افضل انواع الفرى واجودها

[الجمس]

اخواني الاعزاء
السلام عليكم ورحمة الله وبركاته
هناك انواع عديده من الفرى منها الصناعي ومنها الطبيعي وقد اختلفت الاراء والاقوال عن افضلها ولكل منها ميزات وعيوب وحيث ان هذا الموضوع لم يتطرق اليه احد في هذا المنتدى على حد علمي رايت ان نطرح هذا الموضوع للنقاش وتبادل الاراء والخبرات لا لشيء ولكن ليستفيد الجميع فارجوا من الجميع ذوي الخبره والتجربه ان لا يبخلوا علينا .
ولكي نبداء الموضوع هناك نوعان من الفرى الطبيعى والصناعي .
بالنسبه للطبيعي فهو المبطن بجلد طبيعي وهناك انواع ( طفالي , وعادي ,وجلد ارانب ,وغيرها) وهذا النوع يمتاز بجودة التدفئه وحسن المنظر, ويعاب عليه الرائحه وتساقط الشعر(وهذا يعتمد على حسن الدباغه) وكذلك ارتفاع السعر وعدم تقبلها للبلل.
النوع الثاني وهو الصناعي ويمتاز هذا النوع برخص الثمن وخفة الوزن وقوة تحمله ويعاب عليه قلة تدفئته مقارنة بالطبيعي .
كما ان البطانه الخارجيه للنوعين لها دور في الجوده , وفي الختام لااريد ان اطيل عليكم واترك المجال لغيري ليدلي بدلوه.

مع تحيات اخوكم الجمس.

[راعي عنيزة]

يعطيك العافيه ياخوي على هالبحث المتكامل

ومثل ما تفضلت الطفيل غالي وحسافه سعره على البر خبرك الا صرت حول الوجار الفروه تروح وطي

عندنا في القصيم مصنع ريم ينتج فرا صناعي ممتازه جدا واسعارها معقوله وايضا في اماراتي يمدحونه وانا ما جربته

[ريح الخزامى]

يعطيك العافيه اخوي الجمس على هالمعلومات

اما انا والله ماحبيت الفرا مدري ليه عندي مشلح طال عمرك وش زينه ومبطنه من داخل بقماش قطن ومتين

والمشلح طالع خفيف مع البطانه وعز الله انك تبي تنسى البرد

تحياتي لكم

اخوكم

ريح الخزاااااااااااامى

[^-^ طير شلوى^-^]

ما قصرتو
وعليكم بالفروة العشماويه تراها فيدت البر والبرد وسعرها زين

والفروه اللي انصح فيها هي الموصليه وسعرها اغلى من العشماويه ولك والزمن
وسلامتكم

[فرد حمزة]

موضوع ممتاز

لكن ...

راعي عنيزة كم أسعار الفرى في المصنع ؟ تقريباً

وأيضاً لايهون أخوي طير شلوى كم سعر العشماويه ؟ تقريباً

[^-^ طير شلوى^-^]

لا هنت اخوي فرد حمزة .. ولا يهنون الاخوان..
وسوعالك عن العشماويه ..
العادية 200ريال وذيه قبابها نص ونص
الزينه من 250 الى 350 وقبابها زين وانصحك بها
وسلامتكم

[راعي عنيزة]

ابو همام
عندهم اشكال كثيره لكن الي زينه على شكل بشت وتلبس فرو صناعي وذي سعرها من 120 -140

[الجمس]

اخواني الاعزاء

راعي عنيزه
ريح الخزامى
طيرشلوى
فرد حمزه

السلام عليكم ورحمة الله وبركاته
اشكركم كثير الشكر على هالردود والمشاركات الحلوه يازبدة المنتدى(وين التمر نغط) .

ريح الخزامى فكرتك ماحد سبقك عليها لكن ودي اشوفك ونت لابس البشت! على فكره واحد من الربع اشترى فروه صناعيه خفيفه وراح للغرابي وشرى جاعدين جلد نيوزلندي اللي تحط على المراتب ولبسها من الداخل (يقول عشان الريحه ونوعية الدباغه) وصارت الفروه ادفى من الرياض في مربعانية الصيف ماتحتاج حتى لفراش تلهلمبها ونم حتى لوانك بالاسكيمو, ولكن عيبها وزنها (طن) والعياذ بالله.

طيرشلوى العشماويه والموصليه هي فرو طبيعي والا صناعي وين تصنع.

مع تحيات الجمس

[الهارف]

السلام عليكم



انا اشوف يا اخوان ان أحسن الفرا اللي مرت علي


1- الطفيليةأو الطفالية.

2- البريداوية.

وهذي احسن وادفى شي مر علي




تحياتي

[الفرعاوي]

المراد لا تقرب فرا الارانب تراها تبلشك بالتنتف و بصراح ناعمة واجد (حقت فيميل)

[الجـ*ــدي]

وانا عندي معلومة عن الوالد وهو من العقيلات يقول افضل فروه هي دبغ الموصل وقباب الشام ولكم تحياتي وهذي موجود في سوريا عند بعض المحلات وذكرت بسوق الزل بالرياض

[أيمن]

( لقد تم إضافة هذا الموضوع إلى المواضيع المميزة والشيقة في هذه الخيمة (http://www.mekshat.com/vb/showthread.php?s=&threadid=8691) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

[عاشق الصفاري]

اشوف ان احسن الفري
الطفيلية ..
والطبيعية .. من صوف الغنم
هي الي تدفي..

[المقدام]

بالنسبة لي فاني افضل الفروه الطفيليه
لانها من تجربتي الخاصة انها خفيفه مره
بس انها تنسيك البرد من جد
المشكله ان سعرها شوي غالي
اذكر اني مره من المرات سألت عنها بنعيريه
قالوا لي ان هذا النوع غالى ما نجيب منه الا حبه او حبتين

لكن الشهاده لله انها فروة

[بــرق الشمال]

باالنسبه لي افضل فروه الطفيليه وايضا من واقع تجربه
ولكن يبيله المحافظه اكثر من غيره لأنه تتقطع شي من عد
الكم..(والله يرزقكم بوحد هديه مثلي):D أرزاااق

[شرقان]

فروه الطفيليه وبس صحيح ان سعرها غالي لكن تستاهل

[علي الشهري]

وين نلقى الطفيلية الممتازة في الرياض
وسعرها بين كم وكم؟

[عبد الله الفايز]

ياشباب الفرا عموما نوعين من حيث الفرو صناعي أوطبيعي( جلد أطفال الغنم) والقباب انت ومزاجك
بالنسبه لي جربتهن كلهن ولقيت
1- اللي يبي يكشخ ويتميلح يشتري طفاليه بس لاينسى لاطلع للبر ياخذ معه كيس علشان يغبي به الفروه لانه ماتنفع مع الرطوبه أو الاستعمال الشديد ( نوم وتمغط ) وريحته مع الرطوبه ماتنفع
2- الصناعي الطيب يكون الفرو زين ولا يكون الشعر طويل يمسك التراب ويتلوى ويصير كريه . فيه ناعم ولا هو طويل هذا هو الزين وحط معه قباب مايبين عليه الغبار والرماد واكشت والبس وتفرش وتغط وتدحوس ولا تعدى المسأله 300 ريال وبكذا تكون استفدت من الفروه والا جا التميلح اشر بشت نبيه السوري الأصلي واكشخ على كيفك ........ شكلي طولت مع السلامه

[توونا]

الطفاليه الفاخره المطرزه من الخارج وان جاك القباب لون لحمي ياسلام وللاسف الشديد ان اسعارها عندنا مبالغ فيه جداجداواسعارها خياليه انا جبت وحده من الشام بمبلغ وقدره 750 ريال الي قيمتها هنا والله 1600ريال واي عضو مكشاتي يبي فروه من النوع الي خصيت فيها نفسي انا مستعد احضارها له بنفس القيمه التي شريت بها من هناك وبكل امانه وماعليه الا مراسلتي على الخاص للتفاهم حول التفاصيل وعسى ان اكون قد قضيت حاجه اخ والله يحفظكم0وللمعلوميه هناك انواع كثيره من الفراء لكن والله الذي لااله غيره اني محبا لكم وان مااشتريت هي افضل انواع الفراء 0

[الجندي2005]

انا والله يالخوان الله لا يهينكم احب العشماوية ثقيلة لكن دواء

[الجندي2005]

عليك بالعشما الياصرت بردان +++++++++ تاقاك اليامن البرد زاد ارتفاعه

[hani458]

اصبرو شوي الناس تصبب عرق وانتم تكلمون عن الفرى انتم في الجزيره العربيه والا سيبيريا

[أبوأحمد98]

والله بالنسبه لي أفضل النوع السوري ..ويفضل الفرو طبيعي ..عندي فروه له خمس سنوات سوريه فروه صناعي التدفاه ممتازه عالكه علك بالبر والديره أنام وأقوم وأنا لابس الفروه ..ولو تشوفونه تقولون جديده مشاء الله ..

[عاشق الفرعه]

أهم شي يدفي