المساعد الشخصي الرقمي

مشاهدة النسخة كاملة : بترول 98 ,,,,,,,,,,,, من عنده علم


aserkm
31/03/2013, 01:14 AM
السلام عليكم


شريت سيارة نيسان بترول 98 بخاخات من الحراج السيارة بودي وعضلات وكل مافيها

ممتاز و كشفت عليها بعد ما شريتها وطلعت نظافتها 90% تقريبا أكثر

غير إن فيها مشكلتين ظهرت لي :

1- عرة بسيطة بالتعشق 4 إذا دست على الكلتش زين ما تحسها أما إذا كانت الدوسة

بسيطة و خفيفة فتحسها .

2- البلاء والجلاء في تشغيلة السيارة إذا طاف عليها 24 ساعة أو أقل ما تشتغل

أبدا إلا بدف ونتع أما إذا كانت السيارة توها حارة وطفيتها يمكن 6 أو 7 ساعات عادي

تشتغل ,,, السلف يدق و تسمع صوته لكن ما تشتغل

رحت لواحد قال يمكن بطارية غيرت بجديدة لكن للأسف ما صار شيء ولا تغير


** لو تكرمتم من حصل معه مثلما حصل معي أو عنده علم لا يقصر معي تكفون

وبدعيله كل ما شغلت السيارة وتذكرته ,
فتك480002
31/03/2013, 03:28 AM
يمكن عندك السلف مر كهربائي فاهم يفكه ويشوفه لك
sgl2002
31/03/2013, 05:23 AM
المشكله الاولى بجميع البترولات

المشكلة الثانية ممكن يكون سلف
الهاص
31/03/2013, 05:55 AM
أتوقع الطرمبه عندك ثقيلة ماتوصل البنزين بسرعة دبل لها عدة دبلات قبل التشغيل وجرب
فتك الجنوب
31/03/2013, 07:57 AM
شيك على السلف
شيك على جميع التوصيلات لايكون فيه سلك يهرب كهرباء
ls1.5700
31/03/2013, 11:28 AM
شيك على بانزين الراجع يمكن فيه تهريب او القليتر فيه مشكله
aserkm
31/03/2013, 05:22 PM
أشكر الجميع ولكم مني كل تقدير

بالنسبة للبنزين لو دبلت على البنزين تطلع رائحته والجميع يشم الرائحة على طول

*****
سويتلها اليوم فحص قالوا لي نفس الكمبيوتر الخاص بالسيارة عطلان

وبيني وبينكم مو داخل رأسي الكلام هذا ,,, ويش رأيكم جميع بسالفة الكمبيوتر هذه

لو كان خربان الكمبيوتر السيارة كلها ما تشتغل ولو اشتغلت ما تعطيك أثناء السير أي شيء

من عداد السرعة أو الحرارة أو التعاشيق .... إلخ


والسلام عليكم
كلاش2500
31/03/2013, 06:29 PM
شيك على الديلكو......بس المفروض انك تشيك هل البنزين واصل مضبوط هل الكهربا واصلة مضبوط....وعلى فكرة ترى الديلكو يسوى مثل هذى الحركات خاصة السلك اللى بينه وبين الكويل شوف الفيش راكب مضبوط....اما عن الكمبيوتر نعم استبعد ان الخلل يكون منه.....
111333
31/03/2013, 08:21 PM
ان شاء الله افادوك الربع
aserkm
31/03/2013, 10:07 PM
بارك الله بكم جميع


سالمين وغانمين


وسوف أطبق كل ما قلتوه لي



ونشوف وعسى الله يكتب الخير
حلوان الطرايف
31/03/2013, 10:43 PM
اخوي انا معي ربع ٢٠٠٢ تقريبآ نفس المشكله اوقفه بالليل اجي الصباح ابي اشغل يدق بس مايشتغل بعد ساعه يشتغل على طول احيانآ وهو يمشي يطفي ونفس الطريقه يدق سلف ومايشتغل المهم انه عذبني رحت لمحل فحص كهرباء وشبك جهازه قال المشكله من الديلكو والديلكو الكتروني المهم دورته مالقيته ورحت للوكاله وطلبوه من فرع جده وقيمته تقريبآ ١٦٠٠ والله ناسي لكن حول هالمبلغ وعلى طول من وصل للكهربائي بعد يومين وركبه وهنا مربط الفرس الموتر مااشتغل عندها بدأ الضغط والكلام اللي نتج عن فحصه الفاشل والخساير والسياره واقفه من ثلاث ايام وفزع لي احد الزملاء بكهربائي يماني ممتاز لكن غالي شغله واخذ السياره بعد نقلها له بسطحه قبل المغرب وفي الصباح الساعه عشر كلمني قال تعال خذ سيارتك وش السالفه يبو يمن قال من الكويل قلت له مغير الكويل قبل اسبوع والمشكله ماراحت قال فيه شي اسمه عيب مصنعي وهذا قطعه كهرباء والموتر له سنه الحمد لله ماشي وهو قبل عذبني وعفته ههههههه بكل شارع طافي ولا اذا جيت اداوم مااشتغل× هذي قصه مقاربه لمعاناتك هههههه
aserkm
01/04/2013, 04:59 PM
الحمد لله على السلامة

فعلا إذا ما عرف الإنسان السبب في خراب سيارته يتبهذل


*****

طلع الخراب ماهو من الكمبيوتر جاب المهندس كمبيوتر نظيف مستعمل وحطه محل الأول

ومن بكرة وجد العلة نفسها ,,,, قال المهندس خلاص آخر الطب الكي ,,, فوده يغير طرمبة

البنزين ,, ومن الصدف لقى صفاية البنزين مركبة بشكل مقلوب المهم غيرنا الطرمبة والصفاية

وبكرة الموعد الصبيحة أما اشتغل البترول وإلا بأخذه وعلى وين ’’’الله أعلم ,,, لأن المهندس

قال خلاص كل ما عندي سويته وعرفي كله حطيته ,,, والمهندس عن طريق أحد الاخوان يعرفه



دعواتكم يا الربع تكفون ,,,


بارك الله للجميع
aserkm
01/04/2013, 05:02 PM
على فكرة كل توصيلات الكهرباء قال المهندس راجعتها و مشيت معها وكل شيء تمام

قلت له الديلكو والكويل قال هذا أول شيء شفته لا توصي أنا حريص .

ولا زالت قصة التشغيلة مستمرة ودعواتكم .
أصيل حجآ زي
01/04/2013, 05:35 PM
http://www.mekshat.com/pix/upload/images39/mk55341_zaz.gif
الحـمـد ُ لله والصـلاة و الـسـلام عـلى رسول الله
وأزوآجـه الـطآهـرآت الـمـُطـهـرآت أُمهـآت الـمـؤمنين
وآله وصحبه ومن وآلآه وجميع الأنبيـاء والـمـُرسلين .
اللهـُم بـك أهـتـدي وبـك أسـتـعـيـن وبنبيك مُحمدٌ أقتدي .


أخي :
حل مُشكلة صعوبة التشغيل
شرحتها بدرسي هذا تحت رآبطُه :
درس في: الحلول لصعوبة تشغيل المـُحرك بالبرد ‘‘‘ ولمآذا تطفي السيآرة فجئة بالطريق ؟؟؟ (http://www.mekshat.com/vb/showthread.php?t=355679)





موفـق
وتلقى خير بأذن الله


""" و الله ُ أعـــلـم وأكــمـــل """

تـــآبــع دروســي لـلـفـآئـدة
فأنا أُلفها وأجمعها لك بلا كلل أو ملل :

كـيـف تـُـصـبـح مـُهـنـدس سـيـآرآت وكـهـربائي سيارآت ومـنـآزل ؟؟؟ 100% (http://www.mekshat.com/vb/showthread.php?t=226714)

هـذا تحــت رآبــط
دروسي جـمعـُه الـمـهندس
ســــــُوبـر فتك VTC جزآه الله خير
أُهـــديــــه لـكـــُـم جـمـيـعــآ خآصة :
دروس ألأصيل الحجآزي (http://www.mekshat.com/vb/search.php?do=finduser&u=127328&starteronly=1)

أخي :
أن تـرى أني
قـد أفـدتــُـك بــشيء ذي مـعـنى ... :)
وأستحق مـــــنــــــك دعوة صالحة
فــــــــــــــــــلا تــنــــــــــــــســآني :no2:
مـــــن صــــــآلـح دُعــــآك
فأنت كريمٌ وأنا أستآهل .

:burnout2:

تـحـيـــآتي
بــلا حـدود .

<<< أبـو عـبـد الـرحـمـن >>>
""" الأصـيـل الـحـجـآزي """
sgl2002
01/04/2013, 08:31 PM
اذا ما اشتغل اضرب السلف وشف هو بيشتغل او لا؟
MSAN
02/04/2013, 04:24 PM
المشكلة الأولى سببها نحاسات قير النمرة الرابعة..

الحل تغيير نحاسات النمرة الرابعة
aserkm
02/04/2013, 09:57 PM
المشكلة الأولى سببها نحاسات قير النمرة الرابعة..

الحل تغيير نحاسات النمرة الرابعة



شاكر ومقدر لك وإن شاء الله يصير

المشكلة الأولى أبشركم ولله الحمد طلعت العلة بسيطة الطرمبة غير ت الثنتين

واليوم الوضع طبيعي شغلناها الصبح وقلت تأكيد خلها حتى ليلة الخميس

نشغلها ونشوف يعني أكثر من 35 ساعة .


والأمور طيبة إن شاء الله


سلاااااااااااااااااااااااااااااام