بأشتري موتر محتاج مساعدتكم الله يوفقكم.

[إبراهيم الشمر]

السلام عليكم ورحمة الله وبركاته

كل عام وانتم بخير

آسال الله ان يوفقكم ويوفق من يساعدني

ويجعلها في ميزان حسناته إن شاء الله

انا شخص جديد بالمنتدى هذا وكثر اشخاص عطوني رابط المنتدى
يقولون فيه ناس ذو خبرة وتجربة في المواتر الله يوفقهم

انا باشتري موتر والوالد خيرني بهايلوكس جديد 14 او بباترول من القصيم اللي هو باترول 2009 باب واحد
صاحب الموتر ثقه واستخدامه ممتاز جدا وممشاه ما يقارب 60 الف كيلو وبامكان افحص الموتر كامل
وسبب بيعه بيشتري باترول جديد.

انا من عشاق التطعيس لكن مو بشكل الادمان انما في اوقات العطلة
احب الجيوب بشكل عام
انا ودي اشتري الباترول لكن ابي نصيحتكم لي هل فيه خرابات واجد
هل استهلاكه واجد وش عيوبه؟ بالنسبة للقطع فيه قطع دايم تخرب؟

انا صراحة معي باثفندر 2004 كان نظيف لكن بسبب الحرارة خبط
انا خايف اشتري الباترول ويكون فيه مشاكل بالحرارة وبعدها اندم اشتري جيب

أسال الله ان يوفق كل من يساعدني ويعتبرني مثل اخوه ويدلني على الصواب
وشكرا لكم

[الحبييب]

الله يسهل امرك
متابع للموضوع

[مطر وسم]

خذلك هايلوكس اذا كان دبل احسن لك اقتصادي في البنزين والزيت ولا فيه حراره تبيه تطعيس او في البر او تحميل يخدمك ممتاز

الباترول من كثرة متابعتي لاعطال السيارات اكثرهم يشتكون من الحراره والاصوات السفليه للباترول ايضن يشتكون من صرفية البنزين


تحياتي لك

[مهند 2009]

وعليكم السلام ورحمة الله وبركاتة

بالنسبة للباترول ممتاز ولا علية كلام. لكن يعيبة انة ثقيل مرة. الا اذا بتاخذ فتك

واقترح عليك طلع اكستيرا قير عادي وكالة. نشيط وشبابي وصرفية معقولة

[الهرم]

الله يوفقنا وياك وكل مسلم

اعتقد الهايلكس دبل ممتاز

موفق

[أبن ثعلي]

وعليكم السلام ورحمة الله وبركاته


حياك الله اخوي واسأل الله ان يدلك على الصالح

انا اخوي اختلف عن الاخوة المؤيدين للهايلكس الدبل والاخوة المؤيدين للاكستيرا


اقول ياكثر ما اشوفها واقفه في الطعوس بالذات مع صغار السن بمعنى آخر ما تتحمل جور ودوس اكثر من مره احصلهن واقفات وجدد منها واحده ماشيه في بحر العشرين الف كيلو

اكستيرا ما تصلح

عندي لك راي ان شاء الله زين ، ويعتمد على فلوسك كم


ان كانت فلوسك حول الـ 60 الف خذ لك باترول في بحر التسعينات يبدأ سعره من 18 الف الى 25 حسب النظافه

والموديل والباقي منها يبقى عندك حول 50 الف حطه في سياره صغيره فورد 2008 او 2009 نظيف يخدمك فالديره والسفريات

او كامري انت بالخيار حسب اللي يجوز لك والباترول للبريه يخدمك ويخدم ابوك اذا احتاجه لاتحركه الا للبر اسلم لك واحسن لك

واذا احتجت الله لا يحوجك لغيره تستفيد منه ومعك بديل كانك حاط دراهمك في البنك مع زيادة انك مستفيد ومريح نفسك والموديلات هاذي تنسى الحراره فيها بس انتبه للزين منها مكينه وقير

اخيراً اذا صملت على احد السيارتين اللي ذكروها الاخوان فاقول لا تقرب الاكستيرا ابد الهايلكس افضل خيار

اتمنى ان تتقبل مروري فلم اقل لك الا ما اتمناه لنفسي

والله يختار لنا ولك الصالح





طبعاً الهايلكس الدبل ممكن تكون ممتازهـ ولا يختلف عليها 2 لكن الدبل منها جيد كونه دبل بمعنى اخر عكس امامي

لكن الموتر ثقيل شوي واحيان في مواطن اللي بدون دبل تكون افضل منها

وكلامي عن تجربه

بالنسبة للاكستيرا

[إبراهيم الشمر]

الله يجزاكم الف خير ويوفقكم ان شاء الله
بالنسبة للاخوان كل مواضيعكم وردوكم على عيني وراسي
لكن الهايلوكس ليست دبل انما 2014 غمارتين

الوالد معاه هايلوكس 2011 دبل للآسف في النفود ثقيله مره
ويالله تمشي في النفود فما بالك بالمراقي او الطعوس الرفيعه

[N أبورغد N]

^^^^^^^^^^^^^^^^
معي اكستيرا 2007 لاعن خيرة في الدهنا والثمامه وام دكه ولا صار له الا العافية
والي شفتهم واقفين وصغار سن معناتها غالبا خبرتهم في السيارة وتغيير زيوتها ونظام التبريد ضعيفة
فلا تعمم اعرف الكثير من مستخدمين السيارة والي يجددون مديل كل فترة ولم اسمع كلام مثل كلامك
والسيارات توافيق

وبالنسبه للموضوع انصح بالاكستيرا جديد تحصلة ب 98 الف خذ تماتيك افضل لك وفي البر ممتاز متقارب جدا مع اداء الافجي التماتيك 2010 وطالع
والافجي ب 150 والاكستيرا ب 100 الف
والشهادة لله لم نعاني من حرارة ولا كثر مشاكل
والله يكتب لك الصالح

[على رمشي تمشي]

ابن عم لي معه 2009 باترول باب واحد مبسوط به وجايز له - خفيف وراسي ومريح ولاهو راعي مراقي يكفيه انه يوديه للمكان إلى يبيه ومكينته 4500 مابه حساسات وقليل خرابه اللهم طق له هدرز عشان يريح الموتر ونشط معه
كان الى تقول عنه نظيف خذه لايفوتك او شف لك ربع بوليسي 2007 او 2008 زي إلى معي بس انا عاد معي صغيره للاهل وعيالي

[سعود27]

والله اﻻكستيرا موتر خفيف ونشيط ويتحمل يعني مب شين

[ابشرو بالسيل]

وعليكم السلام ورحمة الله وبركاته


حياك الله اخوي واسأل الله ان يدلك على الصالح

انا اخوي اختلف عن الاخوة المؤيدين للهايلكس الدبل والاخوة المؤيدين للاكستيرا


اقول ياكثر ما اشوفها واقفه في الطعوس بالذات مع صغار السن بمعنى آخر ما تتحمل جور ودوس اكثر من مره احصلهن واقفات وجدد منها واحده ماشيه في بحر العشرين الف كيلو

اكستيرا ما تصلح

عندي لك راي ان شاء الله زين ، ويعتمد على فلوسك كم


ان كانت فلوسك حول الـ 60 الف خذ لك باترول في بحر التسعينات يبدأ سعره من 18 الف الى 25 حسب النظافه

والموديل والباقي منها يبقى عندك حول 50 الف حطه في سياره صغيره فورد 2008 او 2009 نظيف يخدمك فالديره والسفريات

او كامري انت بالخيار حسب اللي يجوز لك والباترول للبريه يخدمك ويخدم ابوك اذا احتاجه لاتحركه الا للبر اسلم لك واحسن لك

واذا احتجت الله لا يحوجك لغيره تستفيد منه ومعك بديل كانك حاط دراهمك في البنك مع زيادة انك مستفيد ومريح نفسك والموديلات هاذي تنسى الحراره فيها بس انتبه للزين منها مكينه وقير

اخيراً اذا صملت على احد السيارتين اللي ذكروها الاخوان فاقول لا تقرب الاكستيرا ابد الهايلكس افضل خيار

اتمنى ان تتقبل مروري فلم اقل لك الا ما اتمناه لنفسي

والله يختار لنا ولك الصالح





طبعاً الهايلكس الدبل ممكن تكون ممتازهـ ولا يختلف عليها 2 لكن الدبل منها جيد كونه دبل بمعنى اخر عكس امامي

لكن الموتر ثقيل شوي واحيان في مواطن اللي بدون دبل تكون افضل منها

وكلامي عن تجربه

بالنسبة للاكستيرا
مع احترامي الشديد لك !!
الظاهر ما جربت الاكستيرا
معي من اربع سنوات وراعي بر وقنص ورجلي ثقيله عليه ولا به زود محافظه عليه
وقير أوتو
ومن جربه معي شرا مثله اثنين من الربع وأخوي

[عبون الجواء]

الله يكتب لك الخير ويحقق ما تتمناه
الخيرين ونعم فيهم الهايلكس والربع الباترول
انا عن نفسي املك سيارتين هايلكس 2012 و ربع باترول 2007 كلهن يطربك اينما كنت
وبالتوفيق لك ويحقق آمالك وتطلعاتك والخيار لك انت

[صباح القايله]

اذا انت رجال تأخذ حقق من السياره لكن تعطيه وتابعه خذ باترول

[ابوسند9]

انصحك بالاكستيرا قير اوتو
مع احد الزملاء ماشي 280 الف ويجلده جلد

[المميـز]

:

بما انك محتار بين الهايلكس ٢٠١٤ والباترول ٢٠٠٩
ارشح لك الباترول والموتر اللي انت لاقيه يعتبر لقطه ماشاء الله
٢٠٠٩ وممشاه ٦٠ الف وتعرفون راعيه يعني فرصه لاتعوض
وانت مشتهي جيب وهذا هو جاك لاتضيعه
وبالنسبه للهايلكس مايختلف عليه اثنين
لكن بمان الوالد الله يحفظه لك معه واحد ٢٠١١
اذا لاحاجه للثاني

الله ييسر امرك وعليك بالاستخاره بعد الاستشاره والله يكتب لك اللي فيه الخير

:

[أبن ثعلي]

^^^^^^^^^^^^^^^^
معي اكستيرا 2007 لاعن خيرة في الدهنا والثمامه وام دكه ولا صار له الا العافية
والي شفتهم واقفين وصغار سن معناتها غالبا خبرتهم في السيارة وتغيير زيوتها ونظام التبريد ضعيفة
فلا تعمم اعرف الكثير من مستخدمين السيارة والي يجددون مديل كل فترة ولم اسمع كلام مثل كلامك
والسيارات توافيق

وبالنسبه للموضوع انصح بالاكستيرا جديد تحصلة ب 98 الف خذ تماتيك افضل لك وفي البر ممتاز متقارب جدا مع اداء الافجي التماتيك 2010 وطالع
والافجي ب 150 والاكستيرا ب 100 الف
والشهادة لله لم نعاني من حرارة ولا كثر مشاكل
والله يكتب لك الصالح

.

ابشرو بالسيل
مع احترامي الشديد لك !!الظاهر ما جربت الاكستيرا×معي من اربع سنوات وراعي بر وقنص ورجلي ثقيله عليه ولا به زود محافظه عليهوقير أوتو×ومن جربه معي شرا مثله اثنين من الربع وأخوي

اشكر لكم تقديري وتقويمي فيما يخص السييرا وتصحيح معلوماتي

فعلاً من جرب الشيء كمن لم يجرب

انا قدرت الامور على كثرة ما حصلتها متعطله في الرمله لكن فعلاً ممكن جهل الشباب في السياره يعلب دور اساسي

وشهادتكم محل تقديري واهتمامي :good2:

[RW7..ALBDAWA]

انآ من عشآق الباترول بس اقولك خذلك اكستيرآ
او فورتشنر تآيوتآ 6 سلندر عادي طبعاً كل الانين خذ عآدي التمآتيك لآيقربك ابداً اذ اانت حق برآن وتطعيس
والتمآتيك خله للموآتر الصغآر اما الجيوب العآدي افضل

[ابو سبيحة]

:

بما انك محتار بين الهايلكس 2014 والباترول 2009
ارشح لك الباترول والموتر اللي انت لاقيه يعتبر لقطه ماشاء الله
2009 وممشاه 60 الف وتعرفون راعيه يعني فرصه لاتعوض
وانت مشتهي جيب وهذا هو جاك لاتضيعه
وبالنسبه للهايلكس مايختلف عليه اثنين
لكن بمان الوالد الله يحفظه لك معه واحد 2011
اذا لاحاجه للثاني

الله ييسر امرك وعليك بالاستخاره بعد الاستشاره والله يكتب لك اللي فيه الخير

:

صدق اخوي وكلامة مقنع والله يكتب لك اللي فيه الخير

[إبراهيم الشمر]

:

بما انك محتار بين الهايلكس ٢٠١٤ والباترول ٢٠٠٩
ارشح لك الباترول والموتر اللي انت لاقيه يعتبر لقطه ماشاء الله
٢٠٠٩ وممشاه ٦٠ الف وتعرفون راعيه يعني فرصه لاتعوض
وانت مشتهي جيب وهذا هو جاك لاتضيعه
وبالنسبه للهايلكس مايختلف عليه اثنين
لكن بمان الوالد الله يحفظه لك معه واحد ٢٠١١
اذا لاحاجه للثاني

الله ييسر امرك وعليك بالاستخاره بعد الاستشاره والله يكتب لك اللي فيه الخير

:



الله يعطيكم الف عافيه والله يوفق كل من نصحني

وصراحة ردودكم كلها استفدت منها واللي شد انتباهي اخوي المميز

الله يجزاك ويجزى الجميع كل خير

انا كلمت صاحب الباترول انا من سكان حايل وإن شاء الله واراد بكرا طالع للقصيم اشوف الموتر

لكن يا اخوان ابي نصايحكم ترى خبرتي في السيارات لك عليها وخاصة الجيوب

وش الاشياء اللي اركز عليها لما اشتريه وش العيوب اللي فيه دايم تطلع مع الشباب علشان اشوفها وانتبه لها من البداية
وش الشي اللي دايم يشتكون منه راعين الباترول الباب واحد

وجزاكم الله الف خير
وجزى الله الف خير صاحب المنتدى

[المميـز]

الله يعطيكم الف عافيه والله يوفق كل من نصحني

وصراحة ردودكم كلها استفدت منها واللي شد انتباهي اخوي المميز

الله يجزاك ويجزى الجميع كل خير

انا كلمت صاحب الباترول انا من سكان حايل وإن شاء الله واراد بكرا طالع للقصيم اشوف الموتر

لكن يا اخوان ابي نصايحكم ترى خبرتي في السيارات لك عليها وخاصة الجيوب

وش الاشياء اللي اركز عليها لما اشتريه وش العيوب اللي فيه دايم تطلع مع الشباب علشان اشوفها وانتبه لها من البداية
وش الشي اللي دايم يشتكون منه راعين الباترول الباب واحد

وجزاكم الله الف خير
وجزى الله الف خير صاحب المنتدى





اهم نقاط الفحص في وجهة نظري
فحص البودي ، فحص اسفل السياره هل تعرضت لضربات بالشاصيه وتم اصلاحه
فحص القير اثناء القياده هل يفلت من النمر والا لا
فحص الدبل اكثر شي يخرب جنزير الدبل
عشق الدبل واكسر يمين اخر شي وادعس
والعكس اكسر يسار وادعس
اذا ودك تتطمن على كهرب السياره والحساسات افحص كمبيوتر
تأكد من حرارة الموتر وتأكد انه ماقد ارتفعت حرارته اول وتم مسح الراس
انتبه لمسامير الراس هل هي مفكوكه او لا
الافضل انك تفحص الموتر لحالك علشان تاخذ راحتك
او يروح معك واحد او تكتفي بفحص محلات الفحص اللي عند المعارض

اسأل الله ان ييسرلك امرك ودربك وتروح وترجع بالسلامه

عطنا اخر الاخبار :)

:

[هاوي الكشاته]

من واقع تجربة الأكستيرا موتر نشيط وخفيف وحق كرف واعطاله قليله وصرفية بنزين خفيف انا معي بايث فندر 2008 ماخذه قبل سنه ماشي 157000 والحين ماشي 218000 ولا فيه فرق بينه وبين الأكستيرا ولاعن ابو اللي خلفوه ماشاء الله تبارك الله ماشفت مثله مع اني مجرب الفي اكس ار والباترول سيارات قوية بس ثقيلة خصوصاً في المراقا وعيب الهايلكس مطامر ومركبة مومريح وخصوصاً الدبل ولا تنسى ترا الهايلوكس العادي طامن ويبغاله ترفيع والميزة الحلوة في الباث الجديد او الأكستيرا المطبات انس ومراتبة مريحة لانه صناعة ياباني امريكي ومايحتاج كلام على مراتب الأمريكي .
وبالتوفيق

[اسدهم]

استخر وشف وش اللة يكتبة لك

[عاشق القصيد]

انا من مستخدمي الاكستيرا
اشوف إن السياره ممتاز من جهة قلة الاعطال و قوة المحرك و السعر المناسب
اذا كنت من الناس الي رجلهم خفيفه على الموتر ولا احد يستلم موترك الا انت
خذه ونت مغمض
عز الله انه موتر كفو
ولا يهمك كلام الناس بخصوص انه اكثر مستخدميه صغار السن
الان جيب الكبسوله موتر يبيض الوجه واكثر مستخدميه مبزره
خلاص مانشريه
مهوب صحيح الواحد ياخذ الموتر الي يناسب متطلباته