اللي عنده خبره بأم خمس رجاء يدخل

[ابو عناد2000]

السلام عليكم
ياناس شوزن ام خمس نوع قولد هنتر gold Hunter مستعمله استعمال خفيف
مسيومه ب .......مع التصريح.................تسوى والا لا
وسلامتكم

[الخبير]

السلام عليكم ورحمة الله
اولاً انا آسف على حذف سعر البندق لاسباب شرحت سابقاً
ثانياً سعر البندق الجديد ما ياصل لهذا السعر
ثالثاً ما احد يقدر يبيعك سلاح مصرح . إذا كان عندك سلاح مصرح ما تقدر تبيعه إلا لابوك أو اخوك أو ولدك أو انك تسلمه للحكومة.

اتمنى إني جاوبت على سؤالك

[ابو عناد2000]

الله يجراك الف خير استأذي الخبير
اما بالنسبة للتصريح...........فالعملية الظاهر انها تنازل عن التصريح ....واللي سمعت انها مافيها شي
الف شكر على الرد

[الخبير]

يا الحبيب ما فيه شئ اسمه تنازل عن سلاح.
التنازل عن السلاح يكون من الاب للابن أو العكس .
او من الاخ لاخوه. غيرهم مافيه ، و انتبه تروح لمهم و معك السلاح صدقني أو ما تقبل يقولون سلم سلاحك.
الان ما فيه إلا تنازل عن السلاح و بس!!!!!

و بعدين ما علمتنا وش نوع القولد هنتر إلي تتكلم عنها؟؟؟؟؟؟؟

[ابومحمد301]

السلام عليك
انا اعلاق على الخبير الي يقول مافيه تنازل
انا من شهر شاري شوزن مصرحه ونقلت التصريح بسمي
في المرور الشرق في الرياض عندهم قسم للتصاريح السلاح
بس اذا تبي تصرح سلاح مو تنازل لا تروح عشان التصريح مقفله في الوقت الحاضر

[تاميلون]

السلام عليك
انا اعلاق على الخبير الي يقول مافيه تنازل
انا من شهر شاري شوزن مصرحه ونقلت التصريح بسمي
في المرور الشرق في الرياض عندهم قسم للتصاريح السلاح
بس اذا تبي تصرح سلاح مو تنازل لا تروح عشان التصريح مقفله في الوقت الحاضر


أوافقك الرئي ابو محمد
نعم هذا الكلام االسبوع الماضي عندما أستلمت تصريحي من قسم الاسلحه والذخيره في النسيم شرق الرياض
وبصدفه حظر شخصان بغرض التنازل ولايوجد صلة قرابه بين الاثنين وتم عمل أجرات التنازل
ونوع السلاحه خرازه برنو

[نيشان نجد]

وهذا الي انا اعرفه كذلك

[المستفهم]

الصحيح هو أنك تشتري السلاح ويتنازل لك عن التصريح هذا الموضوع معروف من قديم ولا فيها شك .

[حزوبر]

أوافقك الرئي ابو محمد

نعم هذا الكلام االسبوع الماضي عندما أستلمت تصريحي من قسم الاسلحه والذخيره في النسيم شرق الرياض
وبصدفه حظر شخصان بغرض التنازل ولايوجد صلة قرابه بين الاثنين وتم عمل أجرات التنازل

ونوع السلاحه خرازه برنو

مشكووووووور أخوي على الأفادة
بس ما قلت اخوي كم لك مقدم على تجديد تصريحك
أنا قدمت من شهر خمسه، الماضي وقالولي يمكن بعد خمس شهور
سمعت انهم يرسلو رسائل عبر الجوال أفدنا أفاكم الله تعالى:good:

[محمد الرويس]

مافيها شي التنازل اعرف ناس باعو وتنازلو
وكيد انتهم تنازلو

[تاميلون]

أخي حزوبر
انا قدمت الله يسلمك العام الماضي في شهر 8 - 1429 هـ وطبعا اصدار جديد مو تجديد
ولما استلمته كان معاي شباب طبعاً ما اعرفهم وتقديمهم في شهر 7 - 1429 هـ
انت رح لهم وأسئل

[أبوأحمد2006]

يا الحبيب ما فيه شئ اسمه تنازل عن سلاح.
التنازل عن السلاح يكون من الاب للابن أو العكس .
او من الاخ لاخوه. غيرهم مافيه ، و انتبه تروح لمهم و معك السلاح صدقني أو ما تقبل يقولون سلم سلاحك.
الان ما فيه إلا تنازل عن السلاح و بس!!!!!

و بعدين ما علمتنا وش نوع القولد هنتر إلي تتكلم عنها؟؟؟؟؟؟؟
هلا بك أخوي الخبير؟
1-السلاح اذا كان مصرح ينقل لاي شخص؟
2-اذا كان السلاح اساسا ما صرح هذي أنا معك قصرها ولاتروح تصرح بالوقت هذا؟لانك تاتطلع بدونه؟
تقبل مروري

[الكوبرا 652]

متى يسمحون بالتصاريح

[قناص بني تميم]

انا متنازل في أم خمس مصرحة لشخص .. يعني بعتها عليه .. وليس كما ذكر المشرف الخبيرالسابق ..!!

[abo-lma]

يا الحبيب ما فيه شئ اسمه تنازل عن سلاح.
التنازل عن السلاح يكون من الاب للابن أو العكس .
او من الاخ لاخوه. غيرهم مافيه ، و انتبه تروح لمهم و معك السلاح صدقني أو ما تقبل يقولون سلم سلاحك.
الان ما فيه إلا تنازل عن السلاح و بس!!!!!

و بعدين ما علمتنا وش نوع القولد هنتر إلي تتكلم عنها؟؟؟؟؟؟؟



السلام عليكم ورحمة الله وبركاته


الكلام اليي فوق غير صحيح ومنزوع من الصحة

أذا عندك سلاح مصرح تقدر تبيعه وأنت مرتاح

مدري من وين يالخبير جبت هالكلام اليي انت قايله ولكن ممكن أنك فاهم غلط

عمومآ السلاح المصرح تقدر تبيعه وتتنازل عنه في قسم التصاريح وينقل تصريح السلاح بأسم المشتري

ولا لهم علاقة بكم بعت أو بكم شريت ولا لهم علاقه هل يقربلك مايقربلك المهم تجي وتتنازل للشخص اليي شاري منك السلاح

وعلى فكرة عندي سلاح بايعه ومتنازل عن التصريح والمشتري مالي فيه أي علاقه لا من قريب ولا بعيد رحنا لقسم الاسلحة وسويتله تنازل (وصلى وصام)

وهذا للتنويه

[شعب الحلاه]

السلام عليكم ورحمة الله وبركاته...


الخبير المشرف السابق...

كل شئ ممنوع عندك .... الرجاجيل تنازلت وخلصت وانت ممنوع ياشباب .

على أى أساس ممنوع......!!!!!!!!!!

[العياده]

افادوك الشباب

[فوانيس جميلة]

مالي خبرة يالغلا

[شبل الصفرات]

زي ما قالوا الشباب ..

اذا عندك سلاح مصرح تقدر تتنازل عنه لأي شخص مهب شرط من عايلتك

أما يسحبونه منك اذا جيتهم بسلاحك في وقت مهب وقت تصاريح

تحياتي ..