تعبية الكفرات بالنتيتروجين ؟؟

[imksa]

بعض المحلات تعبي الكفرات بالنيتروجين بدل الهواء العادي.

سعرها مرتفع جدا ،، ياخذون على الكفر 20 ريال .

هل لها جدوى ؟

اذا احد جربها يقول لنا وش صار معاه ،، راعي المحل يقول:-

الغاز بارد .

راح تكون الاطارات درجه حرارتها اقل بكثير من العادي مما يساعد على زياده عمر الاطار


كذلك لما تكون الاطارات بارده راح تاثر على المكابح واللي بدورها راح يزيد من عمرها وعدم تاكلها

درجة تمدده وتقلصه افضل من الهوا العادي يعني بالبرد او الحر نفس الشي ماراح ينقص معك

[توما هوك]

السلام عليكم .....

اخوي ياليت تتأكد من المعلومه واذا صحيح قل وين هالمحل واسمه ...
ولو فرضنا انه صحيح اسأل صاحب المحل :
انه لونقص هواء الكفر المعبا بالنيتروجين وانا في طريق او بر ممكن اعبيه بالهواء العادي اي اخلط الاكسجين وثاني اكسيد الكربون مع النيتروجين بدون اي مشاكل ؟
اعتقد انه بيبلش بالاجابه ...

وبوركت على هالمعلومه ...

[imksa]

المحلات كثيره اخوي

العضيب والعربه وكثير غيرها

واعتقد ما فيه مشكلة بخلط الهواء

لانه اذا جا يعلبه ينسمه ثم يعبيه وأكير بيبقى شوي هواء في الكفر ما تروح الا بشفط

فمان الله

[بن عاقول c.o]

بعض المحلات تعبي الكفرات بالنيتروجين بدل الهواء العادي.
أي نعم هو مفيد .. ولكن لسيارة المدينة والخطوط أما السيارة ألي تطلع البر كل أسبوع وألا في الشهر مرة فماأنصح فلوسك بتطير ( يبي لك ميزانية نيتروجين )
ماذكر أعلاه من خواص قرأت عنه ويأكدون ذلك أصحاب الدعايات .
إضافة ..
- أنه يزيد من عمر الغلاف الداخلي للإطار لقلة الإحتكاك معه .
- أنه أقل وزن من الهواء وبالتالي اقل حمل على السيارة . هذا ماقرأت والله أعلم .





شكراُ على الموضوع

[برق تميم]

في الصيف وفي حرنا في نجد جدا رائع لانه يعطي بروده للكفر ولا يحتر ابد

[imksa]

اخوي عمرنا ومن خبرنا السيارات وما شفنا ولله الحمد شر حروره ويرتفع ضغط الكفر الى 70 ويمكن اكثر والمور ماشيه ،، الا اذا كان الكفر من الاساس فيه خابور أو فيا لطريق .


وعادة اللي بيحط النيتروجين بيكون ولد نعمه :) ويغير الكفر قبل ما ينتهي عمره الافتراضي باربع ولا خمس سنين :)


لذلك جرى البحث

فمان الله

[غضنفر]

صدقني تضييع دراهم
ما منها فايدة

[سلكي نت]

ما فهمت شيء .... :looney: :alarm:

[شمالي غير]

انا غيرت كفرات برجستون عند الوكيل ( بقشان ) وعبوا الكفرات نيتروجين مجاناً , يوم قالوا نحط نتروجين
والله على بالي في المكينه ااو المكيف !!!
بعد تجربه 3 شهور كل شيء طبيعي مع العلم اني بجده والدنيا نار وسافرت عليه ولا لم الاحظ شيء

العلم اني الان رجعت للهواء العادي بعد كم بنشر وطلعة بر واظن ان نوعية الكفرات الزينه ما تحتاج غاز معين والله اعلم .

[imksa]

اخوي سلكي

بعض المحلات تنسم لك الكفر ،،ثم تتفخه بغاز النيتروجين ، ياخذون على الكفر الواحد 20 ريال .

والسبب الفوائد اللي يدعونها وذكرناها اعلاه


النتيجة النهائية == نصب × نصب

او على اقل تقدير فائدة لا تكاد تذكر

فمان الله

[سلكي نت]

اخي العزيز / imksa :

انا معاك في الموضوع .... ولكن قام احد الاعضاء برد ليس في صلب الموضوع
بل خارج تماماً عنه ....... وكأنه يكفر احد من الاعضاء ...
فشتت انتباهي عن الموضوع ......ورأيت ان رده في غير مكانه ..........وكان رده قبل ردي مباشرتاً .........
ولكن اعتقد ان المشرف قام مشكوراً بحذف مشاركته ....

لذلك وجب التنويه...

رعاك الله وحفظك لنا