المساعد الشخصي الرقمي

مشاهدة النسخة كاملة : معلومه للي معه جيب gxrديزل يتفضل


راعي البير
14/10/2006, 01:45 AM
إخواني الكرام السلام عليكم انى معي جيبgxrديزل 2002 المشكله اللي فيه اني إذا مشيت في عز القايله (الظهر)ما سك خط طويل ومشغل المكيف نص ساعه ثم يبدى المكيف تخف البروده فيه إلى ان يصير حار وكشفت على المكيف قالو ما فيه شي :good: وإذا كنت وسط الديره وفي الحواري يكون زي الحلاوه :good: ثلج لا تقولون لي لا
تمشي الظهر ما اقدر تكفون يا اهل الديزل الفزعه .الله لا يخلينا منكم
ابوضاري
15/10/2006, 04:52 AM
لاتسرع :no2: تعد سالما يعني لاتتجاوز 140كم
أبو فهد ( 1 )
15/10/2006, 05:32 AM
السيارة ديزل مالها علاقة

أعتقد والله أعلم أن الخلل في كلتش المكيف ما يمسك بعد فصل الأتوماتيك أثناء السرعة.
الروضة
16/10/2006, 01:27 PM
أخوي راعي البير
السلام عليكم ورحمة الله وبركاته
المكيف هذا طبيعي ولاله علاقة في السرعة وإنما علاقته في الحرارة
فمكيف الديزل له حساس خارج من الكمبرسر ومتصل في بلف الحرارة بحيث يقفل عند إرتفاع الحرارة لحد معين ولو تلاحظ من بعد العصر إلى آخر الليل مستحيل يقفل
وإذا تبيه مايقفل خالف الأسلاك اللي فوق الكمبرسر وتراهن كبس وإذا مافهمت أنزل لك صورة للطريقة

( لكن كمبرسرك سليم 100% لا تعبث فيه
راعي البير
16/10/2006, 02:06 PM
وعليكم السلام .اخوي الروضه الله لا يهينك 1/ تكفى ولا عليك امرابي ا
لصوره بكلف عليك اللللللللللللللللللله يوفقك . هاه تراي بحتريك :D
2/ودي اسئلك الياي اللي فوق الطرمبه (الديزل)حق الدعسه يقولون إذا شلته تخف الدعسه ويقوى العزم شوي . :confused: صحيح؟
3/الدبه الخلفيه اللي في الشكمان اللي عند الصدام اللي ورى يقولون إذا شلتها يقوا عزم الموتر:confused: هل هو صحيح انتظر ردك. بارك الله فيك وكثر من امثالك ونفع بك الامه.
rpk
16/10/2006, 04:02 PM
ركب مروحه على اديتر المكيف زي البنزين وراح تدعي لي
الوشاح
16/10/2006, 04:14 PM
طبيعي بعد 140 بالديزل كله .. عن تجربه :)
راعي البير
16/10/2006, 10:55 PM
اخوي rpkهلا والله قصدك انها تبرد عليه. الحين الموتر يمشي 140 والهواء يصفق في وجهه ما يحتاج مروحه لانه خلاص يبرد والا لا؟اتوقع المروحه إذا صار الموتر واقف . وجهة نظري لااتزعل علي وبيظ الله وجهك لا هنت.

اخوي الوشاح .مرحبا ما يصير هل إلى الان ما لقو اهل الديزل حل . اصبر الى ان يرد علينا الروضة ان شا الله الحل عنده عسى الله يجيبه
الروضة
16/10/2006, 11:44 PM
السلام عليكم ورحمة الله وبركاته

اخوي بالنسبة لسبرنق الدعسة صحيح شله وتخف الدعسة على القدم وموضح في الصورة
اما بانسبة للكنداسة ماعندي خبر
وهذه صورة شبك الكمبرسر


http://www.mekshat.com/pix/upload/images21/mk4257_kmbrsr.jpg


http://www.mekshat.com/pix/upload/images21/mk4257_sbrnk.jpg
راعي البير
17/10/2006, 01:45 AM
اهلا با الذيب (الروضه) بيض الله وجهك والله ما قصرت اتعبتك يا اخيي هاذا ضني فيك .بطلع اسويها الحين .ويلوموني فيكم يا اهل الزلفي
.الله يتقبل ما دعي لك قل آمين .
(ملاحظه)اخوي هل اشبك الفيش الايمن المفصول مكان الفيش الايسرالي مشبوك على طول؟ والمعذره على قل الفهم تحملني شوي :D
الروضة
17/10/2006, 03:53 AM
آمين وجميع المسلمين
نعم بمعني تلغي الأثنين اللي من فوق
عناد99
17/10/2006, 03:30 PM
اخي الروضة بارك الله فيك ورزقك من واسع فضله ويسر امرك

ونشكرك على المجهود اناعندي ديزل ونفس مشكلة اخي راعي البير بس شوي الفهم لك عليه
ياعني هو يجي اصلامفصول من الوكاله وانا اشبكه مكان المشبوك ياعني اخلي المفصول مشبوك وافصل الثاني
ام اني افصلهن على طول

بارك الله فيك
الروضة
17/10/2006, 09:33 PM
أخوي عناد99
حياك الله وأسأل مابدالك
هو يكون مشبوك أًصلآً وأنت تلغي الأسلاك التي في أعلى كماهو موضح في الصورة