التلميع الداخلي وغسيل المراتب

[فياض الربيع]

السلام عليكم ورحمه الله وبركاته كيف حالكم يااعضاء مكشات
استفسار لو سمحتوا عندي سياره
داخليها كله زيوت واوساخ والمراتب والارضيات وسخه
مره وسوداء من الزيوت هل فيه محل تلميع ممتاز شغلهم
انا ساكن شمال الرياض حي المروج نبي محل ممتاز ورخيص
وشكرا لكم طبعا السياره فورد

[ابوعقيل81]

تسجيل متابعة

[ابو طاهر]

وعليكم السلام

عندك يا طويل العمر كاركير عندهم غسيل سوبرقيمة 120 ريال انه يغسل السيارة (والمراتب بالصابون والفرشة) والسيارة تقد حول ساعتين بعني انا اسمية نص تلميع وانا جربته ممتاز جداً

[هجروس]

مكان كاركير والتلفون لاهنت

[رح هس]

موضوع مهم جدا...متابع

[فياض الربيع]

شكرا للجميع على مرورهم بس ياشباب يستحسن اللي يعطينا اسم محل
يعطيني مكانه بالضبط ورقم تلفونهم اذا امكن
وشكرا لكم

[abo naser 1]

يا جماعة الخير لاتحرصون على التلميع الا للظرورة الداخلي يلعبون في الفرش بالكيماويات تحصلها بعد فترة من التلميع يبداْ الفرش بالتهالك والخشونة وبداية تمزع الزوايا من المراتب خصوصاً المخمل

[فياض الربيع]

بس وش الحل يابو ناصر السياره كلها زيوت واوساخ لانها كانت بالورشه ٣ اسابيع توضيب مكينه واصلاحات
اخرى

[قناص مزاجي]

يتحمل الغسيل صاحب الورشه

لان الشغل خارجي وليس داخلي

طقهم بشكوى

[abo naser 1]

بس وش الحل يابو ناصر السياره كلها زيوت واوساخ لانها كانت بالورشه 3 اسابيع توضيب مكينه واصلاحات
اخرى


اذا السلفة زيوت وشحوم ملبدة الشكوى لله انا المع الموتر للضرورة
بس بعض الشباب يلمع في السنة مرتين يعدم لمعة البوية و الديكورات والفرش والمراتب لا ومن زين فكهم للمراتب والفرش يلعبون بالحساسات

أسمع عن تنظيف الداخلي بالبخار يوجد ببعض المغاسل يمدحونة وماسبق تجربته

[تميم2222]

في شمال ورخيص. ؟؟؟ ابشر بلزخ الدارهم 😂

[ابوعقيل81]

في شمال ورخيص. ؟؟؟ ابشر بلزخ الدارهم 😂

ههههههههههههه

[فياض الربيع]

في شمال ورخيص. ؟؟؟ ابشر بلزخ الدارهم 😂
هههههههههه طيب الجنوب ياتميم

[جرة قلم]

توجد ورشة "قديمة" في الصناعية،
هذا شغلها، تنظيف داخلي السيارات،
أذكرها وأنا صغير، كنت مع أخوي الكبير الله يرحمه،
نودي لهم سيارة العائلة "الجمس" بعد كل سفرة صيفية،
يعني كل ما أتسخت، ويقومون بتلميعها من الداخل،

الوصف طال عمرك :
الدائري الشرقي، مخرج 16، اتجه غربًا،
تأتيك إشارة، ثم إشارة ثانية، ثم نــفــق،
أنزل مع النفق باتجاه الجنوب،
يأتيك كوبري، إصعد معاه، ثم تأتيك إشارة عند زجاج السالم،
أدخل يسار، ويأتيك "مسجد" بجوار الإشارة على يدك اليمين،
الورشة بجانبه ،
ترى شغلتهم تنظيف وتلميع سيارات فقط...

[فياض الربيع]

توجد ورشة "قديمة" في الصناعية،
هذا شغلها، تنظيف داخلي السيارات،
أذكرها وأنا صغير، كنت مع أخوي الكبير الله يرحمه،
نودي لهم سيارة العائلة "الجمس" بعد كل سفرة صيفية،
يعني كل ما أتسخت، ويقومون بتلميعها من الداخل،

الوصف طال عمرك :
الدائري الشرقي، مخرج 16، اتجه غربًا،
تأتيك إشارة، ثم إشارة ثانية، ثم نــفــق،
أنزل مع النفق باتجاه الجنوب،
يأتيك كوبري، إصعد معاه، ثم تأتيك إشارة عند زجاج السالم،
أدخل يسار، ويأتيك "مسجد" بجوار الإشارة على يدك اليمين،
الورشة بجانبه ،
ترى شغلتهم تنظيف وتلميع سيارات فقط...
بيض الله وجهك والله يرحم اخوك رحمه واسعه وان يجعله من اهل الجنه يارب وجميع المسلمين

[التعـ King ـديل]

وعليكم السلام

عندك يا طويل العمر كاركير عندهم غسيل سوبرقيمة 120 ريال انه يغسل السيارة (والمراتب بالصابون والفرشة) والسيارة تقد حول ساعتين بعني انا اسمية نص تلميع وانا جربته ممتاز جداً



ننتظر الوصف ولا عليك امر

[أبو الوليد 14]

فيه محل اسمه( دكتور بخار )
فاتح له فترة قريبة ....مدري والله وش طريقتهم بالتنظيف بس في الغالب يستخدمون البخار
انا ما اعرفه ولا قد رحت لهم ولا اعرف اسعارهم
اعبي بنزين من المحطة ولفت نظري اسمه
مكانه يا طويل العمر انت على طريق الملك عبدالله وجهك غرب ...قبل لا يقطعك طريق ابو بكر الصديق فيه محطة على اليمين اعتقد اسمها زيتي
المحل داخل المحطة
سير عليهم وشف اسعارهم وخبرنا كيف شغلهم

[اسدهم]

اخوي فك المراتب كلهة وفصل البطارية سيارة همن جب لي الخزان وشتغل انت. في حلالك والمراتب. غسلها. بنفسك همة سيدة للمنجد نجد. ولبس الارضية... وجهة نضري سبق وسويتها في حوشي المواقر....

[ابوعقيل81]

توجد ورشة "قديمة" في الصناعية،
هذا شغلها، تنظيف داخلي السيارات،
أذكرها وأنا صغير، كنت مع أخوي الكبير الله يرحمه،
نودي لهم سيارة العائلة "الجمس" بعد كل سفرة صيفية،
يعني كل ما أتسخت، ويقومون بتلميعها من الداخل،

الوصف طال عمرك :
الدائري الشرقي، مخرج 16، اتجه غربًا،
تأتيك إشارة، ثم إشارة ثانية، ثم نــفــق،
أنزل مع النفق باتجاه الجنوب،
يأتيك كوبري، إصعد معاه، ثم تأتيك إشارة عند زجاج السالم،
أدخل يسار، ويأتيك "مسجد" بجوار الإشارة على يدك اليمين،
الورشة بجانبه ،
ترى شغلتهم تنظيف وتلميع سيارات فقط...

الله يعطيك العافية , ويرحم والديك .

بس وصفك لف راسي :D

في وصف اسهل شوي :) المخرج 17 ثم تمشي وتتعدى الاشارات 2 او 3 ثم نفق ثم اشارتين لين يصير بوجهك كبري .
ادخل يسار من تحته (جنوب) ويجيك اشارة يكون على يسارك زجاج السالم .

[جرة قلم]

أبو عقيل: أكل العنب حبة حبة هههههه
------------------------

هذا جهاز حلو لغسيل السيارة من الداخل،
اللي عنده خبر، كيف نحصله، يبلغنا ...

http://www.youtube.com/watch?v=Mpas0BUrR84




.

[ابو البرااء]

يا شيخ رح لشارع المعارض في النسيم
تلقى اكثر من محل للتنظيف والتلميع

[دليلة1]

عندك يالغالي محل تغسيله بالبخار ,
يغسل داخل السيارة وخارجها ..

خت عندهم غسيل بخار للبدي والداخليه تمسيح عادي تقل مطلع الموتر من الوكالة ب90 ريال و
السيارة الصغيرة 50 ريال الظاهر ..
الوصف : المواقف السفليه لأسواق هايبر بنده
اللي في حي المروج عند الخطوط السعودية على طريق الملك فهد ..

بالتوفيق ..

[ابوعقيل81]

الف شكر للجميع

[ابوعقيل81]

عندك يالغالي محل تغسيله بالبخار ,
يغسل داخل السيارة وخارجها ..

خت عندهم غسيل بخار للبدي والداخليه تمسيح عادي تقل مطلع الموتر من الوكالة ب90 ريال و
السيارة الصغيرة 50 ريال الظاهر ..
الوصف : المواقف السفليه لأسواق هايبر بنده
اللي في حي المروج عند الخطوط السعودية على طريق الملك فهد ..

بالتوفيق ..

مشكووووووور :D

[عاشق القصيد]

السلام عليكم
انا افضل انك تدخلها تلميع
فيه محل على طريق ابو بكر وانت جاي من الدائري الشمالي مخرج 6
متوجه جنوب بتجيك اشارة طريق الامام
بعدها تمشي الين تجيك الاشاره الي بعدها
(( تنبيه ترى بين الاشارتين فيه ساهر متمركز بشكل خفي انتبه منه ))
بعد ماتتعدى الاشاره في محطه بنزين مسوي عروض على تلميع السياره
مره وشف الاسعار
وسلامتك

[صقر الري]

الف شكر ياشباب

[فياض الربيع]

مشكورين وماقصرتوا ابشركم نزل الراتب وبنروح اليوم بالسياره

[فياض الربيع]

عندك يالغالي محل تغسيله بالبخار ,
يغسل داخل السيارة وخارجها ..

خت عندهم غسيل بخار للبدي والداخليه تمسيح عادي تقل مطلع الموتر من الوكالة ب90 ريال و
السيارة الصغيرة 50 ريال الظاهر ..
الوصف : المواقف السفليه لأسواق هايبر بنده
اللي في حي المروج عند الخطوط السعودية على طريق الملك فهد ..

بالتوفيق ..

عاد انا ساكن بالمروج وقريب للخطوط السعوديه بس وش ذا التلميع اللي بالمواقف تقصد الباركنج
لاسواق العزيزيه فيه تلميع

[ابو طاهر]

السلام عليكم ورحمة الله وبركاته

اعتذر لكل من سئل عن الوصف وانا مارديت علية

وصف محل كاركير
وانت ماشي على الدائري الشمالي ووجهك شرق تعدى مخرج 5 الي هو مخرج الملك عبدالعزيز
بعده ادخل الخدمة قبل ليجيك مخرج 6 تلقاه على يمينك في اخر عمارة قبل الكبري في زاوية العمارة...لوحة اسود رمادي الكتابة احمر

[فياض الربيع]

السلام عليكم ورحمة الله وبركاته

اعتذر لكل من سئل عن الوصف وانا مارديت علية

وصف محل كاركير
وانت ماشي على الدائري الشمالي ووجهك شرق تعدى مخرج 5 الي هو مخرج الملك عبدالعزيز
بعده ادخل الخدمة قبل ليجيك مخرج 6 تلقاه على يمينك في اخر عمارة قبل الكبري في زاوية العمارة...لوحة اسود رمادي الكتابة احمر

طبعا الموضوع قديم ولمعت السياره بس اليوم مريت المحل على وصفك ومالقيت كاركير الظاهر نقل من مكانه

[اسدهم]

انا اشوف تلمع طبلون +الابواب +الخارجي تحصلة 200ريال طبعن مع تلميع الخارجي البودي
نجي المراتب تلبس اقرب منجد150 ريال
الاجمالي 200+150=350 ريال لاغير
ويطلع موترك وردة

[فياض الربيع]

يرفع للفائده واعطائنا مراكز جديده ورخيصه فتحت قريب