المساعد الشخصي الرقمي

مشاهدة النسخة كاملة : مشكلة العزم


No/One
13/12/2013, 05:44 PM
السلام عليكم ,, كيفكم ي أخوان

ندخل في الموضوع مباشرة ,,

عندي كامري 2007 مدري وش مشكلتها ,, السيارة عزمها ضعيف ويوم الواحد يسوقها يحس فيها كتمة إذا دعس ,, وإذا دعست الدعسة كاملة ما تحس فيه اي فرق ,,

نظفت البخاخات والثروتل وحساس الهواء وصار عزمها تمام ,, بس بعد كم يوم رجعت المشكلة ورحت غيرت لها بواجي جديده مع العلم أن البواجي اللي كنت مركبها ما لها فتره يمكن شهرين بالكثير ,, وباقي نفس المشكلة ,,

في الاخير شيكت على الكويلات وفحصت كمبيوتر طلع كل شئ سليم ,, وذلحين مدري وش أسوي فيها مدري هل المشكلة من شئ ثاني ما شيكت عليه ,, ي ليت تفيدونا واللي واجهته نفس المشكله ي ليت يسدح لنا العلم الأكيد ,, السياره قير عايدي
التمسساح
13/12/2013, 06:58 PM
احتمال يكون ضعف في طرمبة البنزين
قرناس ارامكو
13/12/2013, 07:06 PM
اخوي شيك علي الشكمان احتمال يكون فيه سدد
احتمال تكون الدبه الاماميه الي يسمونها دبه البيئه تكون
وهاذي سارت معاي في سيارتي لاندكروزار 2006 وفحصته علي الكمبيوتر وهم الي علموني
وطلعت الدبه منسده مره ولغيتها
اتمنى اني افدتك / اخوك قرناس ارامكو
No/One
14/12/2013, 12:12 AM
التمساح & قرناس أرامكو

يعطيكم العافيه على ردودكم ,, راح أبدا بالسهل واللي هو الدبه ونشوف يمكن يطلع معنا شئ ,, لكن يوم سويت فحص كمبيوتر ما طلع لي شئ
كلاش2500
14/12/2013, 12:33 AM
الموضوع بسيط ان شاء الله ...اقرب محل شكمانات وخله يفك الدبة الاولى اللى هى اول دبة من ناحية القزوز وبعد مايفكها شغل الموتر وادعس طبعا والموتر على الحفرة...وشوف المكينة تجاوب مع الدعس اذا نعم معناه غير الدبة او الغيها....اذا الوضع بعد فك الدبة مثل ماهو رجع الدبة وقيس ضغط الطرمبة....احتمال تكون ضعيفة...وفى نقطة مهمة فلتر الهوا شيك عليه....
بالتوفيق.......
أبو الوليد 14
14/12/2013, 12:52 AM
شيك على فلتر الهواء يمكن قديم ومتسدد
وايضا على حساس الهواء
ريحة الشكمان طبيعية ؟
No/One
14/12/2013, 02:50 AM
الموضوع بسيط ان شاء الله ...اقرب محل شكمانات وخله يفك الدبة الاولى اللى هى اول دبة من ناحية القزوز وبعد مايفكها شغل الموتر وادعس طبعا والموتر على الحفرة...وشوف المكينة تجاوب مع الدعس اذا نعم معناه غير الدبة او الغيها....اذا الوضع بعد فك الدبة مثل ماهو رجع الدبة وقيس ضغط الطرمبة....احتمال تكون ضعيفة...وفى نقطة مهمة فلتر الهوا شيك عليه....
بالتوفيق.......


شيك على فلتر الهواء يمكن قديم ومتسدد
وايضا على حساس الهواء
ريحة الشكمان طبيعية ؟

يعطيكم العافيه ي أخوان ,, بالنسبة لفلتر الهواء نظيف وحساس الهواء نظفته قريب بمنظف الالكترونيات وما واجهة أي مشكلة بعد التنظيف ,, لكن راح أشيك على الدبة يمكن المشكلة منها ,,

الف شكر لكم
abo aryam
14/12/2013, 03:17 AM
السلام عليكم
اذا سيارتك ماشية اكثر من 150 الف كيلو احتمال كبير انه سير التايمر يحتاج للتغيير . تحياتي للجميع .
رسلان الوايلي
14/12/2013, 03:26 AM
غيرت صافيه بنزين
No/One
14/12/2013, 06:33 PM
السلام عليكم
اذا سيارتك ماشية اكثر من 150 الف كيلو احتمال كبير انه سير التايمر يحتاج للتغيير . تحياتي للجميع .

وعليكم السلام ,, السياره فيها جنزير ,, وما يتغير أبد


غيرت صافيه بنزين

يمكن المشكله منها وراح افكها في البيت وأشوف وش يطلع معي

الف شكر للجميع