القزازة الأماميه تأثرت مع السـافي

[راعي الرود]

السلام عليكم


ياشباب قزازة موتري الاماميه حقت الوكاله ماتغيرت لكن للاسف بعد السافي صارت القزازة فيها زي الحبوب

و بالليل اذا صار فيه انوار قدامي تصير تجهرني

ماعاد صارت القزازة صافيه مثل اول

ولا ودي اغيرها خوفاً من التنسيم و غيره على أني قد غيرت قزازة موتري الاول و جلست 5 سنين لين بعته ماسمعت هواء بس واحد من الشباب توه مغير قزازته و انواع الازعاج كلش يتردى عندنا الله المستعان و المشكله انها عند مركز كبير ومعروف ومشهور بالقزاز

الكلام هل ممكن تتصلح القزازه ؟ او حتى لو يخف اثرها شوي و نفتك من سالفه تغيير القزازة

ولا التغيير فيك فيك ؟؟

[((ابوملاك))]

التغيير فيك فيك

لكن كا حل اخير مدري يظبط او لا حط تظليله زيرو ون على القزاز الامامي لعل وعسى يظبط

[المميـز]

:

شف المحل اللي تقول عليه لعله يفيدك بحل غير التغيير

:

[ابونبيل]

اكيد اف جيه صح؟
الي معهم افجيه يحطون تظليله قدام عشان ما تشهب لانها مو انسيابيه ابداً

[الشرقيه 03]

للاسف ياخوي

ياتصبر على القزازه وهي مرمله او تغيير

ونصيحة اذا بغيت تسافر ركب تظليله زيرو- زيرو
رخيصه حيل الكوريه

واذا خلصت من سفرتك انت بنفسك تشيلها

والله يزينها معك

[راعي الرود]

التغيير فيك فيك

لكن كا حل اخير مدري يظبط او لا حط تظليله زيرو ون على القزاز الامامي لعل وعسى يظبط

ظللت بس صرت ماشوف لانها رملت القزازة ماعاد ينفع التظليل




:

شف المحل اللي تقول عليه لعله يفيدك بحل غير التغيير

:


رحت له اليوم الصباح السالم للزجاج بالصناعيه القديمه يقول مافيه حل الا التغيير


اكيد اف جيه صح؟
الي معهم افجيه يحطون تظليله قدام عشان ما تشهب لانها مو انسيابيه ابداً

لا والله ياخوك لاندكروزر


للاسف ياخوي

ياتصبر على القزازه وهي مرمله او تغيير

ونصيحة اذا بغيت تسافر ركب تظليله زيرو- زيرو
رخيصه حيل الكوريه

واذا خلصت من سفرتك انت بنفسك تشيلها

والله يزينها معك


صحيح لابد من التغيير والله يعين

جزاك الله خير على النصيحه

[يكفيني نظرة]

التغيير افضل من نواحي:
اولا: مع الترميل تضعف قوتها ويمكن تنكسر مع الحصى الصغار..
ثانيا :عشان وضوح الرؤيه..
ثاثا: عشان ماتخسر بتصليح وبعدها تخسر بتغيير.

[speed62]

الله يعينك نفس حـــــــــالتي ونفس سيارتي :(
اخوي..انا نفسك خايف اغيرها ويزيد التنسيم والإزعاج
ان كانك غيرتها علمنا وش صار الوضع نفسه ولاكيف؟وعند من لاهنت
<متابع

[sameer_1798]

لافات الفوت ماينفع الصوت .... الله يعينك اذا كانت خفيفه اصبر عليها لكن لوكانت مزعجه غيرها عند مختص لسلامتك ومن معك .

[أبو هشام راشد]

سلامتك أهم من صوت الهواء

[((ابوملاك))]

ياخي رح لمحل يضمن شغله وغير القزازه اول ماتركبه وبعد ماتبثت رش عليها ماء لين تضمن ان مابه تنسيم مع الفتحات ان طلع به بسيطه رجعه له ويسد الفتحات

[راعي الرود]

الله يعطيكم العافية غيرنا القزازة بوحده صناعه وطنيه و الله يعوض علينا

[هاواي التاهو]

يا أخوان أنا اعطي الجميع حل حتى لا تتكرر هذه المشكلة مع الجميع في المستقبل
الحل
عند محلات التظليل يوجد حماية للزجاج الأمامي بمبلغ في حدود 500 ريال تزيد أو تنقص و البعض يعطي عليها ضمان سنه أو سنتين و البعض الأخر لا يعطي يتم تركيبها على الزجاج من الأمام و بعد السنه أو السنتين تستطيع تغييرها بدون مشاكل
الحل هذا جربته على سيارتي التاهو2008 في بداية 2009 ركبت الحماية بحدود 600 ريال و ضمان سنتين في محل بالرياض وعام 2012 قمت بازالتها بعد ما لعب فيها السافي على خط الدمام الرياض

[اسدهم]

شف حقين التلميع طريق الدايري ونت متجة شرق كنك رايح الدمام يجيك مخرج خالد بن الوليد شفة قبل المخرج يلمع القزاز او رح فرع البديعة شارع المدينة المنورة. بعد سوق الخضا. يجيك ع اليمين انا رحت لهم ولمعو لقزازة الفورد حقي بعد سافي مندمرة ورجعت وكالة

[M Z A G Y]

اسدهم لاهنت وش اسم المحا اللي بالدائري لاني رحت هناك ومالقيته مسكت خط الدمام وجاني مخرج خالد ابن الوليد ومالقيت شي قبله الا كاني مخطي الله اعلم

[دروب غامضة]

وعليكم السلام

اهلا بك .
انا كنت اعاني نفس مشكلتك
وجربت كل المركبات من تنر بارد الى حار الى جميع المركبات ولا فادة بالعكس
الخسائرة طلعت نفس قيمة القزاز الجديد واكثر

مالك الا تغيرها افضل لك من ناحية الرؤية