أبي أشتري جيب فورتشنر 2007 فل كامل 6 سلندر قير تماتيك

[مرداس2006]

أبي أشتري جيب فورتشنر 2007 فل كامل 6 سلندر قير تماتيك
وارغب النصح فيه لمن أستخدمه سنه على الاقل علما بأني ماني راعي بر كثير كشته وتخب علي
لكن راعي خطوط وسفر وعائله
الرجاء المساعده
أخوكم مرداس:p

[ابوطاقية]

اتمني من الاخوه المستعملين لنفس السياره الرد بسرعه

[بن نويشر]

أخوك معه واحد موديل 2006 ، بس 4 سلندر .2.7 .
السيارة واسعة ، تكييف ممتاز ، عزم لا بأس به ، قرقعة ما فيه ، بنزين يشرب ، راسي في الخط ، كماليات ما فيه إلا في الفل ، مثبت سرعة ما فيه ، صناعة تايلندي ، القير غثيث وخصوصاً إذا كان عندك أطفال ويركبون دائماً قدام فأدنى لمسة ممكن ينتقل للنمرة الثقيلة ، سافرت عليه الصيفية الماضية لصلالة وما شفت منه إلا كل خير ، رفيع ، شكل انسيابي جميل ، أكحل العينيين ، مورد الخدين .

عساني أفدتك يالحبيب ؟؟

[الأعشى1]

xxxxxxxxxxxxxxxxxxxxxxxxxxx



محذوف من قبل ادارة المنتدى

[مرداس2006]

الى ادارة المنتدى
هذا ماعهدناه منك والى الامام


ابو طاقية
سنيدي
يعطيكم العافية على المرور الكريم
وأرغب المزيد لمن استخدم نفس الفئة

[لبرتي]

موتر لابأس به

أنا طلعت عليه للصمان العام الماضي
سيارة زميل طبعاً

روعة وميزتها انها دفع رباعي مستمر يفصل بعد الثمانين

نشيط

[الكونترولCONTROL]

انا ما اعرف عن هذه السيارة شيء بعمق ....
و إنما فقط رأيت الموديل الجديد منها .... بدي ممتاز و شكل روعة ... و حجم زين
=============================
لكن تأكد من مناسبة السعر ... و إمكانيات الخدمة الطويلة (( عمر السيارة ))
فأنا مثلا لو هذه السيارة تتعدى 70000 ريال كان بهذه القيمة اخذ لي سفاري باترول او لاند كروزر حتى لو موديله أقدم من 2000 لأنه سوف يخدمني أكثر من ال فورتشنر و يمسك قيمته .... و موتر معروف و صيانته متوفرة في كل اتجاهات البلاد ...
===========
انا هذي نظرتي دائما ...... أما فنيا فأنا لا أعرف السيارة المذكورة أبدا ... الله يوفقك

[imksa]

الباث فايندر الجديد وش رايك فيه ؟؟

شكله اجمل ،، ومكينته اقوى 291 حصانhttp://www.aawsat.com/2006/05/31/images/cars.365773.jpg

[مرداس2006]

يعطيكم العافيه
وأرغب المزيد

[شبح الصحراء]

اذا كان دفع رباعي مستمر ولا يوجد فيه دبل ثقيل فلا تأخذه أبداً ، اهم شئ يكون فيه دبل ثقيل خصوصاً للأربعة سيلندر .

[بواسامه]

لي خوي فكه العام الماضي وكالة
وهو بتاع كلو بر وبحر وخطوطة وطورقه وكلش الله لا يضره
ويمدح الموتر
واللي معه فل كامل مطلعه وانا معه ب 102000 الف ابيض
تماتيك دف لوك زينون قيره عصا الخفيف والثقيل
وتكييف مركزي والموتر يمدحه راعيه
واذا تبي رقمه تسولف معه عنه ابشر وراسلني على الخاص

[الكونترولCONTROL]

ما دام فوق 100000 !!!! أنا اقول ما يصلح !!!! و لا يسوى القيمة !!!! و خسارة واضحة
=======================================
تصدق ان ال100000 تجيب لك في اكس ار 2002 ما مشى كثير يخدمك 10 سنين
و هو ما بهذلك !!!! اما السيارات هذي قواطي تونة !!!! عند اي مشكلة تبدا المشاكل تكب عليك ..

[ععععههه]

عندي فورتشنر 2006 فل كامل له سنه الموتر على كيف كييييييييييييييييييييييفك طبعا قير عادي يقولون القير العادي والتماتيك مقاربه في العزم عزم الموتر مايحتاج اقوى من الباث فاندر العادي لاقرقعه وراسي في الخط ولا اصوات الى درجة انه في الخط افضل من Gxr وفيه دبل خفيف وثقيل ودفلك مكيفين الموتر مافيه كلام وبالنسبه للي يقول ان الفكسار 2002 100000الف غير صحيح هو اغلى من كذا النيظيف صح فيه نسبة غلا لكن التايوتا يستاهل الموتر مايحتاج ولكن انصح بشراء الخليجي البازعي وابعد عن السعودي وبالنسبه لقطع الغيار متوفره في كل مكان اصلا لاتدخل السياره السعوديه الا بعد توفير قطع الغيار وآسف على الاطاله