للي بيشتري سياره جديده ابشرو بنزول 25الى 30% ((للي بيشتري **))

[اخو سعود]

الي ناوي يشتري سياره لايستعجل نصيحه اخويه عبر نفسك كم شهر لين تشوف النزول القوي

لان سعر صرف الين مقابل الريال (الدولار )انخفض اكثر من 27% تقريبا
لان الين في شهر سبعه ميلادي الماضي كان سعر الصرف للين مقابل كل دولار 76
واليوم سعر الصرف للين مقابل الدولار94 ين لكل دولار والانخفاض قوي جدا جدا وسوف يؤثر على اسعار السيارت بشكل قوي و الزلازل الي رفعت الياباني زالت الان
وانا ملاحض الوكاله جالسه تسوي عروض قويه تبي تصرف السيارات الي ماليه المستودعات
حتى على العروض لحد يستعجل نصيحه لان فيه انخافاض قادم لجميع اسعار السيارات
لايضحكون عليكم الوكلاء ويصرفون
وخلال كم شهر قادم بتشوفون اسعار ما توقعتوها ابدا

وهاذا تقرير من مجله لندن

انخفاض الين مقابل الدولار مقتربا من أقل مستوى في ثلاثة أعوام
[06/فبراير/2013] لندن- سبأنت:
> انخفض الين الياباني مقترباً من أقل مستوى في 33 شهرا مقابل الدولار وأقل مستوى في 34 شهرا مقابل اليورو اليوم الأربعاء بفضل توقعات لقرب تعيين رئيس جديد لبنك اليابان المركزي للإسراع بوتيرة التيسير النقدي. وفي أحدث تعاملات ارتفعت العملة الأمريكية 0.2 في المائة إلى 93.77 ين.
وارتفع اليورو مقابل الين الياباني ليسجل 127.71 ين.
ونزل اليورو مقابل الدولار 0.3 في المائة قبل قرار البنك المركزي الأوروبي يوم غد الخميس إلى 1.3537 دولار مبتعدا من أعلى مستوى في 14 أسبوعا الذي سجله الأسبوع الماضي عند 1.3711 دولار.
وزاد اليورو 2.5 في المائة مقابل الدولار منذ بداية العام ويسعى بعض المتعاملين في السوق لجني الأرباح إثر المكاسب القوية.
ونزل الدولار الأسترالي إلى أقل مستوى في شهرين ونصف الشهر عند 1.0312 دولار أمريكي اثر بيانات ضعيفة لمبيعات التجزئة في أستراليا مما يصب في اتجاه خفض أسعار الفائدة هذا العام.

[Bader-M]

وعليكم السلام
العملة لسيت العامل الوحيد بارتفاع السيارات
ربما ينزل ولكن 25 % نسبة كبيرةجدا
اذا حدث نزول باسعار السيارات اليابانية فانه لن يزيد عن 5-8 % بالكثير

تحياتي اليك

[راعي المكشايت]

يا رجال عندك هنا ما فيه امل تزود يعني تزود

شف الفرق يبننا وبين دول الخليج اقربها قطر

سعر الفل عندهم بسعر الاستاندر عندنا

الفرق الحين اقل شي 6000 الاف ريال بينا وبينهم
يعني الاخبار ذي ما تفيدنا بشي

قلنا منظمه التجاره العالميه جت وهي اللي راح تنزل الاسعار الان المورد للسيارات حسب قانونهم انه ما ياخذ اكثر من 15% مكسب الحين هم ياخذون 500% ولا حسيب ولا رقيب

[الوافي.]

ما عمر سلعة محتكرة عندنا ارتفعت اسعارها ونزلت بعد ذلك
اذا ارتفعت القيمة قالوا ان الدولار ارتفع
واذا ارتفعت مرة ثانية قالوا الين ارتفع

[sgl2002]

صحيح كلامك

وواحد اعرفه اشترى بطل الدروب ولقاه نازل سعره

[السومر]

ان شاء الله يكون صحيح

الله كريم

[ابونبيل]

لو كان كلامك صحيح كان ما ارتفع سعر الامريكي الجموس والشفر مع انا الدولار مدحدر

الي يتحكم بالسوق التجار ليس العمله العمله مجرد مخرج لهم

[متنور]

ان شاء الله يكون الخبر صحيح

[أبو جراح11]

لو الله يفكنا من الوكلاء الحرامية كان السيارات رخيصة
وقطع الغيار أرخص
الله يرخص مناب المسلمين00

[احلا خال]

لنا الله يعطيك العافية

[أبوفيصل 2007]

كل شيء في ارتفاع للاسف
اجل متر الارض في حي عكاظ (بجنوب الرياض) قبل اسبوعين معروضة علي بـــ 900 ريال الآن اصبح السعر 1100 ريال !!!

[kssa]

نظرياً كلامك صحيح


لكن واقعياً ما فيه شي ارتفع عندنا ورجع سعرهـ ينزل


لأن ما فيه رقااااابة

[ابوسند9]

والله لو تصير الربيه الهنديه اقوي من الين كلها واحد مافيه شي ينزل عندنا كله سنود في سنود
كل سنه زياده من 5 الى 15 % وخاصه سيارات تويوتا وباقي الوكالات سلكت مسلك ابو جميل
وقطع الغيار كل سنه بزياده

[بدوي جنوبي]

عندنا اذا زاد الشي ما راح ينزل حتى لو نزل في العالم

[واحد منكم]

ياحبيبي لاتحسب ع اللي برى الدعوى عند التجار اللي هنا والله لو تنزل برى بفلوس التراب ان هنا ماحد بينزلها بيشلحونها ويرفعون السعر جشعع مو طبيعي ولارقيب ولاحسيب خالي شاري موتر من الكويت فرقه عن السعودي 17 الف لا وشاشه وجنوط وكل شي عكس السعودي يجيك عادي

[أحمد محمد1429]

الأسعار إذا إرتفعت مانزلت وخاصة بسبب العمله

[بريق الحسام]

عندنا تحالف ضد المواطن من رأس الهرم إليييين أسفله وحكاية ربط بدولار وين كلام فاضي وعذر القوى للضعيف أكذوبة لابد على المواطن تصديقها ...المقاطعة جند لها جنود وفصل الإعلام عنها حتى بعض عباد الدراهم من الشيوخ أجهضوها وأضعفوها أقصد المقاطعة وحبسنا في قفص الأسعار المفتعله لاأحد يقدر يستورد تحت 2005 وغيرها كثير
سؤال لماذا لم يتكلم الإعلام في اﻷسعار بكل مصداقية ومن المستفيد ...؟عموما إحنا ضد التيار عجبنا واللا نبحث عن بدثاني عصر الاستقطاع ...

[Anwar abdulla]

اول خلهم يوردون لنا سيارت مثل باقي الاوادم بعدين ينزلون الاسعار

هذا يركب قطع صينيه والثاني يطلب فل كامل بدون شاشه وغيره يقول هذا فل كامل بالاخير يطلع فل ناقص وفيه برا احسن منه مواصفات

خلها على ربك فلوس الاحتكار كلها سحت

[You Like Me]

الله كريم

[أبو هشام راشد]

تذكرون خلوها تصدي :)

[يكفيني نظرة]

خير القول في هالمواضيع حسبنا الله ونعم الوكيل

[طواش]

كل شيء في ارتفاع للاسف
اجل متر الارض في حي عكاظ (بجنوب الرياض) قبل اسبوعين معروضة علي بـــ 900 ريال الآن اصبح السعر 1100 ريال !!!
اخوي الشراي موجود اذا قلت غالي غيرك يشتري ويرفع السوق هناك دعم من الجماعه الصفويه ;) سكان العوامية سابقا الحين يشترون في الرياض والطايف بل وصلوا حاييل وصاحب الارض يبغي الزود وهم الله يكفي شرهم :f

[ابوكشتات]

الله يسمع منك بس ماتوقع عندنا بيصير نزول لأنه محد يحاسب التجار والضحيه المستهلك

[ابو هشام]

جزء من المشكله في التضخم. والتضخم ماله حل

[مضارب سيارات]

ياخوان قبل اسبوعين الشاص 13 البريمي ب158 الف ريال

اليومين هذي تدري كم وصل الشاص 13 اخر دفعة ولا يوجد لا في الامارات ولاهنا 175 الف


نسال الله ان يرخص للمسلمين جميع معاشهم

[سفير الجزيرة]

انا بقول لكم اللي حصل معي

نسيبي شرا gxr2013 قبل الحج بـ 230 الف وارد ابو جميل

شريت أنا شهر صفر بـ 222 ألف من الشفاء ،، طبعاً نفس اللي شرا نسيبي فل كامل

واليوم يقول لي أحد الشباب إن زميلة شراه فل كامل في المجمعة بـ 215 ألف



بالنسبة للسعرين الأولين أنا متأكد مية % ،، لكن هل فعلاً نزل لـ 215 ألف ،،، ما ادري بس مابي اكذب الرجال

،، ولا تستبعد إن الاسعار بدأت تنزل

[اخو سعود]

ابشرككم تحقق كلامي والنزول تونا في بدايته الان الجي اكس ار عند الهملاني 2013 فل كامل دفعه اخيره 211 بعد ما كان وقت كتابه االموضوع 231 وياقي تونا في بدايه النزول وسوف ترونه ب 155 قريبا الان الين 102مقابل الدولار يعني باقي تونا ببدايه النزول نصيحه لاحد يشتري الان وانصحو اقرباكم

[وااضح]

ابشرككم تحقق كلامي والنزول تونا في بدايته الان الجي اكس ار عند الهملاني 2013 فل كامل دفعه اخيره 211 بعد ما كان وقت كتابه االموضوع 231 وياقي تونا في بدايه النزول وسوف ترونه ب 155 قريبا الان الين 102مقابل الدولار يعني باقي تونا ببدايه النزول نصيحه لاحد يشتري الان وانصحو اقرباكم

والله ما قصرت حتى الذهب طاح سعره

[أنصر نبيك]

عندنا تجار مايخافون الله

[abo naser 1]

الله يجزاك خير

كلام سليم ليس على السيارات فقط بل جميع المنتجات والعقار والمواد الغذائية قريباً ستنكشف بأذن الله

يعلم الله دخلت للمعارض النسيم والشفاء بسيارة شعبية جداً العادة مثلها تنباع قبل دخول المعارض ها المرة من الركود يعلم الله حتى سوم ولو بخس لم تسام

[أبو جراح11]

والله البلا مهوب في التجار ((( دامنا عارفين انهم نصابين ليش مانحاربهم))
البلا فينا
بالله عليكم الجيب الشاص
وش فية عشان يصير ب170000
والله حدة 60 ألف وكثيرة علية
والا الربع بالله وش فية

بس حنا شعب نستهلك وما علينا
وتلاقي الواحد عندة بدال السيارة 3 سيارات

[حسين السبيعي]

الله يعين كل شي غالي

[فارس البيد]

كلامك صحيح لكن هذا في دول غير السعوديه

أما عندنا

مستحيل مستحيل مستحيل مستحيل مستحيل مستحيل مستحيل

سلعة ينخفض سعرها اغسل ايدك

في بقية العالم السلع ترتفع وتنخفض حسب العرض والطلب وحسب الاسواق وسعر العملات الخ ..

لكن عندنا مافي سلعة انخفض سعرها أبد

[المسنلم]

بهالموضوع كلمه تختصر جميع ماقيل

إذا كان خصمك القاضي فمن تقاضي
الحين موضة البلد المسؤلين والروس الكبيره في البلد صارو كلهم تجار وكل واحدمسك قطاع معين 00طبعا ذول كلهم فوق النظام والمحاسبه 00والظحيه المواطن00 وسلامتكم

[نافارا.......]

الله يبشرك بالخير

[أطلال نجد]

نظرياً كلامك صحيح


لكن واقعياً ما فيه شي ارتفع عندنا ورجع سعرهـ ينزل


لأن ما فيه رقااااابة

أتفق معك 100٪

[اخو سعود]

يا اخوان الي بيشتري يصبر الان بداء النزول الكبير والي بيشري بعد كم شهر بيوفر اقل شي 50 الف
نصيحه تكفون لايضحكون علينا

[فارس البيد]

اصلا المساله مسألة تحدي بين التاجر والمستهلك

المستهلك ينشر حملات لمقاطعة التجار والتجار يقمون برفع السلع أكثر وكأنه نوع من التأديب للمستهلك حتى لا يشق عصى الطاعه ويبقى ذليل للتاجر

وتذكرون حملة مقاطعة السيارات تقريبا عام 2010 عندما تم نشر حملة بعدم شراء السيارات حتى ترخص اسعارها

لكن وش اللي حصل ؟

ارتفعت الاسعار بزيادة وكأن فيه تحدي من التاجر

ونفس الشيئ لحملة مقاطة شركة المراعي

الخ .. من الحملات

ومثل ما قال احد الاخوان اذا خصمك القاضي من تقاضي

[ورد الربيع]

كلام أبو سعود ماشي مع الصواب لكن نسبة الإنخفاض متوقعة 15% خلال عام ونصف
ثم يبدأ الهبوط وهالكلام مبني على توقعات علمية لأوضاع العالم ( الإقتصادية )
لا سبيل للتاجر سوى برفع الهامش الربحي بالأقساط 00وبتخفيض قيمة القسط
أما الكاش يبدو مستحيلة يرفعون علما أن هامش الربح المتفق عليه لدى الشركات المصنعة
لا يتم تطبيقه هنا وهناك حنق كبير على وكيل تويوتا من اليابان لكن المسألة لن تطول

[ابوضيف الله]

والله ياخوفي مثل ما نسمع ان العقار بينزل من كم سنه وكل ماله في زيادة
والله المستعان

[مضارب سيارات]

ابو سعود بشر عساك شريت الاسعار زادت مانزل شي

[برق نجد 22]

صدقت أبوسعود كثير من.السيارات نزلت

[شرقا]

صدقت أبوسعود كثير من.السيارات نزلت


وش هي اللي نزلت؟؟؟

هو يتحدث عن الياباني...لكني اتوقع العكس بالذات عالياباني للاسف بتغلى

[مكشاتي الجزيرة]

ذكرتني..بحملة خلوها تصدي...هههههههها...

[محمد 2002]

ما فيه نزول الأسعار هي هي والصراحة زين انها ما ارتفعت مع لعبة الإحتكار الي حاصلة عندنا
ولا ننسى نتائج حملات المقاطعة السابقة وأذكر منها حملتين
حملة حليب السعودية وزادوا علينا نصف ريال في كل علبة يعني 50 % من سعره
وحملة خلوها تصدي وفي الأخير ارتفعت وحنا الي صدينا
طبعا الحملات جيدة ولكن بشرط تفاعل وزارة التجارة بضبط الأسعار

[وسيع الصدرر]

انا مااعرف عن العملات شي لاكني لاحظت نزول بسيط في بعض السيارات

[تميم2222]

صحيح كلامك

وواحد اعرفه اشترى بطل الدروب ولقاه نازل سعره

وين شراه. وبكم خذه. بالله ؟؟؟

[سعود27]

يووجد نزول طفيف عن السنتين السابقه

[تميم2222]

اقرئ الردود. والله الربع صابهم يأس من نزول الاسعار. وانا شكلي بنظم معهم��������. ياجعل من رفع سلعه بغير حق. انها تروح في مصاريف علاج له.