بخصوص ونش السحب

[صقرالسعودية]

السلام عليكم لو سمحتو افيدوني بخصوص الونش حق السحب
بغيت اركبه على جيب عشه موديل 84
بس ما اعرف انواعها واحسن مقاس لها واحسن ماركه تتحمل السحب وكم اسعارها

وين احصلها في الجنوب ولا برا الجنوب

وثاني سوال السنوركل الي يركب في الفلتر وش فائدته ونوعه وسعره ووين احصله

طبعا للجيب

وشكرا

[4200]

اهلين بصقر السعودية ما ازيد على كلام اخوي ( هندسة سيارات ) انه بالفعل الافضل وارن وفيه مجموعة ونوش عند ( السليماني ) ولا اعرف المنطقه الجنوبيه فيها فرع او لا الاكيد جده والرياض ,,, الله يوفقكم جميعا

[صقرالسعودية]

مشكورين على الردود بس كم طن اخذ

[سبعان7]

هلا اخوي صقر السعودية فيه نوع من الونوش اسمه كوم اب com up وكيله السليماني صناعته تايواني اثبت جدارته في التحمل وتعرضه للماء وايضا فيه ميزة هي انه يعطيك لون احمر اذا بقى في الونش ثلاثة متر والفرق بينه وبين الوارن ان الوارن مايمسكه الا مسمار اما هذا فيه مدخل من وسط المكرة والله يكتب لك الصالح المبارك .

[fh...fh]

كم اسعارهن ياشباب

[ولد ميسان]

هلا بك أخوي صقر ولا يهونون الباقين .

بأرد عليك بخصوص السنوركل بس .

أنا عندي جيب عشة 84 و مركب لك سنوركل . وهذا طول الله عمرك شاريه من موقع أمازون و الله العالم إنه مكلفني حول ال 500 ريال . و إذا إنت في الرياض بأدلك على مكان يحفر لك في البودي حق السيارة بريشة الدريل ( يعني مو يشقه زي أغلب الورش ) وشغله صراحة إحترافي .

تحياتي لك ..

[sgl2002]

والله يالحبيب انا رحت السليماني ولقيت الوارن ال3طن ونص ب3700؟؟!!


ولقيت نوع استرالي من شركة ايرون مان قوته 5طن ونص ب2700

واخذت الاسترالي والا الان شغال زي الحلاوه

ومعروف ان افضل تجهيزات للمواتر هي التجهيزات الاسترالية

[إبن البلد]

يالحبيب نصيحه لوجه الله لا تركب ونش بحدود ٣٠٠٠ الا اذا فعلاً بتستخدمه وتحلل قيمته ، القصد فيه ونشات صينينة على ولاعة السيارة قوتها حوالي ١,٥ طن الى ثنين طن وسعرها معقول جداً وتقدر تفكه من سياره وتركبه في سياره ثانية وعملي ، للامانه ما جربته بس شفته مع زملاء في النفود ويقولون انه افضل شي مر عليهم للغراز ،،
تحياتي ،،،

[سبعان7]

سعر ال كوم اب com up عند السليماني اربعة طن 2300 ريال كانه ماغلى هذا سعره قبل شهر تقريبا

[مكشاتي النماص]

ما ازيد على كلام الاخوان الا نقطة وحدة
وهي ان عند السليماني سعر الونش مغالي بس المصيبة التركيبالقطع الاضافيه تصل الى 1500 يعني مبالغ فيه

[رويشد المجدعي]

ونش وارن ٣طن ونص عند السليماني ب٣٢٠٠ريال بدون تركيب والتركيب ب١٠٠٠ريال وتقريبا هوافضل حجم للربع لانه خفيف مايثقل على الموتر
اما السنوركل حصلته قبل فتره في محل الرمايه على طريق المطار بالرياض