طريقة حل مطب الشاص

[فيصل التميمي]

السلام عليكم ورحمة الله وبركاته
ياخوان وش الطريقة الزينه لحل مشكلة مطب الشاص ومن المناقز هل اغير الياي او المساعدات علم ان موتري شاص سعودي 11 ريشه فكيت 3 وباقي 8 لكن احس ان الموتر فيه مناقز

[sgl2002]

ابعطيك تجربتي اللي خلت الشاص ما يناقز ولا يعرف المناقز

السست اللي ورا اسحبها اسحبها وانت سحبتها يعني الخطوة الاولى انتهت
غير الياي الامامي بواحد حق شاص ابو رفارف
غير المساعدات الاربع بمساعدات باترول ٩٨ وبعدها مابي منك غير الدعاء وراح تحب الموتر ولا يصير به مناقز


لكن انت غير المساعدات قبل الياي لانه يمكن ماتحتاج تغيير الياي

[راعي سهوه]

اشتر ابو رفرف عطي الله

[sameer_1798]

لابد من المناقز وهو فاضي .

[((ابوملاك))]

ركب يايات ابو رفرف مفتوح ومساعدات مرسدس

[فيصل التميمي]

ابعطيك تجربتي اللي خلت الشاص ما يناقز ولا يعرف المناقز

السست اللي ورا اسحبها اسحبها وانت سحبتها يعني الخطوة الاولى انتهت
غير الياي الامامي بواحد حق شاص ابو رفارف
غير المساعدات الاربع بمساعدات باترول 98 وبعدها مابي منك غير الدعاء وراح تحب الموتر ولا يصير به مناقز


لكن انت غير المساعدات قبل الياي لانه يمكن ماتحتاج تغيير الياي

بيض الله وجهك وانا اخوك على الافاده هل اركب مساعدات مونرو حقت باترول او اركب حقت باترول من وكالة نيسان

[sgl2002]

لا

ركب مساعدات باترول من وكالة نيسان


تراها تركب ع طول من دون ترهيم

[على كف القدر]

بالنسبه للسست اسحب 5 من كل جهه
وطول اللعاب وركب مسامير شيالات شاص قديم وتشوف الراحه
واذا كنت بالقصيم رح للسيف بالشارع التجاري ببريده ويسنع موترك..

[Al Rasee]

اشتر قراند ماركيز

[((ابوملاك))]

^^

ظريف

[فيصل التميمي]

بالنسبه للسست اسحب 5 من كل جهه
وطول اللعاب وركب مسامير شيالات شاص قديم وتشوف الراحه
واذا كنت بالقصيم رح للسيف بالشارع التجاري ببريده ويسنع موترك..

بيض الله وجهك
كان عندك رقم السيف عطنياه لاني في الرياض

[فيصل التميمي]

اشتر قراند ماركيز

ابشر بعزك الله يجيب الدراهم كانك تبي تسلفني

[حبيتر]

جرب ترفع الموتر و تحط جلده بين السسته الاميه( حقت التحميل ) وبين السست الباقيه يعني تفرقها. اشوف واحد من الشباب مسويها ويقول تلين السياره يمكن تضبط معك .

[فيصل التميمي]

بيض الله وجهك لكن وين تباع فيه الربل

[كولونيل]

عجييييب شاص وتبيه مايناقز..
ركب له يايات BMW745 :D دعابه دعابه

هذا سيارة اشغال عامه فئة شاحنه صغيره
يعني صلب ومطبه قوي

كان تبي جيب وراحه خذ جي اكس او فتك

[ابو فهد...]

لا تحط ربل تزود المطب انا مجربها

[sgl2002]

قلت لك والحل سهل ركب مساعدات باترول ٩٨ لاترهيم ولاتعديل والمطب يروح

[كولونيل]

قلت لك والحل سهل ركب مساعدات باترول ٩٨ لاترهيم ولاتعديل والمطب يروح


مساعدات الباترول مافادت معه ويغيرنها بمساعدات فكسار
وتبيه يحطها لشاص هههه
وش قاعد تقول انت...؟

[sgl2002]

^^^

ايه هذا الصحيح الله يرضى عليك

انا مجربها مع الشاص وخف المطب كثير

ويوم تقول مساعدات الباترول مافادت معه ، حنا نغيرها بمساعدات شاص لانها تثبته زيادة وتتحمل الحمل الزايد


والباترول ماهو مثل الشاص في القساوة

[العناد3178]

انا عندي الحل
ركب سست فطيمي وياي امامي فطيمي ونم وهمد
مجرب مجرب مجرب هذا الحل الاخير بدون صرف فلوس اختصر الطريق وعلى طول ركب اللي قلت لك
وشكرا

[حبيتر]

الربل مثل الي تجي فوق الدفرنس علشان اذا اخذ مطب مايدق في الشاس تجي كانها مثلثه

[حبيتر]

ياخي عند الشاص النيسان الفتك يعمل عمل الشاص ومطبه ريح

[فيصل التميمي]

بيض الله وجيهكم ياشباب ولازلت في حيره من الامر

[sgl2002]

http://www.mekshat.com/vb/showthread.php?t=510119

شف هذا الموضوع

[ابو زياد 38]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[fate]

موتري 2012 بريمي ياي مققفول و11سسته
المهم سحبت 5 سست من اللي تحت لكل جهه وركبت لعاب 20 سم
والان مطبه افضل من اول بواجد ووقفته نفسها ما تغيرت

[abureem]

تبي الكلام اللي ناتج عن تجربه

لوتسحب من السست ما راح تستفيد يتغير بس ما ترتاح

اول شي ركب يايات ابو رفرف الياي المفتوح
ثاني شي ركب سست ابو رفرف ثمان سستات
ثالث شي نزل عمود التوازن الخلفي

تبي تدعي لي ان شاء الله

[فيصل التميمي]

بيض الله وجيهكم ياشباب والظاهر اني ابي اخوض تجربه وابي ابدا وحده وحده

[sgl2002]

ركب مساعدات الباترول نصيحه لاتخسر نفسك ولا تلعب بالموتر

[العناد3178]

عن تجربه هناك نقطه مهمه جدا حصلت معاي
شلت عمود التوازن الخلفي حتى الجيب يوم ياخذ المطبات يتمايل يمين ويسار من الخلف ولا ياخذ المطب الجيب قطعه وحده
لاكن حصل معي وانا اطرد ارنب يوم لفيت ورا الصيده يسار ويمين يزيح وبصعوبه يرجع خصوصا وانت مسرع
وصعب انك ترجعه لوضعه هذه نقطه مهمه للقناصين
وشكرا

[فيصل التميمي]

جزاكم الله جميعا وبيض الله وجيهكم

[صديق كلم رفيق]

فيصل ، وش سويت ؟؟

انا مثلك ذبحني مطب الشاص ،

[سلطان فراج]

فصل بالحوض توانك وعبهن ماء
وصندوق عزبه

يخف المطب شوي

[ابن كديميس]

ابعطيك تجربتي اللي خلت الشاص ما يناقز ولا يعرف المناقز

السست اللي ورا اسحبها اسحبها وانت سحبتها يعني الخطوة الاولى انتهت
غير الياي الامامي بواحد حق شاص ابو رفارف
غير المساعدات الاربع بمساعدات باترول ٩٨ وبعدها مابي منك غير الدعاء وراح تحب الموتر ولا يصير به مناقز


لكن انت غير المساعدات قبل الياي لانه يمكن ماتحتاج تغيير الياي


الياي يجي بعد استرالي يركب عليه
وتركيب لعبات خلفيه اطول من حقت بلده تفرق النقزه.
وكذا خلاص
ولاكان حسيت فيه مناقز ركب يايات خلفيه :D

[صداام]

ركب تانكي ماء200 لتر وشد بتحس بفرق

[مليار]

اخوي جرب مساعدات النيسان قبل كل شي

لان انا معي تجربة في جيب نيسان صالون ركبة له مساعدات شاص تيوتا وصار الموتر قاسي مره كانه مطب شاص الا شوي دليل على ان مساعدات الشاص قاسيه

[ريحه الخزامى]

اختصار الموضوع مثل ماذكرو الاخوان

اسحب ٥ سست من اليمين واليسار

وحط لعاب ٢٠ سانتي ولا ٢١

وتبي تحس بالفرق

الطريقه مجربه

[ياوجودي999]

السلام عليكم

ياإخوان كل واحد يقول لنا رأي نبي الرأي المجرب والأكيد ماودنا نخسر ولايتغير شي بالموتر
موتري 2013 بريمي 11 ريشه ..المطب قاسي
وش الحل اللي تسويه ولاتندم وتحس بالفرق الواجد؟!!!
اخوي صاحب الموضوع وش سويت؟ عطنا تجربتك لاهنت.

[محمد ابن عيد]

-

من و جهت نظري الموتر م فيه الا العزم بس والباقي غثا
و الله يعينك بعه وخذلك موتر فيه راحه لك و سعره مبالغ ع ايش كلن و وجهة نظره
و موفق

[محمد ابن عيد]

حذف هذه المشاركه ْ

[الكدن1]

اهم شئ تشيل الريشة حقت الحمل العريضة وخله سبع ريش وطول اللعاب
وغير المساعد لان مساعد التيوتا الحوض قاسي هذا بالنسبة للخلف
وقدام غير الياي بياي ابو رفارف
واذا بغيت راحة اكثر لاتخلي الا الريش النحيفة

[sgl2002]

قلت لكم اني مجرب الطريقة على الشاص

مساعدات باترول 98 تركب بدون ترهيم ووجع راس ويطلع خيالي

[سالم الشيبه]

قلت لكم اني مجرب الطريقة على الشاص

مساعدات باترول 98 تركب بدون ترهيم ووجع راس ويطلع خيالي

اخذت مساعد شاص نيسان وطلع مختلف عن مساعد الشاص ولا ركب

[سالم الشيبه]

اخذت مساعد شاص نيسان وطلع مختلف عن مساعد الشاص ولا ركب
ركبت مساعدات شاص نيسان وركبت تمام لكن لا يوجد فرق في المطب يستاهل التغيير

[Salamah.y]

اللي جرب فرق الشاص أبو 8 ريش عن الشاص أبو 11 ريشه ,, ماراح يحتار بالحل
غير اليايات الأماميه إلى ياي مفتوح حق أبو رفرف ,, و اسحب من السست الخلفيه ~
و الأفضل أنك تشتري طقم سست خلفيه حقات شاص رفرف , السست تختلف سماكتها و ليونتها عن الشاص العادي
بس عاد الله يعينك على قيمتهن ~

[أبو سيف العمري]

وجهة نظر ..... إضافة لكلام الأخوان
أنا ساحب السست فقط ولكن نقص ضغط الهواء في الكفرات بحي يكون بدون أحمال 25 فقط وإذا فيه أحمال أزودها 30-35