سؤال لأهل الخبره عن طريقة تخزين السيارات

[الشامخ الشمالي]

اخواني الكرام اعضاء منتديات مكشات
السلام عليكم ورحمة الله وبركاته
لدي سؤال عن طريقة تخزين السياره لمدة طويله
ماهي الاشياء المطلوبه لكي يتم تخزين السياره بالطريقه الصحيحه
من جميع النواحي المحرك - الكفرات - عضلات السياره من مساعدات وغيره
اتمنى من اهل الخبره والتجربه افادتنا شاكرين لكم تعاونكم وجزاكم الله خير
ملاحظه : السياره التي ارغب بتخزينها من الموديلات القديمه الكلاسيك
بانتظاركم بارك الله فيكم

[طواش]

والله انا عندي مرسيدس موديل 85 شتري باب واحد مسوي له غرفه مقفله وباب حديد ومركب مكيف وفراش بلاستيك للارضيه اشغل المكيف 4 ساعات في اليوم وماشاء الله جيد الوضع الحين خلص سنه على هذي الحاله

[الشامخ الشمالي]

الله يعطيك العافيه اخوي طواش
ومشكور على المعلومات المفيده
بانتظار المزيد بارك الله فيكم

[التعـ King ـديل]

اهم شي ترفعه على حمالات وكل فتره تنزل وترفع منها علشان مايتصلب

[الشامخ الشمالي]

الله يعطيك العافيه مشرفنا كنج التعديل
معلومه مفيده بارك الله فيك
بانتظار معلومات اكثر

[راعي الرود]

ارفعه على بلك بس و حجر كفراته بالهوى

[الشامخ الشمالي]

مشكور اخوي راعي الرود
كيف طريقة تحجير الكفرات بالهوى
الله يعطيك العافيه

[راعي الرود]

يعني عب الكفرات هوى حط فيها 50 و امورك في السليم

[الشامخ الشمالي]

ألف شكر لك على التوضيح
بارك الله فيك

[أنصر نبيك]

ولاتنسى فصل البطارية حقيقة الموضوع مهم وأتمنى اثراءه بما يكفي ليستفيد الجميع

[الشامخ الشمالي]

الله يعطيك العافيه اخوي ضباب ومشكور على مداخلتك المفيده
نتمنى اثراء الموضوع بمعلومات اكثر لكي يستفيد منها الجميع

[مركب الجمس]

حبينا نشارككم ولو بشي بسيط

زي ماذكرو الاخوان نجيبها بالترتيب :

1- تعبئة الكفرات هواء بضغط لايقل عن 40
2- رفع السيارة بجحوش ( حمالات ) اهم شي الرفع يكون بالشاص
3- تشحييم مفاصل السيارة بالكااااامل من عمدان وركب وجلب مقص وعمدان الخ
4- قبل بداية التخزين احرص على غسيل الموتر وبطن الموتر وتأكد من خلوه من الزيوت وخلافه مع الوقت يتأثر ويسبب لك صدوع و صدأ .

طبعاً الغسيل يكون بالبداية وبعدين التشحيم

+ هذا ماعندي و الله يسهل امرنا وامرك

[الشامخ الشمالي]

ألف شكر لك اخوي مركب الجمس على المعلومات القيمه
الله يعطيك الف عافيه وبارك الله فيك على الاثراء المفيد

[ajaa2009]

المهم والاهم تفضي الماء من الاديتروالسلندر والابواب على القفله الاولى ونزع البطاريه

[الشامخ الشمالي]

مشكور اخوي على اضافة المعلومه
بارك الله فيك

[الشامخ الشمالي]

بانتظار المزيد من المداخلات القيمه
لأثارة الموضوع بالشي المفيد للجميع

[((ابوملاك))]

نسيتوا شئ مهم ياشباب للمكينه الا وهي فلل المكينه زيت لين خشمه لكن انتبه تشغله لا بغيت تشغل السياره فض الزيت كله وعب زيت جديد بحده الطبيعي ولازم تشغلها من فتره لفتره مثلا كل شهرين اول كل شهر

وافصل البطاريه وغسل الموتر واذا بتوقفه برا ظلله كتمممم عازل والاشياء اللي قالوها الشباب

[الشامخ الشمالي]

الله يعطيك العافيه اخوي مجهول على المعلومه المهمه التي تفيد جلد البلوف عشان ماتجف
بارك الله فيك وبانتظار الاخوان الكرام بأي معلومه مهمه تفيد الجميع

[أنصر نبيك]

واحد من الشباب يقول يضطر لتخزين موتره الثاني فيزيد الهواء في الاطارات و يشغله ويحركه لمسافة بسيطة
حتى لو خمسة أمتار مرة كل عشرة أيام وأحيناً لايحركه ويكتفي بالتشغيل والبطارية يفصل احد أصابعها وأحياناً لا وبقى له على هذا الوضع
عدة سنوات ماعنده مشكلة

[أبوصالح9]

اذا سيارتك دبل لازم بين فترة وفترة تشغل الدبل وتمشي عليه عشان مايجيم
يعني كل شهرين او ثلاث شهور

[الشامخ الشمالي]

الله يعطيك العافيه اخوي ضباب على المعلومه المفيده بارك الله فيك

[الشامخ الشمالي]

اخوي ابو صالح لا سيارتي ماهي دبل
الله يعطيك العافيه على المداخله المفيده

[أبو هشام راشد]

اعتقد من الأفضل تكون السيارة في مكان حرارته 30 لانها حرارة طبيعية ولا تتلف ربلات السيارة
وعند تحريك السيارة كل ثلاث شهور لا بد أن يكون المشوار معقول في جو معتدل وبسرعة معقولة لكي يخرج الكربون ولتكون الربلات مرنة

[manaf]

اذا تسمح لي أنا أخذت جولة في منتديات غربية متخصصة في تخزين السيارات واهم نقاط اذكروها الاخوان وماقصرو ويذكرها بترتيب اذا سمحت لي
١- عبي الكفرات نتروجين ضغط ٥٥ مع الاستبنة .
٢- غسل السيارة وشمعها .
٣- شحم المفصلات الأبواب والمقصات والاذرعة .
٤- افصل اصابع البطارية .
٥- فرغ موية التبريد من الراديتر واليات وثلاجة المكيف .
٥- فرغ زيت المحرك كاملاً وقم بتغير فلتر الزيت بحيث يكون فارغ .
٦- ارفع السيارة عن الارض .
(( يفضل وضع السيارة في منطقة جافة بعيدة عن ضوء الشمس ))

هاذي هي اهم الامور اغلب الي يخزنون سياراتهم برا يسون كذا وسامحوني على القصور

[Al Rasee]

انا اشوف انك كل اسبوع او اكثر تمشي السيارة فقط

[ع ــقــاب]

اذا تسمح لي أنا أخذت جولة في منتديات غربية متخصصة في تخزين السيارات واهم نقاط اذكروها الاخوان وماقصرو ويذكرها بترتيب اذا سمحت لي
١- عبي الكفرات نتروجين ضغط ٥٥ مع الاستبنة .
٢- غسل السيارة وشمعها .
٣- شحم المفصلات الأبواب والمقصات والاذرعة .
٤- افصل اصابع البطارية .
٥- فرغ موية التبريد من الراديتر واليات وثلاجة المكيف .
٥- فرغ زيت المحرك كاملاً وقم بتغير فلتر الزيت بحيث يكون فارغ .
٦- ارفع السيارة عن الارض .
(( يفضل وضع السيارة في منطقة جافة بعيدة عن ضوء الشمس ))

هاذي هي اهم الامور اغلب الي يخزنون سياراتهم برا يسون كذا وسامحوني على القصور



من وجهة نظري اشوف ان تفريغ المكينة من الزيت خطأ كبيير لأنه يسبب جفاف وافضل شي تعبي المكيينة زييت حتي يوصل الغطي وننتظر رأي باقي الإخوان يمكن تكون معلوماتي خطأ

[ابوشاهه]

من وجهة نظري اشوف ان تفريغ المكينة من الزيت خطأ كبيير لأنه يسبب جفاف وافضل شي تعبي المكيينة زييت حتي يوصل الغطي وننتظر رأي باقي الإخوان يمكن تكون معلوماتي خطأ
انا معك اي شي محرك تبي تحافظ عليه اغمره بالزيت لان الزيت يمنع الصدأ وحدوث الرطوبه في البساتم ..

[حبيتر]

من العنوان جيت متحمس عندي نصايح كثيره ولقيت الشباب طارحينها ماقصرو واهمها غمر المكينه بزيت .ثانيا ماشفت احد تطرق له وهو ربلات وجلد السياره الموجود في المكينه وحواليها والبدي وهي كثير هل فيه طريقه للحفاظ عليها لان ماعندي معلومات حبيت انبهك والشباب مايقصرن.

[راديكالي]

- أهم شيء في التخزين أنك ما تترك السيارة طافية مدة طويلة . هذا يسبب جفاف ربل البلوف مما يؤدي الى إحتراق الزيت مع البنزين ( وهذا هو سبب أن بعض موديلات الكامري عند عبد اللطيف جميل تنقص الزيت وهي جديدة )

- بعد غسيل السيارة إضرب البدي بوليش خشن ( شمع خشن ) وبكمية كبيرة ثم أمسحها بقطن ثم إضربها بوليش ناعم وامسحها بقطن حتى تلاحظ مدى لمعان البوية ( هذه الطريقة تسبب وجود طبقة رقيقة من الشمع الواقي يحفظ البوية من العوامل الجوية )

- لا تحاول تغطية بدي السيارة بغطاء نهائيا

- بالنسبة للتشغيل أنصح بالتشغيل مرة واحدة في الشهر لأن كثرة التشغيل في حالة التخزين يسارع في تآكل أجزاء المحرك بسبب نزول الزيت الى أدنى مستوى وبرودة الاجزاء الداخلية للمحرك .وقبل تشغيل المحرك يجب فتح النارية 3 مرات على الاقل ثم التشغيل وذلك لضمان وصول البنزين بشكل مثالي الى المحرك حتى لا تتعب المحرك بالدوران بدون تشغيل ( يوجد نوع من الزيوت مخصص للتخزين وهو غالي الثمن )

[y5393y]

تانكي البنزين لازم يكون فل حتى لا يتأكسد

[الشامخ الشمالي]

اعتقد من الأفضل تكون السيارة في مكان حرارته 30 لانها حرارة طبيعية ولا تتلف ربلات السيارة
وعند تحريك السيارة كل ثلاث شهور لا بد أن يكون المشوار معقول في جو معتدل وبسرعة معقولة لكي يخرج الكربون ولتكون الربلات مرنة

اشكرك اخي ابو هشام راشد
معلومات مفيده بارك الله فيك

[الشامخ الشمالي]

اذا تسمح لي أنا أخذت جولة في منتديات غربية متخصصة في تخزين السيارات واهم نقاط اذكروها الاخوان وماقصرو ويذكرها بترتيب اذا سمحت لي
١- عبي الكفرات نتروجين ضغط ٥٥ مع الاستبنة .
٢- غسل السيارة وشمعها .
٣- شحم المفصلات الأبواب والمقصات والاذرعة .
٤- افصل اصابع البطارية .
٥- فرغ موية التبريد من الراديتر واليات وثلاجة المكيف .
٥- فرغ زيت المحرك كاملاً وقم بتغير فلتر الزيت بحيث يكون فارغ .
٦- ارفع السيارة عن الارض .
(( يفضل وضع السيارة في منطقة جافة بعيدة عن ضوء الشمس ))

هاذي هي اهم الامور اغلب الي يخزنون سياراتهم برا يسون كذا وسامحوني على القصور

الله يعطيك العافيه كفيت ووفيت بارك الله فيك
لكن تفريغ المحرك من الزيت لا اوافقهم بذلك
لأنه يسبب جفاف لجلد البلوف وللمحرك بشكل عام

[الشامخ الشمالي]

الراسي
عقاب
ابو شاهه
اشكركم واوافقهم الرأي
بارك الله فيكم

[الشامخ الشمالي]

من العنوان جيت متحمس عندي نصايح كثيره ولقيت الشباب طارحينها ماقصرو واهمها غمر المكينه بزيت .ثانيا ماشفت احد تطرق له وهو ربلات وجلد السياره الموجود في المكينه وحواليها والبدي وهي كثير هل فيه طريقه للحفاظ عليها لان ماعندي معلومات حبيت انبهك والشباب مايقصرن.

ملاحظه مهمه بارك الله فيك

[الشامخ الشمالي]

- أهم شيء في التخزين أنك ما تترك السيارة طافية مدة طويلة . هذا يسبب جفاف ربل البلوف مما يؤدي الى إحتراق الزيت مع البنزين ( وهذا هو سبب أن بعض موديلات الكامري عند عبد اللطيف جميل تنقص الزيت وهي جديدة )

- بعد غسيل السيارة إضرب البدي بوليش خشن ( شمع خشن ) وبكمية كبيرة ثم أمسحها بقطن ثم إضربها بوليش ناعم وامسحها بقطن حتى تلاحظ مدى لمعان البوية ( هذه الطريقة تسبب وجود طبقة رقيقة من الشمع الواقي يحفظ البوية من العوامل الجوية )

- لا تحاول تغطية بدي السيارة بغطاء نهائيا

- بالنسبة للتشغيل أنصح بالتشغيل مرة واحدة في الشهر لأن كثرة التشغيل في حالة التخزين يسارع في تآكل أجزاء المحرك بسبب نزول الزيت الى أدنى مستوى وبرودة الاجزاء الداخلية للمحرك .وقبل تشغيل المحرك يجب فتح النارية 3 مرات على الاقل ثم التشغيل وذلك لضمان وصول البنزين بشكل مثالي الى المحرك حتى لا تتعب المحرك بالدوران بدون تشغيل ( يوجد نوع من الزيوت مخصص للتخزين وهو غالي الثمن )

ألف شكر لك اخوي على المعلومات المفيده الله يعطيك العافيه
ياليت تذكر لنا نوع الزيت اللي تقول عليه حتى لو كان غالي