مالحل في برودة عزم الداتسون الدفرنسين امل المساعدة

[sami200]

اخواني الاعزاء عندي داتسون غمارتين دفرنسين موديل 2004 مشتريها وكالة بس فيها عيب وهو برودة العزم عند الدخل للنفود وكذلك عند طلوع الطلعات ارجو من عندة مساعدة في حل هذه المشكلة ارسالها على ايميلي واكون له من الشاكرين
samiii300@hotmail.com

[تــــوني]

والله ما ادري يا اخ سامي
بس جربت الفلاتر الرياضية والبواجي واسلاكها ؟؟

يمكن تخدمك في الموضوع وعلى فكرة يمكن يكون الكلتش عندك مودع ....!
اذا كان ممشاه ضعيف شف لك احد يكشف لك على الكلتش..
بس عموماً النيسان 4 سلندر عزمه ردي بس مع الفلاتر والبواجي واسلاكها يمكن يجيب معك نتيجة

وعساك على القوة...

[Abu Saad]

خذها قاعدة :
سيارة دفع رباعي 4 سلندر= خرابيط ...في جميع الماركات ..
حلول الاخ توني قد تكون مجدية .
سلام عليكم

[شبح الصحراء]

عادي جداً حتى الهايلوكس الدفرنسين عزمها بارد في النفود والحل هو التكيف مع الوضع والتفنن في قيادة السيارة في النفود فصدقني كثير من اصحاب الجيوب القوية ليسوا سواقين حقيقيين ولكن ينفعهم قوة الجيب يعني دووووووس بنزين والباقي على الموتر أما سواقة الددسن والهايلوكس الدفرنسين تحتاج فـن وذكاء ومعرفة خواص وقوة السيارة واكتشاف أساليب معينة لصعود الكثبان الرملية الصعبة وهذه الأساليب شرحها يطول إبتداءً من تنسيم الكفرات إلى اختيار المسالك المناسبة في الرمال فهذه الأمور هي المحك الحقيقي للسواق المتمرس وليست قوة السيارة وحدها .

[tomas73]

مرحبا اخ sami200 انا عندي دتسن دفرنسين 2003 وكنت اشتكي من نفس المشكلة وغيرت الكفرات من قياس195-65-15 وحطيت لها قياس 235-75-15 .....وركبت بواجي امريكية اسمها سبليت فايرِِِِِِِِِِِ واسلاك بواجي 8 ملي .......وغيرت الديسك وصينية الكلتش بنوع اسمة سنتر فورس دول فركشن صناعة امريكية.............العزم تمام التمام والسرعة ثابت 180 كيلو...........وسلامتك يا الغالي .

[tomas73]

السلام عليكم............تراني نسيت اقول لك عن الفرارات (warn ) الامريكية تراني مركبها وخف صرف البنزين والمطب وفرة الدركسون,,,,,,,,,,,,,,وسلامتك.

[حر اليدين]

السلام عليكم اخوي ساي مثل ماقال الشباب وزودن على ذلك غير المراوح الى مراوح هربائية جربتها في سيارتي خفت الحنة عندي وكذلك الصرفية مع تركيب الفرارات اللي ذكرها اخوي tomas73 امريكية الصنع وقيتها تقريبا 500-550 يال

مع العلم ان موتري دفرنسين 97 حطها بين قوسين يعني قديم وكبليتر
وكلام اخوي شبح الصحراء عين العقل وعين الصواب واذا انت مستخدم عادي منتب راعي جور على الموتر لاترهم اكثر من المراوح والفرارات تبي تفيدك والله اعلم


تقبل تحياتي
حر اليين

[الطـرقي]

السلام عليكم ورحمة الله وبركاتة
بغيت اسال الاخوان عن الددسن الدفرنسين زين ولا لا
ومشكورين

[tomas73]

ازين الزين ولا تشاور

[راعي الهـــدد]

يقولون إن صحت الروايه

اسئل مجرب ولاتسأل خبير

نصيحة اخ محب لك

انا ونخوك ممن كان يمتلك ددسن 2003 دفرنسين بخاخ ومآخذه اخو الجديد

المهم خذته ونخوك وقلبته قلبته بالبر قلت ممكن انا ما اعرف اسوق ثم ساقه غيري ونفس الحكايه على طول يقول بموترك بلى ابدا الف وادور اقول لا ونخوك ممكن الكلتش تعبان شوي والمهم ماعاد تنفع الأعذار ابد

تصدق اني مره من المرات الي هبل بي فيها هالمجنون الددسن وانا جاي باقطع نساح مشغل الدبل ووقفت على رميله ماهيب شي المهم وقفنا على هالرميله نصلي المغرب والعشاء جمع تقديم نبي نتوجه جنوب والي يعرف ذيك المناطق بيعرف وش غرضنا من التوجه جنوب

المهم وبعد ماصلينا وبسم الله على بركة الله واشغل وامشي ونخوك والله ويحفر قلت ياولد شغل الدبل ماله داعي نحفر وندفن واشغل الدبل

والله ثم والله أن كأنه مافيه دبل ابد

ايه المهم صار وجهي كبر الفنجل عند ربعي الي معي وجلسنا ندف الين طلع

المهم توصلت الى انه خسيس وارخمه وبكل ماتعني الكلمه

وغيرت بواجي وصلحت وقلبت فيه ولا فيه نتيجه

نصيحه بعه ونخوك ولا تخسر فيه تصليحات ماراح تنفع وترى كل ما يتقدم بالموديلات كل ماينزل سعره بعه وهذا وقته بعه واشتر لك موتر 6 سرندل

اما جيب تويوتا او الي يقدرك الله عليه

حقيقه انه خسيس وارخمه بكل ماتعنيه الكلمه أنا اردد هذا الكلام من قوة الطعنات الي طعنيها هالرخمه الددسن دفرنسين

الله يقلعه ويقلع من صنعه

وهذي ونخوك يشتكي منها الكثير وانت جربت وعرفت وخذ في بالك انك لو زينت الي قالوا الشباب ولاهوب قصور بهم بس تراك مصيرك بتبيع ليش لأنك مانتب محصل زود فرق ابد

والله يوفغقك ويسددك ويرعاك

محبك

راعي الـــهــــدد

[محب النياق]

اخوي توماس73

وين القى هالقطع البواجي ...الاسلاك ...الدسك ..صينيه الكلتش..

وشكرا لك على المعلومات

[محب النياق]

ونسيت اسالك كم حصان زاد بعد هالقطع

[برق تميم]

حياك الله اخوي سامي شف ونا اخوك انا عندي دفرنسين 2005 ددسن ركبت مرااااوح وخف الموتر مرررررررررره مع الفرارات وارن الامريكيه وركبت كفرات ميشلان الواحد 360 ريال شف مشي الموتر خف لكن عزمه في النفود خمااااااااااااام بما تعنيه معنى الكلمه طبعا انا مثقل على الموتر مركب تانكي 140 لتر وشنطة عده واغراض والعزبه اذا ركبت وحملت الموتر ابطلع ما عاد يمشي يموت حيلك وكل صاحب الدفرنسين اربع سلندر نفس المشاكل عنده

[شبح الصحراء]

المهم وبعد ماصلينا وبسم الله على بركة الله واشغل وامشي ونخوك والله ويحفر قلت ياولد شغل الدبل ماله داعي نحفر وندفن واشغل الدبل

والله ثم والله أن كأنه مافيه دبل ابد

ايه المهم صار وجهي كبر الفنجل عند ربعي الي معي وجلسنا ندف الين طلع

المهم توصلت الى انه خسيس وارخمه وبكل ماتعني الكلمه

يا اخي كان مشغل الدبل الثقيل على طووووووول يطلع .

[راعي الهـــدد]

الله يرظى عليك ياشبح الصحراء انت تشوف كذا هههههههههههه

والله ماغابت عني ومشغل الثقيل لكن

لكن الرخمه ارخمه هههههههه

اي والله عقبه حرمت اشريه مره ثانيه

شف اكثر السيارات شريتها

ولكن ما ارجع لها مره ثانيه يعني ما ارجع لنفس النوع

الا سياره وحده وهي الشاص شريته اكثر من مره قاطع قلبي بس بيني وبينه وقفة نفس

وخلاف عند موظوع بسيط جداً مايستاهل بس هو عنيد

انا اقول له لاتنفظني عند المطاب والبطانيج خل روحك خفيفه ورشيق زي شكلك

وهو يقول لا انا لازم ابين للناس اني قوي وجبار هههههههههه

قلت له بالأخير انت منافق شكلك غير الحقيقه

وهلا بك شبح الصحراء

[برق تميم]

راعي الهدد هههههههههه
طيب وش احسن وافضل سياره شريتها

[tomas73]

لبغيت الاغراض شفها على الرابط بس يبيلها معرفة انكليزي وعنوان بريد وبطاقة فيزا (http://www.4x4parts.com/public_html/shop/index.php3?page=shop/new_items (http://www.4x4parts.com/public_html/shop/index.php3?page=shop/new_items) ) وسلامتك

[شبح الصحراء]

الله يرظى عليك ياشبح الصحراء انت تشوف كذا هههههههههههه


والله ماغابت عني ومشغل الثقيل لكن

لكن الرخمه ارخمه هههههههه

اي والله عقبه حرمت اشريه مره ثانيه

شف اكثر السيارات شريتها

ولكن ما ارجع لها مره ثانيه يعني ما ارجع لنفس النوع

الا سياره وحده وهي الشاص شريته اكثر من مره قاطع قلبي بس بيني وبينه وقفة نفس

وخلاف عند موظوع بسيط جداً مايستاهل بس هو عنيد

انا اقول له لاتنفظني عند المطاب والبطانيج خل روحك خفيفه ورشيق زي شكلك

وهو يقول لا انا لازم ابين للناس اني قوي وجبار هههههههههه

قلت له بالأخير انت منافق شكلك غير الحقيقه

وهلا بك شبح الصحراء

صدقت والله ان الشاص ملك الونيتات لولا المطناج .

[sami200]

مشكور اخواني على هالمعلومات لكن انا قررت ابيعه واذا تعرفون شراي تراني بياع وقررت اشتري جمس حوض قطع عشره ايش رايكم فيه هل هويبيض الوجه بالبر والنفود ولكم تحياتي

[شبح الصحراء]

يا سامي 200 انت الحين تترك الزين وتروح للشين ؟!!!
وش جاب الددسن الدفرنسين اليابانية الطيبة للجمس الأمريكي التعبان؟! .
اذا مصمم على بيع الددسن اشتر بدالها جيب ياباني ولا خلك على ام عزيز وتكيف معها ترها سيارة طيبة جداً بس الناس متهقوين فيها فوق حقها يحسبونها جيب ويزعلون لو ما تطلع مطاليع الجيوب .
خلك على ام عزيز يالغالي احسن لك وركب لها مراوح كهرباء وفرارات وبواجي رياضية وركب توانك ماء وعزبة لزوم البر احسن لك الف مرة من بيعها وشراء جمس يتعبك بمشاكله ، تدرب وانا اخوك على السواقة في النفود وراح تحس ان ام عزيز صارت غزال معاك .

[sami200]

اشكرك اخوي شبح الصحراء والله ان كلامك عين العقل ومثل ما يقول المثل امسك قردك لا يجيك اقرد منه والله انها مكفية ووموفية لكن ايش رايك بالزوزو الغمارتين دفرنسين قير اتماتيك والله اشوفها مع الناس ماشية ويقولون انها نشيطة بالحيل

[شبح الصحراء]

السيزو الغمارتين ديزل دفرنسين ممتازة جداً بس اذا انت راعي بر اشتري جير عادي مكينة 3 لتر وترى العزم ما يفرق كثير عن الددسن اللي معاك ، بس حط ببالك السيزو قطع غيارها ناااااار طرمبة الزيت لحالها بثلاثة الآف وخمسمية وقليل من الورشات يعرف يصلح هذا النوع من السيارات ولا الموتر ماعليه كلام .

[العطة]

السلام عليكم ورحمة الله وبركاتة

اخوي جرب الديزل (التيربو) وحكم بنفسك

المعروف عن الديزل اقوي عزم من البنزين

مثلا خذ الددسن الديزل اقوي مرة ونصف من البنزين


ابوعبدالاله

[شبح الصحراء]

السيزو الغمارتين ديزل دفرنسين ممتازة جداً بس اذا انت راعي بر اشتري جير عادي مكينة 3 لتر وترى العزم ما يفرق كثير عن الددسن اللي معاك ، بس حط ببالك السيزو قطع غيارها ناااااار طرمبة الزيت لحالها بثلاثة الآف وخمسمية وقليل من الورشات يعرف يصلح هذا النوع من السيارات ولا الموتر ماعليه كلام .

اقصد طرمبة البنزين .