صوت طقطقة في الكامري 2001

[راعي المنهاج]

السلام عليكم

يالربع أنا شريت سيارة كامري 2001 4 سلندر والصراحة السيارة نظيفة وقمت بعمل بعض التصليحات
- غيرت عكوس
- غيرت كراسي مكينة وقير
- غيرت كراسي مساعدات أمامية

لكن فيه صوت قربعة في السيارة من الأمام والخلف خصوصا مع البطناج وإذا صار الأسفلت مضبوط الأمور تمام

بعض الورش يقول تحتاج تغير المساعدات مع أن بعضهم يقول أنها لازالت بحال جيدة مع أن صاحب السيارة يحلف أن المساعدات الخلفية مغيرة من شهرين وكالة والأمامية تجارية
والبعض الآخر يقول محتاج كبس أذرعة ولا أدري

للعلم ما أقدر أصلحها كلها يا المساعدات أو كبس الأذرعة ، هل مرت عليه هذه المشكلة الله لايهينكم

شكرا مقدما لكل من قراء وشارك بالرد

[hassan-55]

اخوي معه كامري2003
كان يشتكي من القربعه مثلك
غير مساعدات امامي وخلفي وغير عكوس ما استفاد شيء وربلات وغيره
وخسر واجد

اخر شي غير عمود التوازن وضبط الموتر

شيك على اعمدة التوازن وان شاء الله تستفيد

الله ييسر امرنا وامرك وامر كل مسلم..

[جاسمي]

الصوت على وصفك وبعد كل الي غيرتة من ربل الدودة لاكن للاسف مالها قطع الا اذا لقيت راعي مخرطة فنان وطفران ويزينها لك شي طيب!!!
مع العلم انا اعاني من سبع سنوات من نفس الصوت وبشرك تعودت علية:good:

[عبقري91]

انا صارت معي بس طلعة من الفحمات
والمسمار الي يمسك قاعدت الفحمات الربله ماهي فيه
والي بالخلف. طلع كبس اذرعه. وزانت ولله الحمد
اما اذا ماطلعت منهن
عندك قدام عدد نقاط عكوس مسامير توازن كراسي مكينه وقير
مساعديات وكراسي مساعديات قاعدت الدوده
وعندك المقص الي ماسك في البدي فيع مسمار كبير كان مره مرتخي معي
واذا نسيت اذكر شي العذر والسموح ه. والاخوان يفيدونك ان شالله اكثر مني .

[راعي المنهاج]

بيض الله وجهيكم مافصرتوا اسأل الله أن يجزاكم الجنة ويغفر لوالدينا ووالديكم

[الاجداث]

اخيي راعي المنهاج
هل تم تغيير ربل المساعد؟
http://up.bnaat.com/sa/1377519639041.jpg

يجي ربل مشابه للي بالصوره سعره بحدود 20 ريال
فانا اتوقع دامك قلت بالطريق السليم مافي صوت وفقط تسمعه مع مطبات
لذالك قبل تاكد
حاول هز المساعد الامامي والخلفي رفع ونزول اذا سمعت طقطقه ولو بسيطه فممكن من الربل

لا تنساني من دعوتك لي بالهدايه وحسن الخاتمه

[7elm.lil]

ما اعرف عن الكامري شي بس اذا لها يايات من قدام تفحصها يمكن الربل مهتري
صارت معي ع اكسنت 2004 وغيرت مساعدات وربل مساعدات خلفية
ولا فاد حصل العلة هندي وقلت خلاص بروح اجيب ربلات قال مو لازم وجاب لي هيدروليك ودخل الياي فيه وسكتت القربعة وارتحت ولي الهيدروليك قوي ويريحك بس مو لازم كل الياي اهم شي من فوق ومن تحت اللي يلامس الحديد

تم الإرسال من جهازي GT-I9100 بواسطة تاباتوك 2

[ماء نوفا]

شف انا كنت معاي نفس مشكلتك بالضبط والسياره كامري 2002 كل شئ غيرته ولا فيه فائده
وفحصت المساعدات وقالو لي كويسه اخيرآ طلعت المشكله من المساعدات
غيرتهن بمنورو 180 ريال للواحد وتركيبهن 200 ريال لﻷربع
وشكرآ

[ساري 55]

انا كانت عندي هذي المشكله بالضبط في الكامري
والقطعه تكلف 35 ريال وغيرت كل شي من تحت وكاله
وما ضبطت وغيرت ربلات على قولت اخوي ( الاجداث )
وضبطت والحمدلله وحاول تغيرها وان شاء الله تضبط معك .
بس لا تنسى قبل لا تغير انزل حفره وحاول هز المساعد الامامي والخلفي
رفع ونزول اذا سمعت طقطقه ولو بسيطه فممكن من الربل .

[راعي المنهاج]

الاجداث
7elm.lil
ماء نوفا
ساري 55

أسأل الله لي ولكم ولكل المسلمين أن يجعلنا من السعداء في الدنيا والرابحين في الآخرة برضى الرحمن وأن يرحمنا الله برحمته أجمعين

بيض الله وجيهكم ماقصرتوا اليوم نزل الراتب وعلى الصناعية ;)

[ماء نوفا]

اتمنى تعطينا الحل الي يطلع معك لكي نستفيد وشكرآ

[hsdt]

السلام عليكم وانا اخوك الموضوع بسيط
الحل
طفي السيارة روح الي كل كفر اعطيه شوتة بالقدم من الطرف عند النسافة راح تسمع نفس الصوت
خلاص روح الوكالة اشتري كلابسات فحمات حديد اظن السعر 60 ريال للجميع لاتشتري تجاري
كل كفر فيها اربع كلابسات
تقدر تصلح الموجودات بس لازم يكون عندك خلفية يعني سبق شفت واحد يصلحها

الكلام عن تجربة على اكثر من كامري والنتيجة 100%
موفق خير

[سرينا]

السلام عليكم وانا اخوك الموضوع بسيط
الحل
طفي السيارة روح الي كل كفر اعطيه شوتة بالقدم من الطرف عند النسافة راح تسمع نفس الصوت
خلاص روح الوكالة اشتري كلابسات فحمات حديد اظن السعر 60 ريال للجميع لاتشتري تجاري
كل كفر فيها اربع كلابسات
تقدر تصلح الموجودات بس لازم يكون عندك خلفية يعني سبق شفت واحد يصلحها

الكلام عن تجربة على اكثر من كامري والنتيجة 100%
موفق خير





كلااااااااااام سليم 100% وانا مركبها بنفسي لموتري 2001 كامري

[حمزةعبدالمطلب]

تاكد من جلد مجموعة الدركسون

[we2]

حتى انا كمان عندي صوت على كامري 99 امريكي

الصوت يطلع اذا مسكت فرامل حتى لو خفيف يطلع مثل طق طق طق طق واحيان مثل ضربات حديد

والصوت اكثر وضوح في الكفر الامامي جهة السواق وللعلم مغير الفحمات من فترة بسيطة جداً اقل من 3 شهور وجدد اصلي

اما في الحفر والمطبات ما اسمعه ابد

اعتقد شيء يتعلق بالكليبر والفحمات