استفسار عن زيت مكينه الفتك [الأرشيف]

مشاهدة النسخة كاملة : استفسار عن زيت مكينه الفتك

tiger-ksa

26/02/2013, 03:30 PM

الموضوع باين من عنوانه :D

وعندي استفسارين

1ـ وش المقصود بعدد اللترات يعني من خلال بحثي وجدت

ان الفتك عدد الاحصنة 280 حصان و عدد اللترات 4.8 لتر

الشي الثاني

الحين اذا بغيت اغير الزيت والسيفون للمكينه

كم علبه بالظبط احط فيه

بالسيفون وبدون السيفون

لاحد يقولي ارجع لكتييب السياره لاني شريتها وهو مو موجود

علما ان المديل اللي معاي 2004 فتك ووين احصل كتيب لها :D

والبنسبه للزوجه الزيت ونوعيه واكثر وبعد كم كيلو اغيره

لان اكثرت المواضيع ولا حصلنا كلام يجمد على الشارب

اللي يقول كل 5000 الاف غيره

واللي كل 12000 غيره

واللي كل 8000 غيره :D

تعددت الاسباب والموت واحد ،،، :good2:

شاكر لكم تعاونكم .

العطاوي a511

26/02/2013, 04:03 PM

خذ العلم الاكيد زيت مكينه الفتك 5-30 هاذا اللي مسجل بالكتالوج عدد العلب 6 ونص بدون سيفون بالسيفون 7 الا شوي ودايم خل العيار بينك وبين اهل تغيير الزيت لانهم يقولون 7 ونص ولو تسحب العيار تلقاه اكثر من الازم ممشى الزيت العادي معروف 4 الى 5 الاف كيلو لاكن عندك زيت موبيل الاصلي يمشي 15 الف وهو افضل زيت للمحركات الجديده

ابوسند9

26/02/2013, 10:50 PM

زي ما تفضل اخونا العطاوي
وبدون سيفون 6.8 لتر
والتر سفن افضل شي
ونا امشي فيه من 8000 الا ف الى 12000 الف كيلو

tiger-ksa

27/02/2013, 12:21 AM

الله يعطيكم العافيه على المرور الطيب والمشاركه البنائه للموضوع

الحين انتم شايفين

واحد يقول

هاذا اللي مسجل بالكتالوج عدد العلب 6 ونص بدون سيفون بالسيفون 7 الا شوي

والثاني
بدون سيفون 6.8 لتر

فيه تناقض صح :)

ماحد حاوبني للحين المقصود بعدد اللترات وش ؟

ولاتنسون كم علبه بالظبط احط :(

العطاوي a511

27/02/2013, 02:05 AM

6.8 بالسيفون يقصد بس غلط بالكتابه

عدد اللترات معناها سعه المحرك الفتك سعه المحرك 4.8 يعني 4800 اللي مكتوبه بالباب وتقاس ب سم متر المكعب وهي سعة الاسطوانة لاستقبال الخليط وقود وهواء

وبكل السيارات باختصار يعني مقدار استهلاك السياره للوقود عند أعلى قوه للمحرك باللتر لكن بالطبع كل مازاد عدد اللترات كلما زادة قوة المحرك وزاد استهلاكه للوقود

4x4ofroad

27/02/2013, 09:23 AM

بالنسبه للزيت مثل ماجاوبوك الشباب
6.5 بدون سيفون
6.8 مع السيفون
انا كنت امشي على الزيت من 5000 الى 7000 واغيره

بالنسبه لسؤالك عن عدد اللترات 4.8 هذي سعه المحرك يعني سعه غرفة الاحتراق اللي هي السلندر
ماله علاقه بعدد علب الزيت
والدليل ان الاند كروزر جي اكس سعه المحرك 4500 وياخذ 8 علب بينما ال في اكس ار سعه المحرك 4700 لكن ياخذ 7 علب زيت
والفتك 4800 وياخذ 6.5 والكامري 2400 وتاخذ 4 علب يمكن
زبده الكلام سعه المكينه مالها دخل بسعه الكارتير الزيت

tiger-ksa

01/03/2013, 03:08 AM

الله يعطيكم العافيه اخواني

انا غيرته قبل 3 شهور وحط لي 8 علب مع السيفون هههههههههههه

وبالصدفه لقيت واحد يسائل ميكانيكي حق نسيان

وقال نفس كلام صاحب الورشه اللي حط لي 8 علب

قال سبعه ونص بدون سيفون و8 مع السيفون

بس ان شاء الله من يوم ورايح على 6.8 علب مع السيفون

:::)

ls1.5700

01/03/2013, 08:24 PM

ياخوان الوكاله حاطه عيار زيت بالمكينه
حط زيت كثر ماتبي بس اهم شي لاينقص عن العيار او يزود وبس
واللي يقول 6,5بدون سيفون و مع السيفون 6,8
اقول له مع كل احترام ماعنده سالفه
جربنا بسفون وبون سيفون ولا نفع
انا معي فتك واعبيه زيت مع السفون 7,5 سبعه ونص
ويالله ياصل المقاس بالعيار
وهذا المقاس الصحيح

tiger-ksa

02/03/2013, 02:38 AM

Noz

02/03/2013, 09:23 AM

من عرفت الفتك وانا اغير 7 علب مع سيفون ما عمري غيرت زيت بدون سفون و التغير يكون على 5000 كيلو و الزيت شل وارد الجميح

4x4ofroad

02/03/2013, 10:19 AM

اخوي ls15700 سجل هنا واحد ماعنده سالفه
لكن كاتلوج السياره والمواقع الاستراليه ووكاله الجبر تقول نفس الكلام

العطاوي a511

02/03/2013, 11:58 AM

بيض الله وجهك يا
ls1.5700 (http://www.mekshat.com/vb/member.php?u=250490)

عزا الله كفيت ووفيت

وحصلنا الاجابه الوافيه اللي هي

7.5 بدون سيفون
7.8علب مع السيفون

والدليل عيار السياره

بانتظار موضوعك عن الفيوز اللي خاص للقير جواء الطبلون يا اخ ls1.5700 (http://www.mekshat.com/vb/member.php?u=250490)

اخوي 8 علب كثير اترك عنك الهرج الفاضي واسمع الكلام اللي يجمد على الشارب رح غير زيت الفتك وقله حط 6 ونص وشوف العيار طبعا بدون سيفون

وللمعلوميه الفتك اذا شغلته يطلع الزيت فوق لو تعاير من هنا لابكره تحصل الزيت ناقص لان الراس لحاله ياخذ علبه لاكن طريقه العيار الصحيحه تعاير والموتر طافي ولاتشغله ابد واذا تبي تعاير بعدين طف الموتر اقل شي ثلاث ساعات لين ينزل الزيت وانا اعايره الصباح اذا جيت اروح الدوام وهي افضل طريقه جرب ورد لنا

العطاوي a511

02/03/2013, 12:00 PM

اخوي ls15700 سجل هنا واحد ماعنده سالفه
لكن كاتلوج السياره والمواقع الاستراليه ووكاله الجبر تقول نفس الكلام
وانا معك سجل رقم اثنين ماعنده سالفه :D

tiger-ksa

02/03/2013, 11:30 PM

فتك08

03/03/2013, 12:40 AM

اخوي انا اخر تغييره لي حاط 8 علب مع السيفون

وطبعا عايرته الصباح وهو طافي طول الليل وحصلته سليم

لاكن مو معقوله كذا ثمان علب

واللي شجعني اكتب الموضوع

ان واحد من العيال معاه فكس ار

غير الزيت مع السيفون وحط 6.8 علب وهو فكس ارا ثمان سلندر

هنا الغريب بالموضوع

ماعليك من السيارات الثانية 6سرندل أو 8 أو إن شاء الله1000سرندل:D

المسألة يالغالي مختلفة تماما....لكل سيارة كمية زيت محددة لاتقاس بحجم المكينة....

الفتك معي أعبيه 6.8 مع السيفون و لايغلق بالتمام....يكون مابين الخطين أو أقل....

أعبيه 7علب مع السيفون يغلق إلى قبل مايلامس الخط الثاني...و مرة عبيته7.2 ....

طبعا تصريف الزيت و تفريغه بشكل كامل من أهم العوامل المؤثرة...كذلك تفريغ العلب

بالتمام في المحرك لاخر قطرة.....

للمعلومية الباترول الستاندر 4500 ياخذ 7.5علب حسب الكتالوج...بينما الفتك

4800 و ياخذ6.5 حسب الكتالوج....

ثعول البرد

20/07/2014, 03:36 PM

الزيت الزايد يفقع الصواف.

الحميضاني

20/07/2014, 04:09 PM

السلام عليكم الفتك اتوقع نفس ال4200 وال4500 كلها 8 علب مع السيفون وبدون سيفون 5'7 طبعا ال4200 وال4500 كلها متاكد منها انها8 علب مع السيفون

vtc-6688

24/08/2014, 07:44 AM

اللهم لك الحمد حتى ترضى ولك الحمد اذا رضيت ولك الحمد بعد الرضا ,,,
العلم الاكيد لزيت الفتك 2014 // 6,8 يعني 7 علب الا ربع مع السيفون وبدون السيفون 6,5 من واقع تجربة ...
هذا كلام الكاتلوج وتجربتي الشخصية
وللعلم عيار الزيت مارح يعطيك نتيجه الا بعد ماتوقف السيارة اقل شي 4 ساعات
نصيحة / ينقص الزيت ولا يزيد

MSAN

24/08/2014, 02:04 PM

عدد اللترات هو حجم إزاحة المحرك في لفة كاملة (أربعة أشواط)..

أبسط شرح هو لو تفك المكينة وتعبي السلندرات موية تجي سعتها 4.8 لتر

بالتوفيق