من يغيثني وا مكشاتاه

[فهد الخضر]

السلام عليكم ورحمة الله وبركاته
اخواني.. بغيت فزعة من صاحب الفزعة ، لي سنة كتبت في القروب ولا احد فادني باللي بغيت ، بغيت فرن صغير وذف وخفيف المحمل يتسع لست دجاجات وشعلته فوق وتحت ويكون له باب يتسكر .
كتبت العام الماضي وما احد فادني ياليت تفيدوني:(

[ولد ميسان]

هلا بك أخوي فهد .

إذا إنت من الرياض بتلقى طلبك و زيادة في طريق ديراب و إنت رايح شرق , قبل ما توصل المخرج اللي يوديك على الدايري الجنوبي تلقاهم على اليمين عند محلات الفخار

تحياتي

[فهد الخضر]

أنا من أهل الأحساء فديتك

[web]

فيه فرن صغير مثل شكل الفرن حق البيت بس قطع عشره على قولتهم :)
يعني تقريباً كبر حجم الميكرويف له عينين من فوق للقهوه والشاهى او الطبخ وله فرن
لكن الي شفته الشعله من فوق او من تحت فقط ماله شعلتين
وتلقاه عند السنيدي الي على الدايري الشرقي

[الكايف 1]

وعليكم السلام ورحمة الله وبركاته
اخي الغالي
اتوقع طلبك تجده في هذا الرابط
http://www.mekshat.com/vb/showthread.php?t=591824
احوك الكايف 1

[فهد الخضر]

أخوي ويب اللي عند السنيدي شعلة تحت بس ، واخوي الكايف مايصلح اللي عرضته أنا ابغاه يشتغل على دبة الغاز وشعلته الداخلية فوق وتحت .
شدعوى يا اخوان المشاهدات بالمئات ولا ردوا الا ثلاثة الله يجزاهم
بالخير:mad:

[الحاتمي 2013]

وكل هالصياح وطلب الفزعه عشان فرن !!!

[فهد الخضر]

طيب وين المشكلة على شان فرن يا الله مد يدك ياحاتمي

[قلايد الخيل]

ماظنتي بتلقئ فرن ياخذ ست دجاجات وحجمه وذف علئ قولتك لاكن بيجي من يفيدك

[دهران]

السلام عليكم
أعتقد إن السنيدي عنده طلبك رح لمهم وإن شاء الله بتلقى اللي تبي


http://www.mekshat.com/pix/upload01/prof024/mk17809_forn1.jpg


http://www.mekshat.com/pix/upload01/prof024/mk17809_forn2.jpg

[الوادي11]

مافيه فرن صغيرووذف ياخذ 6 دجاج بلعقل ياخي :f:f:f

[فهد 606]

وعليكم السلام ورحمة الله

ممكن هالفرن هذا يلبي طلبك ولو أنه عند بعض المكشاتية يعتبر كبير الحجم لكن نقول لكلٍ أحتياجه الخاص .
لا أعرف بالضبط كم مقاسات الفرن ولكن من خلال الصورة يبدو صغير الحجم .
تقريباً اكبر بقليل من المعروض بمحلات السنيدي وغيره .
لكن مايميزه عنها حسب مارأيت بالصورة ومعلومات المنتج

أولاً : انه صناعة تركية

ثانياً : أن الفرن فيه عين بالأعلى وأيضاً بالأسفل يمكن تشغيلهما معاً أو كل عين لوحدها

أتمنى أنه يفيدك أخوي فهد وأن قسمك الله وطلبت واحد أطلبلي معك وأنا أخوك :)

http://www.mekshat.com/pix/upload06/images/2013/09/mk198121_table_top_gas_oven2.jpg
http://www.mekshat.com/pix/upload06/images/2013/09/mk198121_table_top_gas_oven3.jpg





وهذا رابط المنتج للفائدة

http://arabic.alibaba.com/product-free/table-top-gas-oven-104689758.html

تحياتي لك ؛؛؛

[حب لاينتهي]

على حسب طلبك كنت ناوي ارد نفس

رد أخوي الكايف

إن شاء الله تجد ظالتك

[فهد الخضر]

شاكر الجميع عل التفاعل ، اخوي فهد 606 مشكور على هالنقل الطيب ، لكن نبي نعرف حجم الفرن وهل فعلا فيه عينين فوق وتحت وكم سعره وهل الموقع موثوق . هذي اسأله مهمة فديتك واعذرني على هالأسئلة

[المهند9]

لاتعليق

وش باقي الله يجزاك خير

[فهد الخضر]

إخواني الغالين على راسي جميعكم ، مالا داعي للتعليقات الاستفزازية ، لولا الحاجة ماكتبنا واستشرنا ، فكما قال عليه الصلاة والسلام " من استطاع منكم أن ينفع أخاه فليفعل " فا اللي عنده اللي يفيدنا الله لا يحرمه الأجر واللي ما عنده فلا داعي للتعليقات فكلنا في الله إخوة .:heart:

[ابو دخيل الل]

وعليكم السلام اخوي كل وتفكيره لاكن فصل لك صاجه من فوق وصاجه من تحت وحط لك عيون من فوق وتحت وصله بلي غاز واذا ناسبك كمل لك من فوق او تحت نفسه او مع زد طوله او خله ينصفط ودي اقول كلمه بس انت من انوع العصبي الله يعينك اجل روق وشغل مخك واسف علي الاطاله ( اذا تبي اشوف ورشه تضبطها لك ابشر ) بتوفيق

[محب الهيف]

اما الموضوع الحالة ::D:D:

[فهد الخضر]

مشكور اخوي دخيل ، انا من أهل الأحساء وما عندنا ورشة تفصل وتضبط ، إلا كان نحل الاشكال ، إن كنت خابر الله يجزاك خير