سؤال بخصوص ثلاجة المكينة + البواجي + الاسلاك

[hussien18]

السلام عليكم ورحمة الله وبركاتة

ياشباب انا موتري اس اس 2008 كابررس ممشى 50 الف

وقبل شوي فكيت.. البواجي واسلاكها + فلتر الهواء + قربة الهواء + حساس الهواء + وثروثل بددي ووإلخ .. ونسيت اذكر فكيت الثلاجة ايضا والبخاخات

بغيت اسأل ..
اش استخدم عشان انظف البواجي + الاسلاك + ثلاجة المكينة

بعد فك ثلاجة المكينة السيارة محشوره كله تراب وانتم بكرامة واوساخ .. حتى علامة شاي ليبتون شفتها داخل الثلاجة .. شسالفة كيف وصلت داخل والسيارة فيها فلتر هواء!!!

المهم بغيت منكم تذكروا لي اش استخدم لتنظيف مكان الثلاجة .. والثلاجة نفسها

دقيت على خويي وقالي استخدم بنزين 91 او 95 ؟؟

صحيح كلامه ولا وش؟ وووايش تنصحون انظف ايضا؟؟

اليوم انا فاضي وحبيت افك كم قطعه بسيارة للتعلم والاستكشاف ههههه ومنها انظف ثلاجة المكينة عشان عندي رجفه وهي واقفه

وشكرا

[hussien18]

لقيت في منتدى استخدم هذا المعجون

http://up.lx-club.com/files/1806.jpg


http://up.lx-club.com/files/1813.jpg


ايش وظيفة وهل هو ضروري؟

انا معي معجون هذا

http://img1.cdn.tradevv.com/Y201204M1432344C1636185/T6G1221276/W499H499/HIGH+TEMP+RTV+RED+SILICONE+GASKET+MAKER+85g.jpg


هل استخدمه ولا ما يحتاج ؟؟

اتمنى منكم الافاده

وشكرا لكم مقدما

[ابو فهد...]

المعجون تستخدمه اذا صار مافيه وجه بس انت عندك وجه ينباع للثلاجه عند محلات قطع الغيار

[hussien18]

المعجون تستخدمه اذا صار مافيه وجه بس انت عندك وجه ينباع للثلاجه عند محلات قطع الغيار

راح استخدم وجه جديد

ياشباب واجهتني مشكلة .. وهي ارجاع القطع مثل ما كانت..

انا فكيت البخاخات وفكيت الثلاجة .. وباقي افك المسطرة الي تجي فوق الثلاجة .. لونها ستيل
الظاهر اسمها مسطرة البنزين او مسطرة البخاخات

كيف افكها؟؟؟؟ صراحة عقدتني

[MSAN]

أكبر غلط انك تفك سيارة جديدة وهي مافيها مشكلة...

مكينتك اسمها L98.. ماشاء الله تبارك الله من أقوى مكاين شفر وأنشطها.. حااااااافظ عليهاااااااااااا


التراب الي لقيته.. داخل مواسير الثلاجة والا تحت الثلاجة..؟؟

اذا تحت الثلاجة فـ الوضع طبيعي جدا ولا يوجد أي مشكلة.. أما اذا كان داخل الثلاجة ففعلا سؤال محير..


انتبه لا يطيح شي جوا فتحات النار الي تدخل على السلندر.. لو دخل مسمار أو صامولة لا سمح الله بتنكسر المكينة... ولو دخل رمل لاسمح الله بـ يتشفف السلندر واحتمال كبير تضرب الشنابر لاسمح الله..


وانتبه للربلات الصغيرة الي كأنها خواتم (O-Ring).. تجي بين البخاخ والثلاجة.. انتبه لها لا تتقطع وانت تفك أو تركب البخاخ..


بخصوص الفيول ريل أو المساطر.. أظن يجي فيها رقليتر في الوسط.. انتبه لا تفكه أو تقربه


الحين أجاوب على الأسئلة..

تنظيف البواجي تكون بشعلة لهب قوي.. أو بخاخ اي سي ديلكو ثم افركها بفرشة خشنة حتى يروح الكربون الي عليها.. ثم افركها ببنزين عشان تنظف الاي سي ديلكو.. وخلها الين تنشف وركبها..

أسلاك البواجي ماعمري سمعت ان أحد نظفها.. تقدر بس تكبس روسها بزرادية..

والثلاجة نظفها ببنزين وضغط هواء.. وانتبه وقت التركيب لا تترك فراغات عشان لايصير فيه تنسيم هواء



نصيحتي لك غير الأسلاك والبواجي بجديد وريح راسك.. أهم شي جديد أصلييييييي



واذا انك بتصون سيارتك كلها لا تنسى فلتر وزيت القير تغيرهم بأصلي

========================


بما انك خلاص فكيت وأشتغلت.. يمكن أضايقك بالكلام شوي لكن اعتبرها نصيحة..

شي مشدود في مصنع جي إم المفروض ما تفكه الا اذا خرب خراب كاااااامل وماعاد فيه حل غير الفك..




بالتوفيق

[MSAN]

يرحم والدينك.. تكفى.. لا تقرب حول الروس أو غطيان البلوف.. لا تفكها ولا تجيها :(