استفتاء للمجربين وش رايكم لاهنتم

[sulaiman.fj40]

السلام عليكم جميعا.
فيه واحد يرغب شراء جيب ربع ومحتار بين التويوتا او النيسان او الباجيرو.
نحتاج ارائكم وتوصياتكم كل حسب تجربته وخبرته.
ومشكورين مقدما.

[حاميش]

هذا ما يحتاج رأينا

حسب أحتياج الشخص وميزانيته وقناعته

لو علي أنا بأقول يشتري ددسن موديل 84

[أبوشريدح]

وش جاب الباجيرو جنب التويوتا والنيسان

يا ربع تويوتا

او ربع نيسان

انا افضل الباترول محرك اقوى ومركب مريح

[راعي سهوه]

الباترول افضل الربع

[عبادي464]

الربع تويوتا موتر بس يبيله واحد راكد وله خبره

[مليار]

ربع نيسان اريح وفيه رساوه اكثر من التايوتا

والتايوتا حلو بعد بس يبيله ركاده ولا موتر بدون شك

[شاق النفد]

ربع فتك مريح وراسي وعزل صوت جيد وعزم جيد ولاكن ماينضمن من الخرابات
ربع التيوتا عكس اللي ربع الفتك الا في شيين عزمه ممتاز جدا وانس انك تفتح كبوته

[مطر وربيع]

ربع التايوتا خطير سريع الانقلاب
خذ ربع النيسان او الاكستيرا قير عادي 4 ابواب تشيل اهلك وانشط موتر رخيص موجود في السوق

[ابونبيل]

استبعد الباجيروا
انا ارشح ربع النيسان اذا كنت راعي كشتات لانه اوسع وارسا
اما اذا رجلك حاره وراعي كشتات وتطعيس فعليك بالتايوتا

[المميـز]

:

ربع نيسان بعده الباجيرو بعده التويوتا

والله يكتب له اللي فيه الخير

:

[خوي السطحه]

ربع نيسان فتك اقوي مكينه وريح ووسع وله نصبه بالبر على البوالين ربع التايوتا مكينه ضعيفه مو مثل القديم فيه مطب امناقز ضيق له نصبه بديره

[أبو الوليد 14]

ربع نيسان 4800
باجيرو ميتسوبيشي 3800
ربع تايوتا
الربع النيسان من ناحية قوة محركات ووسيع وتعليق ممتاز وداخلية حلوة
مع ان الباجيرو ممتاز وعملي ومتماسك وداخلية فخمة بس صغير شوي
الربع تايوتا ممتاز لكن اقلهم امان واقلهم فخامة
ومن ناحية الصبر على حسب رجلك والميتسوبيشي اعتقد افضلهم كجودة
بالتوفيق