يوكن جديد طقه بالقير

[bosalih]

معي يوكن 2013 اذا رفعت رجلي عن دواسة بالبنزين وانا ماشي بالحارة (السرعة خفيفة) ودعست الدواسة اسمع طقه بالقير ... هل هذا طبيعي او اراجع الجميح ........ ارجو الافادة

[Ra3e]

طبيعيه جداً :) لاتشيل هم

ومبروك الموتر ويعطيك خيره ويكفيك شره

[bosalih]

الله يطمن قلبك

[bosalih]

الله يطمن قلبك

[ذيب زلفاوي]

هي طبيعيه بس بعد كم سنه من الاستخدام. دخله على الضمان احسن

[aziz2727]

يمكن يحتاج تشحيم الصلبان
تأكد منها
والله يطعمك خيره ويكفيك شره

[Ra3e]

ياشباب الطقه حقت القير امان للكرونه من قوة القير هناك فضاوة تمتص قوة دعسة القير قبل الكرونه وهي الي تسبب الطقه

طبيعيه جداً لاتشيل هم :)

[فرفور بريده]

^

صدقت

الطقه طبيعيه لقوه المكينه والقير .. وهي بسبب فضاوه مثل ماقال الاخ وسببها الحفاظ ع الدفرنس اكثر

[راجي_خير]

الله يوفقكم جميعاً صاحب الموضوع وأصحاب الردود ، ويطمن قلوبكم بطاعة الرحمن .

[وجعين]

الطقه مادري عنه لكن دام القير يشيل لموتر وذا دست فجآه يفز فالقير مابه اخلف عندي يوكن 2004 استعمال امريكي وضبت القير 4500

[راعي الرود]

معليش مهب طبيعي ابداً

اذا كانت الطقه مع الدعسه او ماتدعس يا هي فضاوه في العمود من الصلبان و يمكن تحتاج تشحيم او فيه فضاوه في الكارونه

دخل موترك للصيانه و قلهم عن المشكله دامه تحت الضمان

[Hwer]

اخوي معه يوكن 2012 ومافيه صوت طقه وانا معي لاندكروز جكسار 2010 كان فيه طقه واتضح ان العامود فيه فضاوة خلل مصنعي وغيروه على الضمان انصحك بفحصه بالوكاله وخل الفني يركب معك

[حر النداوي]

معي يوكن 2012 ومن طلعته وهو فيه طقه وهذي طبيعيه جدا
وخويي معه 2013 ونفس الطريقه
لاتخربط في موترك وخله مثل ماهو الله يبارك لك فيه يارب

[Abo_Faisal_506]

اخوي لايمنع انك تشيك عليه

[بدوي جنوبي]

معقولة تردو بان الطقه طبيعي

يا غالى الطقة مو طبيعيه ارجع للوكاله وسوي تشييك
ولا يقنعوك بأنها طبيعيه ،،، ويقولو لك كل السيارات كذا

أكيد انت أستخدمت سيارات كثير وما مر عليك مثل هالمشكله
هذا انت حسيت بأنها مهى طبيعيه

والله يعينك على الوكيل

[فرفور بريده]

ي اخوان الطقه اللي ذكرها هذي تصير احيانا

مو دائما

اذا دايم انصحك تفحصه بالوكاله

اذا احيانا تجي فهي طبيعيه وانا مجرب اكثر من جمس وكاله كلها نفس الشي كذا

احيانا تجي طقه بالقير اذا السرعه من 20 او 30 وتحت ودعست خفيف فجائه يجي صوت طقه

[.أبوعبدالرحمن]

ما يمنع فحصه بالوكالة أو بورشة تثق بها

مع العلم أنه كان معي باثفندر 2003 فيه الطقة هذي من يوم شريته وجلس معي 6 أو 7 سنوات ومشى معي حول 250 ألف كم ولا لاحظت شي على القير أو أي مشاكل بسبب هذه الطقة

ولكن لكي يطمئن قلبك أفحص لتقطع الشك باليقين

[ابونبيل]

طبيعي موجوده بوانيت 12 وجمس صالون 11

[المميـز]

:

طبيعيه ان شاء الله
اعرف واحد معه جمس ٢٠١١ من اخذه من الوكاله وفيه الطقه هذي
وتطلع مع التهديه مثل ماتفضلت خصوصا لاصرت تمشي تحت ٤٠
مبروك الموتر الله يعطيك خيره ويكفيك شره

:

[الخالدي999]

اخوي الطقه طبيعيه في الجير الست نمر في الجمس والشفر والكدلك عموماً ونيت او صالون والي قيره خمس نمر مافيه طقه عن تجربه في سوبر بان٢٠٠٩ وساييرا ٢٠١٠و٢٠١٢hd وتاهو ٢٠١٣ والله يبارك لك في حلالك

[ابولمارالحربي]

اخوي الله يعطيك خيرها ويكفيك شرها يارب الافضل استاذي تراجع الوكيل وتفحص السيارة دام تحت الضمان واخوي كون حريص جدا في ان تجعل لكل زيارة دليل يعني مايثبت انك راجعت الوكيل في اليوم الفلاني و عداد الكيلو كم ماشي و ماتشتكي منة من حقك ان تطلب عند كل زيارة مايثبت مراجعتك للوكيل والحتفاض ثم الاحتفاض ثم الاحتفاض بهاذة الاثباتات والله يوفقك يارب وعلى البركة ياعم