ارجو من الجميع الافاده مشكلة ثقل بالجمس

[m.m.a]

سلام عليكم

اليوم الصبح رحت للورشه اغير ثلاجة مكيف الجمس لان بها تنسيم والفريون مايجلس اسبوع

المهم قالي الساعه 5 عصر تكون جاهزه

رحت له المغرب واستلمت الجمس مبسوط بالمكيف

توي طالع من الورشه الا واحس بثقل بالسياره كان الكفر مبنشر او البريك مربوط

نزلت شيكت ع الكفرات اشوف تحت السياره يمكن فيه شئ عالق مافي شئ

قلت ياولد يمكن الثقل من كلتش المروحه مع ان الحراره ربع

المهم لما اوصل سرعة 40-50 اسمع صوت ووونه قوي والسياره ثقيله جدا

رحت لمكانيكي قالي تعال شف لما نزلت الحفره لقيت الدفرنس الامامي حق الدبل حار جدا ومع الحراره الزيت اللي بالدفرنس بيطلع من ناحية الصوفه

وقالي فيه رمان بلي مكسور وهذا سبب الثقل

يااخوان ابغى الحل وش اسوي كيف الغي الدبل هل يكفي اني افك عامود الدبل ولا افك العكوس ولا ايش ماني فاهم

الرجاء لاحد يدخل الا ويفيدني يااخوان

السياره شفر تاهو موديل 1996

طبعا الدبل ازرار له اكثر من سنتين انواره طافيه يعني لما اضغط مثلا على 4h او 4l مايعشق مدري وش علته

ومشكورين مقدما لكل اللي راح يردون بالموضوع

[m.m.a]

واتمنى من الاخ اصيل حجازي ان يفيدني في مشكلتي ولا يهنون باقي الاعضاء فيكم الخير والبركه اخواني

[SGL]

في واحد اعرفه معه يوكن دبل 2002تبهذل في الدبل اخر شي وداه ورشه وفكوا الدبل وشال قطعه المهندس مدري ممكن ترس او شي زي كذا وبعدها الرجال افتك من غثى الدبل وصار موتره مافيه دبل ملغي

[m.m.a]

اي والله ودي الغيه بس اخاف اروح عند ورش طباخين ويحوسون الموتر علي

انا شاك ان الدبل مشبوك على الثقيل بس لما اضغط على زر ال 2 مايشتغل

[جيب لكزس 2000]

السلام عليكم ورحمه الله وبركاته

افصل الدبل وريح راسك

انا فصلته وصار اخف من اول

[التهجير الروح]

عاد وش الفايده بسياره عائليه بدون دبل خذلك اوديسي والا اي سياره بدون دبل