مشكلة واريد لها حلا

[راعي الحزم]

عندي سيارة باترول فيه صوت مزعج خصوصا اذا صرت بالديرة صوت حنه يقولون الربع انه عمود الدبل

وش السوات فيه هو يبيله تغيير والا لا واذا حطيت فرارات يروح والا لا ارجو الافادة بسرعة وشكرا

[الخبير]

السلام عليكم
ما ذكر يا الحبيب كم موديل الباترول؟؟؟
و هل هذا الصوت توك تلاحظة ولا هو فيه من يوم شريته.
هل لقيت الباترولات الثانية فيها نفس المشكلة؟؟؟؟؟؟

[راعي الحزم]

أشكرك يا الخبير على التجاوب السفاري موديله 93 والصوت لاحظته عقب مقناص من مقانيصنا واذا فضيت القير يزود الصوت وهو صوت حنه تشبه حنت الهوب اذا صار يحك يعني الصوت ما هو مستمر على وتيرة وحده يروح ويجي ويختفي اذا مسكت خط وترى الموتر مافيه فرارات

[ابو الريم]

اخوي راعي الحزم ......


اول سؤال بأسألك هل غسلت السيارة بعد رحلة المقناص بستم ؟؟؟؟؟؟؟


بعدها هل شيكت على الهوبات والقماشات لان فيها حساسات اذا قرب الانتهاء تبتدأ توصوص .


اذا كان السؤالين اجابتهم بنعم فالمشكلة تكمن في الدفرنشات ولا غير وخاصة انك تقول انك اذا فضيت السيارة يزود الصوت ....... ومشاكل الدفرنشات كثيرة فمثلا الدفرنش الامامي احتمال ان الصوف هربت الزيت وقامت تحك العكوس او احتمال احد البيرنقات تعطل وانتهت صلاحيته او ان صليب عامود الدبل معووج من حقه او غيره اما الدفرنش الخلفي فاحتماله ضعيف عموما شيك السيارة باسرع وقت لان هذه الاصوات تدل على تأكل واحتكاك اجزاء مع اجزاء اخرى وهي تتفاقم مع الوقت فالافضل ان يتم اصلاحها باسرع وقت


اما الفرارات فأمرها مختلف وترى اذا وضعتها سوف يفرق معك الموتر ويختلف معك سواء في الهدوء او العزم .


تحياتي ابو الريم ,,,,,,