أفضل واير أو حبل للسحب نبي أراء الجميع

[FJ USA]

السلام عليكم ... نهنيكم بالمطر أسأل الله أن يجعله نافع غير ضار الموضوع ياحبايبي أبي أحد يفيدني وين الاقي الواير هذا او فيه بديل ممتاز مع العلم اني بحثت بمحلات لوازم الرحلات بالرياض أبي واير يتحمل النتل بس مايكون لاحديد ولاسلسله وشكرا .http://http://landhome.mtjre.com/product-18848.html

[mesh.3]

و عليكم السلام و رحمة الله و بركاته

مبارك الأمطار و الخيرات للجميع
أخوي العزيز
من وجهة نظري الخاصة أفضل شي
و أعتقد أنه لا يوجد شي يضاهيه من كل ناحية
الجودة و القوة و المتانة و التحمل
و ينفع لكل شي للقلص و الجر و النتل

واير السفينة هذا أسمه
و أنا أتكلم من تجربة خاصة و أكثر من سنتين
و شريت منه كم حبة
يا أعطيه أحد أو هدية و غيرة
و أرجع أشتريه مره ثانية و هذا كلامي أنا و كلام بعض من الشباب
و ماعمره نزل من الجيب معي دائما

ويجي بشنطة مفصلة له خاصة
و يجي بطريقتين يا عقدة من نفسه بس ياخذ عليك متر في كل طرف
يعني مترين بيروحن عليك
ولا يكبس بحديده
و أنا أفضل العقدة عشان يكون الواير بدون حديد بس العيب أنه يبلشك لاجيت تشبكه ببعض السيارات
مايكون فيه هوك أو شي يمسك عليه
وتظطر تأخذ له وصلة حديد
وكلن وطريقته

وعيبه بعد الثقل لأنه يجي منه نوعين خفيف و ثقيل
وانا اللي معي ثقيل و طوله 8 متر
فقط هذه العيبين

وتلقاه بمحل البريه بالسلام
و أصلا راعية محل بالزلفي بس ناسي اسمه

أتمنى أني أفدتك
و أعتذر على الإطالة بس ودي أوضح لك قدر المستطاع


أخوك / أبو عبدالعزيز...

[ارنوبي]

ياهلا ومسهلا وتبركون هالامطار جعلها امطار خير وبركه

وبالنسبه للواير انا مع كلام اخوي ابو عبدالعزيز عليك بواير السفينه انا مجربه وتلقاه بمحل البريه وسعره مناسب لجودته ب180 ويجي معه شنطه ممتازه تحفظه لك

[ي و م]

غير السلسله في وقت الازمات لاتدور

[ابو سالم22]

انا انصحك بالسلسله
١٠ متر
اتمنى افدتك تقبل مروري
×

[ابوخالد]

الواااير ولا تدور غيره

[المغيسلية]

على حسب استخدامك به واير عند الرماية استرالي مضمون لكنه غالي
واذا كان استخدامك خفيف انصحك بالسبته الي عند السنيدي اعرض شي قيمته تقريبا 42 ريال مع الشناكر

[أبو جراح11]

من تجربيتي
روح للغرابي وخذ لك ( واير مكسي بالبلاستيك ) تلاقية مقاسات خذ الي يناسبك
فية محل يجي علي يمينك وانت موجة شرق بعد تقاطع الغرابي مع الفرزدق
قبل المحطة ابد وقف في المحطة وارجع رجلية لأنة ملاصق للمحطة
وخذ مع الواير مسكات وخذ الحديدة الي تجي كأنها علامة استفهام مدري وش اسمها الي تجي في طرف الواير
خذ 2
وزبط وايرك على كيفك من حيث الطول والمتانة
بس أحرص على ربط الشدادات زين وياليت لو تدبلهن00

[FJ USA]

الله لايهينكم جميع ويخليكم لمن يحبكم ويطول بأعماركم على طاعته انه ولي ذلك والقادر عليه شكرا من الأعماق

[الواهج]

فيه حبال حرير تستخدم للسفن والقوارب

لاتروح لغيرهن

[حاتم بن ناجم]

جزاك الله خير على طرح الموضوع ويعطيكم العافية يا اخوان

[أرض الحجاز]

فيه أنواع كثيره

والأهم استخدامك هو ما يحدد النوع

بالنسبه للأنواع


فيه واير السفينه ممتاز جدا وهو نوعين وطوله مناسب جداً

وفيه السبته أفضل تا خذ العريضة عند الرماية أو السنيدي أو أي محل تبي بس انتبه من الشناكير حقتها تكون حديد ممتاز لأن فيه حديد مخلوط بألمنيوم ( نوعية رديئه)

والأفضل من وجهة نظري وعن تجربة الواير المصنع على يدك

تروح لمحلات الأدوات والعدد وتقص منهم واير على طلبك والمقاس اللي تبي وترهم له قفزان كبيره وتدبلها على كيفك وتحط الشناكير اللي عليها الكلام

وتفصل له شنطة صغيره فالغرابي

أنا أفضل الطريقة هذي

تجميع محلي :D

بالتوفيق أخوي

[وطن6001]

استخدمت واير السفينه العملاق صغير وكبير في سحب السيارات والاشجار الكبيره
وانصح به
ولي اقوى منه وايرات الكرين في الريل حمولة 40 طن

[ابو فهد 4]

فيه محل على شارع السبالة في الرياض طب رتخير انواع واشكال الوايرات

وفيه عنده الشناكير وغيره وعنده السلسلة

[alssare]

السلام عليكم ورحمة الله وبركاته
هذا موضوع مشابه للفائدة
http://www.mekshat.com/vb/showthread.php?t=179810

[ابن فهدالشمري]

وعليكم السلام

بالنسبه لي افضل السلسله وآخذ معاها شنكارين حسب الحاجه

وفصل الطول الي تحتاجه والشنكار الي ترغبه والمتانه والقوه مضمونه بإذن الله

[محب الرمنغتون]

يعيب السلسلة الثقل . وأفضل شي بالنسبة لي النايلون المتين .

[abo nassser]

الواير اللي عند الرماية حلو بس ما أعرف اسمه

لعلي اجيبه لك ان شاء لله

بارك الله فيك

[تميم2222]

اذا انت بالرياض ..شف شارع الريل .. فيه محلات مخصصه لسبت انا ماخذ منهم وحده ولها 12 سنه ... ياباني 11م وفيه مقاسات ولا تاخذ محل في السياره......... تقريب عرض 3 اصابع والى الان معي نتل وسحب وحتى حطب ماشيه والحمد الله

[راعي-الباث]

جربت واير السنيدي ممتاز وكم مره اسحب فيه فيه نوع ب14 ريال جربته كم مره ووممتاز وسحبت فيه سيارة فان كبيرة جداااا وانقطع بالنص

اخذت نص واحد وشبكته وطلعته مع انه عالق لبطنه

ورحت شريت الاكبر منه يجي اعرض وامتن واطول ب30 على مااذكر وسحبت فيه مرتين وماعليه

[PATHFINDER 4]

بالنسبة لي شريت واير السفينة الموع العريض 5 متر
اخذته من البرية قبل 9 شهور تقريبا
عيبه الواير عريض ولايربط في بعض السيارات لازم شناكير

ولا من ناحية النتل عز الله امان وقوي

يجي نوعين
8 متر و 5 متر وكل النوعين فيه نحيف وعريض

انصحك ب 8 متر و نحيف لاتاخذ العريض اخف واصغر

[as07asi07]

http://www.alahsaa.net/vb/mwaextraedit4/extra/21.gif
[/CENTER]

[أبو تميم 506]

وعليكم السلام ورحمة الله وبركاته
حياك الله ، والله يجعلها امطار خير وبركه للارض

من ناحيتس جربت واير من عند ساكو الواير.مايعلى عليه وله معي سنتين والحمدلله ماشكى.ابد بس انه غالي شوي 250 طوب 10 متر ويسحب 20 طن ، ميزته انه فيه نسبة مطاط شوي يعني لو تنتل ما يطق موترك من النتله يخففها ويخليها سحي عادي ، الواير.ممتاز واحد الزملاء عنده واحد مثله معه من خمس سنين ويقول سحبت به باص 30 راكب ، موتره فكسار