صدمه نفسيه موضوع خطير

[حفراويون]

بسم الله الرحمن الرحيم

السلام عليكم ورحمة الله وبركاته
مشاركتي الاولى في هذا المنتدى الشامخ
واتمنى لي ولكم الفائده

الموضوع بختصار كنت ابحوش وانخش في احد المواقع الاجنبيه
لسيارات فا وجدت اسعار السيارات الي عندنا بالنار مثل
الجيوب التايوتا عندهم ارخص من عندنا بعشرات الاف
سعر رخيص + نظافه + ممشى قليل + شي يفقع القلب
ااااااخ لويسمحون لنا بتصدير هالموديلات هذي المشكله ممنوع
الصوره الاولى
جيب لاند كروزر فكس ار 1996 الممشى 178000 السعر 5190 دولار يعني 19462ريال
شي يقهرررررر

http://img03.carview.co.jp/trade/img06/cars/1158487/14292678/japan%20car/1996+toyota+land+cruiser/01w.jpg

http://img03.carview.co.jp/trade/img06/cars/1158487/14292678/japan%20car/1996+toyota+land+cruiser/02.jpg


الثاني الممشى 160 الف السعر 22500 ريال موديل 95

http://img03.carview.co.jp/trade/img06/cars/504928/14359977/japan%20car/1995+toyota+land+cruiser/01w.jpg


http://img03.carview.co.jp/trade/img06/cars/504928/14359977/japan%20car/1995+toyota+land+cruiser/06.jpg

مع تحياتي الحاره

[حفراويون]

جيب لكزس 2004 ممشاه 106 الف سعره 61 الف وعندنا السوم بس 110

http://img03.carview.co.jp/trade/img06/cars/505132/14407403/japan%20car/2004+lexus+lx/01w.jpg

http://img03.carview.co.jp/trade/img06/cars/505132/14407403/japan%20car/2004+lexus+lx/02.jpg

http://img03.carview.co.jp/trade/img06/cars/505132/14407403/japan%20car/2004+lexus+lx/09.jpg

[التعـ King ـديل]

عارفين هالشي وطالما الاستيراد ممنوع ابشر بالاسعار النار

[حفراويون]

انا ابي اعرف شغله وش مصلوح الجمارك من منع الاستيراد السيارات القديمه
كود عمرها فوق 30 سنه صراحه اعتبره قمع

[التعـ King ـديل]

انا ابي اعرف شغله وش مصلوح الجمارك من منع الاستيراد السيارات القديمه
كود عمرها فوق 30 سنه صراحه اعتبره قمع


تدري جميع دول الخليج ماعندهم هالمنع

وهذا سبب ارتفاع اسعار السيارات بالشكل اللي نشوفه سواء مستعمل ولا جديد

انا مع منع استيراد السيارات القديمه ولكن بالمعقول يعني نحن الان في عام 2014 المفروض اخر موديل نقدر نشتريه موديل 1999 اي قبل 15 سنه فقط لان السيارات الاقدم اكثرها مدمور الا من رحم ربي

[حفراويون]

وانا معك عز الله قرار يصب في مصلحة الوكالات يجبرونك تشتري جديد او انك تسلم لحيتك لشريطي
الله يعين عز الله شي يغبن

[مدمن مرق]

اعتقد ان المسألة فيها اقتصاد دول, وفيه شئ اسمه اغراق تجاري ماهي مجرد مسألة وكيل .
حتى امريكا نفسها تمنع استيراد السيارات نفس قوانين السعودية تماما وفيه فقرات اشد من السعودية.

بعدين الشواراع من كثر السيارات ماعاد تنطاق ماهي ناقصة .

[حفراويون]

السبب المذكور في قرار الجمارك ليس قرار تجاري بل حجه بيئيه على اساس ان السيارات الي
عمرها اكثر من خمس سنوات تصدر انبعاثات غازيه مضره للبيئه ( صراحه معهم حق المروج والانهار والزهور تتدمر)
مايدرون انها صفاتن محيفه على اساس سيارات الحكوميه 2014 جديد مايدرون انها مصديه تشغلها بملعقه
المهم

انا اتصور انها مضره للمواطنين ذوي الدخل المحدود الي مامعه حق سياره جديده
والمبالغ الي تم توفيرها من الاستيراد صبة في مصلحة عبد اللطيف جميل وشلته

[محمد 2002]

حسبنا الله على وزارة التجارة
منعت استيراد السيارات القديمة وارتفعت اسعار السيارات الحديثة ووصلت مبالغ خيالية سواء جديدة أو مستخدمة
هذي الأنواع من السيارات ما عندها أي مشكلة سواء كانت مكروفة والا مخزنة سيارات جبارة ومجربة تتحمل وتكرف وصيانتها سهلة وقطعها رخيصة مقارنة بالجديدة

[ابوسليمان12]

لو كان المقصود من المنع حماية البيئة كان منعو قرمبعات السباكين و المبلطين و المصارية من السير في شوارعنا تلقى سياراتهم انواع الدخاخين المنبعثة منها انا ما ادري وشلون نجحت بالفحص الدوري. لكن القرار في الاول و الاخير يصب في صالح ابوجميل و الجميع و طقتهم لكن الوعد عند رب العالمين

[التعـ King ـديل]

استغرب من قرار يمنع استيراد السيارات اكثر من 5 موديلات ومواتر امن الطرق موديل 98 وفكتوريات المرور 2003

[حفراويون]

لو كان السعي وراى المحافظه على البيئه في عندنا في السعوديه اهم من السيارات
1- المناطق الصناعيه مثل الجبيل والرياض وينبع والدمام ومناطق كثيره مخلفاتها خطره
2- المواد المشعه الي مدفونه في المنطقه الشرقيه من حرب الخليج طالعه اثارها وذبحت البل والحلال
من غير الي ما اعرفه لاكن ما اقول الا حسبنا الله ونعم الوكيل

[بدوي جنوبي]

اعتقد ان المسألة فيها اقتصاد دول, وفيه شئ اسمه اغراق تجاري ماهي مجرد مسألة وكيل .
حتى امريكا نفسها تمنع استيراد السيارات نفس قوانين السعودية تماما وفيه فقرات اشد من السعودية.



لكن امريكا مكتفيه على الاقل عندها مصااااااااانع سيارات اذا منعو الاستيراد
احنا اش عندنا

سيارة غزال وما شفناها :mad:


سبب المنع لحماية وكالات التجار فقط لاغير

[سقم المعادي 1]

قلتها قبل و اعيدها من جديد اللي قطع الاستيراد ماسوى خير

والله اني اتمنى يفتحونه لا اطلق معارض النسيم بالثلاث

سيارات معرعره من الكرف و نشتريها باقيام تجيب لك منها شيء نظيف ولا مشى باقرب دوله خليجيه جنبك

لكن مضطرين مالنا حيله الجديد مانقواه و المستعمل بدأ يلحق الجديد

[wafian]

الشكوى لله سبحانه

[أبوفهد260]

السبب الوحيد هو تشجيع تجار السيارات الجشعين على جشعهم

[حفراويون]

ياخوان المفروض اذا اسباب المنع ماخذينها بحزم وجديه المفروض الجمارك يحطون لهم مراكز فحص السياره عندهم اذا فيها اي خلل او ضد السلامه العامه يمنعونها ومعهم حق
وحنا راضين

[نجدي حجازي]

حجة الجمارك اذكر انهم بيحافظون على البيئة والمظهر العام للمدن
وكان مسؤول في الجمارك يستشهد بالبرازيل ويقول انهم يمنعون الموديلات الجديدة

لكن في الواقع ان البرازيل تمنع السيارات الجديدة بمعدل ثلاث سنوات (قبل السنة الحالية) لسبب وجيه جداً وهو ان البرازيل
تنتج سيارات ولديها مصانع كثيرة منتشرة في البرازيل مما يجعلها تتيح فرصة الانتشار والتسويق للمنتوج الوطني الخاص بهم

ومع ذلك تسمح السلطات البرازيلية بالاستيراد للقديم

لكنك انت لا تصنع ولا تنتج


وازيدكم من الشعر بيت
اسعار السيارات القابلة للتصدير في امريكا اسعارها فووووق وكثير من الشريطية وقفوا استيراد بسبب الاسعار هناك

وواحد من معارفي الشريطية يقول هذه العبارة (معد تسوى تعبها !!)

[حفراويون]

اخ ما ذبحونا الا هالمسؤولين
يسوون الحق والمراد به باطل

والتصدير المسموح ما يسوى تعبه فعلا

[التعـ King ـديل]

شي طبيعي اذا المسؤول سيارته موديل السنه من الحكومه مجانا وراتبه يجيب له سياره جديده

لا تتوقع منه يفكر بااصحاب الدخل الضعيف

[التعـ King ـديل]

لكن امريكا مكتفيه على الاقل عندها مصااااااااانع سيارات اذا منعو الاستيراد
احنا اش عندنا

سيارة غزال وما شفناها :mad:


سبب المنع لحماية وكالات التجار فقط لاغير


سياره غزال طيرت رجال الله يستر عليه كان محب للخير وضحكو عليه اللي تحته وطار

[ثورة الشك]

اذا كان منعهم دخول اي سيارة يزيد عمرها عن خمس سنوات من العدل ان لايتم تجديد استمارات السيارات لمن كان عمرالسيارة اكبر من خمس سنوات لنفس الاسباب التي ادت الى منع الاستيراد

[التعـ King ـديل]

اذا كان منعهم دخول اي سيارة يزيد عمرها عن خمس سنوات من العدل ان لايتم تجديد استمارات السيارات لمن كان عمرالسيارة اكبر من خمس سنوات لنفس الاسباب التي ادت الى منع الاستيراد


علشان يصير الددسن الغماره طاره عادي بمليون :D

[حفراويون]

علشان يصير الددسن الغماره طاره عادي بمليون :D


:D:D:D:D:D:D عندي اخبار الددسن السوم مليون ونص والبيع قريب

[مدمن مرق]

لكن امريكا مكتفيه على الاقل عندها مصااااااااانع سيارات اذا منعو الاستيراد
احنا اش عندنا

سيارة غزال وما شفناها :mad:


سبب المنع لحماية وكالات التجار فقط لاغير


الوكيل بالنسبة للسعودية جهة رسيمة تماثل مصنع السيارات.
بالتالي يسهل عليها وضع القوانين والمتابعة لتلك القوانين.

تخيل لو انه مسموح لكل راعي بسطة ان يبسط على الشوارع التجارية ويبيع اللي يبغى .

كان صارت المحلات بسطات والخدمة زفت والنظافة صفر والحقوق دورني والوضوع غابة.
اضف الى ذلك ان الوكيل يوفر فرص عمل.

[عبون الجواء]

بصراحه شيئ يقهر لاحول ولاقوة الا بالله

[مطر وسم]

جميل له واسطه قويه شريك له الواسطه هذي تصدر قرار بمنع استيراد سيارات تايوتا المستعمله ويجبرونك تشتري من الموديلات الجديده مايبون الخساره المسئله مو مسئلة موديل قديم


تحياتي لكم

[عش حياتك]

ومالمنع إلا لزيادة ربح التاجر ,,

اعتبر هالمنع من باب القمع والاظطهاد والظلم وكتم الحريات :)

[مسير عليكم]

صراحه المنع انا معه وضده
الشريطيه ماخلو شي دخلو علينا المصدوم والغرقان والمقصوص ويحلف انه نضيف واخو الجديد
اخوي مشكله هالمواتر مايجينا منها الا المعدوم والصالات خير دليل
تمنيت بدال المنع 5 سنوات انهم يشتغلون علي الميناء الجاف ويطورون الفحص حق المواصفات والمقاييس انا دخلته بموتري كنت شاريه من الامارات المهندس يحدد من راسه شاف الموتر يبرق نجحه وان شافه اشهب رسبه !! مافيه نقاط واليات يشتغل عليها ولا عنده اجهزه يفحص زي الفحص الدوري المفروض انه السياره تدخل فحص دقيق لبدي والمحركات والشاصي واذا ماتكون مطابقه تسحب اوراقها وتشلح

[gmc93]

الى حاصل انه وزارة التجارة + الجمارك فرضو علينا هالقرار لانه ماوجد الى يشتكيهم او يرفع برقيات والصحافه مستأجره من الوكالات .. كل ماتكلم احد يقول لو تفيد كان غيري اشطر .... وحنموت على هالكلمة ...

[ابونبيل]

ياقلبي : (

[الحازمي com]

اذا كان منعهم دخول اي سيارة يزيد عمرها عن خمس سنوات من العدل ان لايتم تجديد استمارات السيارات لمن كان عمرالسيارة اكبر من خمس سنوات لنفس الاسباب التي ادت الى منع الاستيراد

الحمد الله انك ماعندك منصب في البلد كان تلقى شعب يتمشئ على حمير لان 85% من شعب مايقدر يغييير سيارته كل 5 سنوات لان سيارات الوقت الحالي نار موتر سيدان يمشي الحال 100 الف

[ثورة الشك]

الحمد الله انك ماعندك منصب في البلد كان تلقى شعب يتمشئ على حمير لان 85% من شعب مايقدر يغييير سيارته كل 5 سنوات لان سيارات الوقت الحالي نار موتر سيدان يمشي الحال 100 الف


ههههههه

اخي الكريم لاتسيئ الضن يشهد الله علي ان هالقراراتمنى الغائه اليوم قبل بكرة ومستغرب من عدم المطالبه بالغائه لانه لايستفيد منه المواطن بالعكس كان ضررة اكثرمن نفعه
برفع اسعار السيارات جديد او مستخدم ولعلمك هالقرار موجود من عام التسعينات وتم تفعيل العمل به موخرا عندما انهارت اسعار السيارات وقيام الناس بالشراء من الصالات الاستخدام الامريكي ودول الخليج
وتكدست سيارات الوكالات
عموما انا من عشاق القديم وهالقرار خيب امالنا الشكوى لله

وانا اقصد بعدم التجديد لمن تجاوزت الخمسه سنوات لانهم قالو تلوث البيئه طيب واللي عندنا لها سنين ماتلوث البيئه
سواء كانت رسميه او لمواطنين

بعدين ترا لو طبقو هالشي تشتري الددسن القديم ب1000ريال لانه مايجدد ولا ينقل ويرخص التشليح وتخف الزحمه ويسير اغلب الشعب يتمشون بالبريخافون من القسايم
ويزيد الاقبال على لزقات جنسون
ولاعاد يمشي بالمدن الا اللي من النخبه

:D:D:D:D:D