المساعد الشخصي الرقمي

مشاهدة النسخة كاملة : سؤال عن صيانة اللاند بعد مائتين الف


خيال الغلبا
30/03/2013, 01:56 PM
اللان الجيب2009 مشى مائتين الف

هل يلزم تنظيف بخاخات وتغيير بواجي وفلتر بنزين

وش يحتاج يااهل الخبره
sgl2002
30/03/2013, 02:14 PM
اللي اخبر سير التيمن يحتاج تغيير كل ١٥٠ الف

والبواجي وفلتر الهواء والبنزين كل ٥٠ الف
شنطة عده
31/03/2013, 06:15 AM
بذكر الاهم
تبديل سير التيمن +الشداد +البكره
زيت القير+فلتر
سير المكينة اذا حاله وسط استبدلة بجديد اصلي واحتفظ بالقديم معك في السياره وان شاء الله ما تحتاجة بس من باب الاحتياط
تبديل ماء الرديتر بماء مقطر مع اضافة المادة الخافظة للحراره والمانعه للصداء (لونه لحمر)لاتشتري المقلد
تشحيم العمود مره كل شهر وان كان مرتين افضل ... العامود فيه 6 مشاحم ويختلف العدد باختلاف الموديل
تشيك على الفحمات اذا تحتاج تبديل
ومن الضروري ان تكون اصلية ومن الافضل ان تشتريها من الوكالة
ونصيحة مجرب
لا تشتري فلاتر الزيت الا من الوكالة .... اشتر اكثر من حبة ولا تركب فلاتر البناشر حتى لو عرضه عليك هدية
لان الفلتر المقلد يخبط بالمكينة ...وكثيراً ما سمعنى بتخبيط المكينة وزيتها جديد وليس به اي نقص!!!
السبب الفلتر المقلد اضعف تدفق الزيت وجعل دورتة ضعيفة وبطئية ومع السرعه العالية
لا تصل كمية كافية لاجزاء المحرك الاكثر احتكاكاً بسرعه تتناسب مع سرعة الاجزاء المتحركه فيتلف المحرك بعد مده ويحدث هذا في الغالب في السفر لمسافه طويله
خيال الغلبا
31/03/2013, 09:49 PM
شكرا لكل من تجاوب
واخص اخي شنطة عده

ماء الاديتر هل اشتريه من اي محل اولازم من الوكاله

بعدين التشحيم كل شهر فيه صعوبه شوي
شنطة عده
31/03/2013, 10:30 PM
شكرا لكل من تجاوب
واخص اخي شنطة عده

ماء الاديتر هل اشتريه من اي محل اولازم من الوكاله

بعدين التشحيم كل شهر فيه صعوبه شوي

حياك الله اخوي
ضروري من الوكاله الجالون سعره 40 ريال والمحلول الي فيه لونه احمر
السوق مليان بالبضاعه المغشوشه
ولاتنسى اكمال الباقي بماء مقطر وليس العادي
التشحيم مهم للاعمده يخفف صوت الدقة الي مع التعشيق ويحميها من التاكل
وبدون تشحيم تتاكل رؤوس الاعمده ويصير فيه فضاه مع الوقت
وترى السالفه ما تاخذ منك عشر دقائق عند البنشري
واذا مره كسلان شحم مع كل تبديل لزيت المحرك

وفيه فرق كبير بعد التشحيم تلاحظه اول ما تمشي ويكون واضح في السياره الاوتماتيك
سيف وقلم
31/03/2013, 10:43 PM
ماء الرديتر حق تايوتا مخلوط وجاهز وما يحتاج إضافة ماء مقطر ...