المساعد الشخصي الرقمي

مشاهدة النسخة كاملة : ابغي بديل عن البطارية الاضافية. .....


اسدهم
20/10/2013, 11:17 AM
الموضوع من عنوانة ......وش البديل عن البطارية الاضافية. وفية شي يدور في راسي

اني اغير دينمو سيارة اخلية. اخلي دينمو اسعاف الي يتحمل بس مدري وش عواقبة بهد توليف.. وحصلت دينمو بوليسي حق تشارجر نشدت قوقل وطلعلي الموتر تشارجر بوليسي. ويقول راعية انة يعطي 200 امبير فهل هذا صحيح او غيرت. بيتغير شي



بحكم موتري استخدمة للسفر والمكشات.

وعندي ثلاجة ولمبات وايكوم.

الموتر باترول
الموديل 2003
ربع
اسدهم
20/10/2013, 06:08 PM
ف 84 مشاهد ولا عطوني مشاركة
تميم2222
20/10/2013, 06:09 PM
فيه بطاريه الرمايه. حليوه
اسدهم
20/10/2013, 06:28 PM
جربتها وخذت مكان ونا عندي تاكي سدح وثلاجة وعزبة. ومتلت اشنطة مابقي شي ...
المناعي2
20/10/2013, 09:15 PM
ركب بطارية أضافية و فك عمرك و ركب لها فاصل حق بطاريات الشاحنات أنا أمسوي نفس الطريقة و الحمدالله أموري طيبة و بعد ما أخلص من الاستخدامها رجع الفاصل مكانه و أتعبي الدينمو البطارية مرة ثانية..
اسدهم
20/10/2013, 09:36 PM
الاضافية مااقتنعت منها ..احس في طرق ثانية نبي شي يحل محل البطارية الاضافية يعني دينمو امريكي او لكزز. او من المواتر الاسعاف يعني كم امبير الاسعاف.. وهو عليها لمبات وكبوس تقول قاعة افراح متنقلة من لمبات وانا رحت لتشليح مالقيت اسعاف ابي اشوف دينموها كم انبير
اسدهم
22/10/2013, 12:44 PM
متابع.....
فهم العدواني
22/10/2013, 02:06 PM
حدد انت تبغى دينمو وﻻ بطاريه هذي موضوع وهذي موضوع
ابوسند9
22/10/2013, 11:11 PM
اخوي انت تبي تركب دينمو وتخلي السياره شغاله واللى كيف؟ وضح اكثر للفكره
عن نفسي مركب بطاريه 95 امبير وعليها ثلاجه وكنود ولمبات وتلفزيون احينا ولي سنين كذا وكل 6 ساعات اشغل السياره ربع ساعه وما اعترف بشي اسمه بطاريه اضافيه
لكن البعض يركب بطاريه اي كلام ومقاس 70 امبيراو 60 امبير وهذا غلط والبعض يخسر ويركب بطاريه اضافيه مقاس 50 امبير ويقول ما تشغل الثلاجه وقت طويل شي طبيعي لان البطاريه 50 امبير وبسبب ضيق المكان ما تركب اللى 50 امبير
لذا اذا تبي نصيحتي ومن شان ما تخسر سو نفس طريقتي او اشتر بطاريه اوبتما الجافه لونه ازرق مستعمله تباع بالقصيم ب 450 ريال او جديده ب 1000 ريال تقريبا وركبها بالكبوت او خلف او اسفل المرتبه
اسدهم
23/10/2013, 12:43 PM
شريتها من الكويت وخربت ماكملت 3 شهور.. ونا اخلي ثلاجة. شغالة 24 علا24 هذا وقتها في طلعات وسفريات...اتوقع بوة حل بس ننتضر
مفكّر
23/10/2013, 01:55 PM
الاضافية مااقتنعت منها ..احس في طرق ثانية نبي شي يحل محل البطارية الاضافية يعني دينمو امريكي او لكزز.

يالغالي وضح مقصدك أكثر

من يقرأ كلامك يفهم منه أنك تريد تركيب دينمو بدل بطارية احتياطية !!

( الدينمو مولد للطاقة ، والبطارية مخزن له )
sameer_1798
23/10/2013, 02:33 PM
ياخوي دينموات الاسعافات والدوريات قويه غالباً تعطي 350 امبير واذا تحتاج كهرب قويه وباستمرار وعلى بطاريتك تحتاج ترفع سرعة دوران المكينه للحد اللي يصل فيه الدوران المناسب للدنمو وفيه كت كامل لهذا النظام بزر ترفع السرعه وتنقصه وهي علاقة طرديه بين دورات المكينه وامبيرات الدنمو طبعاً هذا النظام كامل والسيارة شغاله
اما اذا احتجت كهرب والسيارة مطفيه لك وقت محدد على حسب سعة البطارية بالانبير وسوف تنتهي بعد ذلك لذلك يجب تركيب بطارية احتياطيه أو بطاريات ويفضل عن طريق نفس الدينمو مع وضع منظم للكهرب (يفصل عند الامتلاء )
شوف هذا الموقع في الدنموات وكل نوع به رسم بياني لعلاقة دورات المكينه والامبيرات الناتجه وكذلك به المنظم في حالة البطارية الاحتياطيه وكت رفع سرعة المكينة
http://www.americanpowerinc.com/police.htm
على فكره من الممكن تركيب بطارية احتياطيه ليست على دنمو (كهرب السياره) بل يتم تعبئتها على الطاقة الشمسية بواسطة الخلايا , عند وقوف السيارة واطفائها يتم الاستهلاك من بطارية الطاقة الشمسية وعند تشغيل السيارة تقوم بتحويل استهلاكك على كهرب السيارة مباشره , والشمس تشحن البطارية الشمسية
http://www.mekshat.com/vb/showthread.php?t=344238
اسدهم
26/10/2013, 12:52 AM
متابع.......
ابو البر
26/10/2013, 07:27 AM
انا عندي سياره رحلات واستخدم الطاقه الشمسيه واشغل عليها التالي
1- عدد 2 قارمن (نوعين ) مختلفه في قوة الوات.
2-شاشتين تلفزيون مع ريسيفر .
3- 15 لمبه ليد .
4- المسجل والراديو .
5-وطرمبة الماء المركزيه .
6- اللاب توب.
7- تعبيئة كشافات عدد 4 .
8- 4 مراوح تبريد .
9- شوايه بعض الأوقات .
10- وشاحن جوال .
ولا اشتكيت منها من سنين .
فخذ لك لوح واحد مع بطاريه جافه مية امبير ومنظم وريح راسك واعصابك .
(شف الرابط يمكن تحتاج لهالطريقه ).

http://im39.gulfup.com/7fcjX.jpg
اسدهم
29/10/2013, 11:16 PM
اذا جاغيم وشلون تشتغل الطاقة او عج قوي
اسدهم
30/10/2013, 12:23 PM
جعلك في الجنة..
دايم الخير
31/10/2013, 07:57 PM
حياك الله اخوي اسدهم

الدينموا مولد للطاقة ، والطاقة لا تستحدث من العدم ولذلك لابد من مواد وادوات لتوليد الكهرباء ، اي انه لن يفيدك بشيء زيادة دينموا.

عموما وانا اخوك ، ما يحتاج تركب بطارية احتياط

حط بطارية للسيارة أكبر من الموجود 95 أمبير أو 105 أمبير تقريبا

أختر ثلاجه سحبها للطاقة قليل لا يتجاوز 40 واط ، بإذن الله لن تحتاج لتشغيل السيارة كل ست ساعات

ايضا ، للإسعاف ، اشتري لك بطارية جافة 17 أمبير تكون لتشغيل السيارة لو لاقدر الله ضعفت بطارية السيارة .

وربي يعطيك العافية
صحيح
01/11/2013, 09:53 AM
حط بطاريه أضافية وريح بالك



http://www.mekshat.com/pix/upload06/images/2013/11/mk19246_img_2061.jpg
الجارح2014
01/11/2013, 11:14 AM
اخوي اسدهم انا معي باترول 2004م عند بطاريه اي سي دلكو 95 امبير مركبه على شد البلد وكذلك بطاريه جافه بقوة 190 امبير مشتريها مستخدمه كانت تستخدمها شركة الاتصالات ونظيفه جدا ودينمو شد بلد بقوة 110 امبير
ومحول كهرباء بقوة 4000الى 8000 معي ثلاجه 60 لتر ويكو واحيانا اذا كنت مستعجل ااطبخ الغداء بالكاتم الكهربائي وانا امشي بالطريق واذا وقفت السياره اشغل لمبات LED ولا اشغل السياره احيانا مره واحيانا لم اشغلهاومعاي زي الحلاوه علما اني كنت مركب بطاريه اوبتيما زرقاء جلست معاي سنه وخربت ولاهي قوة مثل ال اي سي 95 امبير دلكو دعايات الدينمو الباترول الربع ضعيف ركب دينمو اقوى منه احسن لك.
منصورالشمري
01/11/2013, 12:37 PM
ركب بطارية اضافيه مع منظم خاص للبطاريه شوف رفيق الدرب عنده المنظم
اسدهم
02/11/2013, 01:02 AM
يعني كم امبير الدينمو حق الباترول من 2000 لين 2003 كني بديت اقتنع من البطارية. 95 امبيربس هل عليهاضرر من الضفيرة لو خليت الدينمو شد بلد
الجارح2014
02/11/2013, 07:34 AM
هلا اخوي اسدهم الباترول من 2002م ال 4800 الدينمو شد البلد 110 امبير مثل اللكزس
اسدهم
06/11/2013, 12:03 PM
وهل يركب بدون ترهيم. وكم دينمو الباترول 2003 كم امبير
اسدهم
16/11/2013, 04:39 AM
..........لرفع....
الهواوي 1
16/11/2013, 05:04 AM
ههههههههههه لله حكمة مر على شارع الريل وخذ ماطور هوندا كاتم حجم 1000 وات شغل ثلاجة شغل مكيف شغل الي تبي وحجمة (مركا )وهادي وحليل وياباني اصلي 2000 ريال وفك عمرك من التوليف ومشاكل نازل طالع للورش وكلنا طلعاتنا في الشتاء والامطار 3 شهور خلة في موترك واذا خلص وقت المكاشيت نزلة في البيت ولا اسلاك ولا بطاريات وخرابيط هذا شغلي من سنين وشلك وش لوجع الراس امركم عجيب

على فكرة فية افياش 12 v شغل الماطور وتشحن سيارتك لو فضية البطارية اشحن ابوك ياشغل اليابان تقدم
الوانيت1
13/08/2014, 02:27 PM
ههههههههههه لله حكمة مر على شارع الريل وخذ ماطور هوندا كاتم حجم 1000 وات شغل ثلاجة شغل مكيف شغل الي تبي وحجمة (مركا )وهادي وحليل وياباني اصلي 2000 ريال وفك عمرك من التوليف ومشاكل نازل طالع للورش وكلنا طلعاتنا في الشتاء والامطار 3 شهور خلة في موترك واذا خلص وقت المكاشيت نزلة في البيت ولا اسلاك ولا بطاريات وخرابيط هذا شغلي من سنين وشلك وش لوجع الراس امركم عجيب

على فكرة فية افياش 12 v شغل الماطور وتشحن سيارتك لو فضية البطارية اشحن ابوك ياشغل اليابان تقدم


أنشهد إن هذا هو الرأي السديد
وبدون لف ولادوران
ولااااااتحاتي ولااااا توتر
ولا مصاريف زايدة
ومتنقل معك من سياراة لسيارة
وحتي تستخدمة عند اللزوم داخل البيت او في اي مكان وزمان
ومعد استهلاك جدا جدا بسيط للبانزين
يكفي انه متنقل ودائم وتدفع ثمنة مرة واحدة
فحين ان البطارية الاضافية كل سنة لازم تشتري بطارية جديدة

:good2: :good2: :good2:
NissaN 1990
13/08/2014, 03:09 PM
الموضوع بشكل عام الكل يعاني منه ولا فيه مصد عن الترهيم والتوليف والخساير وماطور الكهرب فكرته ممتازه بس الناس تحاول تخفف قد ماتقدر ،،،،

بس لو الواحد يشتري له لوري ستيك بدي دفرنسين ويخليه للترهيم وللبر هذا اللي ماراح يسأل عن شي
العطر
14/08/2014, 04:38 PM
الماطور فكرته حلوه بحاله اني ما احتاج الكهربا الا وانا واقف بس المشكله وانا امشي بخلي الماطور شغال صعبه وكل شوي شف بنزينه لا يصير زينته ناقص ياخوي قلق ما مثل المحول لو اخلي الموتر يشتغل كل الوقت ولا شغلة الماطور