الفزعه ياجماعة الخير ...

[أبـوالوليد]

السلام عليكم ورحمة الله وبركاته

واسعد الله جميع اوقاتكم بكل خير

حبيت استفسر مااهي افضل سوبر بنلي .. من حيث الجوده العاليه والصنع لانه يوجد ايطالي وامريكي ..



ارجو الافاده .. وطمعاً في كرمكم اذا حصل صور لها يكون افضل .

هذا وتقبلو خالص احترامي وتقديري ...

[كهرباء الرياض]

يفيدونك اهل العرف

[أبـوالوليد]

كهرباء الرياض .. شكراً لك

[مدمن مررقوق]

انصحك بالاكستريما 2 تسوق ومهنا رجف فية نظام يخفف الرجف والسوبر يبيلك ترهمه عشان ترمي بة رمي البرتا والماصورة حول 7 الاف الطيبة

عندك البرتا شد بلد من والى بس يعيب البنلي والبرتا السعر المبالغ فية 21 الف ريال للجديد

[أبـوالوليد]

الله يعطيك العافيه اخوي الغالي مدمن مررقوق ..
ياليت وفضلاً لا أمراً توضح اكثر وش افضل شي بغض النظر عن السعر .

ويايلت تورين صوره له لان محاتسيك مامن امور .
وابشر بالمرقوق اللي يدسم شاربك

[صقار محترف]

كلهن مثل بعض ولايوجد فرق الا بالكتابه
يعني الجوده وحده
انا بندقي مكتوب عليها USA وبعدها ميد ان ايطاليا

واذا تنشد عن الافضل اكيد البلاك ايقل اشتري وانت مغمض لا عيوب مصنعيه ولا اعطال ولك وللزمن وقيمتها فيها عند البيع
وبالتوفيق

[a7beck]

كل موديلات البنلي تقول الزين عندي ويميزهن قلت الاعطال واجزائها بسيطه مافيها تعقيد
عندك السوبر سبورت والسوبر فنشي والفنشي والبلاك ايقل تو و ام ون وام تو وكمفورت وريفالو

[حر النداوي]

تبي نصحيتي خذ لك اكستريما 2 فيبر طول 30 انش
اما البنلي لازم ترهم لك ماصورة وشغلتها شغله
بالتوفيق

[الشرطه]

افخر انواعً البنلي هي الليمتد سعرها يتجاوز ٣٠ الف ريال

[يحيى 2400]

ياساتر يالاسعار ٣٠ الف هذه تفك ازمه ماليه
٢٥ الف اشتري بها سيارة و ٥ الاف اشتري شوزن تركيه واقنص على كيفي

[س ل ط ا ن sul]

اللي يسمعكم يقول الصيد عندنا متوفر

والله ما شتري شوزن ب 20 الف هذا و الفشق بعد ناز
لا وفرضا اني اعميت وطقيتها احوم بالشعبان من الفجرية الين المغرب ولا القى شي

وش الفايدة!!!!