محتار بين الفتك باترول 2014 الشكل القديم وبين الجى اكس ار

[الطنب]

السلام عليكم ورحمة الله وبركاته

كنت مختار الجى اكس ار موديل 2012 او 2013 او 2014 وارد اليحي ولم اجد مستخدم نظيف ممشي قليل وسعر الجديد 2014 غالى بسعر 225 الف الفل بدون شاشه وفى الامس بحثت عن بديل ووجدت فى احد المعارض باترول فتك تماتيك 8 سرندل دف لك وفتحه الفلل منه بسعر 160 الف شامل الاستماره واللوحات ففارق السعر جيد بين السيارتين لكن لعدم معرفتى بالفتك محتار هل اعزم عليه هل هو راسي بالخط ومريح كمركب

عطونى رايكم وتجاربكم

[عطرالسوالف]

خذلك جي أكس أر نصيحه من اخو أنا كنت مثلك والحمد الله شريت جي أكس أر مستخدم ماشي ٢٠ ٢٠١٣ النسيان يتفكك في البران

[أبو الوليد 14]

الباترول فتك ما يجي 8 سلندر (( 6 سلندر 4800VTC))
الباترول بطل الدروب يجي 8سلندر بسعة 5.6
عالعموم الافضل من وجهة نظري الخاصة :
1. باترول بطل الدروب 400 حصان ان كانك تقدر عليه ( ال320 لابأس به ويمدحون القير العادي منه )
2.لاندر كروزر 8 سلندر ( ال6 سلندر لايقربك ثقيل مرة )
3. باترول فتك

شاور واستخر وتوكل على الله
بالتوفيق

[الطنب]

شكرا لك اخوى عطر رغبتى بالجى اكس ار بس يوم شفت الباترول وفارق السعر احترت بينهن

[الطنب]

ابو الوليد مشكور على المشاركه والباترول اكدو لى انه ثمان سرندل قير تماتيك وعادى وبطل الدروب شكله ماعجبنى ابدا
انا عاجبنى الجى اكس ار الثمانيه سرندل خصوصا وارد اليحي الفلل منه بس مبلغه عالى

[ابوكشتات]

غريبه الفتك 8 سلندر بس ابي معرض اللي لقيته اذا ماعليك امر . وش حجم مكينة الفتك ال 8 سلندر وكم حصان . شاكرومقدر لك .

[abarre3an]

للي يسأل عن الفتك.
لا يوجد VTC فتك 8 سلندر...
اللي موجود V8 هو النيسان البترول...

[سعود27]

صراحه فرق السعر ممتاز ومن صالح الفتك والقوة من صالح الفتك ولاكن يعيب على الفتك بعض المشاكل الكهرب ولون الداخلي اسود
والتايوتا ممتاز ولكن السعر ممبالغ فيه جدا واقل صلابه من الفتك

[الطنب]

اخوانى ترانى اقصد الباترول السفاري مكينة فتك 4800 هذا هو اللى ثمان سرندل وموجود عند معرض الخضر بريده وموجود عند معرض الحميدى عنيزة

[الحميضاني]

اخوي الفتك الشكل القديم ما يجي 8 سرندل يجي 6 سرندل 4800 vtc

[قناص الأشهب]

يا خوك يلعبون عليك الفتك ما يجي 8 سلندر لو يحلفلك على المصحف
ما يجي مرررة امسحها من راسك

[محمد 2002]

الفتك 6 سلندر أكيد 100 %
وبالنسبة للإختيار
لو اني مكانك بأخذ الفتك لعدة اسباب
1 - موتر جديد احسن ما تاخذ مستخدم أي نوع
2 - الجيب الوحيد حاليا الي لا يزال يحتفظ بنظام التعليق القديم المجرب بدون مشاكل وقوي وهو دفرنس أمامي + دبل عصا
3 - اللاندكروزر الجديد ظهر فيه مشاكل ولو بحثت بحث بسيط في قوقل شفت شكاوى ملاكه من تعليق الدبل إلى تعليق مثبت السرعة وأحيانا يتورط الواحد في نص البر ولا يشتغل معاه الدبل ( السبب من وجهة نظري الدبل الجديد المكون من دينمو + زر كله كهرب في كهرب ( ومعرض للعطل لأي سبب حتى لو يفصل فيوز تعطل

[abarre3an]

الفتك 6 سلندر أكيد 100 %
وبالنسبة للإختيار
لو اني مكانك بأخذ الفتك لعدة اسباب
1 - موتر جديد احسن ما تاخذ مستخدم أي نوع
2 - الجيب الوحيد حاليا الي لا يزال يحتفظ بنظام التعليق القديم المجرب بدون مشاكل وقوي وهو دفرنس أمامي + دبل عصا
3 - اللاندكروزر الجديد ظهر فيه مشاكل ولو بحثت بحث بسيط في قوقل شفت شكاوى ملاكه من تعليق الدبل إلى تعليق مثبت السرعة وأحيانا يتورط الواحد في نص البر ولا يشتغل معاه الدبل ( السبب من وجهة نظري الدبل الجديد المكون من دينمو + زر كله كهرب في كهرب ( ومعرض للعطل لأي سبب حتى لو يفصل فيوز تعطل


:good2::good2::good2:100%

[Nasser33]

على حسب استخدامك والفتك مايجي 8 سلندر ابد
والله يكتب لك اللي فيه الخير

[مرابع الربيع]

اخي نعم كلام الاخوان صحيح ..نيسان باترول ستة سندر ..مع تحفضي على اسم فاتك مع العامية ..علما المقصود من ذلك نظام البخاخ ..وهذا النظام موجود في العديد من السيارات حتى الصغيرة .. في تي ك ...لاكن من وجهة نضري ونصيحة اذا انت ترعب سيارة قويه ومريحة غي صوت المحرك لاندكروزر ثمان اسطوانات اعتقد واضح الفرق كثير واما ستة اسطوانات فليس هناك فرق ...واذا كان الاستخدام للبر اكثر باترول جيد نظرا لنظام التعليق القديم لاكن الاندكوزر اريح نظامه واقل صجيج ..دفرنسين حتى ولو قالو تتحمل اكثر .انا ارا انه مزعج ..علما ان الدفرنس يطلب صيانة رمانات اصوات الكرونا ...الخلاصة لاندكروزر ثمان اسطوانات لامقارنة هنا ...وستة اسطوانات يبقى لك الاختار حسب الفروقات اعلاه وحسب صيانة وخدمة وكيل في المستقبل.........والله يحتار لك مافيه الخير

[sgl2002]

مايبيلها


راعي بر وقنص ومهابد خذ الفتك

مريح نوعا ما وصوت محركه وعزله اقل من الجكس ار
لكن راعي مدينه وخطوط خذ الجكسار مع ان نظام تعليقه اكرهه لانه دفرنس خلفي وعكوس امامي وسريع الانقلاب

لكن ان بغيت اللي اطيب منها كلها بطل الدروب وسيع وفخم ومكينه ٨ سلندر ٥.٧ تشخف اللاند بعيد عنها


وبالنسبه للفتك تحمله افضل من اللاند الجديد ولك تشوف المنتدى امتلا من مشاكل اللاند الجديد

والفتك على كثر مايعذربون به الا انه الى الان غالي وزبونه جاهز ومواتر هل البر اغلبها فتكات يعني نادر تشوف فتك ماهو مجهز للبر ولو ماهو باعتمادي ماخذوه

[فهد الشامخ]

نصيحه من مجرب خذ gxr اما البترول يهربد بسرعه ومشاكل الكهرب فيه كثيره وتطيح قيمته عند البيع اما gxr يعتبر شيك متى ما تبي تبيعه سعره فيه ومع ستر الله ما فيه مشاكل ابداً .
ملاحظه بسيطه المنتدى فيه ناس تعطي النصيحه على غير معرفه . ومن استشارك دخل معك في الذمه .

[مفضخ الشري]

على اني اعشق الباترول خصوصاً الفتك لكن دامك تبي الشور لا والله خذ الجكسار 8 سلندر حتى لو مستعمل

لكن لو تقارن بين الفتك واللاند 2007 وتحت بقول لك فتك اكيد

اللاند الجديد صراحه افضل مركب من الفتك و مكينه الـ8 سلندر صارت 302 حصان حقت الجكسار
بالنسبه للي يقول الفتك مشاكل كهرب هي مشكله كتاوت الطرمبه و حلها بسيط اما اللاند مشكلته اعظم من كذا الدبل الثقيل يعلق و المشكله ذي معروفه باللاند !!
المسأله توافيق سواءاً باللاند او الباترول و كلهن جيوب مخبوره و معروفه لا يشق لها غبار و كلها قد يحصل بها مشاكل لكن مشاكلها معروفه محد يجهلها

يتميز اللاند بـ داخليته بيج عكس الفتك اسود هذا اللي مخليه شين مع انه فيه بالامارات داخليه اسود مع جملي لكن تلفيق معارض بس شكلها اليم كأنه وكاله ولو يحصل لي الموضوع الصدز شريت الفتك لأني اعشقه بغض النظر عن عيوب اللون الداخلي و ارتفاع سعره نسبياً يعني مابقى شيء على بطل الدروب تزيد 15 و تاخذ بطل الدروب ستاندر شكل جديد و 8 سلندر مكينته فيها 320 جني ماشاء الله

[الكدن1]

[QUOTE=مفضخ الشري;10049711]على اني اعشق الباترول خصوصاً الفتك لكن دامك تبي الشور لا والله خذ الجكسار 8 سلندر حتى لو مستعمل

لكن لو تقارن بين الفتك واللاند 2007 وتحت بقول لك فتك اكيد

اللاند الجديد صراحه افضل مركب من الفتك و مكينه الـ8 سلندر صارت 302 حصان حقت الجكسار
بالنسبه للي يقول الفتك مشاكل كهرب هي مشكله كتاوت الطرمبه و حلها بسيط اما اللاند مشكلته اعظم من كذا الدبل الثقيل يعلق و المشكله ذي معروفه باللاند !!
المسأله توافيق سواءاً باللاند او الباترول و كلهن جيوب مخبوره و معروفه لا يشق لها غبار و كلها قد يحصل بها مشاكل لكن مشاكلها معروفه محد يجهلها

يتميز اللاند بـ داخليته بيج عكس الفتك اسود هذا اللي مخليه شين مع انه فيه بالامارات داخليه اسود مع جملي لكن تلفيق معارض بس شكلها اليم كأنه وكاله ولو يحصل لي الموضوع الصدز شريت الفتك لأني اعشقه بغض النظر عن عيوب اللون الداخلي و ارتفاع سعره نسبياً يعني مابقى شيء على بطل الدروب تزيد 15 و تاخذ بطل الدروب ستاندر شكل جديد و 8 سلندر مكينته فيها 320 جني ماشاء الله[/QUOTE
كلام في الصميم
يعجبني الذي يتكلم عن خبرة وبدون عاطفة أو تعصب

[الطنب]

اشكر الجميع على المشاركه ويبدو ان احد المعارض ماعنده سالفه الموتر طلع سته سرندل رغم انه ياكد لى للمره الثانيه انه ثمانيه سرندل
وشكل الجى اكس ار هو الاقرب للاختيار

[مرابع الربيع]

باذن الله احتيارك موفق ....وصدقني اللاندكروزر .ممتاز جدا خاصة 8 سندر
والفارق واضح ويكفي انك تشتري راحة مركب وصوت محرك ...

[الطنب]

شكرا لك اخى مرابع على المشاركه ويهمنى كثير المركب والعزل فى الصوت والراحه

[ذيب ذهلان]

gxrو الله يوفقك وويسر امرك وكل مسلم

[الطنب]

امين وجزاك الله خير اخوى ذيب

[الطنب]

للفائده العامه ليه اختار الجى اكس ار
اللون ابيض يفتح النفس وداخله بيج بينما الباترول الداخل اسود كاتم ويجمع الغبار ويبين فيه
المراتب فى الباترول غير مريحه بينما فى الجى اكس ار مركب مريح خصوصا للى عنده مشكله فى الظهر مثلى
الصوت والعزل للمكينه والرساوه يتفوق الاند ثمانيه سرندل بينما الباترول سته
الرحابه والوسع داخل الموتر يتفوق الاند على الباترول
الشكل الخارجى يتفوق الجى اكس ار بجماله
كذالك بعض الخدمات مثل الونش والشاشه والكمرات متوفره فى الجى اكس ار وغير متوفره بالباترول
يمكن فيه اشياء اخرى لم اذكرها ذكرونى فيها
يبقى السعر هو الفارق لصالح الباترول

[KhALeD A]

بالتوفيق اخوي

والشباب ماقصروا بالنصيحه وانصحك باللاند
الباترول طيب وسياره طيبه وجربت موديل 2009 فترة الا ان الراحه والمركب ماهو زي اللاند

وابغى اعطيك رأي وجرب قبل وصدقني ان شاء الله ماراح تندم

جرب الـGXR الـ 6 سلندر الجديد تجربه بس وان شاء الله بيعجبك
المكينة الجديدة طيبه حيل قوتها 273 حصان

[الطنب]

اخوى خالد شكرا لك وانت ماقصرت وانا مجرب اللاند الثمانيه قياده 100 كم واعجبنى كثير وفارق السعر بين الثمانيه والسته سواء جديد او مستعمل مو كبير ومقدور عليه الحمد لله لهذا لا ارغب بالسته وشكرا لك مرة اخرى

[ابن عكاش]

من خلال قراءة ردودك اشوف ان اللاند انسب لك
ليش ماتبحث عن جكس 8سرندل اقل مواصفات من الجكسار لكن المكينه حلوه والداخلي مقاربه ينقصه بعض الإكسسوارات ممكن تركبها في الغرابي واتوقع سعره مايتعدى 200ألف

[مرابع الربيع]

لاشكر على واجب ..الله يختار لك مافيه الخير .والله يرزقك قيمته ويعطيك خيره
عزالله ماكنت احب ادخل في هذا وذاك لاكن والله ان معي لاندكوزر مديل 99 في اكس ار فل كامل 12 سنة بر مقطورة سفر وشف المقطورة اللي اسحبها في النفود في خيمة الرحلات ثلاث توانك ماء 370 لتر وحمولتها تصل الى 400 كيلو من غير ما احمل داخل السيارة ..حقيقة اللاندكوزر سيارة اعتمادية بمعنى الكلمة ..وراحة وهدوء
اسف على الاطالة ....لاكن صدقني باذن الله ماراح تندم .

[الطنب]

ابن عكاش جزاك الله خير والبحث جاري من فتره

مرابع بارك الله فيك وفى مشاركاتك ونصحك

[sgl2002]

احسنت الاختيار


والفتك لو انك راعي بر بشكل دايم وماتفرق عندك الفخامه والراحه كان قلت لك خذ فتك


بس الجكسار لك انسب

بس انتبه من السرعه تراه يغريك بالمشي وسريع الانقلاب الله يكفانا وياك الشر

[اليامي قطر]

الحقيقه انا ارشح الفتك بكل قوه

وكل واحد وله اختياره ورغبته

الفتك عندي خالي العيووب وكل مواصفات فيه تعجبني

من اهمها قوه المكينه الدفرنش الامامي بعكس اللاند ( مقصات )

الدبل عصا وليس كهرب والكتروني التشغيل مفتاح والقير عادي والدعسه ايضا عادي

مميزاته عجيبه الله يطول بعمر هالصناعه الله يستر لايخربون هالشكل الممتاز

[الطنب]

احسنتم جميعا بالمشاركات والنصح

[( شميريخ )]

الزبده غير الفتك لا تدور

[الطنب]

شميريخ عطنا الزبده هل الاختيار للفتك من وجهة نظرك مناسب لى او مناسب لك

[((ابوملاك))]

هو ما يقصد فتك يقصدبطل الدروب بس

فا اللي يتكلم بالداخليه لا داخلية بطل الدروب بيج واشرح صدر من الجي اكس ار

خذ لك باترول ولو اني من ملاك تويوتا

[الطنب]

اخوى مجهول شكرا لك والمقارنه بطل الدرووب خارج من اختياراتي لسبب الشكل فقط ولا موتر جبار اعرفه زين

[( شميريخ )]

اشوف انه مناسب لك ولي
هذا رايي يالطنب

[الطنب]

رايك محل احترامى اخوى شميريخ

[( شميريخ )]

انا قبلك ياخوي الطنب احترت بين الثنين واستخرت واخذت الفتك ولله الحمد سياره مابها عذروب غير لهط البانزين وتراه مع الخط مريح وراسي ويكفيك سعره مناسب اشواء من الجيب التايوتا بواجد .
ولاتنسى صلاة الاستخاره ياذيب

[ابونبيل]

اخوي اشور عليك تاخذ لندكروزر مستعمل 8 سلندر اولا لانك ترغبه اكثر
ثانيا لو ما جاز لك بيعته سهله جدا ويمسك سعره ثالثا وسيع رابعا الوكيل افضل من النيسان النيسان ينخاف منه خامسا ديكوراته متماسك اكثر من النيسان وترا الممشا لا تشيل همه اهم شي الفحص والله يبارك لك مقدماً

نصيحة لا تاخذ شي منت راغب فيه

[الطنب]

ابو نبيل بارك الله فيك وشكلى بروح مع رايك لانه يلامس رغبتى

[الطنب]

انا قبلك ياخوي الطنب احترت بين الثنين واستخرت واخذت الفتك ولله الحمد سياره مابها عذروب غير لهط البانزين وتراه مع الخط مريح وراسي ويكفيك سعره مناسب اشواء من الجيب التايوتا بواجد .


ولاتنسى صلاة الاستخاره ياذيب


اخوى هل مرتبة السائق مريحه لان عندى مشكله فى الظهر

[سعود27]

الله يشافيك ويعافيك اجل ترا الباترول الجديد اريح من لاند بواجد الله يوفق ياخوك ويسر امرك

[الطنب]

امين وجزاك الله خير اخ سعود متاكد انه اريح هل جربت الاثنين اخوى سعود

[خبايا انسان]

عن نفسي كمحب للنيسان ،، ارشح لك اللاند ٨ سرندل

[Abu_abdulaziz]

السلام عليكم ، مساكم الله بالخير ..

بداية الله يدلك عالخير والصالح ويكتب لك مافيه الخير ..

عندي نقطتين أحب تنتبه لها يالغالي ،
أولا .. بالنسبة لسالفة أن التايوتا شيك في الجيب تحتاج إعادة نظر الصراحة ،
أحد الشباب اشترى لاند 2012 جديد ولو بيبيعه الآن بيكون خسران 40 ألف تقريبا ، على أن مواصفات موتره مرغوبة ..
طبعا لما تشتري مستعمل الفرق بيكون أقل ..

ثانيا .. بالنسبة لراحة المركب ، تقول عندك مشكلة في الظهر الله يشافيك ،
وحسب ردودك ما أشوفك مهتم لأداء المواتر بالبر ، فـ ورا ما تفكر بالأمريكي ؟ تاهو مثلا ؟
ترا فرق الراحة لا يستهان فيه ، خصوصا إذا كان استنتاجي صحيح انك مو راعي بر بزيادة او راعي وعر ،،
لأني جربت لاند صاحبنا في خطوط وأكون راكب معه ، الموتر مو ذاك الراحة ،
وجربت فتك جديد في خط أيضا ، تقدر تقول حول بعض الصراحة ..
فإذا كانت مشكلة ظهرك مؤثرة فعلا ، فكر جديا بالأمريكي ، أو عالأقل بطل الدروب ( بعد التجربة ) إذا كان فعلا مريح زي ما ذكرو الشباب ..

[sgl2002]

امين وجزاك الله خير اخ سعود متاكد انه اريح هل جربت الاثنين اخوى سعود

اذا بتدخل بطل الدروب في المقارنه فانا ارشحه لك بقوه


فخم
اريح من اللاندكروزر واراهن على كلامي
مكينه قويه جدا
وسيع
نظام امان افضل من اللاند
عزل ممتاز جدا


يعني اخو اللكزس



واذا انت بالرياض ادلك على محل يأجر بطل الدروب جديد ولاند جديد


جربها كلها وانت بتدفع مبلغ قوي ماهي فارقه معك قيمة الاجار قدام القناعه

[الطنب]

عن نفسي كمحب للنيسان ،، ارشح لك اللاند ٨ سرندل
بارك الله فيك وليس عندى مشكله او تحيز لاى نوع من السيارات ولكن ابحث عن العملى والمريح

[الطنب]

السلام عليكم ، مساكم الله بالخير ..


بداية الله يدلك عالخير والصالح ويكتب لك مافيه الخير ..


عندي نقطتين أحب تنتبه لها يالغالي ،
أولا .. بالنسبة لسالفة أن التايوتا شيك في الجيب تحتاج إعادة نظر الصراحة ،
أحد الشباب اشترى لاند 2012 جديد ولو بيبيعه الآن بيكون خسران 40 ألف تقريبا ، على أن مواصفات موتره مرغوبة ..
طبعا لما تشتري مستعمل الفرق بيكون أقل ..


ثانيا .. بالنسبة لراحة المركب ، تقول عندك مشكلة في الظهر الله يشافيك ،
وحسب ردودك ما أشوفك مهتم لأداء المواتر بالبر ، فـ ورا ما تفكر بالأمريكي ؟ تاهو مثلا ؟
ترا فرق الراحة لا يستهان فيه ، خصوصا إذا كان استنتاجي صحيح انك مو راعي بر بزيادة او راعي وعر ،،
لأني جربت لاند صاحبنا في خطوط وأكون راكب معه ، الموتر مو ذاك الراحة ،
وجربت فتك جديد في خط أيضا ، تقدر تقول حول بعض الصراحة ..
فإذا كانت مشكلة ظهرك مؤثرة فعلا ، فكر جديا بالأمريكي ، أو عالأقل بطل الدروب ( بعد التجربة ) إذا كان فعلا مريح زي ما ذكرو الشباب ..


ابو عبد العزيز شكرا لك كل المواتر ينزل سعرها وانا لافكر بالبيع مستخدم لفتره طويله بتوفيق من الله
ابو عبد العزيز اختياري للباترول والجى اكس ار يعنى اهتمامى بالجوده سواء فى البر او المدينه او الخطوط لهذا الامريكى مريح لكن غير مناسب لى مايجمل بالاماكن اللى اقصدها غير انى اسمع انه فيه مشاكل كثيره ومايستمر ويكد زى الياباني
بطل الدروب جدا مريح ولكن يعيبه الشكل
واشكرك على دعائك والله يشفي الجميع

[الطنب]

اذا بتدخل بطل الدروب في المقارنه فانا ارشحه لك بقوه


فخم
اريح من اللاندكروزر واراهن على كلامي
مكينه قويه جدا
وسيع
نظام امان افضل من اللاند
عزل ممتاز جدا


يعني اخو اللكزس



واذا انت بالرياض ادلك على محل يأجر بطل الدروب جديد ولاند جديد


جربها كلها وانت بتدفع مبلغ قوي ماهي فارقه معك قيمة الاجار قدام القناعه
بارك الله فيك اخوى وسبق ان جربت الاثنين مع الزملاء وسبق ان قلت فى ردى السابق ان بطل الدروب ليس من اختياري

[محسن اليامي]

والله يالغالي اني ماجربت اللاند

لكن الباترول بجميع موديلاته عز الله انه موتر ينشد به الظهر

[الطنب]

شكرا اخوى محسن والخوف انه يكسر الظهر الموتر ماعليه خلاف انه قوى وجبار بس اخاف من عدم الراحه فيه

[((ابوملاك))]

الراحه بصراحه من وجهة نظري الفتك اريح من الجي اكس الجي اكس مراتبه قاسيه شوي

[الطنب]

مشكور اخوى مجهول على المشاركه والمعلومه

[تميم2222]

يقولون الثمانيه. الجكس ار اضعف من مكينه الفكس ار واللكزس وكلهم 8 سرندل.
دور العزم والقوه. طع شوري. الجيب. الثقيل. يطلع النفسيه. لافي خط ولافي مراقي. والله. يرزقك

[الطنب]

شكرا لك تميم ومانى راعى مراقي كبرنا عليه

[رحال7]

الله يكتب لك الأصلح
أفضل اللاند ولم اجرب الشكل الجديد ولكن اخبرني احد الأقارب جرب اللاند الجديد موديل ٢٠٠٨ ثمانيه سلندر في مشوار طويل ويقول انه احس بالتعب في أرجوله ويقصد انه غير مريح حسب تعبيره والله اعلم.
جربت النيسان باترول الجديد ث٨ سلندر فل ولاحظت فيه أصوات في البدي

أرجو ان أكون أفدتك واذا محتار خذ لاند عشان لا تندم لكن تأكد ان الوكاله أصلحت مشكلة تعليق السرعة لانها كارثية ومرعبه

الباترول الشكل القديم لا يعجبني
اما الجديد فجميل ولكن ملاحظتي ان ديكوراته شيء رخيص مقارنه مع اللاند

[الطنب]

مشكور اخوى رحال واخترنا اللاند الله يرزقنا فيه ويبارك لنا فيه ويكفينا شره

[مخاوي البر9]

الله يبارك لك فيه ويعطيك خيره ويكافيك شره

[الطنب]

الله يبارك لك فيه ويعطيك خيره ويكافيك شره
امين الله يبارك فيك اخوى وشاكر لك

[تميم2222]

شكرا لك تميم ومانى راعى مراقي كبرنا عليه

مااقصد. التطعيس^_^ انا قصدي اللي مثل. الجديه وكرئ عموما الله. يبارك لك. ًويطعمك من خيره ويكفيك شره

[الطنب]

الله يجزاك خير اخوى تميم