المساعد الشخصي الرقمي

مشاهدة النسخة كاملة : بكب جمس .. موديل 2002 .. مشكلته عزمه ظعيف .. وش الحل؟


أبوفيصل
13/10/2006, 02:01 AM
مساكم الله بالخير

ولد عمي أشترى جمس بكب دبل قطع 10 .. موديله 2002
ماشي 34000


واليوم جربنا في الرمل .. وأكتشفنا إن عزمه ضعيف بشكل غريب.

مع العلم بأن الموتر يعتبر نظيف جداً .. وهذه هي مشكلته الوحيده

وش تشورن عليه.
tomas73
13/10/2006, 03:00 AM
مرحبا .........وحياك الله....صف الموتر ...يعني غير البواجي وفلتر الهواء وفلتر البنزين...ولاتنسى اسلاك البواجي وسيور المكينة....وكانك تبي تطعس نزل هواء الكفر على 25 ...وسلامتك.
غضنفر
13/10/2006, 03:37 AM
عطنا مواصفات الموتر عشان نعرف نساعدك
6 او 8 سلندر
وش حجم المكينة
عادي او تماتيك
غمارة او غمارة ونص او غمارتين
ورى كفرين او اربع كفرات
وجهة نظر
13/10/2006, 05:47 AM
السلام عليكم
بعد ما تشيك علي الأمور اللي قالوا الشباب
انتبه لشئ مهم بعض السيارات يجب ات تكون شاده ( الدعسه )
علشات تعطيك عزم يعنى ضغط المكينه لايقل عن 3...............
محمد111
13/10/2006, 06:26 AM
لو سمحت اخوي اوصف الموتر بشكل دقيق علشان نقدر نفيدك


مهب ازين

لأنه مأعتقد انه ردى عزم به


بسيطه ان شاء الله
اخوك ابوعبدالعزيز
GMC79
13/10/2006, 02:11 PM
اذا كانكم ما تلاحظون انه ضعيف لالا في الرمل فترى الموتر مضبوط والمشكلة في السائق لان التطعيس يبيله مهارة واذا كان ضعيف حتى في المزفلت لازم نتاكد فعلا انه ضعيف تشوف احد معه مثله وتقاومه او تقيس زمن التسارع الى مئة وتجيبه لنا ونعلمك على حسب المحرك هو 4800 او 5300 والسلام عليكم
أبوفيصل
17/10/2006, 02:41 PM
بارك الله فيكم جميعاً

بالنسبة للموتر

Gmc
قطع 10
طبعاً غماره
8 سلندر قيره عادي + دبل
ماني متأكد من حجم المكينه (أبشوفه الليله إن شاء الله)
كفرين ورا
عليه كفرات شاهين

الموثر نظيف بكل ما تعنيه الكلمة
ولد عمي توه شاريه قبل أسبوعين تقريباً

غير البواجي
ولا فاد فيه

عزمه على الطريق ولا أحلى منه .. وقوي
وضغط الهوى .. أكثر من ممتاز

السواق .. خبره في سواقة البران والطعوس
وله أكثر من 12 سنه حياته كلها جيوب في جيوب
وسواق ما شاء الله عليه.

أنا جربت الموتر .. عقب ما نزلت الهوا تقريبا إلى 20
ما عنده مشكله في الرمل إذا تمشي على خفيف ولا فيه طلعات ونزلات.. مشكلته هي العزم الضعيف إذا واجهت طلعه ولا رمله خفيفه .. ترص على الدعسه وأنت حاطه بالأول .. ما يطيب خاطر ولا يتجاوب معك .. تضعف المكينه ويطلع لها أصوات .. كأنها أصوات بلوف وبعض الأحيان يطفي .. بصراحة شيء غريب.
وديناه كم ورشه يقولون كل شيء تمام.
غضنفر
17/10/2006, 05:02 PM
ابو فيصل
غريبة
مواصفات السيارة رائعة جدا
8 سلندر قير عادي دبل غمارة
المفروض يطلع طيارة
افضل حاجة انك تشوفلك واحد معه مثل سيارتك وتجرب سيارته
برنس777
17/10/2006, 07:06 PM
أخوي أبو فيصل أسلام عليكم ورحمة الله وبركاته
ك
أما عن عزم الموتر فالحقيقه أنه طياره سواء أبو رفرف 350 أو مصفح ال305 كلهن أنا شايفهن يتحدن الجيوب المرهمه يعني ما بالحكي فايده ولكن أخوي أبو فيصل أبا نبهك عن حاجات مهمه وهي أن الكفرات الي تقول ماهي كفراة طعوس هذي كفرات الحجرة وما أشبهها ولكن غير هن وتشوف وكذلك أنتبه لبرمجة الكمبيوتر هل هي مفتوحه وللالا لأنه ممكن يكون مقفول الكمبيوتر

\
tomas73
18/10/2006, 02:50 AM
عير الكلتش حق القير وشفه يتغير عزمة ولا لا
هاوي قصيده
18/10/2006, 04:55 PM
حياك الله اخوي ابو فيصل

انا معي مثل موترك ..بس موديل 2001

ماشاءا لله تبارك الله ...عزمه ولا احلىىى بالبر والزفلت

بس حط الهوى 25 وارقد وامن ...والكفرات شاهين ...

بس انا اول ما شريته سويت له تشييك كامل وتصفيه للامواد الاستهلاكيه

بس الله لا يضره ما كلفني كثير وماشي معي زي الحلاوه

وده لك ورشه وخلهم ينفضونه لك يابعدي ...الموتر اساسا مافيه الا العزم
شبح الصحراء
18/10/2006, 07:43 PM
وين يا شباب المعروف ان الجموس عزمها ضعيف في الرمل انا كان عندي جمس صحن طويل دبل 350 عزمه بارد في الرمل الددسن دفرنسين احسن منه مع اني مغير الكلتش والبواجي والأسلاك ومافيه فايدة والسبب طبعاً وزنه ثقييييييييل مرة يعني يالله يشيل نفسه .


http://www.mekshat.com/pix/upload/images21/mk23961_img_1076.jpg

الحل لا تتحدى في المراقي الطويلة دور لك مطلاع سهل وان شاء الله تمام ولا تخاف من التغريز مستحييييل يغرز اذا منسم كفرات ومعشق الدبل بس زي ما قلت دور المطاليع السهلة وانصحك لا تروح بعيد إلا معاك موتر آخر ترى الجمس غدار .
هاوي قصيده
18/10/2006, 11:46 PM
شبح الصحراء

شكلك ماخذ موقف منو ههههههههههههههههههههههههههههههههههههههه


والله للحين ما شفت شي

اذا صار لي شي لا قدر الله قلت لكم




تحياتي
أبوفيصل
20/10/2006, 05:38 AM
بارك الله فيكم جميعاً
والله لا يحرمنا منكم .. اللهم آمين

الله يعطيكم العافية جميعاً على الردود والتداخل
لحل هذه المشكلة


الأخ هاوي قصيدة

الموتر اللي عند الرجال نفس اللي بالصورة

ماشاء الله .. تبارك الله
khalaa2u
20/10/2006, 09:49 AM
السلام عليكم عندك ورشه وحده بس بيعطيك الزبده لانه الوحيد بالمملكه اللي عنده جهاز داينو جت وهو اللي يقدر يعيد برمجة الموتر ويشيك على العزم الورشه بالشرقيه راس تنوره (رحيمه) تصدق يجونها من كل المناطق عموما راعي الورشه اسمه هشام الملا اسال ومية واحد يدليك متخصص بالامريكي من 2000 وفوق بيظبط لك البرمجه بيخليك ماتصدق الفرق انا عندي كابرس 2004 Ltz طبعا المكينه جباره بس تجي مقفول عليها المهم ظبط لي البرمجه صرت اقوم على اطلق مرسدس 500 ولا يشوفني اصلا والله ماعاد تقفل الا على 276 كيلو بالساعه من الروعه بعت السياره والله يوفقك بس ترى الموتر عزمه مفروض يكون خيال لان بالدوام طبعا بارامكو كان عندي واحد زيه وكنا يوميا نطلع نشيك مناطق بالبر وعزمه خيال رح للورشه هذي وانشاء الله تحس بالفرق
عذاب المزايين
20/10/2006, 10:10 AM
السلام عليكم
أنا أقول غير صفاية البنزين وفلتر الهواء وصدقني راح تشوف الفرق :good: :good:
ss454
24/10/2006, 04:02 PM
ماشي 34 لاتغير به اي شي كهربائي
وقير عادي قطع 10 اكيد مكينته 4800 سي سي وحليوه بس عزمها على اربي ام عالي فوق 3000 يعني عطه القاز وبتشوف العزم .
بس لا تقارن مع جيوب ربع لانها اخف بواجد من الجمس وعلى فكرة تراه طول اليوكن وقريب له بالوزن يعني ماهو بالخفه الي تتصور ولخفه هي اهم شي بالمرقى ثم يجي العزم .
الوعد قدام
24/10/2006, 04:13 PM
وين يا شباب المعروف ان الجموس عزمها ضعيف في الرمل انا كان عندي جمس صحن طويل دبل 350 عزمه بارد في الرمل الددسن دفرنسين احسن منه مع اني مغير الكلتش والبواجي والأسلاك ومافيه فايدة والسبب طبعاً وزنه ثقييييييييل مرة يعني يالله يشيل نفسه .


http://www.mekshat.com/pix/upload/images21/mk23961_img_1076.jpg

الحل لا تتحدى في المراقي الطويلة دور لك مطلاع سهل وان شاء الله تمام ولا تخاف من التغريز مستحييييل يغرز اذا منسم كفرات ومعشق الدبل بس زي ما قلت دور المطاليع السهلة وانصحك لا تروح بعيد إلا معاك موتر آخر ترى الجمس غدار .

صحيح مثل ماقال اخوي شبح الصحراء انا كان عندي جمس بكب موديل 96 عزمه قوي بس في المراقي يقل عزمه كثير مع العلم ان كفراته حجريه
محمد111
10/09/2007, 08:13 PM
اخوي العزيز لوتفك الشخال عادم البيئه يمكن هو اللي حايسن الدعوى
وبشرنا تكفى...................
أبوفيصل
18/09/2007, 11:32 AM
اخوي العزيز لوتفك الشخال عادم البيئه يمكن هو اللي حايسن الدعوى
وبشرنا تكفى...................

أرحب يا محمد
مبروك عليكم الشهر جيمع
أسأل الله أن يتقبل منا ومنكم صالح الأعمال.
والحمد لله الموتر الحين من أحسن ما يكون

تم تغيير البواجي
أسلاك البواجي
ولكن المشكلة الأساسية كانت في البخاخات وتم إصلاحها ولله الحمد

بارك الله فيكم جميعاً
escape_man
18/09/2007, 12:55 PM
ابو فيصل

انا عندي قطع عشرة موديل 81 وقبله عدة بليزرات

من وصفك اخوي الغالي ومن تجربتي ممكن انصحك تشوف كهربة الموتر لانه شكله قافل ... واذا حرارته تطلع واجد بعد ماتجور على الموتر فهذا شي يدعم مقولتي وشكي..

تونا شارين بليزر نظييييييييف موديل 88 بخاخ

عزمه بالاسفلت 100% وبالنفود دمار رغم ان عليه شواهين وجنوط 10 انش

سويت له وزن ديلكو وصار روعه وحتى الحرارة خفت
mansoursh
18/09/2007, 03:26 PM
السلام عليكم ورحمه الله وبركاته

لا تنسى دبة الكنداسه قد تكون فيه الكربون الي يجي مثل الجبص
الدحبول
18/09/2007, 04:20 PM
مساكم الله بالخير

ولد عمي أشترى جمس بكب دبل قطع 10 .. موديله 2002
ماشي 34000


واليوم جربنا في الرمل .. وأكتشفنا إن عزمه ضعيف بشكل غريب.

مع العلم بأن الموتر يعتبر نظيف جداً .. وهذه هي مشكلته الوحيده

وش تشورن عليه.
شيك على كنداسة فيه تهريب أو مسدودة
و غير دزق والكلتش وفحمة ب 450 لموديلات 97 كان عندي واحد
وغير وايرات البواجي
ونشاء الله رح يضبط 100%
تحياتي
لاتنسى تنسم هواء الكفرات إلى 25 أو 20
الدحبول
18/09/2007, 04:21 PM
مساكم الله بالخير

ولد عمي أشترى جمس بكب دبل قطع 10 .. موديله 2002
ماشي 34000


واليوم جربنا في الرمل .. وأكتشفنا إن عزمه ضعيف بشكل غريب.

مع العلم بأن الموتر يعتبر نظيف جداً .. وهذه هي مشكلته الوحيده

وش تشورن عليه.
شيك على كنداسة فيه تهريب أو مسدودة
و غير دزق والكلتش وفحمة ب 450 لموديلات 97 كان عندي واحد
وغير وايرات البواجي
ونشاء الله رح يضبط 100%
تحياتي
لاتنسى تنسم هواء الكفرات إلى 25 أو 20