المكينه مكتمه والعزم طايح نرجوا المساعده

[فلها ربك يحله]

السلام عليكم ورحمة الله وبركاته
اول مشاركه بالمنتدى فقد استفدت كثيرا منه خاصة هذه الخيمه

ندخل فالموضوع عندنا سياره كيا كرنفال 2006 قير تماتيك العزم طايح وكتمه فالمكينه وصوت قرقره وعند الدعس على الدواسه السياره كلها تتنتفض لو فيه كوب شاهي يطش نصه برا هذا فالقومه اما المشي سرعة 100 بالعله تجيبها فحصنا كمبيوتر قال حساس كرنك غيرنا حساس كرنك نفس المشكله ما انحلت.
خلال فترات تعتبر بعيده تشتغل السياره زي الحلاوه تحسها بتطير طيران لكن ما تطول تكتم وترجع لوضعها.

قبل هذه الكتمه السياره حصلتلها حراره وغيرنا بلف الحراره وخرطنا الروس وطلعنا السياره زي الحلاوه لكن بعد تقريبا شهر بدت المشكله في اوقات متفاوته لين اصبحت المكينه مكتمه.

نرجوا ابداء رايكم وشكرا...

[فلها ربك يحله]

نسيت ان اذكر ان امبير الحراره طايح خاصتا لا مشيت فوق 80 يطيح تحت الربع والطبيعي تحت النص.

وفيه تهريب زيت من غطاء البلوف يجي على الاقزوز لما تسلك يدخن الزيت ولما تكتم مايدخن.

وعنما تدعس الدعسه للنص واكثر عداد الضغط يرتفع لـ 4 او 5 لكن السياره ماتمشي دعس وصوت على الفاضي.

وتشرب بنزين انا من رابغ نروح جده تقريبا 180 كيلو تاخذ تانكي كامل ندخل جده حي السامر لمبة البنزين شغال.. البنزين 91

[SGL]

شوف أخوي غير صفاي البنزين وفلتر الهواء وشيك على الخرطوش لايكون مشقوق وشيك على طرمبة البنزين شوفها ممكن ضعيفه وأخر شي راح أقوله هو اللي مسوي هذي العله كلها وهو دبة البيئه نظفها وذا منت مقتنع فك الشكمان من عند الكزوز ومشي فيها وجرب شوف كيف عزمها وركب بلف حرارة أذا ماهو موجود وغير البواجي وذا في شي من اللي ذكرته جديد لاتغيره

[فلها ربك يحله]

شوف أخوي غير صفاي البنزين وفلتر الهواء وشيك على الخرطوش لايكون مشقوق وشيك على طرمبة البنزين شوفها ممكن ضعيفه وأخر شي راح أقوله هو اللي مسوي هذي العله كلها وهو دبة البيئه نظفها وذا منت مقتنع فك الشكمان من عند الكزوز ومشي فيها وجرب شوف كيف عزمها وركب بلف حرارة أذا ماهو موجود وغير البواجي وذا في شي من اللي ذكرته جديد لاتغيره
شكرا لك اخوي
ما ادري تقصد اي خرطوش؟؟

وبلف الحراره والبواجي جديده
راح اشيك على اللي قلته وإن شاء الله تنحل المشكله

[SGL]

خرطوش الهواء الأسود اللي راكب من الثروتل عند المكينة الى قربت فلتر الهواء

[فلها ربك يحله]

خرطوش الهواء الأسود اللي راكب من الثروتل عند المكينة الى قربت فلتر الهواء
واضح اخوي شكرا لك:)

خروج نلتقي بإذن الله

[ls1.5700]

وعليكم السلام ورحمة الله وبركاته
الله يحييك بين اخوانك تفيد وتستفيد
وياهلا ويامرحبا فيك
بالنسبة لموضوعك عن المشكله انا اشك بأن اللي فحص لك كمبيوتر تنقصه الخبره
افحص عند واحد ثاني معروف بالبرمجه
انا مستغرب كيف يقولك حساس الكرنك
لو هو حساس الكرنك فعلاً خربان كان ماتشتغل السياره
المشكله عندك بحساس الثروتل بدي tps sensor او حساس خرطوش الهوى maf sensor
او تكون المشكله اللتماس بالظفيره او الافناش الراكبه في احد الحساسات
او الكتاوت الخاص بحساس الثروتل فيه مشكله ويحتاج تغيير
كل الحتمالات وارده
بقولك شي اذا لمبة المكينه مكتوبه بالجليزي هاكذا check engine اللي بالطبلون والاعه على شكل مكينه او كلمه ثانيه مثل هذي serves
معناته اللي يفحص لك بالجهاز يقدر يطلع رقم الكود واسمه ومكانه بالمكينه وهل هو خربان او يحتاج تنظيف فقط
واذا مافيه لمبه والاعه عندك بالطبلون مايقدر يطلع لك رقم الكود او اي عطل
اذا هي والاعه افحص كمبيوتر وتنحل مشكلتك ولا تنسى تقوله يمسح رقم الكود المسجل في ذاكرة كمبيوتر السياره
في امان الله