المساعد الشخصي الرقمي

مشاهدة النسخة كاملة : الكلتش الرياضي FJ


زيد المحمد
11/02/2013, 07:23 AM
السلام عليكم

انا معي اف جي قير عادي واحترق الكتلتش
نصحوني بلكلتش الرياضي
م عنده معلومات عنه وكيف اطلبه وهل يوجد بالرياض

شكرا لكم
نجم404
11/02/2013, 07:46 AM
يفيدوووونك الإخوان أن شاء الله
كومبو
11/02/2013, 03:43 PM
الكلتش الرياضي عمره أطول
يعيبه شيئين ثقيل يعني يبيلك تسوي تمارين لرجلك اليسار
وسعره غالي من 400 دولار وانت طالع
مدهوش
11/02/2013, 04:15 PM
السلام عليكم ورحمة الله وبركاته

الكلتش الرياضي يجي انواع مثلآ :
نوع اسمه إكسيدي (سنقل - دبل - تربل)
نوع اسمه ماكلاود (سنقل - دبل - تربل)
نوع اسمه او اس (سنقل - دبل - وتربل) وهو الأفضل (حسب وجهه نظري !!! ومن واقع تجربة)

مواصفات الكلتشات المذكورة بشكل (عام) تمنع حصول الإنزلاق بالكلتش مما يعطي نتيجة اندفاع جيدة ومرونه وخفه الحذاف يساعد على التسارع (الآر بي ام) بشكل واضح وتصبح النتيجة رياضية .

ولكن لي وجهه نظر اخرى بالموضوع بما يخص موترك :D

الكلتشات المذكورة لا تناسب سيارتك بتاتآ لأنها كلتشات رياضية وفيها (خشونة) بالتعامل وسيارتك بلد ولا تحتاج هالأمور لأن اسلوب قيادة السيارة بالكلتش الرياضي تختلف عن الكلتش (بلد) وبما يخص مشاركة الزميل كومبو انها ثقيله يمكن يقصد انواع انا ما اعرفها لكن الكلتشات اللي ذكرتها ما يفرق ثقل دعستها عن البلد شي كثير امممم يمكن 5 او 10 بالميه فقط . ولكن طريقه قومة السيارة فيها مختلفه ويبغى لها حساب معين ولا انصح بتاتآ انها تركب على موتر شخصي.
انا مركب كلتش (او اس - دبل) قيمته تقريبآ 9 الاف ريال مع التركيب وعمره الإفتراضي قرابه 7 سنوات على حسب الإستخدام يمكن يزود والموتر فتك ربع معدل يصل قرابة 340 حصان والجدير بالذكر انه ليس موتري الشخصي ولو هو كذالك ما قدرت اتحمله اكثر من اسبوع .

بإختصار الكلتشات الرياضية غير مناسبه لسيارتك (هذي وجهه نظري وكلآ له وجهه نظر).

ارجوا اني قدمت لك ما يفيدك ولو ما وفقت بتغيير قرارك يسعدني خدمتك باللي تبيه
أبوخالد501
11/02/2013, 07:29 PM
مآفيش احسن من البلد والاف جي موتر مآيحتاج تزويد وخرآبيط عشآن النفود موتر يمشي معك وين مآتبي مشآلله عليه
الشمري12
12/02/2013, 01:53 AM
الرياض ........... الصناعيه القديمه مخرج 17 ,,,,,,,,,,,,,,,مركز البريدى للكلتش عند الى تبيه ان شاء الله

هاذي الزبده وكثرة الكلام من قل ودل
مظلووم
13/02/2013, 06:20 AM
يازين الموتر على وكالته
برق الدهناء
01/09/2013, 01:36 PM
أخوي الشمري ياليت وصف للمركز اللي ذكرته ... وشكراً
راعي المجهم
02/09/2013, 01:10 AM
هل فيه نوع مخصص لجيب ربع تويوتا 94

ام اركب كلتش جيب جكسار صالون