالربع

أخوي ذيب المراقيب \ كم تتوقع تكلف التغيرات اللي ذكرتها وأكون من الشاكرين

[خياله]

ذيب المراقيب كفى وفى

[ذئب المراقيب]

يعطيكم العافية جميعا كلن باسمه ولا هنتم يالربع

أخوي ذيب المراقيب \ كم تتوقع تكلف التغيرات اللي ذكرتها وأكون من الشاكرين


والله من1500ريال وفيها
واشتر القطع من الوكاله لن عندهم خصم طيب
لكن المهم المهندس لازم يكون مضبوط

[قلب الداهيه]

يعطيكم العافية جميعا على المعلومات المفيدة وما قصرتم

[قناص الحبارى]

أللي قالوه الأخواني يكفي ووفي ويزيد ...



بس تأكد من كفر الأستبنه يمكن تكون منسمه ... خخخخخخخخ أمزح معاك ..


الله ييسر امرك ..




أخوك/ قناص الحبارى

[قلب الداهيه]

ههههههههههههههههه الله يرجك رجا غير مبرحا

موتني من الضحك حلوة الاستبنه بس ابي اشوفها منسمة والا لا

[العمده عصوم]

ركب له بواجي متسوبيشي جالانت

[غضنفر]

واضح من كلامك ان الكربرتر
فيه بلا
جرب تنظيفه
وان ما نفع عليك بالجديد

[قلب الداهيه]

الله يعين ان شاء الله وبنجرب ونشوف

[شكمان طيارة]

السلام عليكم انا با افيدك في الموضوع اذا كان موترك كربريتر شف اللي تحت الصحن حق الكربريتر هذا يمكن عوامة دفع البنزين من قدام ومن الخلف علشان اذا رقيت العرق >الطعس<ما يدفع بنزين زيين ويطفي الموتر لاكن اذا صارت العوامه من يسار ويمين ما يهمه يرقى العرق سلام سلام ولاعنده اي اشكاليه وانصحك بتركيب نوع الأدل بروك لان عوامته يسار ويمين لاكن اذا صرت في الخط وعزمه طاااايح بمعنى الكلمه فأنصحك بتركيب ال
msd وتغيير البواجي والاسلاك وكاااله ركز وكاااله لا:no2: يلعبون عليك ويقولون ركب بوجي طوييل عن حق الوكاله صحيح انه بيعطيك عزم قوي لاكن بيدوم لك العزم طوييل لاكن بتسير على كل ورشه با الصناعيه علشان يوضبون لك المكينه هه هه هه وتلعن اليوم اللي ركبت فيه بوجي طويل اما اذا كان موترك بخاخ فمالي اي علم او درايه با لبخاخات اتمنى اني اكون قد افدتك في الموضوع واعذرني عن اي تقصير والله يرجع عزم موترك ويخليه كأنه عزم الVXRوالسلام عليكم ورحمة الله وبركاته.

[قلب الداهيه]

مشكور يا شكمان طيارة

ما أبي عزم Vxrأبي عزمه يرجع وبس

ما قول الا الله يعين 000

[تكفون]

عليك بمراوح الكهرب

[smair911]

هذي يااخوي صارت لي بس بالكرسيدا .وغيرت البواجي واشياء كثيرة وتبين ان الخراب من التالي :
1- الكبليتر
2-كرسي المكينة كان منكسر

[.أبوعبدالرحمن]

الشباب كفو ووفوا




وما قصروا

[نايف الذيب]

غير بواجي واسلاك وصفلية بنزين مع وزن الديلكو

[صيهد]

انتبه لا تكون الكنداسة مسدده
ترى كان معي موتر هبلبي وخسرت عليه واجد.....................
واخرتها تنظيف كنداسه بخمسين ريال
وكذلك تأكد من صفاي البنزين
الله يوفقنا وياك