ابغا اغير استبنة الباترول الى كفر وجنط خفيف ، وش تشورون علي؟

[sgl2002]

اخواني ودي اغير استبنة الباترول 99 فل كامل الى جنط وكفر يكون وزنه خفيف

لان استبنة وكفر الوكاله ثقيله وتثقل ع الموتر واليوم فكيت الاستبة كامله ووجدت فرق كبير في خفة الموتر


طبعا ما اقدر اخلي الموتر بدون استبنه لانها ضرورية جدا


لذلك ابغا المشورة منكم حول استبنه وجنط خفيف جدا ع الاقل لو بنشرت يعبرني الى البنشر

[فتك08]

ركب جنط هلل...و كفر دنلوب خلية أو أبو لبنة

إذا كان الجنط16 يكون مقاسه 235/85

و إذا كان الجنط17 يكون مقاسه245/75

سعر الكفر 17 بـ650-670 و جنط16 بـ630-650 عهدي بالأسعار شهر

10 اللي طاف....يعني إحتمال نزلت...لكن إنتبه من الخليجي تراه أرخص و الأصلي

وكيله بن زقر و إنتبه للنقطة هذي....و بالإمكان تركب أي نوع اخر كالهانكوك أو

الماكسس دامك تبيه عبر....

[sgl2002]

^^^

اخوي جنط الهلل خفيف بس الكفر بيكون ثقيل جدا

وانا ماهمني المنظر لانه بيكون داخل الغطاء


لذلك با خذ ارخص كفر لانه استبنه

[فتك08]

^^^

اخوي جنط الهلل خفيف بس الكفر بيكون ثقيل جدا

وانا ماهمني المنظر لانه بيكون داخل الغطاء


لذلك با خذ ارخص كفر لانه استبنه


بالنسبة للكفرات اللي أتكلم عنها هي نفسها اللي تجي على الجيوب الهدد اللاندات...

دقيقة أدق من كفرات موترك شد البلد...كفرات موترك إذا كان16 تكون265/75

و إذا كان جنط17 تكون275/65 ....

طبعا الرقم الكبير عرض دعسة الكفر و الصغير إرتفاع الكفر من حافة الجنط للأرض...

و حدة القياس ضيعت إنش أو سنتيمتر...

عموما هلل و ركب كفر ماكسس رخيص بـ400 تقريبا و دعسة دقيقة...

[sgl2002]

فيه كفر مره شفته مع واحد مركبه على جيب ربع باترول


جنط برازيلي وعليه كفر مضلع صغير ، وش رايك

[فتك08]

فيه كفر مره شفته مع واحد مركبه على جيب ربع باترول


جنط برازيلي وعليه كفر مضلع صغير ، وش رايك


عادي دامها إستبنة و على كلامك إنك ماراح تستخدمها إلا في مشوارك للبنشر...

خذ الجنط الخفيف خصوصا اللي يقبل كفرات تيوبلس أفضل و امن لك...

و الكفر حاول قد ماتقدر إنه يكون مقارب لإرتفاع الكفرات اللي على الموتر...

أهم شي إنك تنزل من الحمل الثقيل و تفتك...

[sgl2002]

^^^ جزاك الله خير والله انك صادق حمل الاستبنه مثقل ع الموتر

اليوم حسيت الموتر ريشة بيدي وانا بكره بطلع ادور جنط وكفر مستعمل واحطه استبنه

[راعي الرود]

انا نفس مشكلتك باللاند خاصه لا كان رفعه وكاله و فيه استبنه تصير حراثه بالنفود تمشي و تحرث الرمل بالاستبنه

فـ فكيتها و جدعتها بالبيت و بالخراره البلف انشق وصار ينسم ولا معي الاستبنه فاكها و اكلت هواء و جانا واحد كبير بالسن بس طير شلوى عز الله .. جاء يعرض علينا المساعده وقلت له عن العله ولا معي استبنه المهم وراني الاستبنه اللي مركبها هو معه نفس موتري لاند .. مركب بدال الاستبنه البلد كفر دينا بالجنط حقه الكفر سخيف و الجنط خفيف مره ولا تبين الاستبنه ابد كأنه فاكها لدرجه ان الدفرنس واضح

عاد الله اعلم وش نوع الدينا ولا نوع الكفر و كذا ماسألته عن التفاصيل

[حسن الشمالي]

يالغالي
مر المحلات وشف الكفر الخفيف
احيانا يكون الكفر سخيف لكنة ثقيل جدا
مثل كفرات شد البلد حقت الربع
انت عليك بوزن الكفر ولايهمك العرض او الارتفاع
ايضا 8 غاط اثقل من 6 غاط
عموما
الكفرات الصينية غالبا اخف من الكفرات اليابانية

وفقك الله

[محسن اليامي]

والله انها فكره طيبه

مشكور

[sgl2002]

اليوم رحت وشفت ان اكثرهم اتفقوا على جنط الهلل في الخفه

لكن ابتلشت بالكفر ، لقيت كفرات نحيفه لكن ثقيله

انا ابي كفر خفيف من واقع تجربة

[abo naser 1]

اليوم رحت وشفت ان اكثرهم اتفقوا على جنط الهلل في الخفه

لكن ابتلشت بالكفر ، لقيت كفرات نحيفه لكن ثقيله

انا ابي كفر خفيف من واقع تجربة


الا وراء ما تهلهله كله مع شواهين وتشوف الفرق بس أعلمك على الرفارف قبيحة ولا كان سبقتك
ترا جنوط الوكالة بجميع موديلتها ثقيلة جداً مقارنة بالهلل وغيرة خصوصاً على محركات 4200/4500

[ابو فهد...]

ركب جنط ددسن يركب على طول وزين

[sgl2002]

الا وراء ما تهلهله كله مع شواهين وتشوف الفرق بس أعلمك على الرفارف قبيحة ولا كان سبقتك
ترا جنوط الوكالة بجميع موديلتها ثقيلة جداً مقارنة بالهلل وغيرة خصوصاً على محركات 4200/4500




ايه فكرت فيها من قبل ماطافتني


لكن ابتلشت بالرفارف

[sgl2002]

الحين المشكله بالكفر وش اختار من كفر

[فتك08]

الحين المشكله بالكفر وش اختار من كفر


الله يعينك...خذ لك فرة على المحلات و على رواقة و تحسس ثقل الكفرات بيدك

بناءا على إختيار النوع الدقيق....

[abo naser 1]

الله يعينك...خذ لك فرة على المحلات و على رواقة و تحسس ثقل الكفرات بيدك

بناءا على إختيار النوع الدقيق....


مالك الا كذا

مانت لاقي أجابة شافية من ناحيت نوع الكفر الخفيف

واذا لقيت شي ممتاز عطنا نوعة

[التعـ King ـديل]

مر شارع الريل حق الجنوط المستعمله بتلاقي محل كبير على يمينك عليه لوحه هنكوك وبعده محل اسمه القمه حق جنوط بين المحلين فيه شارع بتلاقي ابو يمن وافغان عندهم كفرات مستعمله اشكال والوان وتنق براحتك

[شنطة عده]

مر شارع الريل حق الجنوط المستعمله بتلاقي محل كبير على يمينك عليه لوحه هنكوك وبعده محل اسمه القمه حق جنوط بين المحلين فيه شارع بتلاقي ابو يمن وافغان عندهم كفرات مستعمله اشكال والوان وتنق براحتك





بيع الكفرات المستخدمة ممنوع ....... لان اغلبها قد يتسبب في حوادث
وفوق هذا يشترون الكفرات المسروقة وفوق هذا اذا جاهم واحد بكفرات تسوى الف ريال
قالو له بــــ 300
واذا جاهم زبون بيشتري قالو له بــ 800


جاري الابلاغ عنهم ومصادرات الكفرات وترحيل العماله

[sgl2002]

^^^^

طيب اصبر لين اشتري ثم بلغ

[الخلاوي 15]

ههههههههههههههههههه

الله يعينك

[شنطة عده]

^^^^

طيب اصبر لين اشتري ثم بلغ


ههههههه
خذ راحتك لمدة اسبوع :D وبعدها الوجه من الوجه أبيض :eek:


لو الامر بيدي كنت سنيت قوانين صارمه تجعل العماله المتخلفه قبل النظامية
يتزاحمون على المنافذ البرية والبحرية والجوية
هرباً الى البلدان المجاوره او بلدانهم الاصلية

معلومه بسيطه
عدد العماله النظامية في السعودية يناهز 8 ملايين
والعماله المتخلفة
قرابة 9 ملايين

[abo naser 1]

ههههههه
خذ راحتك لمدة اسبوع :D وبعدها الوجه من الوجه أبيض :eek:


لو الامر بيدي كنت سنيت قوانين صارمه تجعل العماله المتخلفه قبل النظامية
يتزاحمون على المنافذ البرية والبحرية والجوية
هرباً الى البلدان المجاوره او بلدانهم الاصلية

معلومه بسيطه
عدد العماله النظامية في السعودية يناهز 8 ملايين
والعماله المتخلفة
قرابة 9 ملايين



جيت على الجرح ياعدة
الخير امامنا بس ماهو بيدينا اخذو شغلنا و ماكليننا ومحاربيننا ورافعين اسعارنا ومخالفين جميع الأنظمة ونعامل كا اننا اغرب في بلدنا من قبلهم هو التاجر هو المهندس هو المزارع هو المحتكر هو المحساب هو الدكتور هو بائع الجملة هو بائع الفرادي هو الموزع هو المندوب هم كبار المدراء بالقطاع الخاص هم أصحاب الوظائف المتوسطة بالقطاع الخاص هم مندوبين الشركات للتعاقدات والمناقصات والعروض للقطاع العام؟؟؟؟؟ هو المستثمر الأجنبي في الكبسة والبقالات وبيع الفيز ثم الهروب الكبير تاجر بدون تجارة ما ادري كيف فاهمين الأستثمار وجذب رووس الأموال وتحويلهم أكثر من رووس أموالهم بأضعاف هم سبب ازمات الأسمنت و الأعلاف والدقيق هو الموصلات هو المرشي هو المافيا هو المسيطر هو المجرم هو الساحرهو من ناشري الرذيلة والخمور هو المبتز هو يرسل المبالغ الطائلة لبلادة عبر غسيل الأموال ومكاتب تحويل الأموال الوهمية ويصرف 200 ريال سكن أكل شرب تنقل اتصال

كان مجرد عامل لدينا في السابق والأن هو من يستورد و يبيعنا بالجملة لماذا ؟؟؟؟ وعطفاً على ذلك يحاربنا ؟؟؟؟ ويعامل المتخلف عميل تميز با الآجل لدعمه على السيطرة؟؟؟؟؟؟

من المستفيد منهم ومن مكنهم ومافائدة البلاد والعباد؟؟؟؟؟؟؟

لا أعمم على جميع الوافدين فيهم من أعتبرة أخ وزميل وفيهم الطيب وفيهم من أفاد البلد وفيهم من ساعد الكثير من النهضة العمرانية والطبية والتعليمية لآكن النسبة الأكبر مخالفين الأنظمة والقوانين وشوهو صورة الباقيين

أملنا في حكومتنا الرشيدة ووزارتها ومسئوليها ان تكونا الحملة جادة لتصحيح أوضاع العمالة والحيلولة دون الوقوع في العشوائية مرة أخرى ومحاسبة كبيرهم قبل صغيرهم